الشوق يمّـك بـلا عنـوان ودانـي
 

وجه القمر يختلف في نصف شعباني
نوره يفجّ الغسق في منتصف ليلـه
يا بنت زاد الخلل واهتـزت اركانـي
يا بنت قلبي تولع مـا بقـى حيلـه
يا بنت قلبي عطيب وجـاك مجانـي
ما له هدف غير تنصت له وتوحيلـه
الشوق يمّـك بـلا عنـوان ودانـي
ياويل ويل الخفوق من الغـلا ويلـه
يامهرة ترتشـف قاعـي وميدانـي
يوم السبق كل فارس هيبتـه خيلـه
وردك شكا للجناين زحمة اغصانـي
واشكي على راوي الخيطان وابكيـله
القلـب نـوّخ بديرتكـم وخـلانـي
ردوه ولاّ عطونـي رابـط ايميـلـه
الحزن خيّم ودمـع العيـن غدرانـي
خـدي تبلـل منـه وابتـلّ منديلـه
لو شفت قلبي من القسوه وماجانـي
فزّيت وقت الخشوع وقمت تدعيلـه
من شرب كاسي وذاقه ردّ يظمانـي
واللي روينـي حنانـه زاد حبيـلـه
هجير حبك وجمر العشـق يصلانـي
ما ينفع الشرح عيب الشرح تطويلـه
دوّر حنانـي بنبضاتـك وتلقـانـي
يمكن حنانك يفيض وينتشـي سيلـه
الوقت وافي خذالـك لكـن اعطانـي
واوفيت قلبك وقلبي منـك باقيـلـه
ما همني مـن يعاتبنـي ويزرانـي
ما يعرف الحب واصنافـه وموديلـه
بالطايلـه والعزايـم مـا تعـدانـي
ما حيلته غير قـال وقيـل توصيلـه
اجر صوتي بحبك واعـزف الحانـي
طرقه حجـازي وبالونّـات ترتيلـه
حبك قريحة مشاعر تبنـي اوزانـي
ما غيرك اروبـع القيفـان وابنيلـه
سارت حياتي قضيّه وانتـي الجانـي
اصدر خفوقي قرار وصعب تعديلـه
شوفي قراره بصفحة ليش هجرانـي
ما ينفتـح كـوده إلا بعـد تحميلـه
الكلمه اللي هدفهـا فيـك تنصانـي
وانا بعد مـا يجينـي فيـك تمثيلـه

سلمتِ ع الابيات اللي فاقت الروعة
:5363[1]::5363[1]:

سلم يراعك والجمال
وسلمت الذايقة
كلمات شدت انتباهي
وهي ممتعة وجميلة
لك خالص الود والتقدير

-










سلمت الأيَادي وَ يعطيك العَافية
لرُّوحك إكليل الوَرد .:261:

موضوع جميل جداً
أبدعتم بأنتقآئكم لهُ يالغالين
شكرآ جزيلآ لكم يآ ورود ع حسن الانتقآء
ربي يعطيكم كُل العافيهَ
ومآ يحرمنـآ منـكم
متميزون
ومتألقون
ومُبدعون
دوماً وبكُل مآ تنتقون
سلمت يدآكم وبوركت
في انتظار القـآدم بـ شوق لآ ينتهـي
دمتم بألف خير
~..ـجورياتي

عاشق الغاليه