الله يسامحهـا صواديـف الأيـام
 

الله يسامحهـا صواديـف ،، الأيـام
هي سبة الجمعـا ،، وهـي فرقتنـا

ما بين صدر البيت والعجـز أعـوام
يا مـا مواعيـد الفـرح ،، جمعتنـا

بعض القصايد تنسكـب كنهـا الهـام
إمـا خـذت وإلا تـرى مـا عطتنـا

تشبه على الطـاري تغاريـد الأنغـام
تنقض جروحـــ ((ن)) في الهـوى عذبتنـا

وأكثر تواصلنا علـى عشـرة أرقـام
قلنــــا تطفـي الشـوق ثـم ولعتـنـا

عِشْرَه مِداها فوق صفحـات وأقـلام
تقدر تقـول إنـا (بـذر) و زرعتنـا

من كبرها صارت مجرات وأجـرام
ثـم إنثرتنـا فـي السمـا واشعلتنـا

صرنا كذا إحسـاس لوحـه ورسـام
لا باعت اللوحـة ولا هـي شرتنـا

عِشْـرِه بدايتهـا قبـل عامنـا العـام
خَـذَتْ مواثيـق الهـوى وربطتـنـا

وحطت علينا أقفـال وأقفـال ولحـام
ومـن لوعـة الأيـام قـد حذرتـنـا

ودارت ظروف الوقت وصدوف الأيام
ثــم أتعبتـنـا وأتعبتـنـا أتعبتـنـا

ساعه تجيني طيـف وأحيانـا أحـلام
وساعات أعيـش بذكريـات إجمعتنـا

وين اتصالك وين يـا ذيـك الأرقـام
ابطـى اتصالـك وابطـت مراسلتنـا

وش عاد باقي يـا صواديـف الأيـام
هاتي مـن الآخـر تراهـا أوجعتنـا

منقووله

الصراحة حلوة حلوة حلوة
ماعليها كلام كلك ذوق ياااذوق

:275_1::275_1:

ماشاء الله ابداع لايوصف
تسلم الايادي مبدعتنا
بانتظار القاادم بشووق

نطلب من الله العالي جمع الارحام
في هالحياة اللي بشغل اشغلتنا

صواااديف
شكرااا ع الاختيار الموفق
دمتي .. كماتحبين

الف شكر على هذه القطفه الطيبه
والجلب والانتقاء المثالي وعلى
هذا العطاء الباذخ