منتديات صواديف عشاق - عرض مشاركة واحدة - كتبت إسمك على صدر السما و أيامي / للكاتبة حلاها (( ألايدا )) مكتملة

12-30-2023

****************************
وفالمجلس عند الشباب....
عمر:ههههههههههههههه اما كل هذا كوووم ولما تطلعت استقبلني هالخبله كوم ثاني
ذياب:ليش ايش سوا؟
احمد:هههههههههههههههههههه? ? قال يقول عباله يقدر يسحب منه الليسن بس الحمدلله طلع مايقدر
عمر:ههههههههههههههههههههه? ?ه ولا يوم بيوقف تكسي وماقدر
خالد:اقووول تلايط كنت احرصك اصلا انا
احمد:ايه وايد منه مدري من اللي قلتله ننتظر عمر يطلع ونرجع معه قالي لا حرمت اركب من سيارات هالشركه
خالد:كنت بعدني عايش الدووور
الشباب:هههههههههههههههههه? ?هههههههههه
شهاب:الحين مابقى غير عمر
ذياب:انت دورك قرب مبروووك
احمد:اخيرا بتطلع فالساحه وتتبهدل بدل ماترسلنا نتبهدل عنك
خالد:اخيرااااا يله شد حيلك عاد
عمر:مالت عليكم ماكنه جدكم كنه عدووكم
خالد:عدوي وعدو مستقبلي واحلامي وحياتي وحتى ابوي الله يرحمه
احمد:ماصدق كيف دمر وذبح عياله واحد ورا الثاني ولا استعبر...لاء وبعد مشتغل فينا يكمل افلام الرعب
ذياب:ههههههههههههه حلوه افلام الرعب
شهاب:الا سلطان غريبه ساكت؟!!
سلطان اللي منهمك بالاكل:انا مؤدب لما آكل ماتكلم مثلكم هه
ذياب:رجع لثقل دمه
عمر:الا وين فيصل عنه؟
سلطان وذياب مع بعض:ذهب ولم يعد
احمد:لا توني اتصلتبه قال جاي
:السلام عليكم...بديتو قبلي يالوصخين؟!!!
احمد:قرررب قربببب
ذياب:هههههههههههههههههاي وانا اقول سلطان بلاه ياكل يقدر مايقدر ومؤدب طلعت السالفه مالها دخل بالادب الا بالنذاله
خالد:هههههههههههههههههههه? ?هههه لاتقول بيخلص الاكل عن فيصل
فيصل:هههههههههههههههههههه? ?ههههههههه يوم اقولك غبي تعصب
سلطان بدلع:انا زعلانه منك لا تكلمني
وصرخ فيه:اقص يدي اذا ماكانت المتصل بنت
فيصل تبسم بثقه:ايه بنت ايش عندك
سلطان صرخ بنصر:هاهاهاااااي وانا ورطك معها
فيصل:الحمدلله والشكر...لا حبيبي البنت تحبني بجنون وتثق فيني لا ورطتني ولا شي
سلطاان بنص عين:عيل ماسرت تراضيها؟
فيصل بنفس لهجة سلطان:لا سرت اشوفها ايش تبا؟
سلطان:وايش كانت تبا عشا؟
فيصل:لا
ذياب داخل جو معهم:اكيد تبا رصيد
فيصل:بعد لا
عمر:ايش السالفه؟!!!
ذياب:الله يسلمك اللي ينقد عليي ابتلى
شهاب:لا تكن من الشامتين فتغدو من المبتلين
خالد فز:الحين فيصل طاح على بنت؟
احمد:شوو؟؟؟!!
فيصل ماعبرهم وسمى وبدا ياكل بهدوء....
