منتديات صواديف عشاق - عرض مشاركة واحدة

05-23-2023

البارت السابع 7
رهف : انا 96% وانتي
ساره:98% بموت وناسه
رهف:مره حلو انا عاد تعرفين شال النسبه الرياضيات
ساره:الحمد لله ياربي مادخلت علمي
ضحكت رهف
دخل محمد على رهف وهي تكلم:بشري يارهف
رهف:حزر
محمد:90يمكن
رهف :حرام عليك زودها 6
محمد:لاعاد مبروك يالدافوره
رهف:هديتي
محمد:اقرب محل ابو ريالين!!!!!!!!!
رهف كشرت:قسم بالله تسويها
محمد:طب سوسه كم خذت
ساره ولأول مره تسمع محمد يتكلم عنها تحس بحراره تعتري جسمها
رهف ابتسمت:98
محمد:اخس والله دافوره قولي محمد يقول مبروك محمد مو مستوعب ان رهف تكلم لأن السماعات بأذنها
ومغطي شعرها السماعات
رهف:معي هي عالخط بارك لها
كشر محمد وشبه عصب لكن رهف تداركت الموضوع وحطت السماعه بأذنه
:قسم بالله يارهف لأذبحك ان سويتيها
محمد ابتسم وبصوت رجولي عميق:لهدرجه انا اخوف
طلعت رهف حست مالها داعي
ساره ضحكت:هلا محمد
لاكنت اسولف بسالفه ثانيه صدق انك مضيع
محمد:ايه انا مضيع المهم نسينا مانبارك لك مبروك
هنا ساره تنحت لأن محمد ماكان قصده التخرج :على ايش محمد باأستغباء:على التخرج ليه لاتكونين بتعرسين
وماعلمتينا
ساره عرفت قصد محمد:لاتخاف اول من راح يعرف انت ثم ضحكت
محمد بتصريف:يالله امري تدللي وش تبين هديه تخرجك
ساره:مشكور
محمد:لا لازم تطلبين انا يوم تخرجت جبتي لي هديه تذكرين
ساره بااصطناع غبا تبي تصنع لحظه حلوه بس مره يكون رومانسي:تصدق نسيتها
محمد:ساعه سواتش فضي
ومعاها ورده
ساره:ياحبيلي مره احب الورود بس بعمري مالقيت احد يحبها مثلي
ساره تخلت عن اسلوبها الهبالي تبي تفتح جرح قديم عشان يداويه محمد
محمد وده يتكلم بس مغصه بطنه مايعرف:انا احبها
ساره باأستهزا:من متى
محمد:ما أحبها الا من حبيبتي
ساره:غريبه صرت تحب
محمد:انا احب ياساره من زمان هذ اللي خلاني ماأقبل ورده من اي احد
يقصد اني ما أقبل ورود الى من حبيبتي اللي هي ساره
وساره برمجتها انه ماقبل الورده منها يومها صغيره عشانه يحب
ياحليلنا يالبنات على كيفنا نمبرمج"محمد يبي يعدلها عماها يحسب ساره فهمت"
هذا جرح ساره الثاني
بدا يدمي انا قلت والله قلت انه يحب
ساره بلعت ريقها:ياعيني على الحب اسمع ماما تناديني باي سلم لرهف
راحت ساره تبكي على فراشها
من قلب حست ان حب محمد خلاص راح راح غسلت وجهها
وقررت قرار لا رجعه فيه
ساره:بابا بابا
ابوسلطان:يالله انك تحيي بنيتي تعالي ياقلب ابوك وش بغيتي
ساره:يبه انا موافقه على خالد
طالعها ابوسلطان باأستغراب:بنيتي متأكده ماتبين لك مهله تفكرين
ساره :انا خلاص اتخذت قراري
حمدان كان قاعد ومتضايق:ساره انا مو موافق
ساره:حمدان انت اكثر واحد كان عاجبك خالد
حمدان:عاجبني شي ويصير نسيبي شي ثاني
ابو سلطان:الراي يرجع لساره هي اللي راح تحدد حط ببالك هاالشي ياحمدان
وقفت ساره والعبره خانقتها:هذ قراري وراحت
حمدان:ابوي مو معقوله
ابوسلطان:راح نوافق بس ماراح يصير اي شي رسمي الابعد العطله
حمدان رمى الجريده:ابوي ماراح يندم الا انتم خالد ماينفع لساره
ام سلطان:حمدان انت الي متى بترفض اللي يتقدمون لساره
بنتنا مو لعبه بيد محمد لو يبيها خطبها
ابو سلطان اللي مايبي ولد اخوه ينسب:ام سلطان فضي السيره
عصب حمدان وطلع لانه يتمني محمد لساره وعند الباب صقع بسلطان
سلطان:حمدان
سفهه حمدان
سلطان لف على ورى: تعال انا احاكيك
حمدان مشى وسفه سلطان
سلطان بحزم:حمدااان
وقف حمدان ولف على سلطان:نعم
سلطان: حمدان انت تعرفني ما أحب ارفع صوتي على احد بس برضو ما احب احد يسفهني
حمدان مكشر:غيره
سكت سلطان واستحقر حمدان
حمدان اللي حس بغلطه لان سلطان له هيبه عند اخوه:اختك المصونه وافقت على ولد مرزوق ابو يعقوب
سلطان:خالد
حمدان:لاتحاول تسوي شي مقتنعه البنت
سلطان:عادي محمد لو يبي يخطب بنت عمك خطبها ولا تروح تقوله اعرفك
سكت حمدان وطلع

ردو على اهل ابو خالد ان البنت وافقت بس ماراح يكون
اي شي رسمي الابعد العطله
ياترى وش بيصير لمحمد لما يعرف ان قلبه وعمره انخطبت
ورهف وش بتكون رده فعلها
سلطان الى متى راح يستمر يعامل رهف كذا
ووش قصده هل هو حب او حقد
انتظرووني بالبارتات الجايه

انتظر ردوودكم

البارت8

ساره خطيبه روحيه لخالد
ساره لخالد
خالد لساره
لا لا لا لا
ساره بس لمحمد ساره لي انا انا يا عمه انا بس صح ونزلت دمعه محمد
دمعه الم وقهر
مسحتها العنود بيدها الحانيه:محمد حرام تعذبني معاك
محمد يمسح دموعه بكم ثوبه ويرفع عيونه لفوق:ليه ليه
العنود:لاتبكي انت رجال قو قلبك
محمد:الا باالحب انا ضعيف
ثم يصقع يده بصدره
ابتسمت العنود:لاتزعل ساره لك
محمد لف وجهه على جنب:قدقلتيها قبل
العنود قربت من اذن محمد وتكلمت ابتسم محمد ورفع حواجبه
قدها يا محمد
محمد:ونص قدها يا العنود ويحظن عمته
العنود:يالله يالله بس توني اصير عمتك الحبوووبه
محمد انسدح على السرير فرحان بالفكره
انفتح الباب بشكل سريع ودخلت ساره للغرفه
:هاي احلا عمه بالدنيا
محمد اللي سمع حس ساره حاول يغطي وجهه
بس مايمديه خلاص باين انه كان يصيح بس سوا نفسه مزكم
ساره اللي شافت ثوب على السرير هو شاب بس ميين
وقفت متنحه بس عرفت انه محمد من طوووله
بس اصلا ماعطاها فرصه تتأكد قعد وتربع على السرير ويطالعها ورفع حاجب€
على طول غطت وجهها بالطرحه ساره
العنود كانت قاعده في الكنبه اللي بجنب السرير
ساره حبت تقطع اي نظره بينها وبين محمد ولفت على عمتها ومدت يدها
هلا عمتو
العنود لفت وجهها بس مدت يدها:طيب انا اخر من يعرف النسبه زعلانه
ساره ماكانت ابدا مع العنود تبي تتخلص من سلامها على محمد وتطلع
تبي تسووي ان السالفه ايزي
لفت على محمد

