منتديات صواديف عشاق - عرض مشاركة واحدة - غرورك صادف عزة النفس فيني للكاتبة ضمني بين الاهداب

03-01-2023

تتمة الجزء الاول
***********************************
في مطار الملك خالد با الرياض في القاعه الملكيه نزلة الطياره الخاصه لغنج معلنه دخولها الاول لرياض..الرياض مدينة الحب والهيام ..الرياض عاصمة الشوق ..وشقيقة الفراق
باريس الشرق .. لاكن هنا الحب العذري العفيف الجميل والطاهر الخالي من الفجور مدينة الاذان...........
نزلت غنج وعمها وركبو السياره الخاصه حقت عمها البي ام دبليو وطلعو برى المطار
ابو فيصل وهو يكلم\ايه يابنت الحلال معنا والله معنا
الله يسجك تراك قلق
انتم كلكم مجتمعين
لا ماتشبه احد فيكم
مهيان وجع
مع السلامه
ابو فيصل يلتفت لغنج الي كانت مبتسمه \حي الله بنتي في ديرتها
غنج\الله يسلمك بس عمي هاذي منهي
طالعها ابو فيصل وهو يبتسم \هاذي ارج وحده بعايلتنا هاذي بنتي مهاوي
غنج\شكلها خفيفة دم
ابو فيصل\لا وتستانك على احر من الجمر
غنج ابتسمت وماردة ومسكت جوالها وكلمت فارس
**********************
مهاوي تطل من اشباك \يوه ما جو
ام بدر\شوي ويجون اجلسي
العنود\يا المخفه انثبري ترى راسي عورن
حنان\اذا جت بتفضحنا
مهاوي مطنشتهم بس شهقت\جو جو
نطت عند المراياه حقت الاستقبال وشافت شكلها
فيصل\تتطمني بتروعينها
مهاوي\هههه ماعندك نظر
العنود وحنان\ههههههههه
سمعو ابو فيصل\تفضلي يبه تفضلي ,,كمن
طلت من الباب وكلهم وقفو وسكتو...بجسمها الممشوق المنتثر عليه فستانها الاخضر الي لنص الفخذ
ليكشف عن جمال اسطوري ,,,وعيونها النجلى ..بلونها الزمردي المتوهج
وشعرها الاشقر لنص الظهر
كل هاذا يكشف عن جمال خالد وعيونها الي تصيب وماتسمي وكئن اغاني محمد عبده ومواويله مغناه في عيونها
وحواجبها المقوسه بنعومه وشفايفه الي كئنها حبات كرز مقطوفه
كل هاذا خلاها اسطوره من الاساطير الي يحكى عنها ولا تنشاف سوى با الاحلام
مهاوي\واي ياحلوها تجنننننن شف فصيل ياحلوها
العنود\شي؟؟؟؟؟؟؟؟؟؟؟؟
غنج\هاي...
حنان والعنود ومهاوي\هاااااااي
تقدمت وتكلمت با الانكليزيه
انا غنج كيف حالكم؟
قرب منه فيصل الي كان مبهور من الجمال والدلال الي واقف قدامه بس تمالك نفسه ومد يده يصافحها وقال لها با الانجليزي\انا فيصل ابن عمك نحن سعيدين بقدومك هنا بينا
غنج\وانا ايضا سعيده
العنود با الانكليزي\انا العنود وهاذي اختي حنان وهاذي امي وهاذي خالتي ام عزام وهاذي خالتي ام فيصل
ابتسمت غنج لجميع وبقت مهاوي ماحد عرفها عليها لانها ماتتكلم انجليزي
مهاوي\فصيل ولعنه عرف ام عيون خضر علي لصفقك با الصحن الي قدامي
