منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

و عند احمد اللي دخل وهو ينادي سوما...وجاته ركض
احمد:سويتي اللي قلتلج اياه؟
سوما:يس سير
احمد:زين ساعدي راج وحملو الاغراض...وين مدام؟
سوما:مدام...ان يور روم
احمد:والله محد عرفلج مرات هندي مرات عربي مكسر مرات انجلش
وصد لغرفته يشوف مها...
مها اللي كانت تداور فالغرفه....تتأمل ترتيبها...وديكورها المختلف عن غرفتها...شكلها مفروض تكون غرفتهم المشتركه...هالفكره سببت لها لعسه فقلبها...بلعت ريجها وهي تنفظ فكره غرفه مشتركه من راسها...
فتحت الكبت شافت ثيابه...ملابس رسميه...ملابس الشغل...وفي ملابس سبورت...وغيرها...سكرت بملل...
وراحت لتسريحه تعبث بالاشياء عليها...في كريمات كمين حبه وشكله مايستخدم شي منهم جدد مامسوسين ابدا...للزينه شكله حاطنهم...وعطور انواع اشكال...عجبتها ريحتهم....بس واحد شدتها ريحته...حطت منه بعدم مبالاه...وهي مستانسه تتعبث باغراضه...سمعت صوت خطوات يقرب من الغرفه راحت ركض للكرفايه ونطت فوقها...شافت مجله محطوطه عليها مسكتها وجلست تفرفر فيها بربكه....
احد طل من الباب...شم ريحه العطر...عرف انها متعبثه باغراضه...غريبه اول مره يعرف انها ممكن تتعبث باغراضه كان يحسبها خجوله لدرجه ماتقدر تنطق قدامه...من طاحت وهي متغيره يحسها تعودت عليه اكثر عن قبل...
احمد راح لها وقف يطالعها وش تسوي...
مها رفعت راسها له:هلا انت جيت؟
احمد تبسم لها بعذوبه:اهلين لا بعدني فالطريق
مها نزلت عيونها للمجله بربكه:ههههه
احمد بنص عين:حاطه من عطري؟
مها ماتوقعته يسألها ابدا و بهالبساطه بعد...وهي تفرفر فالمجله بربكه:عجبني
احمد وهو يطالع المجله اللي قطعتها وهي تفر اوراقها بربكه:اهاه
مها بلعت ريجها ورفعت راسها له تبرر بسرعه:والله ماكان قصدي اتعبث باغراضك
احمد تذبحه عفويتها وبراءتها مامن كبرها هي بعدها اصلا صغيره:ههههههههههههه اغراضي اغراضج...يله قومي
مها تحاول تستوعب ردت بس طنشت...رمشت بتستوعب:على وين؟
احمد يضيع السالفه:عجبتج الجلسه فغرفتي يعني؟
مها انحرجت وبسرعه:لا بس...
احمد قاطعها:قومي اجهزي واكشخي بنطلع بس تخلص العزيمه...عندي لج مفاجأه
مها بلمت:هاه؟!!
احمد ان جلس اكثر بتنسيه الشباب مايعرف ليش من تغيرت نظرته للامور صار مايمل من جلستها:ههههههههه ابرجع سيده احصلج جاهزة و بعباتج فاهمه؟
مها بعدها مامستوعبه:طيب اريد مفاتيح غرفتي
احمد:مايحتاج سوما الحين تجيب لج اللي تحتاجيه
وجا بيروح.....
مها:ليش ايش صاير؟
احمد وهو يطلع:لانه كل اغراضج عاد تحملن فالشحن
مها كنه حد صب عليها ماي بارد شهقت:الشحن؟؟!!....ليش؟؟؟!!
احمد مارد عليها راح و تاركها فحيره وصدمه مالها نهايه...
*****************************
عليا بقلق بعد مادخل الجد يريح:مسكين جدي شكله حده مرهق وتعبان
منى بتعب:الله يهديه راح الشركه اول ماوصلنا
مهره:بالنسباله الشركه اهم عن صحته
مواز بعدم مبالاه:هذا هو جدي من يوم يومه ماتغير
منى بتكشيره:الا تعالي انتي ايش هالستايل؟!...حسبتج والله ولد بعدين ركزت فالملامح وقفتي قلبي
مواز فزت ترقع:لاااا الله يسلمج حن كنا نتدرب على مسرحيه التخرج وعشان اعيش الجو لبست ثوب وغتره
منى بشك:الله يستر منج بس....وبعدين من سمحلج تشاركي؟
مواز:انا ومهره مشاركين
عليا:خليهم يودعو مدرستهم ايش فيها ان شاركو؟
منى:هه ماعليه مافاضتلكم تعبانه الحين عقب بنتفاهم...يله بقوم عنكم
وقامت عنهم بارهاق...
مهره تنهدت:الحمدلله ماسألت عن دانه
مواز تبسمت:تطمني ماتغيرت...سألت يوم طرشتج تجيبيلها ماي..جو المانيا ما أثر فيها
مهره:وايش قلتولها؟
عليا تكتفت بعبوس:ام الكذب الرهيب اختج بدعت ماشاء الله تصفه صف
مواز وهي تنسدح ع الكنبه باهمال:هههاي قلتلها راحت عند ام سليمان وبتجي بسرعه
مهره تخصرت:والله كذبتج حوووساا بس الحظ تعبانه هي ولا مركزه
مواز كشرت:اهم شي اقتنعت
مهره:ولا سألت اذا صقر جانا ولا؟
عليا ببساطه:لا
مهره:غريبه
موازفزت مثل الملدوغه وهي تصارخ وتناقز:ياسلااااااام
وكملت بالفصحى: لقد نجوووووت
عليا تكتفت وهي تصد عنها بقهر:عليج حظ...يقحف الحصى
مهره ماستوعبت للحين:وليش فرحانه؟!
عليا قاهرنها بطئ استوعاب مهره للامور:لانه صقر مابيواحي يأدبها... بيروووووح...جدي رجع لاه
مهره صرخت بحسافه:خساره
مواز عصبت:تشب...خساره فعينج يالخاينه
مهره تبسمت بتغيض مواز:زين يالعاقله...يله عاذرتكم
مواز بققت عيونها وبقهر لانه مهره ماعبرتها:على وين؟
مهره وهي تتمخطر فمشيتها وبدلع:انتي روحي بدلي...لا يجي صقر ويشوفج بهالشكل ويدفنج حيه...ساعتها لا يرده جدي ولا غيره
مواز تخصرت بقرف:وانتي وين رايحه؟
مهره بنفس الدلع:رايحه الملاهي
وكشرت:وين رايحه يعني؟؟؟...اكيد مابروح البر ولا بطلع اكلم شباب قدام البيت...واترقم
وراحت عنهم...
مواز منقهره لانها ماعرفت كيف ترد عليها:اكيد رايحه تفتح الشات
عليا حطت رجل على رجل:يله عاد الحين منعيها اذا فيج خير
مواز بصراخ:اوووريج
وراحت عنها...
******************************