ساره:هلا محمد وشخبارك
محمد اللي مانزل عينه عنها وقف وقرب عندها والعنود سوت نفسها منشغله باالجوال
قرب عندها بهدوء وهي تبعد وتطالع عمتها تبيها تنقذها
رجع الين صقعت بالجدار تبددت اي قوه دفاع عندها كانت منحرجه وخايف
رفع يده ومسك راسها
ثم نزل طرحتها
من على وجهها
ساره بصوت مرتجف وكشرت بحواجبها:خييييير
محمد كتم نفسه بغيض:انتي لي انا بس
انسي خالد انسيه
ساره بااستحقار:راحت عليك وانتهي كل شي
محمد اللي كشر وبنظره تحدي:بوجهي ان اخذتي خالد ثم ابتسم:انسيه
ساره الي غطت وجهها بيدينها:اكرهك
محمد:وانا بعد بس كذا عناد
ثم رز ظهره بشموخ ومسك خدها:باي ياعسل
وطلع من الغرفه
ساره اللي لاتزال واقفه مثل الوقفه وتناظر بالسراب طاحت شنطتها اللي معلقه على يدها

هنا انفجرت العنود ضحك
انتبهت ساره وقامت تطالع حولها
العنود:هههههههههههههههههه هههههههههههههههههههههههه ههههههههههههههههههههه
ساره:فرحانه
العنود:شي فلم روووعه
ساره :والله سخيف سخيف ماله داعي مو بكيفه
ساره كانت فرحانه من جواها ان محمد على الاقل تحرك حس فيها
بس في شعور غالب عليها انه لعاب وكذاب
العنود:انا مالي دخل
ساره:الشرهه على اللي يجي يزوووورك بس وين رهف
العنود اللي حست بااحراج ساره وماتبي تحرجها وساره من النوع الرجه بس
خجووله خصوصا بسوالف محمد

العنود:انتظااار رهف
ساره:ندق عليها وقت ثاني تعالي بس اوريك وش جابلي محمد
العنود رفعت حواجبها
ضحكت ساااره الين غرقت عيونها دمووع :والله سقطت سهوا سلطان اقصد
العنود ضحكت معاه

صوت جوال رهف يرن دقه رقم غريب
شافت الرقم استغربت بس قررت انها ترد بعد ماكثرت اتصالات هالرقم""..
الوو
....................................
رهف:مييين!!!
يعقوب:هلا رهف
رهف:مين
يعقوب:رهف نسيتي صوتي
رهف بدا قلبها يدق بقوه الصوت لايمكن تنساه:لا ماعرفتك
يعقوب:يعقوب ياكتكوتي
رهف ارتمت على الكنبه بحزن ومسكت قلبها وهمست:يعقوب اتوقع كل شي انتهى
يعقوب بعصبيه:انا اسف بس ما قدرت ثلاث سنوات ما أشتقتي لي بس لاتزعلين انتي قررتي الفرقا
صحيح ما أقوى عليه بس دامه اختيارك عمري ماراح اقول لا
بس بغيت ابارك لك
رهف:الله يبارك فيك
يعقوب بتنهد:جفا جفا حرام عليك... مع السلامه
رهف قعدت تطالع شكلها باالمرايه وعيونها تتأمل حالها
وترتجف معقوله يعقوب يعقوب
فتحت دفتر اعطته اياه ساره مره كيوت
ومسكت القلم
....رحله عذابي.....
ما أصدق معقوله يكون يعقوب يفكر فيني
رنت نغمه رساله جوالي

وصية مماتي
بعد موتي إنثري أوراق شعري على قبري
بللي تراب المقابر بالدموع
وإحضني أطياف الرحيل بلارجوع
سامحيني حلليني إذكري حب ساكن بالضلوع
بعد موتي إحضري ليلة رحيلي
شاركيهم في غسيلي
لاتغيبي علميهم من تكوني
قولي إنك ساكنه دايم في عيوني
وإنك أعذب في خفوقي
وإني أول من سكن بأقصى حشاه
وإني أصدق من جرح قلبه وجفاه
علميهم يتركوني بين يدك بس حدك تتركيني
إحضنيني بس مره
حطي خدي فوق صدرك
فوق جرحك فوق غدرك
علميهم كيف عشنا الحب آهاته وهمه كيف ذبحنا واحترقنا
يوم هذا الوقت قاسي مايهمه
علميهم
كيف هذا العمر مايعرف يحن
وعلميهم كم سهرت الليل من جرحك أوووووووون
علمي أمي مكانك بين قلبي
علميها إنك أجمل من لقيت
كان هذا الحب غلطه إنتي أحلى ماخطيت
بعدها يا أجمل أيام العذاب
إحملي نعشي معاهم للقبور
وادفني قلب حبك
ومالقى غير التجافي والغرور
بعد موتي
عيشي أيامك كلها سعاده وسرور
جعل دنيا إنتي فيها كلها فرح ونور
وإذكريني شخص حبك وماتمنى غير لقياك
إذكريني واحد كان أقصى أحلامه ينام بخافقك
عاشق ذاق أقسى آلامه
واحد موت حبك وحبك موت
واحد أخلص بحبه لين ضمه الموت
كنتي أصدق من كل هذولي البنات
وكنتي أعذب من ذبح قلبه وهده لين مات
غير كنتي عن كل العذارى
غير كنتي لقلوب الحيارى
وكنتي لي حلم وردي صيفي وبردي
إيه ياأحلى أيام العمر
تمر سنين من عمري وإنتي باقيه
هذيك العيون إللي خذتني يمها
وماهمها
ذاك الطريح إللي من حلى يدها أصبح جريح
تصدقين
حتى وأنا في آخر أيامي بموت
شايل همك معاي
وش تسوي بعد موتي
ياترى تلقى حبيب يودها
تستغربين
لو قلت لك ماهمني
كل إللي أتمنى بعد موتي
حياة تسعدك وعن كل هم تبعدك
حتى لو إللي معك إنسان أكرهه
دامه يحبك مايهم
ياسيدي تامر وسم هذي لك كلمتي
ليمنك قلتي تعال
وعندي رجا بس أطلبه
مابين قلبك والحشا حطي لي مكان صغير
تتذكريني لا قسى وقتك وهدك هالزمان
بستسمحك يامنبع الحور والحنان
راحل أنا عن دنيتك
لا والذي عطر وجمل سيرتك ماهو بيدي
أبعد عن عيونك وأروح
لكن قدر في وسط لوح
إني بموت بدنيتي بس مرتين
مره بليله إلتقت عيني بعينك
وإبتدى حب كبير
والثانيه ..............................0
وبلمرتين كنتي معي

الرساله من يعقوب شعور الم احسه اذا شفت يعقوب حبيته ولا أزال احبه بس
بس
ما أدري شعور اني ماأكون له بحد ذاته مؤلم حاولت ابعد عنه احسني ماراح اكون له ابدا
ماادري اللي بقلبي ليعقووب هو الحب اللي يشعروون به الناس او هو مبادله لشعوره
والله ماادري

