لعـن ابـو وقـت(ن) غدينـا بــه حـطـب
تحـرقـه نــار(ن)... يثـورهـا أجـيــر
.................................................. .......................
في فلة ابو بدر
كان في الصاله ام بدر والعنود
ابو بدر \زواج حنان بعد يومين!!
الجميع اتجهت عيونهم لحنان..
حنان ماتمالكت نفسه\يبه انت ليش كذا؟؟انت ليه ماتاخذن راينا؟؟ولو ها الشي يتعلق فيه مصيرنا... ماتحسب لنا اي حساب يبه انا كل ذره فيني تكرهك؟؟؟
ابو بدر يمسكها من شعرها\الا يا قليلة الخاتمه تقولين لبوس تسذا!!!!!!!!
وصار يسحبها في الصاله من شعرها ويرفسها برجوله\تقولي لي تبين اخذ رايك با العرس ماعاد الاهي,,تبين تنقين رجلس يا الداشره
ام بدر انخفض معها الضغط وجلستو صارت تبكي
العنود ماقدرة تفك حنان من ابوها
العنود\يبه فكها بتموت,,,
ابو بدر مستمر بضرب حنان وسحبها مع شعرها..
العنود عجزت في ابوها وطلعت تنادي احد من الشباب اذا فيه احد برى..
طلعت وشافت عزام يستند على عكازه نازل من سيارته
ركضت له
العنود وهي تبكي\عزام ابوي بيذبح حنان من الطق امانه تعال شفه...بسرعه
عزام بعصبيه\مهب صاحي ها الشايب؟؟؟
ويستند على عصاه بصعوبه بعد ركض هاذيك الليله رجله صارت تعوره
العنود يوم شافت مشيته مسكت يده تبي تسنده
عزام بعصبيه بعد يدها\شايفتني عاجز؟؟
العنود برتباك\لا بس ,,بسرعه بليز والله بيذبحها
عزام تركها وضغط على نفسه ومشى لجهة فلة ابو بدر
دخل الفله وسمع الصراخ
عزام مشى لجهة ابو بدر وهو يسحب حنان وماسكها بعقال
عزام بحدها\ابو بدر اتركها..
ابو بدرالتفت لعزام\بعد عني ياعزام خلني اذبحها ها الفاجره..؟
حنان قامت بسرعه وجت ورى عزام...
حنان\عزام بيذبحنب بيموتني ...
ابوبدر\كلي تبن ولس اللسان بعد وتجين وراه يا الملع+++
يحاول ابو بدر يمسك حنان من ورى عزام وعزام دف كتف ابو بدر بعصاته
عزام بحده\جات وراي انت ماتعرف كيف واحد ينصاك تحميه..؟
ابوبدر بصراخ\بس هاذي بنتي وانا الولي عليها لو اذبحها مالك دخل...
عزام ناظره بحده وعاقد حواجبه
ابو بدر\تجين وراه تحسبينه بيحميك مني والله لاذبحس الليله ها تكرهيني يا العاقه ايه اكيد ان لس
عشيق والا ليه ماتبين تعرسين..
عزام\ماله داعي ها الكلام حنان اشرف بنات الرياض وش ها الكلام
حنان وهي تبكي\تكفى عزام لااتخليني هنا تكفى..
ابو بدر\لا وين تبن تروحين ها..
عزام\ابو بدر حنان عندي بافله ومايصير الا الي يرضيك..
مسك عزام يد حنان وطلعو برى بيت ابوها
ابو بدر\شفتي تربيتك ها الفاجره شفتي...
العنود راحت بسرعه لا يجي الدور عليها بعد ودخلت غرفتها وتسمع لعن ابو بدر على امها
حنان وهي داخله الفله مع عزام
عزام بتعب\اسمعيني ابوك بيزوجك مافي احد بيرده..
حنان\تكفى انا مابيه...
عزام وهو يغمض عيونه ماهو طايق نفسه بعد تجي حنان ومشاكلها\وليش نادر رجال طيب؟؟
حنان\ياعزام...
ام عزام نازله مع الدرج\يوه وش صار ليش انتي كذا..
عزام وهو يناظر حنان\يمه حنان بتنام الليله عندنا انتبهي عليها انا بطلع لغرفتي ارتاح
طلع عزام لغرفته ودخلت ام عزام حنان لجناح ثاني عشان تنام وترتاح
دخل عزام غرفته شاف سعود قدامه نايم على سريره
عزام\سعود وش جابك..
سعود ينصنع النوم\اوه وش تبي انت؟؟
عزام\تستهبل هاذي غرفتي..
سعود\عارف بس ماتشوف العمال يسون تصليحات بجناحي
عزام بستخفاف\ديكور يعني!!
سعود بهبل\ايه الله يهديك..
عزام سحب المفرش وطاح سعود من الجهه الثانيه
سعود\ هاذا وانت متكسره عظامك..
عزام يموت على تعليقات اخوه\اذكر الله وبعدين نسيت اني رياضي من زمان ياغبي..
انسدح عزام على سريره وتوجه سعود على الكنبه وانسدح عليها..
سعود\عزام..
عزام\ها؟؟
سعود مسوي رومنسي\رحت لها...
عزام بصمت وبعدها\ايه؟؟
سعود\وبعدين؟
عزام\تركي منعني..
سعود\اوف؟؟
عزام\بس صارة لحظه تمنيتها من زمان
سعود بخبث\الي هي
عزام بعصبيه\وش دخلك..؟
سعود\ياخي البنت هاذي غريبه مره تحبك ومره نمروده
عزام سرح\تدري وش اللي يتعب البنت ياخوي...؟!
..................رجــلٍ يخـــون اشواقـهـا و الـمــودة
إللي إلا احتـاج الغـلا صـار نمـرود
.......................ولـيـــا شبـع ممـا عـطـاه إسـتـرده
البنت ريحانة غـلا ... ناعمـة عـود
....................تبــي لهـا رجــلٍ ورث طيــب جـــده
رجلٍ فعولـة كلهـا جـود فـي جـود
..................مـا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقـود
.........................يتكــى لهـا مــا بيـح الوقـت سـده
مهوب نذلٍ ما رعـى للهوى عهود
.....................وادنـاة مـا عـارض طريقـه يـــرده
ولاهوب لاعلـة ... ولاهـوب ملهـود
..................ولا شكــوك ... و كــلٍ طــارئٍ يـحـده
ما اشين من الرجـال لا جـاك ببـرود
...........................وإن قـال له تـرف القـدم شــي صـده
تبـي لهـا بـراق طيـبٍ لـه رعــــود
...............................إن اجدبـت يمطـر علـى ريـف خـده
وإن نادته تكفـى لقـت عنـده الفـود
...................يشيــل عزتـهــا علــى قـــو زنـــده
كفه نفل ... وانفاس صدره لهـا عـود
...................وظلالــه الضــافـي بيــدهــا تـمــــده
البنت خد ... وقـد ... ونواظـرٍ سـود
..................وريحة غلاً ... ياسعد مـن شـم نـده
البنـت إلا ضحكـت ثمرهـا لـك ورود
.....................يا خـوي مــن يقطــف نواويــر وردة
واللي يهين البنت ناقـص ... ومقـرود
...............فرس غـلا ... ماهــي حمـارة مكــــــدة
جلس سعود\عزام خنتها!!
عزام التفت لجهه الثانيه وغمض عيونه..بصمت...
سعود\عزام
عزام\...........
سعود\نمت
عزام\.........
سعود\ياخي ودي اعرف وش بينكم وش السالفه الي فرقتكم...