منتديات صواديف عشاق - عرض مشاركة واحدة

11-29-2021

خلونا متفقين انّه احسن واحلى هدرزة مع الناس يلي عندهم تفاعلات ورياكشنات واسئلة هلبا لما تجي تهدرزهم علي موضوع يخصك

الناس يلي لما تحكيلهم موقف يضحك يموتو بالضحك
ولما تحكيلهم حاجة قوية يقعدو يحلّفو فيك ويسألو فيك ع التفاصيل وعلي شعورك وعلي تصرفك لحظتها كيف كان
النـاس يلي ادير هاتفها سايلنت لما حد يتصل بيهم وانت تتكلم في موضوع مضايقك هلبا ومخليك تبكي
الناس يلي لما تعرف انه عندك موعد مهم تتصل وتسأل شن صار معاك وكيف مشت امورك
الناس يلي لما تهدرزهم في اي موضوع مايقصوش عليك كلامك بموضوع تاني ولما حد يقص عليك يرجعوك بكلمة " ايييه كمل شن كنت تقول "
الناس يلي تحسسك انها مهتمة بكلامك وبيك ومواضيعك وحكاياتك حااافظ عليهم لأنهم جبر