طق الباب
:ادخل
ياحبيلها جواهر أخلاق:حياك جواهر
جواهر ابتسمت ابتسامتها اللي كلها حنان:وش عندها القمر
رهف:ماشي بس اكتب
جواهر كانت مره فرحانه
حسيت انها عندها خبر:وشو جواهر عندك شي
جواهر:لندن
رهف:لاعــــــــــــــــــ ــــــــــــــــــــــــ ــــــــــــاد
جواهر:توه خالي ابوفايز يقوله نسافر معهم
حظنت بسرعه جواهر وهي تضحك
ركظت بسرعه فتحت الباب على غرفه محمد
كان حاط سماعات بأذنه ويدندن سحبت السماعه من اذنه :بشاره
محمد يعقد حواجبه:انتي ماوراك الا المشاكل
صدق قليل حيا هاالولد ميلت بفمي:انا طيبه عشان كذا بقولك
محمد يغمض عيونه :اسمعك
رهف:بنروح لندن
محمد سو نفسه متفاجأ :صدق عاد
كشرت وكشيت بوجهه:مالك داعي سخيف
وقمت من السرير
مسكني محمد وهو يضحك:تعالي بس انا عارفه السالفه من زمان هع
برطمت:بس ولو
محمد ضحك:صدق اني معطيك اكبر من حجمك تقلعي يالله
ياكرهي له محمد احبه اكثر واحد في اخواني بس هو يعتبرني بزر
مشيت ولفتني تسريحه محمد هي اصلا كل يوم تلفت انتباهي واحب اطالعها
وقفت عند تسريحه محمد فيه صور كثيره على جوانب المرايه وصوره لنا واحنا صغار قعدت اتأمل جا عندي محمد
واشر على صور:هالصوره مره تعجبني
ابتسمت
عرفت لأن صوره ساره فيها:ههههه بس هنا صوره ساره تضحك كنها قطوه متشرده
مسك الصور وتأمل فيها وهو يبتسم :
ما القطوه المتشرده الا أنتي صادق سلطون يعرف يشبهه طالعي كشتك
وعيونك هاللي ماخذه نصف وجهك ولا وسيم الا في انا واخي
ياكرهي لها الوسيم دوووم يشبهوني فيه وانا صغيره عشاان عيووني كبار من باب المبالغه حرام عليهم
رهف:قل ماشا الله سمله علي
سحبت الصوره
كانت ساره شعرها سايح وقصير فوق اذنها وخدودها فيها حمره وشفايفها وردي ولابسه بجامه بيضا فيه رسومات
اما انا حليلي كنت قاصه قصتي قصيره وشعري اليما تحت اذني طاير على فوق بشكل مموج يضحك وكنت اطول
من ساره وفمي فيه شوكليت
خاطري اقطع الصوره شكلي يضحك كنت تقريبا اولى ابتدائي
انتبهت لحمدان قاعد ومعاه مفتاح :محمد مو حمدان هنا كنه لبناني يضحك
محمد:لايسمعك تقولين قسم يتعقد
كان حمدان باالصوره شعره طويل من ورى بس مو مره يعني اليما نها يه اذنه
ومن قدام قصير وشعره اشقر وعيونه عسلي ومعاه مفتاح يموت بالمفاتيح مجرم الولد
سلطان كان واقف وراي على طول وماسك شعري على فوق ويضحك كانتى طالعه غمازاته طبعا
سلطان ماينقال عليه كلام حلو من يومه صغير
اما نوره واقفه جنبه وهي تضحك على شعري ومسويه بشعرها ذيل بس على فووق وشعرها طويل
كشرت
محمد:شبلاك
اشرت على نوره:من زين شعرها اللحين تضحك
بزعمها لونه غير يعني حلو
ضحك محمد على باأستهزا كنت احس انه عارف ليه انا مهتمه بضحكه نوره
الصوره ماكان فيه محمد ولاسلامه ولا فايز ولافارس
ولا العنود ولا خالد
تنهدت احسني من زمان ماشفت هاالصور
محمد بضحك :شوفي صوره فايز اول ماطلعت له شوارب
ضحكت من قلب واضح انه واحد مسووي كبير
وفي صوور للعنود ومحمد كنهم ابوو هنوود مره
ولابسين شورت كانو يسبحون
وصور كثير تضحك
محمد راح لكمدينته وخذ منها شي وجا عندي:هذي من سلطان بمناسبه تخرجك نسيت اعطيك اياها
انا حسيت وجهي راح فيها حسيت اني ماأسمع كانت كيسه صغيره
رفعت عيوني لمحمد اللي كان عادي مافرقت عنده السالفه
رهف:بس
ليه ماجابها مع اخوانه
محمد بتعجب:بترفضينها عشانها من سلطان
تراه يقوم بواجب عادي
مسكت الكيسه اخفف التوتر وحطيتها على الطاوله وقمت اتابع الصور وانا والله مااشوف شي
شفته راح يقعد على السرير
بسرعه البرق رحت غرفتي وفتحتها كان دبدوب لونه وردي
ماسك علبه فتحت العلبه بخوف يارب مايكون خاتم لانه بيكون يقصد شي والله ماادري اقول ياربي والا اقوول ياليت
برق لي شي فضي سلسال رقيق روعه
قلب قعدت ادقق فيه طلع على الألماسات اللي على القلب
s
r
S
R
شهقت يوم شفتها طالعه كأنها نقوش مو حروف حسيت اطرافي ترتجف بمجردشعور ان هذ السلسال لامس يد سلطان
فتحت الكيسه بعد مارجعت السلسال مكانه خايفه المسه مدري
شفت بلوزه بيضا سحبتها
كان فيها صورتي عمري 5سنوات
وشوشتي طايره بس بشكل يجنن وقاعده بحظن س س سلطان وعمره تقريبا 9سنوات ويبتسم ابتسامته المعروفه
ومكتوب
والله وتخرجتي يالقطوه المتشرده ماأدري ليه حسيت باالخوف خوف صعب اوصفه
خوف اني احبه مع انه مو من حقي هالشعور هو لنوره
ياربي معقوله محمد شافها وعادي عنده طب ليه هي ايزي عند محمد وانا مكبرتها
حمدان جاب كيكه مرسوم فيها صورتي وقلم وبوك من ديور مع ان هديته اغلى من هديه سلطان ماديا
بس كانت باالنسبه لي عاديه مدري هديه سلطان هزتني
طع_صوت الباب
سلامه:رهف خلاص مافي عرس الابعد السفر
مجنونه هذي:والله ليه
وحاولت اخبي الكيس عشان ماتشووفه وتعلق
جت سلامه :ابد تو اقنعت فارسي ان بعد العطله نتزوج
رديت ببرود:غصب عليه بيوافق
سلامه:مالك خص بحبيبي وزووجي
مره فرحانه بفارس ياني انا وياه بينا شعور كرهه متبادل اكرهه احسه بياخذ اختي مني
وهو يكرهني عشاني دايم اخرب لقائتهم الرومانس من زمان حليلي كنت شريه تذكرت القطوه المتشرده وضحكت

دق التلفون وقطع مضاربتي انا وسلامه عن فارس
رهف:الو
ساره:هلا واكبر واحلى واطخم و
رهف:سوير بسرعه وش عندك فيني النوم
ساره:رتبتي شنطتك
رهف:قاعده ارتبها
ساره:تدرين مره فرحانه
رهف:وناسه
ساره:شوي معي خط
بعد لحظات دخلت العنود معانا باالخط
العنود:وش رايكم في ابوي كشخه صح
ضحكنا
العنود:اقول سوير يقولون انك تبين تملكين قبل السفر
ساره:ايه بس ابي ارتاح

بغيت اجي لساره وأكفخها هاالبنت بقره تستهبل على نفسها
العنود:ترتاحين من وش من محمد
رهف: اذبحها عمتو
ساره صوتها تغير:ايه خله يفرح بحبيبته اللي يحبها
العنود ماكانت تقدر تقول كل شي يقوله محمد حتى ماقالت لساره علنيا ان محمد يحبها
العنود:خليه لها تتهنا فيه وانتي روحي اتزوجي ها ال.....
ساره:عمتو بليز لاتسبيه على الأقل احترام لي

ياحليلها ساره مسويه الزوجه المخلصه:ساره تكفين بكف والله مسويه فيها مره انتي

ساره عصبت:انتم ماعندكم غير هاالسالفه ؟؟
العنود:طب جبتو جاكيتات
ساره :انا واحد بس
دخل محمد على رهف وهي تكلم
محمد:رهف رهف يالله بروح بيت جدو تروحين معاي

جيت بوقتك يامحمد:والله ياحبيلك ياأحلى وأطخم اخو باالدنيا
محمد مستغرب ويناظر من فوق لتحت:عجلي بسرعه بنمر نجيب نوره معانا توه دق فارس يقول
اذا رحتو خذوها
حسيت ان ساره احترقت لمجرد ذكر اسم
نوره على لسان محمد
جا وقعد محمد جنبي عشان يشحن جواله
رهف:عنوده بنجي عندك
ساره تبين نمرك
طالعت بها اللحظه محمد بنصف عيني شفته يبتسم
ساره:لا رهف انا تعبانه شوي مقدر اجي
العنود:ساره تعالي بزعل ترى؟
ياحليلها عمتو تبي تفرح محمد
ساره:خلاص بجي مع حمدان
رهف:بااي بنمرك حمدان يافقاشه مو موجود
العنود:وسلطان عندي
ساره:اوكي
سكرت ولبست عبايتي:مشينا
محمد كان لابس ثوب حليله اول مره يلبس وشماغه على كتفه
مره انا يعجبني كشخه محمد
احب مشيته هيبته ضحكته احيان كثيره اتمنى يحبني شخص مثل ما محمد يحب ساره
دخلنا السياره
محمد يدوربالسيديات
وفتح شي سمعت بدايته ثم وقفه
كانت اغنيه غيبوبه عشان ساره اتوقع
لفيت عليه عرفت وش يقصد بها اللاغنيه باالذات
وصلنا لنوره
محمد:دقي عليها
رهف:هلا نوير اطلعي وينك
ضحكت نوره وسمعت صوت العنود تضحك:بصراحه سلطان والعنود خذوني من زمان بس قال سلطان خلهم يدقون
مشوار لبيتكم لاتعلميهم انك رحتي