فيصل\اص خليني اتمقل في ها القمر
ابو فيصل\بس يا ولد
مهاوي\ وشلون يعني من يعرفني عليها انا اكثر وحده ابي اشوفها ومتحمسه اوووووووووف
فيصل\استني عزام يجي يترجم لك هههه
الجميع\ههههههههههههههههه
غنج تكلمت با العربي وهي تقرب من مهاوي\انا اتعرف عليك بنفسي انتي مهاوي ..وحضنتها
الجميع مصدومين
مهاوي؟ تتكلمين زينا
غنج وهي تضحك\ايه واحسن بعد لان مربياتي سعوديات
مهاوي\وسمعتي تعليقاتنا وفهمتيها
غنج\هههههههه ايه
وهي تلتفت لفيصل الي خجل مره ورجع لورى\اسمع فيصل خلاص مارضى تناديني غير يا قمر اتفقنا
الجميع\ههههههههههههههههههههههه
ابو فيصل \اجلسي ياحبيبتي ارتاحي
جلست غنج جنب مهاوي وعمها
مهاوي\ايه يبه تلعب علينا فضحتنا عند البنت
ابو فيصل\هي الي قالت لي قالت بكشت فيهم وبخاوي مهاوي
مهاوي وهي تضحك\شفتي يا عنو شفتي قايله لك
عنود\طيب طيب اعقلي لاتقول البنت هاذي ماشافت خير
غنج\هههههههههههههههه
جلسو يسولفون ودخلت غنج معهم وهي ماتوقعت تدخل معهم بها الاريحيه بس هم جذبوها ببساتطهم في الكلام
رغم مظهر الحياه الفاخره الي يعيشون فيها
غنج\تسلم ايدك خالتي ام فيصل والله تعبتي نفسك
ام فيصل\ والله ماشفتك تاكلين شي غير السلطه كل هاذا حيئ منا ترانا اهل
غنج\خالتي والله انا اكلي قليل
ام فيصل\ ماعليه اما نفختك في ها اليومين
غنج\.........
مهاوي \تعالي تعالي مجهزين جلسه برى جلسة بنات على كيف كيفك
ابتسمت غنج وقامت\استذن عمتي
ام فيصل\روحي يا بنتي وانبسطتي
سحبة مهاوي يد غنج وطلعو للحديقه شافت البنات جالسين وكان فيصل واقف يكلم حنان الي باين انها معصبه من كلامه
مهاوي\طريق طريق القمر وصل
لف فيصل لجهتهم وكان بيقول شي بس بعد ماطاحت عينه على غنج ابتسم
غنج بادلته الابتسامه بخجل
حنان \يالله ورنا عرض مقفاك يا الوسيم
فيصل\غصب عنك مهب طيب والا وش رايك يا قمر
انحرجت غنج وابتسمت
فيصل\قولي رايك بصراحه
مهاوي\الحمد لله ياخي حلو روح عنا
فيصل وهو يجللس ويحط رجل على رجل خلوها تقول وسيم وامشي
البنات\اوفففففففف
غنج \هههههههههه
فيصل\شوف الضحكه ياليتني فداها مو ها السحالي ايه ايه خلوني اصبح لي بقمر وانام على وجه قمر
جاهم صوت سعود\هي هي وينك قاعد فيه تراك با البيت مو تغازل بتخصصي
فيصل\ايه جاء الي بيكوش عليها جاء ابو المغازله كلها
الجميع\هههههههه
سعود وهو يتقدم لغنج ويتكلم با اللغه الانكليزيه\انا سعود كيف حاللك واهلن بك بينا
البنات تسدحو على ظهورهم من الضحك
سعود وهو يصافح غنج ويلتفت لهم\وجع يوجعكم وانا قلت شي غلط يا المتخلفين؟!!!!!!!!!
