الجزء الحادي عشر11

مدخل..
مساء الخير يا الرياض ..مساء الطيبه ..ومساءك اصلن مامثله مساء,,
مساءك ورد حتى لو تزعلينا.. لو تجرحينا.. ولو تلومينا.. نحبك.. ونحب ارضك وتعكر..
مزاجك علينا.. في كل الاحوال نحبك... قولولي بس.. من الي سكن فيك وماحبك؟؟
يامعشوقة الجميع....
مااحد يحس بحبك انه متغلغل في وريده.. الا الذي يبعد عنك غصب واجبار ..مساء الخير يا الرياض..
مساء الخير يا الملاك,,,مساءك باقات محبه من ساكنيك..مساءك جوري..ياسمين..فل..نرجس..وكادي..مساء الطيبه
مساء الحب,,مساء العشق..مساء الحب الطاهر العفيف..مساء الخير بابهى معانيه ..
(( حتى..
.. الدموع ..
.. الي ..
.. استحت ..
.. كبـر ..
.. وأخـلاق..
.. تساقـطـت..
.. مــن..
.. فـــوق..
.. خـــدك ..
... وخـــدي ))
,,
,.,,
,..,,.
***9ص مجمع العالي.........
فتحت غنج عيونها تمت تناظر السقف.. حست بجسمها مهدود.. وكئن احد جاي وطاقها بشي حاد..
استندة بيدها على السرير .. وقامت ..جسمها..
مهدود مره.. وتذكرة الم الي جاها.. البارح جلست على الكنبه تحط مساج بيدها على رقبتها ..شافت الساعه شافتها تسعه..
قامت بضعف.. غسلت وجها ..وفرشة اسنانها ..ناظرت جبينها في المرايها.. وغيرة الضمدات ..وحطت جديده..
راحت لغرفة الملابس وطلعت لها
تنوره فيروزي حرير لنص الساق.. وبدي ابيض بجكت فيروزي.. وايشار فيروزي وابيض.. بوت ابيض طايح..
وشنطه بيضا بكرستاله فيروزي..
خلصت كشختها.. بروج احمر صارخ ..كسر براءت وجها وحط لها حده..
على صوت كعبها مع الدرج.. طلع فيصل من غرفته ..
فيصل بابتسامه اخويه\صاحي مبكر..ياعسلون..
غنج التفت له\اصباح الخير اول..
فيصل وهو يقرب منها\صباح النور ..وين ها الكشخه كلها؟؟
غنج بعدم اهتمام\ابد.. اليوم لي موعد وبروح له..
فيصل\بوديك؟؟
غنج\لا بروح مع السواق حقي مايحتاج...
فيصل يسحب ملازمه والبالطو حقه \براحتك.. يالله.. انا يالله الحق على محاظرتي..
غنج\الله معك..
مشت غنج ورى فيصل الي تعداها بخطوات كثيره ..وركب سيارته وطلع برى المجمع..
غنج تنتظر السواق عند سياره وكانت متكيه عليها بهدوء وقلة صبر..
غنج تضغط بجوالها على رقمه بس مايرد..
التفت للمزارع الي عندهم يسقي الورد\كومانج..
كومانج\يس سنيوره..
غنج\روح ناد اياد من غرفة السواقين.. قله عمتي غنج تتظرك بسرعه...
رمى كومانج الي كان يسقي فيه الورد واتجه لملاحق السواقين..
غنج بتضجر\اوف.. اوف.. اوف.. بتجيني ضربة شمس سبة ها الزفت ...
فكت شنطتها.. وطلعت لها نظارتها البيضا.. ولبستها.. ولمحت عزام يمشي اتجاها وشافت سيارته قريبه منها
غنج بعدم اهتمام..
استدارة وعطته ظهرها..
عزام من دون اهتمام اكبر.. فتح سيارته وركبها لاكن على طول اشتغلت اغنيتها المفضله..
ادعي علي با الموت والا سمننننننننننننننننننننننننننننننننننننننني..
غنج غمضت عيونها.. وهي تسمع الاغنيه.. تنقطع من فصل عزام لها.. وتحركه خارج المجمع
اياد يفتح الباب\تفضلي سنيوره..
غنج\انت ليش تتئخر..؟؟ وليش ماترد؟؟
اياد\اسف ..
ركبت غنج بعصبيه وتوجهة لللمستشفى ..
********************
(( حتى الدموع الي استحت كبـر وأخـلاق
تساقـطـت مــن فـــوق خـــدك وخـــدي ))
*************************
في احد افخم اوتيلات الرياض...
فتحت عيونها حنان ..وقعدة شافت نفسها على السرير نايمه ومتلحفه.. تبي تذكر شصار..؟؟
تذكرة انها كانت نايمه على الكنبه.. اكيد ها النذل شالهاّ؟؟
يافلشتي!!! ماانتبهت اكيد بيحسب اني اتصنع النوم ياربي..