حسيت بلحظتها كل ذره بجسمي تحترق
غيره
قهر
ما أدري :سخيفين وسكرت الخط
محمد:وشفيك
قفلت جوالي:ابد مسوين مقلب فينا سلطان وعنود ونوره
خذوها وخلونا ندق مشوار
ضحك محمد:طب ليه زعلانه وكبرتي السالفه
رهف:خلاص لاتروح بيت جدو ناخذ ساره ونروح تشيليز
ابتسم:على هاالخشم

ياحبه للنصب محمد بس عشان ساره
من جد احس ودي اصيح بس بسوي اني مو معصبه انا بس بنرد المقلب

وصلنا بيت عمي ابو سلطان
طلعت ساره من يوم ماضربنا البوري
رهف:ياحبيلها اخلاق
دخلت ساره:مرحبا
قمت بدون اي مقدمات قلتلها السالفه اللي عندي
ساره:طيب نسحب عليهم
لفيت عليها
قربي احضنك
ياربي قلبك ضحكت ساره وقربت بيني وبين محمد
محمد كأنه انلسع من لمسه ساره

البارحه ياناس عايش في غيبوبه
من صدمتي لليوم مو قادر اتكلم
صدق الخبر لي شاع
والكل سمعو به
وانا الين اللحين
كني بعد احلم
محبوبتي ياناس للغير مخطوبه
فز الحشا بركاد والخاطر
تكلم
ياليتها لوبس تكون مغصوبه
لايول وسط العرس
>>>اغنيه غيبوبه
هاالأغنيه كانت مسيطره على جو السياره
حسيت كانت عبارات صادقه تنطلق من محمد لساره
لفيت على محمد شفت دمعه نزلت بسرعه مسحها
وحاول يغطي عني وجهه
اما ساره كانت قاعده ورى كرسي محمد
وتلعب بطرف شماغه اللي هو راميه على ورى لأنه مالبسه بس على واحد من كتوفه
حسيب ان الجو كان عتاب صامت
دمعه محمد اثرت فيني وقفت المسجل
رهف:بس خلاص ماعجبتني الأغنيه تحزن
ضحك محمد:اجل وش رايك بحال اللي عايشها
دق جوال ساره
:رهف سلطان ارد
محمد:لاعطيني اهبل فيه لعب فيني مخليني امشور
ساره مدت الجوال
اخذه محمد:خير وش عندك
ضحك سلطان:حمود وش جابك عند اختي
محمد:ساره معنا انا ورهف ضدكم
سلطان:وانا داق عليها ابيها تتوسط لي
عندكم
محمد:انقلع بس لأعطيك واحد احنا ماراح نجي عندكم
سلطان:تستهبل انت ووجهك
محمد:اوامر سمو الاميره رهف
سلطان:قسم باالله لا أكسر راسك انت واختك هاالدلوعه

بغيت امسك الجوال واكسره
محمد:تراها تسمعك تكلم
حاط مايك
سلطان:رهفوه يا الدلوعه نمزح وشدعوه انتي اللي سايقه

لفيت وكشرت
سلطان:ردي
كشيت على الجوال
ضحكت ساره
سلطان:قسم بالله يامحمد اخر مابيني وبينك لو ماجيتو
محمد:لاعاد كل شي ولازعل ابوسعود
سلطان: تعال ورهف وساره
رهف:انا مو جايه
سلطان:اسمع رهف
محمد:تقول ماراح اجي
سلطان:قسم باالله يارهف لو ماتجين لاأجيك انا
ضحكت ساره عارفه وش قصد اخوها
يعني يجي يخطبني جعله الموت اكرهه
محمد:ياحوبي افتحو الباب
وصلنا ودخلنا
تقدم محمد عنا
وساره راحت انا
دق جوالي جيت اطلعه من الشنطه
رفعت الجوال حسيت بشخص قدامي سكر الجوال
رفعت عيوني
التقت بعين
اخر شخص تمنيت التقى فيه
سلطان:انا اللي داق
حسيت بيغمى علي
سلطان:شفتي يوم بغيتك تجين جيتي غصب عنك مو بكيفك
يعني حطي ببالك اللي ابيه باخذه
ابتسمت بااستحقاره:ماهي باالقوه
امكن تقدر تمتلكني
اشرت على قلبي
بس هذا
ماتقدر صدقني
بتتعب
ابتسم سلطان:مو شرط امتلكه ما أبيه ولا ابيك بس لاتعانديني
يارهف لاتعاندييين
انا بعمري محد حط عينه بعيني

حسيت نفسي ارتجف
استحقرته:اكرهك
ومشيت
وسمعت ضحكته
حسيت ان فكي يرتجف تصرفاته صايره غريبه هو يعرف اني اخاف منه ويوم صرت ارد عليه هزئني
مدري وش يبي مني
دخلنا وقعدنا باالصاله
ودخل سلطان بعد شوي
كان لابس تي شيرت احمر
وبنطلون جينز
قعد جنب محمد انا على طول قمت
العنود:على وين
رهف:بروح المطبخ
العنود:لالا يارهف
انا بصراحه استغربت اول مره اشوف العنود كذا وشقصدها
فجأه شفت ساره ونوره وقفو يصرخون
لفيت على ورى
كان فيه شاب واقف ملامحه مو ملامح حمدان كأنه سلطان بس هو اقصر عمي خالد
ركضو المهبل يحضنونه
انا وقفت ومديت ايدي ببرود
خالد:عنوود هذي رهف
العنود :اي
خالد :هلا وغلا ليه مابكيتي مثلهم والاماتبكين مثلي
ابتسمت وانا ببالي انا زين اني عرفتك مره مغرور شكله ماكان كذا ابدا او يمكن شبهه بسلطان سوا عندي شبك
ساره وتمسح دموعها:يعني كنتم متفقين مع بعض
العنود:يس
نوره: :والله اني شاكه تخيلي ماخلوني اغير المكان
لفيت على محمد ببرود:كنت داري
محمد:انتم الثلاثه اللي مادريتو بس
سكت
خالد:اقول ورى ماتنقلعون ياشباب ابي اشوف بنات اخوي حلووين مثلي
سلطان:بنغمض بنغمض
محمد وسلطان لفو وجيههم
وراحو بعيد

رمينا الغطاوي
خالد يرفع حواجبه وهو يبتسم:ياعيني على الجمال
العنود :يشبهون ملاك
جاء الشباب:ملينا خلاص غطو
ودخلو
خالد:العنود ملاك كذا
العنود تكش علينا:لا احلى
سلطان:لاعاد
العنود:سلطان انقلع خلك عن بنت عمي
سلطان بخبث :خالد وش رايك تخليها لنا
خالد:حلالك
ساره بعصبيه:عمو مالك داعي ترمي البنت على الناس
سلطان وهو يضحك:ساره ليه العصبيه
نوره:ايه والله انك صادقه عيب عليكم
خالد وهو يتذكر اول ان البنات يعلقون على نوره بسلطان :امووت بالغيره
احمر وجهه سلطان
اما نوره اللي سوت نفسها ماانتبهت للسالفه واصلا مو باينه من تحت الغطاء
ان بغت تطلع عيوني من النقاب بشوف معالم سلطان الي تغيرت ثم رفع عيونه لعمتي العنود وابتسم
انا هنا احترقت الا مت قليل ادب من جد يلعب بالخطوط على الناس كلهم
اما عمو خالد اللي فقعها ضحكه مع سلطان ومحمد
وانا بس قمت اتخيل حمدان المسكين اللي يحب نوره كيف لو يشوف اخوه يسوي هالحركه
من جد حسيت بقمه القذاره
رهف:محمد ودي روح البيت
محمد وقف :بروح الحمام بعدين بنروح
عمو خالد لف لي ورفع حواجبه:انتي على فكره مدري وشفيك معصبه
وزعلانه هذا وانا عمك
سلطان اللي بدى بنظرات الاستهزاء:هذي اعوذ بالله منها قمه في الشر
ومغرووره شي
رهف:مااحد طلب رايك فيني !!!
سلطان سكت ويطالع بضحك ونظرات انتصار
ثم عطيتهم ظهري

