03-02-2023
|
#58
|
الجزء التاسع عشر19
مدخل
أفتقدنا الصدق في هذا الزمان مابقى للحب معنى للأسف
الوفي عقب الوفا جافا وخان والردي أخطا وكابر ماعترف
الجمال اللي ظمى يرجي حنان ارتوى وراح وتغير وانحرف
مايبيلي يوم ابحكي ترجمان اكتشفت اني متوهم بالصدف
الكذب والغش والتقصير بان بين زين العاطفه وحب الترف
كان ياما كان ياما كان كان الغرام اللي عرفناه اختلف
ومن يبيله حب لازمله ضمان يفرق المعدن عن أشكال الخزف
من يصدق ان صلب العود لان لـكن جفنه أبدا ماذرف
التباهي صار واضح للعيان وكل شخص يتباها كم عرف
آهــ ياقلب من الأحزان هان والعذاب اللي يشوفه ما انوصف
شال ياما شال من طعن السنان وكم على لحن من الفرقا عزف
ليتنا نرجع إلى هاك الزمان نعشق من القلب ونحب ونعف.
__________________
ماهي الا ساعه ونصف وصارو قدام الاوتيل ..
منصور وهو يصحي غنج بقسوه\قومي وبطلي دلعك الماسخ...
غنج وهي تفتح عيونها بصعوبه... وتحس بصداع كبير يلفها ويعورها...
جلست بصعوبه على المرتبه لاكن يد منصور القاسيه تحركها\البسي يالله ننزل..!
غنج تبي تصيح تبيه يتركها ماسك يدها بقوى \طيب اتركني اعدل غطاتي شوي..؟؟
نزل منصور بتئفف ووقف عند باب السياره وتخصر بطفش...
في ها اللحظه كان يركض لجهته شخص من المرافقين الي جوى\استاذ منصور.. تبي اي خدمه مساعده اساعدك فيها..
منصور بصراخ\يازبالللللللله ناديت احد منكم انا ...؟؟ناديت احد...؟؟
الشخص انرعب\لا طال عمرك بس...
منصور بحده\انقلع عن وجهي لفرش فيك الارض الحين...
الشخص هرب بسرعه مثل ماجى...
منصور يطالع غنج وهي تنزل بهدوء من السياره وراسها ا يعورها من الاغماءه الي جتها من ضربة منصور لها...
منصور مسك معصمها بقوى\انتي ميته وانتي تنزلين...؟؟
غنج ببحه \اتركني ياوقح ..اتركني ....وقسم بالله الم عليك الي با الشارع يا حشره...
منصور ضغط على معصمها بقوى\حشره هاا والله لربيك فوق امشششششششي..
مسكها منصور بقسوه ودخلو الرسبشن بعدها...
راحو لجهت الاصنصير.. ودف غنج جواته ...وجاء لجهت واحد يناديه يبي يخبره بشي..
غنج لما شافت منصور التفت له..
ضغطت ازرة الاصنصير بسرعه وتسكر
منصور التفت لها وصرخ\انتظري وين........
طنش منصور المرافق الي معه ...واتجه بسرعه لللصنصير الثاني...
وافتحه... شاف فيه اشخاص ينزلون... وقف بملل وببتاسمه عريضه لهم لئنهم
نزلاء عنده با الاوتيل...
بعدها ركب الاصنصير وضغط على الدور تبعه وطلع..
في ها الوقت كانت غنج منفتح لها الاصنصير.. وراحت تركض.. وبانفاس ملهوفه وخايفه لجهت الجناح..
دخلت الجناح ومنصور فاتح له الاصنصير وصرخ عليها...
لما شافها تركض للجناح\غنننننننج وقسم بالله لربيك انا حشره يا ***ه..؟؟
وين بتروحين وقفي..
غنج دخلت الجناح.. بسرعه وقفلت الباب..
وقفت وراه وصدرها يرتفع وينزل من انفاسها الخايفه.. ومن الي تحول لوحش ورى الباب..
منصور بصراخ\غنج افتحي الباااااب ...
غنج بستقوى\مب فاتحته... انا اكرهك ...وانت حقييييييير اوكي ...مو حشره وبس يا سكير
منصور انجن وده يكسر الباب على راسها\غنج افتحي الباب عشان اعلمك منهو السكير ...؟؟
غنج وهي تنزل الغطى عن راسها وتمسح بيدها الثاني وجها الي تبلل\ايه سكير..! شف انت الحين سكران..!!
ومنت بواعي ...!
منصور بحقد \طيب ياغنج..؟؟ اذكرك بس...؟؟ ان الاوتيل هاذا تبعي... وكل المفاتيح فيه منها نسخ... خليك فاكره..