خالد:ماعليه يافيصلوووه اخرتنا بنعرف كل شي
فيصل:يصير خير
سلطان:اما انا الحمدلله...... الله مابلاني بحد
ذياب:الحمدلله وياليت تبقى عزابي لانه لو فكرت مجرد التفكير تتزوج رح تشوه صوره الشاب العربي فنظر بناتنا....وبيشمتون علينا شباب تركيا
سلطان:الا احمد الحين انت عازمنا عشاننك بتخبرك بشو؟
احمد:ههههههههههههههه عرفت بعد ليش اخبرك؟
سلطان:لا بس كيه قول اتأكد اكثر لاه
احمد:زين...انا عازمنكم بمناسبه...
سلطان قاطعه:رجوعك لنا بالسلامه
احمد قطب حواجبه:الحين تحن على راسي قووول وقوول واخرتها تقاطعني؟!
ذياب:عادي يعني ماتعرف سلطان؟!!!
احمد بجديه:المهم انا قررت ابدا حياتي من الصفر...وعزمتكم لاني مافرحت فعرسي اعتبروها بدل العرس
سلطان:والبنت ماتبا تفرح بعد؟
أحمد اللي ازعجه سؤال سلطان بس مابين....
ذياب:صح والله انتو عرسكم ماكان له وجود....ملكوكم وزفوكم...لا حفله... ولا جهاز... ولا غيره
أحمد تبسم بتبلد:حاليا أجلو هالشي....البنت صغيره ومشغوله بدراستها بس تفضى ونرتب امورنا بنعرس
خالد:هههههههههههههههههههه? ? حلوه ياخوي بنعرس
أحمد مايعرف ليش انزعج فجأة:يعني باختصار بمشي حياتي بكيفي وبطريقتي....اهم شي اعيشها مرتاح
سلطان تبسم:الحمدلله شكلك حليت امورك
أحمد ردله الابتسامه:الحمدلله
شهاب:والشغل؟
أحمد:شغلي الحمدلله من زمان مستقل عن نفوذ جدي...وهو فاهم انه مايقدر يغصبني لاني فاشل فشغل البزنس...وماعاد شي يربطني فيه اصلا عشان يبتزني به...غير الاسم
عمر تنهد بقو:ناس رتبت امورها وناس تعقدت اكثر
شهاب فز:الا انتو من متى عاطنكم الاوراق و للحين ماحصلتو العنوان؟!
خالد:ابشرك حصلناه بس ماظنتي نقدر نزورهم الا وقت مانتأكد جدي مابيطب علينا البيت ويخرب كل شي
شهاب وقف بانفعال:وليش ماعلمتوني انكم حصلتوه؟
خالد مستغرب انفعال شهاب:توه قبل شوي بس عرفناه
شهاب بصراخ:زين هاته
عمر ببرود:برسلك اياه بس انأكد منه
ذياب:شهاب الحين دام اعتمدت عليهم تحمل
شهاب رد فر جسمه ع الكنبه بخيبه:اوووففف محد يعتمد على يهال
خالد كشر:يهال فعينك يالشيبه...
عمر تدخل بسرعه:الحين خلك من شهاب...حن وش وضعنا؟
خالد تذكر:اول اروح اودع امي و افهمها...وعقب تنحل كل الامور
سلطان:اظنه بتباتو لا فسياراتكم
ذياب:اي سيارات؟!...ردو كنهم توهم متخرجين...لا سياره ولا بيت ولا شغل بس شهاده...بعده المتخرجين عندهم سياره وبيت اهلهم
خالد بقهر منهم:انت تشب
ذياب:هذا يزاي بستضيفكم عندنا؟!
شهاب:صح البيت واسع وكبير محد فيه غيري وذياب...خلاص اعتبرو سالفه البيت انتهت....ماهو بيت عزابيه
ذياب بابتسامه صفرا:ايه لا ام ولا اب ولا حتى شغاله
الكل سكت...يعرفو حساسية ذياب من موضوع امه وابوه اللي تطلقو وكل واحد شاف حياته...كان وقتها ذياب توه متخرج من الثانويه...ماكتمات فرحته بطلاق امه وابوه....من حسن حظه انقبل فجامعه بعيده عن الاثنين وكان يتردد فسنه مره على الاثنين من يذبحه الشوق...ويأنبه ضميره يحس نفسه عاق...