سلطان:تبني اخليها ترتاع
خالد:هي للحين تخاف منك
سلطان وقف وراي بس مانتبهت ادور شنطتي
بوووووووووووووووووووووووو ووووووووووووووووووووووووو ووووووووووه
نقزت من مكاني وصرخت :سخيف
سلطان :قدها
ويقرب عندي
حسيت نفسي بزر انحاش منه وهو يسوي نفسه بيجي عندي
والكل يضحك
ثم طلع محمد من الحمام
وسلطان بها الحظه اصطنع البراءه عشان محمد ولف على محمد:اختك للحين تخاف مني
انتم كنتم تروعونها فيني قبل ماتنام
ضحك محمد ونسى الوقفه اللي عليها سلطان واخته:ترى رهف صغيره ياحبيلها اختي
سلطان بضحكه ونظرات استحقار:ترى انا مثل اخوك يارهف لاتخافين مني
تخســــــــــــــــــــــ ــــــــــي
ثم ناظرته نظرات استحقار
سلطان وهو يضحك:شهدت يا محمد هي ماتبيني اكون اخوها !!!
خالد حس ان فيه شي ماله داعي بين سلطان ورهف خصوصا نظراتهم اللي مو منتبهه لها محمد
لأن محمد برئ بقوووه
خالد:خلاص عاد خلو بنت اخوي
سلطان:احلى يافزعه
خالد بضحكه لسلطان ويقول بحركات :نتكلم بعدين

محمد لف لساره:تروحين معنا
وكانت على دخله حمدان:ايه ايه اذا غاب القط العب يافار محيميددددد
ضحك محمد:وش جابك
انا كنت واقفه عند الباب جنب حمدان حرام يخونه اخوه من جد قهر لفيت عليه لحاجه بنفسي:وش اخبارك حمدان
لف علي حمدان:والله الحمد الله بخير وش اخبارك انتي!!من زمان عنك لك ووحشه
سبلت بعيوني :داريه
كنت اشوف سلطان قاعد على الكنبه ويكلم خالد عني
ويأشر
كأنه منقهر
ووصلنا البيت
من جد اليوم كان يوم غريب عمر شخصيه سلطان كانت كذا معي
منجد حسيت انه يكرهني وانا اللي كنت متخيله انه يحبني اثري انا بس لعبه بيديه
يلعب فيني عشان نوره
ماادري ليه حسيت بدموعي تنزل
من جد كنت منقهره من قلب عمري عمري ماصحت او توقعت اني بصيح على سلطان
سلطان ماادري ليه هالاسم صار مهم عندي بعد ماكان اكرهه شخص بحياتي
كنت احس ان سلطان حقير
حقير
حقير
حقير
حقير
ونمت وانا اردد هالكلام كان اليوم بالنسبه لي مثل الكابوس حسيت اني بين يدين
سلطان

في اليوم اللي قبل يوم السفر
كنت قايمه من الصباح مبكر متنعنشه وفرحانه اول ما صبحت على رساله يعقوب

لو اقـول انـي احبـك قالهـا قبلـي كثيـر ودي بكلمـه حبيبتي فـي معانيهـا جديـده
ودي بكلمه وابيها توصـف احسـاس ٍ كبيـر ان قـدرت آقولهـا والا بكتبـهـا قصـيـده
يا حبيبه كنت قبـل اعرفـك اشبـه بالكسيـر ولي معا شوفك تلاشى الهم واصبح لي فقيد
انت دنيـا غيـر دنيـا شفتهـا يمـي تسيـر اقبلت تحيي ابتسامـة قلـب ٍ احزانـه تبيـده
وانتي ورده من يشمك ما رضى بغيرك عبير وشوف حالي من اشوفك اجزل الشعر واجيده
انتي انثى بس تساوي عنـدي الشـي الكثيـر يكفي وحدك يا حبيبه من سخى بحبه ويزيـده
يكفي انك تاج راسـي وأول وآخـر مصيـر ويكفي اني من عرفتك وآنـا ايامـي سعيـده
انتي من دونك حياتي تشبه احساس الضريـر عايش بدنياه لكن ! يبغـى مـن ياخـذ بإيـده
انتي اصلا ً لو دريتي بقلب ٍ اصبح لك أسيـر كان والله لو دعيتك جيتـي لـو انـك بعيـده

تنهدت حسيت ان يعقوب هو هو الحب وبس وقررت بعد تفكير لأسبوع ان خلاص سلطان
اطنشه لانه يلعب
وكذاب
تنهدت
بس مارديت على الرساله

انا احساسي يقولي ان احنا بنشوفهم بلندن لأن هم كل سنه يروحون هناك واذكر ان نوره
كانت تقول ان لهم بيت على بعد شارعين من بيت جدو اللي بلندن

طلعت شفت محمد قاعد :جهزتي شنطتك
رهف:صباح النور
ضحكت سلامه:رهفوه اليوم مزاج حمود عال
وجاي يخبرك خبر
انا استغربت:وشووو
محمد:بيتحقق حلمك
جلست وانا مستغربه:وشووووو
محمد:تخيلي بنام كلنا ببيت جدي الليله وبنروح من بيته لمطار
صرخت من الفرحه:والللللللللللللللل للللله
سلامه:لااااا
ام فايز:ليه لا
سلامه:يمه انا صابغه شعري اسود واخاف فارس يشوفني

ام فايز:اه من حركاتكم يالبنات كان تزوجتيه وخلصنا

البارت 9

دخلنا بيت جدي بعد صلاه العشاء والرحله كانت الساعه 6 صباح
الكل كان فرحان
طبعا كنا بالليله نفسها مجتمعين ومسوين عشاء لأن اخو جدي العم ابو سعود موجود

رحنا انا والعنود وجواهر نصلح السلطات ونوزع الأكل لأن العنود مسويه سنعه عند ام سعود مره عمها هع لزوم التميلح

انا طلعت برى انتظر محمد ياخذ لفت انتباهي نوره وسلطان وبعيد عنهم شوي ساره تكلم جوال
طالعت بتأمل
كانت نوره متغطيه بجلالها ولابسه نقاب وتسولف مع سلطان هو كان قاعد ويطالع
بجواله ثم يطالعها وهي واقفه تناقشه
كنت واقفه ومعي السلطات
مدري ليه حسيت اني ودي اضرب سلطان بها اثره يلعب بمشاعري كان يكلم نوره وهو منزل راسه ويبتسم
سلطان عمره مانزل عينه عن بنت حسيت اني عباره عن حقيره عند سلطان لعبه
مدري اي شعور جاني تجاه سلطان حسيت اني اذا استمرت اطالعه بيطلع شي ماابيه يطلع
انتبهت لمحمد :رهووووف
رهف:هااه اسفه وزعها زين هاه انتبهه تفشلنا
محمد لف عليهم مستغرب:من اللي مع سلطان
رهف:نوره
محمد عصب شوي بس سوى نفسه ايزي:ساره من تكلم
ضحكت بضحكه يالله طلعت:ماتشوف صاير محقق يمكن تكلم خطيبها
محمد كشر:ووووووووووووووووووووو وووووووووش
نبققت عيوني:امزح بس لو صار كل شي رسمي اكيد بتكلمه
حسيت اني ضربت الوتر الحساس عند محمد كنت ابي اقوله ابيه يتحرك
يسوي شي
سلطان اللي كان منتبهه لنا حسيت بنظراته عندنا من زمان طالعته بنظرات مدري وشلون طلعت مني كانت حزينه
شفت نوره اشرت بيدها اني اجي ومعاها ساره تأشر
اشرت لهم اني قاعده اشتغل
وشفت العنود جايه بتورته العشاء
فاجأني حمدان:اهللللن بااحلى عمه واحلى قطوه
ضحكت على حمدان هالولد مره رقيق:اهلن بااحلى قطو
ضحك حمدان :والله رهفوه لك فقده ودي اشوف قطاوه من زمان عنك
ضحكت انا:يالله بس صدق تشبهني بقطوه يالفار
هنا حمدان فرط ضحك وحمر وجههه ضحكه مصطنع يبي يرفع ضغط نوره مدري حسيت
انه كذا
انا ماحسيت بالا اللي جاء ونشب جنبي انا لفيت شفت سلطان بصراحه ماله داعي شكلنا ابدا عمره ماسواها وانا فاتشه
اللحين متغطيه ولاصق فيني
وعيونه مافيها اي معنى قربه مني سبب لي ارق
وتعب ماابي اضعف ماابي
حمدان بااستحقار وتمتم بكلمات غير مفهومه لسلطان
ضحك سلطان :لمصلحتك صدقني بس مو معناها تتعدى علينا!!!
جت العنود وبعدت سلطان عني ياحبيلها العنود:المره الثانيه لاأواصيك ادخل برهف استح على وجهك تراها كبرت
اكتفى سلطان بالضحك وسحب العنود معه ولف فيها على جنب وقالها شي ثم طالعونا وضحكو
ماكان فيه الا انا وحمدان بحركه سريعه لفينا حمدان راح المجلس وانا دخلت المطبخ