غنج \لا ابد كلامك كله صح
سعود ابتسم\اها تتكلامين بطلاقه يا بنت العم
غنج با ابتسامه\افا عليك
سعود\ههههههههههههههههه
فيصل\بالله انا معي حق والا لا موتستاهل اغازلها
سعود\معك حق بس انطم لا اسمع لك حس
فيصل\ابشر على خشمي مايمدينا عليك يامشبك البنات وقاتل قلوب العذارى
سعود بعصبيه مصتطنعه\بس
غنج\ههههههههه
العنود\يالله اقعدو اجل خلونا ندردش
قعدو كلهم وصارو يسولفون
العنود \كلمينا عنك غنج
غنج بحزن \مافي شي بحياتي مميز يستاهل اني اتكلم عنه
العنود\كلمينا عنك انا رحت لندن بس مرتين بس ماكنت ادري عنك
غنج بصمت\انا ماعرفت عنكم كثير
سعود\يعني من متى تعرفين عنا
غنج\من فتره بس اعرف عمي ابو فيصل وعمي ابو بدر وان لهم اولاد بس
العنود\طيب ليش ماسئلتي عنا ماحاولتي تجين هنا تتعرفين علينا
غنج\ماقدررة بابا الله يرحمه كان هاذا الشي ممنوع عنده
فيصل\طيب ليش
غنج\مدري بس الي فهمت من فارس ان كان في مشاكل بينهم وان الموت هو بس الي يحلها ..في اللحظه نزلت حبة للوللو من عيونها الزمرديه
سعود انتبه لها واشر علىالقعده يسكتون
الجميع سكتو وسادت لحظة هدوء كانا يزيدها صوت النافوره الي غطى المكان
سعود وهو يقوم\اوكي غنج اي شي تحتاجينه اعتبريني اخوك لا تستحين مني
غنج\تسلم
فيصل\ بلا تشبيك وبعدين وين بتروح
سعود\ متزوجك وناسيك بروح الجيم
فيصل\بروح معك استنى بجيب الشنطه وانزل لك
سعود \انا بسياره
راحو الشباب
العنود بخبث\اشوف لسان مهاوي كلاه البس
مهاوي\ مالك شغل
حنان\ترى كلنا كاشفينك
مهاوي\ ياسخفكم
غنج\ايش فيه
حنان\هاذا الله يسلمك وحده منا تحب
مهاوي وهي تقوم\سخيفات انا بطس فوق
العنود\جعلك ماتعودين
حنان\هههه كفك كفك ياعنو
غنج\انا تعبانه بطلع ارتاح
مهاوي\خلاص امشي معي
طلعت مهاوي وغنج وطلعو بالاصنصير لدور الثالث اجنحة النوم
كان اول شي جناح فيصل بعدين مهاوي بعدين الجناح الرئيسي بعدين جناح غنج
دخلت غنج جناحها ودخلت معها مهاوي
كانت الغرفه لونها ليلكي جميل بستائره الفخمه وبعدها غرفه مفتوحه للجلسه فيها اريكتين وتلفزيون وبعدها الحمام
مهاوي\ها اعجبتك الغرفه؟؟
غنج\مو بطاله...
مهاوي\انا مختارتها من القفاري حرام عليك
غنج\امزح عليك حلوه
مهاوي\زين على بالي ماعجبتك..اتركك ترتاحين
غنج\مهاوي
مهاوي\هلا
غنج\الحين انا تعرفت على العائله كلهم
مهاوي \لا بقى عمي سلمان وولده بدر في موسكو في بزنز
غنج\اها ودي اشوفهم
مهاوي\عن قريب..ايه وبقى ابو دم ثقيل الرجل الغامض
غنج وهي تفتح عيونها \وشو
مهاوي\هههههههههه..اقصد عزام ولد عمي خالد
غنج\تقصدين ولد عمتي حصه
مهاوي\عليك نور ياذكيه..هاذا افقدي الامل بشوفته هاذا كل همه بالخيل وادارة الشركات وفوق كذا عصبي وتعامل معه صعب وناشب بكل ماتعني الكلمه من معنى يعني ووبساطه لاتتعرفين عليه احسن واذا تعرفتي عليه اعتبريه مو موجود
غنج\الله كل هاذا شكله معقدك
مهاوي\وانا جبت ها الكلام من فراغ ...بس
غنج\بس ايش
مهاوي\ ياهو ها ال**** يخقققققققققققققق ياهو مزيون وشايف نفسه تصدقين ان البنات طوابير في الزواجات عشان يلمحونه بس هو حماااااااااار تنح اكره تعامله الجاف
غنج\هههههههههه..يالله توكلي بنام
مهاوي\اوكي
غنج وهي تسكر الباب\شخصيه غريبه..ههههه الرجل الغامض
لاحظت غنج انها الليله ضحكت من قلب وهي الي من زمان ماابتسمت..كانت ليله ممتعه
اهل رياض واخيرن شفتها كثير ماكانت تكلمني عنها مربيتي الله يرحمها
استدارت وشافت جوالها الفوشي طالع من شنطتها اليد فتتحتها وشافت فارس منه 9 مكالمات ابتسمت
مسكت جوالها ودقت على فارس
الو
غنج\هلا كيفك
فارس\الحمدلله ها بشري انبتسطي؟
غنج\ايه كثير............
فارس\زين
غنج وهي تضحك وتبدا تسردله القصه

انتهى الجزء الاول