غنج طنشته ودخلت جوى الجناح ورمت العبايه على الكنبه...
وفجئه سمعت صوت غريب جاي من الرسبشن حق الجناح...
-المشاكل الزوجيه ماتنحل كذا ...؟؟
غنج فتحت عيونها بخوف وهي تشوف واحد متوسط الجناح بثقه ..
شخص قرب ....نحيف في منتصف العشرينات او اكثر ..
غنج تراجعت لورى بخوف وركضت لباب الجناح من الربكه..
نست وين حطت المفتاح وصارت تطق الباب بخوف\منصور ...منصور ...منننصور
منصور الي كان واقف عند الباب ومعطي الباب ظهره لئنه....
كان بيكلم الرسبشن يطلعون له مفتاح ...ويكسر راس غنج جوى
منصور وهو يصر على اسنانه\فيه شي نسيته..؟؟ تبين تقولينه...؟ كله بيجي على راسك على فكرا...
غنج تطق الباب بخوف\منصور افتح الباب افتحه في واحد با الجناح منصور منصور....
منصور قرب من الباب بسرعه وانفاسه تسارعت\انتي خبله انتي الي مقفله الباب...؟؟
غنج التفتت لشخص الي واقف وراها ويضحك عليها ضحك مبسوط على خوفها بزر... منصور تزوج له بزر..
غنج تضرب برجولها الارض وصارت تبكي\افتح البااااااب..
منصور بحده\ياتبنه المفتاح معك..؟؟وبعدين مين هاذا الي جوى جناحي!!!
الشخص وهو يقرب من غنج\الظاهر انك بزر صدق..؟؟ نفس الفيس تبعك !!
المفتاح هاذا هو ...رميتيه على الكنبه ..لاكن شرهتي على الي كملها ببزر..؟؟
غنج تاخذ المفتاح منه بسرعه\انقلع عن وجهي ..
الشخص دف غنج على الباب ومسكها من ذقنها بقسوه\ايش قلتي ..؟؟
غنج تبكي\هدني هدني.
منصور بصراخ صار يضرب الباب بقوى ماعنده ..وهاذا خلى جسم غنج الي على الباب.. يرجف معه... وصارت تبكي اكثر
ضرب وجها بصبعيين من اصابعه النحيفه\افتحي لرجلك الدلخ.. وانتي الي انقلعي من ها الجناح ..؟؟
تراجع الشخص خطوتين لورى ودخل جوى الجناح...
غنج بيدينها الي ترجف تحط المفتاح با الباب.. ويطيح... وتحطه ويطيح..
منصور بحده\غنج افتحي الباب لاتجننيني..؟؟
فتحت الباب غنج وهي خايفه.. بشكل مايوصف ...سحبها على طول منصور من يدينها..
وهي غمضت عيونها من الرعب. وماعاد قدرت تحكي
منصور بحده\مين الي جوى..؟؟
غنج برجفه\مدري يقول انقلعي من الجناح ..وخلي منصور الي خذى له بزر يجي يكلمني جوى...؟؟
منصور ضم ها الطفله لصدره \هووووس خلاص اهدي..هاذا اكيد ابوي..
غنج تبعد وجها من صدره\لا هاذا صغير مو ابوك..؟؟
منصور كانت عيونه بتطلع من مكانها.. رجع لف بجسمه لجه الثانيه وفتح باب الجناح الي مقابله\ادخلي هنا مافي احد لما اجيك..؟؟
دخلت غنج الجناح ودخل منصور بعدها الجناح تبعه..
دخلت غنج وسكرت الباب بشويش... وتركت فتحه تشوف منها الاحداث الي تصير بجناح منصور..
منصور دخل على الشخص الي موجود بجناحه...
اصواتهم علت مره.. ونقاشاتهم حاده ...كان الصوت الاقوى تهديد من منصور لشخص الي عرفت غنج وهي تتنصت انه اخوه متعب..
متعجرف... متعالي... كلماته كلها لمنصور.. كان تذكير لمنصور بماضيه.. الي يبي ينساه للابد ...وانه السبب الرئيسي ورى طيحة امه
دفاع منصور عن نفسه ..كان تذكير لمتعب... انه مازار امه من ثلاث سنين... وانه مئيد زواج ابوه من الحثاله الي خذاها...
اوف ..اوف كل هاذي المشاكل... وانا على بالي اني الوحيده تنزل علي ها المشاكل...
التفتت غنج للجناح..
شكله غريب..
مو مثل الاجنحه الباقيه..؟؟
ديكوره ...
شكله..
صور مقززه بنسبه لغنج تنتشر فيه..