عكس شهاب اللي سافر ورجع تزوج وطلق بعد وعايش حياته يسافر ويرد...ولا حتى يذكرهم...لانه من صغره انقبل بعثه لمستواه التحصيلي الكبير...ومن كبر تسفر بعد بعثه...عكس علاقه الجافه مع امه وابوه كانت علاقته باخوه...
علاقتهم عمرها مانقطعت مسن و اتصالات ومسجات....وحتى مرات ذياب يسافر لشهاب...او شهاب يجي ياخذه معه من يحسه رجع ينهار نفسيا من سالفه طلاق امه وابوه اللي ماقدر يستوعبه لفتره طويله...
فيصل وهو يغير الجو اللي قلب كئيب:الطلاق عندكم متوارث
شهاب صد صوبه بنرفزه:الحين يعني بتغير الجو بهالجمله المعفه؟
فيصل تبسم ابتسامه جانبيه:ليش ماتعلم اخوك سبب طلاق امكم وابوكم؟!!....لمتى يعني بتعتبره طفل؟!
ذياب صد صوب شهاب وعيونه تحمل الف سؤال سؤال.....
شهاب بلع ريجه:طيب بخبرك خلا قوووم
فيصل:ايه حلوووو مشاكلكم...تعلمو من أحمد...هالعزيمه لازم تكون نهايه لكل مشاكلكم
أحمد تبسم:صح....كلام فيصل صحيح خلينا اليوم كلنا نتصارح ونحل مشاكلنا
ذياب بحزن:عيل حل مشكلتي عند اخوي طول هالسنين وساكت؟!
أحمد:لاتتسرع فالاحكام...خلي اخوك يفهمك كل شي عقب قرر
ذياب سكت يتنهد بضيق...
خالد:زين و حن؟
عمر سحبله نفس عميق:حن مشكلتنا مابدت للحين بتدبا مشاكلنا من اليوم
خالد:يالله...زين فكر معي...ترا وضعنا الحين بروحه مشكله بلا تدخل جدي و نفسيته المريضه
سلطان:صح انتو بلا شغل ولا فلوس...صفيتو على الحديده...وانا عادي اسلف من 100 بيسه(ريال سعودي) ل10(100 ريال سعودي)
خالد وهو يحاول يضحك بعصبيه:هاهاهاي وايد عليك يالبايخ
سلطان:ههههههههههههههههه قسم بالله تضحك
خالد كشر:الا تضحك يعني تغيضني؟؟!!
سلطان:ايه نعم هههههههههههههههههههههاي
خالد فره بالوساده اللي فالجلسه:مالت عليك مليق
أحمد بجديه:يحتاجو شغل مستقل وبعيد عن نفوذ جدي
خالد فز يتشرط:وراتبه زين نمشي فيه الحال...لحد يعني مايوافقو يردوني لدوره واتخرج
عمر:وانا برد اكمل الفصل اللي أجلته بسبب جدي...بس اول لزوووم اجمعلي فلسين امشي اموري
سلطان:اقول شي؟
خالد بعصبيه:لا انكتم
فيصل:هههههههههههههههههههه? ?ه
سلطان رفع كتوفه:بكيفك انت الخسران
عمر:قول
خالد بعصبيه واستنكار:عمر!!
عمر:خله يغرد مرات ترا يطلع افكار من ورا خباله
خالد عفس ويهه وهو يتكتف ويصد عنهم:ايه افكار...افكار الطل
سلطان:اهم شي الحين الشغل صح؟
عمر يماشيه:صح
سلطان بجديه:وانا عندي لكم شغل
خالد وعمر صدو صوب بعض ورجعو صدو لسلطان:شو هو؟؟؟!!
*******************************