سلطان:رررررههههف
سفهته ومشيت
مشى عندي :انا اناديك وكان راص على سنونه
لفيت ببراءه:سم بغيت شي ماسمعتك
سلطان اللي ماتوقع ردي:لا ولاشي بس اجرب صوتي
مشيت قدام وسفهته وانا اتحمد واتشكر من جوا
سلطان:رهف ماخلصت كلامي
لفيت بعصبيه وعيوني كلها دموع مجتمعه:وش تبي
العنود:سلطان تعال ود القهوه

طالعني بخبث ومشى
دخلت جوا شفت نوره تكلم الجوال وهي فرحااااانه مره مره وتقول:تخيلي يوم حقرته لحقني والله اني مستانسه

سمعت هالكلام وانا خانقتني العبره
مدري انا صدق احب سلطان او لا معقوله يارهف اهتم فيك يومين معناها يحبك انتي توهمين خيالات من عندك
هو بس لنوره الحقيقه اللي مو راضيه افهمها مدري ليه احس عيونه تقول العكس
وش معنى انا من بين كل البنات اللي يحب يفرفر فيها ويعصب فيها ونوره يكلمها عادي
ولا في نبرته اي حب بس احترام ايه يحترمها بس انتي لا يحترمك ولايقدرك اخ بس

مدري على طول صقعت بساره
ساره:عسى ماشر وراك ماشلتي نقابك
فتحت نقابي ورميته وتنهدت
العنود:بناااااااااااااااا اااااااااااااااات تعالو شوفو الشباب يرقصون
ركظنا كلنا
الكل
بصراحه الانظار كانت متوجهه لشخص واحد هو سلطان لانه لحاله يرقص
والباقين واقفين جنب بعض ويصفقون
والشياب يغنون
العنود:شفتو سلطان
نوره:ودي اصوره مره صراحه رقصه شي
العنود التفتت بسرعه : لالالا
شهقو البنات على حركه سواها سلطان وهو يرقص بسيف جدي
سمعهم سلطان لف عينه عليهم باابتسامه البنات نزلو راسهم
:شافنــــــــــــــــــــ ــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــا
ثم قام سعود ودخل معه بالرقص
دق جوالي بها اللحظات ميعاد كنت ابي اروح مابي اناظر سلطان وهو يرقص وتعليقات
نوره اخاف اقول كلام ماله داعي
رحت وطلعت مع الباب الثاني واسولف مع ((ميعاد ))
ساعه قعدت ابربر معاها
كنت فاكه شعري والعب فيه واسولف تعرفون الوحده اذا كلمت وقدامها مرايه دايم تتأمل بنفسها وتلعب
بشعرها
وواقفه عند باب الملحق
فجأه ماحسيت الا واحد دفني جوا الملحق وسكر على فمي وهو محوطني بذراعه
طاح الجوال مني وتكسر
مع الظلام اللي بـ الملحق ماعرفت مين
حاولت اتحرك بس كان مثبتني
وطلع الصوت:اووووص انا سلطان لاتتكلمين
انا هنا انهرت توقعت كل التوقعات الشينه وش يبي مني مدري المفروض اصرخ والا افرح
بعد عني وجاء عند وجهي
ثم من فتحه الشباك اللي بالملحق شفت نصف وجهه كان معصب:انتي ماتستحين على وجهك تمشين بدون جلال هااااه
لا وقاعده تغنجين وتغنين انتي ووجهك قله ادب لكن الشرهه مو عليك الشرهه على اخوانك الي مسيبينك

انا معد قدرت اتحمل وقلت بصووت عالي:احترم نفسي!! مالك شغل فيني
سلطان وقرب عندي:انتي حلالي تعرفين يعني اتحكم فيك على كيفي تفهمين
رهف بعصبيه:مايخسى الا انت
سلطان رفع حاجبه:بتندمين!!!
وطلع
انا وقفت ساعه منهاره مدري وش اقول وش اسوي
اللي قلته صح او لا
دخلت وماتعشيت خرب علي احسن ليله بحياتي النذل
شفت البنات يتعشون وانا واصله عبرتي
تعذرت لهم لان العبره وصلت

اندسيت في فراش العنود وبكيت الين طاح اللي براسي تروشت
ونمت
الساعه ثنتين سمعت البنات وازعاجهم قمت
ابتسمتلي العنود:صباح الخير
نوره وساره كانو يتابعون فلم لفو علي:سلاماااااااااات يالعسل
طالعتهم بااستغراب :مافيني شي بس راسي يوجعني
العنود :تعالي بنت خيووو نتعشى بقيت لك عشى
رجعت انسدح على السرير:والله مالي نفس
العنود جرتني مع يدي:مو بكيفك انا اليوم فرحانه لازم تكونين فرحانه معي وطلعتني برى عن البنات
وتسولف عن ان ملاك دقت وبيروحون معانا بكره وان اللي رد عليها خالد
قعدنا بالحديقه وجابت لي ورق عنب وببسي وكبه قعدت اكل بس كل ماتذكرت سلطان غصيت بلقمتي
اناقلبي يقول ان العنود تبي شي
العنود كانت مرتبكه:رهف تغطي
انا على طول تغطيت توقعت حمدان لأنه هو الوحيد اللي يسهر لهذا الوقت سلطان يعشق النوم
انسحب الكرسي اللي عندي وقعد جسم اعرفه بس ماحاولت ارفع عيوني خفت عيوني تفضحني
سلطان:ماتعزموني يعني!!
العنود اللي مرتبكه :حيااااك وش دعوه
حسيت بينهم نظرات غير مفهومه
سلطان:لازم تقولها رهف ولف علي
انا كنت منزله عيوني ومارفعتها ابدا
سلطان:مارديتي يعني زعلانه!!
رفعت عيوني له بس كنت اطالع صدره ماقدرت اطالع عيونه بس لازم اقوله اللي بقلبي ليه اكت
:والله ماادري من اللي شرشحني اليوم واهاني
سلطان:يخسى من يهين حلالي!!!
رجع يقوول حلالي:لاتقول حلالي لاتقول
سلطان: بتمنعيني!!
طالعت العنود ابيها تنقذ الموقف بس لاحياه لمن تنادي
جيت بوقف
مسك يدي بهدوء انا انكويت من لمسته وابي امنع هاللمسه قعدت بسرعه وجريت يدي:والمطلوب
سلطان بشموخ حسيت انه عصب:انا ماجيت اطلبك شي ومو انا يارهف اللي يطلب من بنت شي !!!
واللي سويته انا مقتنع فيه انا غيور انتي صحيح بزر بدري عليك تفهمين غيره رجل
وصلت معاي وبغيت انتف شعر راسي:طيب ياكبير تعتقد هذا اسلوب
رفع حاجب سلطان بكل غرور:ولا مااحسني سويت شي بعد زين ماجلدتك بعد
رهف:اعتبر جيتك هذي اعتذار
سلطان ابتسم :وشفيه صدري ليه تطالعينه
ضحكت العنود :خلاص اللحين عاد تصالحو احنا منب ناقصين مشاكل خلونا حبايب
ضحك سلطان:نصير حبايب
راح وجهي طمااااااااااااااااااطه الحمد لله اني متغطيه
ضحكت غصب عني
سلطان:ايه يالقطو المتشرد نبي نسمع ضحكتك
قمت واقفه:يالله انا استأذن
سلطان:جوالك معي بعدله واعطيك اياه
ابتسمت وراح عن بالي اي فكره عن الجوال
00000000000000000000000000000000000000000000000000 00000
الجد:يالله بسرعه حمدان ياخذ الرجاجيل وانا ومحمد ياخذ الحريم
وفايز وفارس ومعهم زوجاتهم
ابتسم فارس يبيها من ربي
و سلطان ياخذ البنات والاطفال الصغار
دخل سلطان بها اللحظه والعائله كانت مجتمعه كان لابس بلوزه سوداء واسعه قميص وبنطلون جيشي
من جد كان شكله روووووووووووعه ياحظك يا نوره
كان شايل جاكيت بيده الثانيه ويشوف الساعه:بسرعه اللي بيروحون معي 5دقايق وبروح
انا كنت واقفه عند محمد ورفع عيونه لي مع اني كنت بالغرفه الثانيه
:محمد شل شنطتي
محمد:عندك الشغالات
رهف:مالي دخل مالي دخل انت وعدتني انك انت اللي تشيلها
محمد وهو يضحك:نذاله يعني
كنت منقهره منه لأنه من جد يقهر انا كنت ابي اذله بحركه انه يشيل شنطتي لانه قبل يومين راميني بالارض وقلت ماراح
اسامحه الين يشيل شنطتي
حمدان:اقول محمد اختك منهبله
طبيت على حضن محمد وامعط شعره
محمد:رهفوووه ابعد عني
طلعو البنات وانا ماطلعت ومعنده