قامت حنان ودخلت الحمام غسلت وجها وطلعت ..ناظرة نفسها با المرايه سرحت شعرها ورفعته بربطه ..
طلعت بصاله التفتت شافت التلفزيون شغال..
التفتت على الكنبه شافته نايم علىالكنبه باين عليه تعبان..بطنها طلع من صوت يوه جوعانه موت..
حاست تبي تلقى ايشي تاكله.. مافي شي ابد.. ولو تموت ماقومته تصحيه... هاذا الناقص رجعت لغرفتها وفتحت الشباك..
شافت اطفال يلعبون
في البهو الخارجي بحديقة الاوتيل ..ابتسمت على طقاقهم وابتسامتهم ..هي تحب الاطفال موت..
-صاحيه؟؟؟
انتبهة له حنان بس ماتبي تتلتفت له وتعطيه اهميه ظلت ساكته..
نادر\متى صحيتي؟
حنان\00000
نادر\حنان اكلمك؟؟ ليش ماتردين؟؟
حنان\0000
نادر\طيب !!
سكت وماعاد سمعت له صوت..
التفتت عليه شافته داخل جووات السرير ومتلحف ونايم..!!
حنان ماتت قهر\ بعد رجع ينام..
طلعت للجناح الثاني وقعدة تفرج على التليفزيون وطووووووووووووولت على الصوت=شوفو الفرق
فجئه شافت لبتوب صغير مقابلها على الطاوله.. ابتسمت بخبث \خليني امسك عليه شي ؟؟عشان يطلقني وافتك..
فتحت الب توب حقه.. وانفتح بدون رقم سري اول ..مانفتح لفتها صورت بنوته تجنن خلفية جهازه.. ياربي ياحلوها يمكن عمرها 18
فتحت على طول المستندات.. بس للاسف ماحصلت شي.. فارغ ..مافي غير صور ها البنت يمكن 80 صوره صور لحالها.. وصوركثيرمعه
مره حاظنها.. ومره مركبها على الخيل.. ومرات كثيره بايسها.. ويقررص خدودها.. وهي تجنن.. تجنن.. ها ال*** مخاوي بنت عمرها 18 وهو الحيوان..
سمعت صوت عصافير خفيفه ..عرفت انه صوت الجرس.. ناظرة الساعه شافتها 1الظهر.. اوف كل هاذا وماحسيت.. مين يجينا اول يوم مافي احد..
راحت عند الباب وفتحته..
صباح الخير..
حنان\صباح النور؟؟
مياره ونواره\انا مياره.. وهاذي نواره جينا بس نسلم..
حنان\تفضلو..
دخلو االبنات ..
حنان\تفضلو..
دخلو البنات وجلسو با الصاله..
حنان\وش تشربون؟؟
مياره بميوعه\لا حبيبتي؟؟ مانبي شي!! حنى بس جينا نسلم على نادر.. وبنسافر بعد شوي..
حنان منقهره من نظرات مياره الي مليانه استحقار\بس نادر نايم..
مياره\ياحبي له.. تلقينه تعبان..
حنان\بروح اصحيه.. لحظه بس..
توجهة حنان لغرفة النوم وهي مغمضه عيونها من القهر.. ودها تصفقها كف يلفها لبرى الفندق.. وجع ماخذه لعانتها
من اخوها..
فجئه ضربة كتف نادر..
حنان ا\يوه!!
نادر\ماتشوفين؟؟؟
حنان وهي تبعد منه\يعني شايفتك وضربة فيك..
نادر\يصير حركات بنات..!!
حنان حركة وجها بقرف \شوف خواتك برى؟؟
نادر ناظرها بستغراب\مين؟؟!!
حنان\مياره ونواره..
نادر سكت ..بس كان شكله مصدوم ..سكت والتفت عليها\حنان مابي يحسون بينا شي.. ياويلك مني ..
حنان ناظرته وصدة بقرف وطلعت لهم..
حنان كانت واقفه عندهم\مايصير ماتشربون شي؟؟ لو عصير.. بطلب من تحت ماراح تعبوني..
نواره\ماني شي بس نادر ماصحى؟؟
جت بتكلم حنان بس كان نادر طالع لهم..
نادر\اهلين..
قامو خوااته وسلمو عليه وهو حضنهم..بحنان
مياره\ازعجناك بس بنسافر بعد شوي..
نوارهه\وحبينا نسلم عليك..
نادر\ياحبيابتي كان ماتعبتو انفسكم..