بالسياره
سلطان كان عارف ان رهف ماركبت:ركبتو كلكم
ساره:سطان رهف تتضارب مع محمد وقالت السالفه

دخل سلطان وانا قاعده اطق محمد
سلطان:وين الشنطه!!
محمد:جاء الي بيسنعك سلطان تكفى

مشى سلطان عندي واشر على شعري اني اغطيه من ورى طالع لأن حمدان موجود مسوووي هو عادي يشوفه
وسحب الشنطه:رهف امشي بسرعه
مشيت وراه ةوانا ساكته وهاديه لو اقولكم اني ماادري وشلون مشيت وراه
بالسياره الوضع كان عااادي سلطان والعنود داقينها سوالف عن مغامراتهم يومهم صغار
ومره يكذب سلطان وتكشفه العنود ومره تكذب العنود ويفضحها سلطان
والطياره كانو الشباب قدامنا بكثير
وانا جنبي العنود نقرى قصه
ماصار اي احداث مهمه تنذكر
فــــــــــــــــــــــــ ــــي لندن
في مطار هيثرو تحديدا وصلنا

كان الجو فيه بروووده بس مغيم مدينه الضباب

الساعه 8 المغرب بلندن يعني 12ليلا بالرياض

قمت اول وحده طبعا البيت كان فيه غرفه كبيررره بمثابه الملحق برى للشباب يعني مرتاحين منهم البيت تصميم عربي
طبعا امي وام سلطان وعمتو كلهم بالمطبخ مع الطباخه والخادمه اللي دايم عمي ابو سلطان
اذا جاء للندن بما انه يعمل بشي بالسياحه مدري وشو بالضبط
لكن دايم يجي هنا ويستأجرهم
انا ماقد رحت لندن قبل كذا ابد عمتي لطيفه دايمن كانت تجي وتسكن هي وزوجها هنا
لانه بيت اهل رجلها على بعد شارعين من هالبيت
نزلت ماكان فيه الا خلودي الصغينون :الوووو مينننن
انا خلودي
لهف نايمه
ماكان احد بالصاله الا انا ارتعت من اللي داق على لندن ويعرف رهف
سحبت السماعه من خلودي بسرعه
رهف بصوت خايف:الوووو
صوت بنت:الوووو
رهف:من معي!!!!!
البنت:انتي رهف
رهف:ايه هلا من معي!!!!
البنت :متأكده انك رهف
رهف:ايه
سكت صوت البنت
يعقوب:هلا وغلا رهف وشدعوووه
رهف تنحت شوي :يعقوب مع السلامه
يعقوب:لحظه لحظه رهف حرام عليك اللي يصير بينا حرام انا من قلبي حبيتك وانتي تلعبين علي
رهف باانفعال:يعقوب انا عمري مالعبت عليك بس قلت لك تبيني بيت ابوي عندك
يعقوب:رهف لاتعذبيني لاتعذبيني حرام عليك !!! طب انا ابي اكلمك خلينا نتقابل
رهف:وين انت مجنون!!!!!!!!! عسى ماشر بس
يعقوب :ايه مجنون ومجنونين خلينا نتقابل بالسوبر ماركت رهف لاتاخذين سلطان انا بخطبك بملكه ساره وخالد
انا استغربت وانا احساسي ان ملكه ساره ماراح تصير
سكتت وش عرفه بسلطان
يعقوب:رهف تحبينه
حاولت اتهرب من السؤال:المهم بنتقابل بس بعدين وانا بدق عليك نتفاهم

يعقوب :باانتظارك
سكرت
تفاجاءت بالعنود:من تكلمين!!!!
رهف:مو احد
طالعتني من فوق لتحت باستغراب:تكلمين نفسك
ضحكت على هالفكره :لابس شفت خالد يكلم رديت مارد احد كنت مرتبكه لأن اصلا العنود
ممكن تشك اني اكلم يعقوب عادي
العنود :فاتك تدرين ان بندر امس شافك ولمح لاأخوك عن هالموضوع وبغى يطلبك من اهلك
بندر اخو سعود عيال عم بابا
انا تنحت:متى امداه يشوفني انا جاء ببالي ذكرى امس كلها
العنود:امس يوم رحتي تنومين كانت راح تكون كارثه
رهف :كيف!!!!
العنود:بندر كان بحمام الملحق يومك تكلمين ميعاد ويوم شاف سلطان كذا عصب عشان كذا سوى سلطان اللي سواه
رهف:طب وشرد عليه فايز
العنود:ها وش فايز رد عليه سلطان برد
انا استغربت:وشووووووووووووووو ووووووووووووو
العنود ضحكت وشافت محمد داخل واشرت بعدين بعدين وغمزت لي
دخل محمد:صباح الخير
لفيت مسويه زعلانه
محمد:فوفه
رهف:روح عني لاتحاكيني
قرب عندي وقعد جنبي وقبص خدي:يقوى قلبك اسف
ساره نازله وهي معصبه وجت وقعدت كانت لابسه بجامه يؤيؤيؤيؤيؤيؤؤيؤ مره فاصخه مع ان الجو برد
بس شكلها فصخت الجاكيت لأن البيت حر جدتي مولعه كل وسائل التدفئه
ثم انسدحت على الارض بدون ماتنتبه
محمد نزل راسه بضحك
رهف:ساااااااااااااااااااا اااااااااااااااااااااااا ااااااااااااااااااااااااا ااااااااااااااااااااااااا اااااااااره
رفعت عيونها للي وراها
ساره:الالالالاالالالالالا الالالالالااللالالاالا لااااااااااااااااااا
وصرخت وركضت ضحكت عليها من كل قلبي
ومحمد سوى مغطي عيونه :ماشفت شي
مر علينا اسبوع كامل كنا نطلع شفنا ساعه بيغ بن ومبني البرلمان يعني معالم ثقافيه مع مرشده سياحيه
اصلها لبناني وماكانو لا الشباب ولا الشياب<<<<لو يسمعني بابا اروح فيها
يروحون معنا
بس مع عمتي لطيفه بالغالب هي اللي تطلع معانا
او
كنا نطلع
ونسيت سلطان ماصرت احتك
فيه مثل اول اقتنعت قناع تامه باللي صار صلح لي جوالي وعطاني هو واصلا هو مشغول بالشغل مع عماني
العنود كانت كل يوم ترمي على نغزات عن سلطان مدري وش قصدها بس طنشتها
وصرت

سلطان اللي كان قاعد بالحديقه يهووجس باللي شافه الرقم
اللي شاف منه رسايل اللي جت لرهف اللي مسجل من دون اسم
وبما ان طبع سلطان غيووور جدا مايدري يوجهه بنت عمه او يقول لعمته كان خايف
انه يكون يشكك اخلاق بنت عمه
بس اللي زاد همومه
ان الرقم دق بس ماكان له اي صلاحيه انه يرد
ياترى وش راح يسووي سلطان
لهذا الرقم اللي متعب تفكيره هل راح ينساه
او راح يتعبه ويسوووي شي يعقس الدنيا