اتجه نادر لحنان ولفها بخصرها وقربها له\شفتو اميرتي الي خذتها؟؟
البنات صارو يطالعون حنان من فوق لتحت ..ومن دون اهتمام جلسو.. بس الكره كان باين من عيونهم.. وعجزة حنان عن تفسير السبب
مياره\اوه شكل حنان فاتحه الب توب حقك يانادر؟؟؟
نادرناظر بصدمه الب توب.. وانصدم حنان ماتت في هااللحظه.. وبلعت ريقها نست تطفيه..
نادر\انا وحنان واحد ماخش عنها شي وهي نفس الشي؟؟
مياره بخبث\كنا ممنوعين حتى من لمسه؟
نواره\اتذكر يوم طقيت مياره عشانه تذكر؟؟
حنان انهبلت نادر يطق ناظرته بصدمه..
نادر\هههههههههه هاذاك اول مو الحين..
مياره\اوكي حنى تئخرنا.. يالله باي نشوفك بعد اسبوعين ..
نادر\انشاء الله..
بوسوه البنات وطلعو ودعهم نادر عند الباب..
اما حنان راحت تبي تهرب منه.. في الغرفه لاكن؟؟
نادر\حنانوه؟؟؟؟
بلععت ريقها حنان والتفت له...
نادر بعصبيه ووجه صاير احمر\قسم بالله ياحنان.. ان شفتك مقربه من ها الب توب مره ثانيه ..ومنتعبثه باغراضي الخاصه قسم بالله
لتشوفين نادر على حقيقته فاهمه...
حنان بعصبيه\لا والله يا الداشر.. تخاوي بنات.. وتبيني اسكت ؟؟لا وياويلي.. بعد انت اذا كنت خربان وضايع وواطي؟؟ فانت ماخذ بنت رجال ماخذين..الطيب من جدهم ؟؟مهب انت يا الخربان.. قلي ها الخربانه خويتك قول؟؟؟؟
حنان مانتبهت الا بكف على وجها خلاها تطيح على الكنبه .....................
نادر كان يتنفس بسرعه حنان حطت يدها على خدها.. ورفعت راسها له.. وعيونها مليانه دموع.. ووقفت.. وصد نادر عنها وصلح عقاله
وقالت \
قـبـل لانتفـاهـم أبــي مـنـك تـرمــي عـقـالـك..
تــرى لا أنــت وجــه للرجـولـه ولا انــت قـدهـا ..
وعيـنـك هــذي تنزلـهـا لاوقـفـت انــا قبـالـك..
ولاتقاطـع فــي كـلامـي والــزم الفـاظـك حـدهـا..
لاتساهـل فـي كلامـي واحفظـه وخلـه فــي بـالـك..
أنـا بنـت ورثــت الـعـزه مــن أبـوهـا لجـدهـا ..
مايهزهـا مجـرد وجـودك كبرياهـا مايكسـره امثـالـك..
والكـرامـه قـبـل تعـرفـك راضعـتـه بـدمهــا ..
غلطان ان كنـت تحسبنـي شـيء تبعـك ومـن حلالـك..
أنـا أكبـر مـن طموحـك وشـف يـدك لابغيـت تمدهـا ..
اللـي مثلـك شخـص ( خايـن ) يستحـي منـك ظلالـك..
اللي مثلـك مامشـى درب الرجولـه وماوصـل لمجدهـا ..
عزتـي عيـت تنـازل لجـل اعاتـبـك عـلـى فعـالـك..
خلنا مـن "قصـة خيانـه" وقلـي كرامتـك وش عندهـا؟..
وين الرجوله اللـي تقول؟!كيـف ترضـى يكـون حالـك؟..
ويـن عقلـك طـار لـه؟ يـوم تلحـق مرهـا وشهدهـا .
لـو سِألـت عـن المهانـه قلت:تجسـد مــن خـلالـك..
ان كنت تسأل عن شعوري أبشـر بجـاوب عـن سؤالـك..
تدري! فرحت! لأني عرفـت محبتـك قبـل يطـول بعدهـا ..
وأنت صرت بحياتـي شمسها"وظلها"وشوكها"ووردها
أنا أداعب هالنجوم واسأل الشمس عني يامى لثمت بخدهـا ..
واللحيـن بشوفـك وانـت تقفـي ساحـب عـز متهالـك..
ولم أعذارك معـك يشرفنـي انـي بكـل بساطـه أصدهـا ..
مستحيل أقبل عـذر أنـا أعلنـت عـن حياتـي إعتزالـك..
والهـدايـا الـلـي وصلتـنـي عفـواً..
أنـا بـردهــا
لحظـه قبـل تقفـي لاتنسـى تنحنـي وتاخـذ عقـالـك
واحترف طقوس المذله..
حنان\سمعتني زين؟؟؟
نادر بعصبيه مسكها من كتوفها وهزها\لاتحلمين تصيرين مثلها..
طلع نادر بعصبيه.. ورمت حنان نفسه على الكنبه وبحراره\بعد راعي بنات بعد..
************