انتظرر ردوودكم

البارت 10

يوم الوناسه
رحنا لمدينه ملاهي جيزينغتون
رحنا لها بالباص
كل العائله ا بس كانت فللللله الروحه امي وام سلطان وعمتو لطيفه وانا والعنود وساره ونوره
ومحمد وسلطان وحمدان
اماسلامى وفارس وجواهر وفايز يتمشون تمشيه على المزاج
وبس

وقفنا عند وحده من الالعاب
احنا كنا لابسين بلايز طويله وتحتها بنطلون ومتحجبين بحجاب لونه مثل لون اللبس والحجاب نرفعه
شوي عشان يغطي الخشم والفم ,ولابسين نظارات كبيره
سلطان كان لابس لبس من جد واو كان لابس بنطلون جنز وبلوزه زيتي مكتوب عليها باللون الاحمر
كان فيه عرووض بالمدينه مبهره الي على الخيل وحركات يعني كنا متنحين فيها والناس مرره زحمه
من كل دول العالم
كنت اتابع بعيووني سلطان اللي كان ملفت للأنتباه من جد اسمر وطويل وجسم مواصفات اي بنت
فجأه جت وحده صقعت بصدر بحركه كنها مقصوده بسلطان بعدها عنه ثم لف على طول عنها
وهي وقفت بحظنه تتأسف وتمسك يده كأنها تعبانه من الركض انا كان ودي اذبحها اقتلها
بس كانت عربيه متأكده وحده اعرفها شفتها من قبل اللي مع سلطان بالمملكه اكيد الا هي نفس الخشم
كنها ماريا لا يمكن تروح عن بالي
العنود اللي شافت الموقف معي:رررغد

كانت واقفه وتتنفس بصعوبه ثم رفعت راسها لسلطان:اوووه سلطان
الكل التفت للموقف خصوصا ان العروض بعدت عن هالمكان
سلطان لف من جانب عيونه:مين!! وشتبين انتي
رغد الي وقفت وبعدت عن سلطان وتطالع كل اللي معنا: اهلن نوووووووووووره وترفع يدها بتحضنها
نوره اللي طالعت بااستغراب:رررغد
وتحاضنو

العنود قالت بصوت واطي:الله الله على الفلم الهندي
ام سلطان: من ذي
العمه لطيفه بنظره عصبيه:ذي بنت اخت رجلي ابو فارس
كنا قاعدين بدائره حولهم والشباب بعدو عننا
ثم شافتنا قالت بدلع:اعرفكم على نفسي انا رغد بنت عم بنت عبدالله نوره وين ام سلطان لازم الاصول تقول نسلم على الكبير
طلعت لها حسيت بلحظه وحده اني ودي انافسها حسيت بغيره منها مدري ليه:اسمها عمتي ام سلطان وترى
ياللي تعرفين الا صول
امي مع ام سلطان عمتك ام فايز
ابتسمت ورفعت حاجبها لي

راحت وسلمت على ام سلطان وامي ثم لفت علي وعمتي لطيفه
نوره :عرفتيهم اتحداك من هذي وتأشر علي
رغد وطالعتني وتأشر باأصبعها:اه اه عرفتك انتي اكيد القطوه المتشرده رهوووفه
الكل ضحك
ساره:نوره حشى ماخليتي احد ماقلتي له
ورفعت عيونها ساره على محمد اللي كان ياخذ جواله من جيبه ويطالعها ويبتسم ومعد قدرت تكمل
انا يعجبني هاللقب بس منها كرهته : يازين القطوه المتشرده عند البومات واضحك يعني السالفه عاديه
وشفت سلطان جاي عندنا يوم سمع القطوه المتشرده: مين يتكلم عن قطوتنا المتشرده
لفيت بسرعه
ضحكو كلهم ونفس الشي رغد:والله انك خطيره!! سلطان ليه ماقد كلمتني عنها
الكل طالع سلطان باأستغراب وانا عارفه السالفه اها اجل رغد بنت عم يعقوب مالقيت الاهذي طب ونوره

سلطان غير الموضوع :الا اقول يمه ماودك تشوفين الخيول
ام سلطان: لا واللي يسلمك والله انهم خرعوني خفت واحدن منهم يحرق ذا الحصان واللا يحرق نفسه
ام فايز:خذني معك ابرووح اشوفها امك خوافه ههههههههه ماعندها روح الشبااب
ام سلطان: طيب ياعجوز الشر مسوويه البنوته ام ثمنطعش هاه
العنود:هههههههههههههههههه هههههههههههههههههههههههه ههههههههههههههه
العمه لطيفه اللي ماخش مزاجها شكل رغد بالبنطون السيتريتش الرصاصي والبلوزه اللي الا نصف الفخذ
ومطلعه نصف الصدر :اقووول رغد وين امك وش اخبارها

رغد ارتبكت:الحمدالله تمام على العموم ماابي ازعجكم بروح عند ماما
حمدان جاء ونادى ساره وراحت معها العنود والعمه لطيفه وام سلطان كانت واقفه تطلع منديل من الشنطه
ونوره تفتش معاها بالشنطه اما انا كنت اتابع القطار

قربت عندي رغد وفتحت شنطتي بحركه سريعه
رغد:خوذي هذي
طالعتها وانا احرك راسي :وشوو
رغد :ماادري ماادري ثم راحت
لفيت شفت سلطان يطالعنا يوم طالعته سوى نفسه يسولف مع امه
سلطان الي كان وده يعرف وش بين رغد ورهف توهم متعرفين اليوم ووشو الشي اللي دخلته
رغد بشنطه رهف اسئله تلعب عقله
راحت رهف عند العنود وساره ومحمد
محمد:اقووول سوير ماودك تلعبين قطار الموت
ساره لفت وجهها:لاااااااا
محمد:واللي بيقولك تلعبين
ساره :محمد تكفى انقلع
محمد:واللي موب منقلع ثم يقرب يذكرها بحركته
ساره تذكرت :سلطــــــــــان شف محمد يقهرني
ضحك سلطان وقرب عندنا فرصته رهف موجوده:عاد تصرفي ولد عمك
رهف اللي كانت تطالع القطار الغريب:انا بلعب بها القطار
ام فايز اللي توها جت:مهبوووووله انتي
رهف لفت على امها:يمه تكفييييين
ام فايز:ابدن انثبري بس
محمد:اواواواواوا على الثقه رهف انا اللي هو انا خفت يوم شفت شكله طالعي كيف المقعد
رهف بنظره عناد:تتحدي وفصخت نظارتها
محمد اللي يلعب بميدليه الجوال :ايه اتحداك
رهف:يمه احبك ومشت بسرعه ودخلت بالزحمه
ومشيت بسرعه
ام فايز:محمد رح لها ذا المجنونه
محمد:والله انا ماابي امووت
سلطان وهو يضحك:ونعم الرجاجيل اللي مثلك وشرواك
ام فايز بحزن:سلطان الحق هالمهبوله

سلطان مشى:تامرين انت بس على هالخشم وركض وراها
البنات اجتمعو مع بعض
نوره:راحت فيها رهف بيصير خوفها مرتين
ساره :ايه والله انك صادقه اتحدا اذا ماكانت بتصيح

حمدان:عمتي ام فايز تعالي معي انتي وامي امشيكم هناك عند الحيوانات
نوره:بروح معكم
ابتسم حمدان وراح

قعدو ساره والعنود
ومحمد راح يشتري ايس كريم
لهم
شافو واحد خليجي بس ماعرفوه
جاء يعقوب:وين العنود !!! اي فيكم
العنود اللي عرفته:يعقوووووب
يعقوب اللي كان مكشر ومعصب:العنود من يلعب مع رهف باللعبه
العنود:خير خير انشاء الله لاتكون وليها بس من متى المعرفه
يعقوب اللي عارف ان العنود هي اللي منعت
يعقوب من انه يكلم رهف :اللي ببالكم ماراح يصير يالعنود ورهف لي انا مهما حاولتي تبعدينها عني
ثم لف على ساره:ترضين انتي اخوك ياخذ وحده ماتحبه
ساره بعصبيه وببرأتها :يوم انك رجال اخطبهاا
بسرعه راح يعقوب يوم شاف محمد جاي
العنود:لايروح الطاري لرهف
ولامحمد
ساره: تتوقعين محمد شافنا
العنود:لا لا لأنه شوفيه يدورنا
طلعو له وجاء محمد
ساره:طالعوهم
(((((((((((((((((((((((((((