ارفف كثيره ...تحمل الكثير... من زجاجة الشراب ال*****.. اصفر.. ابيض.. توتي.. واحمر
وبئسامهاااااااااا الكثيره...؟؟
ديجيه موزعه سماعاته في الجناح..
والكثير الكثير...
هاذا اكيد مكان منصور الي يجلس فيه من الحثاله الي معه ومع سليمان الزباله...
رجع الصوت الي بجناح منصور يعلى..
راحت للباب تركض ..وتفتحه بشويش وتطل عيونها الزمرديه من فتحت الباب...
متعب عند باب جناح منصور\انصحك ماتحاول تتذاكى في صفقة ابوي ...على الصنف الجديد الي بينزله..
لئنه متوعدك ...؟؟ وصدقني راح ينفذ كل كلمه يقولها...؟؟ راح يقتلك..؟؟
منصور بتريقه\اعلى مافي خيله ها الشايب يجيبه ...وسلم لي عليه... وقول له..؟؟ مطيرها منه مطيرها... با الاساس ماوراي الا ابوك ..
متعب بملل\بكيفك..؟؟
منصور\انقلع من هنا وان شفتك مره ثانيه هنا اعلقك من رجلينك ها المعصقله...
متعب بسخريه\ههههه ماتخلي هذرتك الواجده ..انت وها البزر الي ماخذاها ..واللهي انها خوافه ...وشلون لو ان معي مسدس..؟؟
وش بتسوي ..؟؟الظاهر كان بتموت في مكانها..
منصور يصر على اسنانه\شفت عاد ها البزر ..لو انك مسوي لها شي..؟ كان والله العظيم ان بكره عزاك..؟؟
يالله انقلع عن وجهي لغير راي وافرشك الحين ..
متعب تراجع خطوتين ونزل من الدرج وترك الاصنصير..
غنج رجعت بسرعه ..لاكن ماقدرت لئن منصور فتح باب الجناح حقها بسرعه ...وشافها واقفه قدامه..
منصور بحده\بعد تنصيتين فوق كلامك الي قلتيه لي..؟؟
غنج طار قلبها خلاص... مافي مجال تهرب... هي الحين قدامه.. وبدل مايفرش اخوه متعب... راح يفرشها هي با العقال...
رجعت بسرعه وتوسطت الجناح..
منصور\تعالي وين بتهربين الحين... الحين انا حشره..؟ وحقير يا التعبانه..؟؟
غنج شوي وتصيح\منصور انا اسفه ..منصور والله ماقصد بس... انت عصبت فيني و...
منصور مشى لجهتها وهي تهرب في الجناح...
منصور وده يموت من الضحك.. والله ياها البنت خوافه... ماعمره شاف خوف مثله ..ههههه ابد
غنج تحاول تجمع قوتها\با الاساس ماخاف منك...؟؟
منصور وهو يسحب له سيجاره من الطاوله ويمشي لجهتها\طيب اوقفي.. خليني اشوف شجاعتك ..؟؟يا الشجاعه...!
غنج استفزتها ها الكلمه بتوقف عشان ماتبين له خوفها
اكثر ويتركها اصلن هو مايطق ماعمره طقني (طبعا الضرب المبرح مو دفاته لها) \خير وش تبي ..؟؟
منصور في ها اللحظه صار قدامها مباشرة \يابطله..!
غنج تناظره وهو ينفذ دخان السيجاره قدامها وهي شرقت من دخان الحشيش ...
غنج ودموعها نزلة من شرقتها\انت غبي..! ماتعرف ان مو كل الناس يحششون مثلك..!!
منصور رمى السجارى وطفاه برجله سحب غنج لجهته...
غنج وهي تتبعد من ايدينه الي تملكتها\هدني مابي اكون معك ماتفهم انت..
منصور بحده\مو بكيفك انتي زوجتي يعني ملكي..يعني اخذ حقوقي الزوجيه منك..
غنج سكتت في ها اللحظه صادق انا زوجته يعني ملكه ليش اتهرب منه ..
وبا الاساس لويتركني اصير با الشارع حتى املاكي كلها معه في الخزنه ..
تبعه في لحظه يشقق الاوراق وماكئن فارس وقع على شي..
وبعدها..سكتت..وهدت..خوف..وضعف..وقلة حيله..
..
جفلة غلا..والا غرور متحدي..
..
..
في مجمع العالي..
وبا الحديقه ..
ابو بدر واقف بعكازه ماعاد صار يطلع كثير من المجمع..
على ان الفضيحه ماطلعت برى مزرعة عزام...
لاكن الذل والعار هدوه..
جلس يشرب من القهوه حقته..
وشاف سيارة عزام تدخل المجمع... ابتسم اشتاق له كثير...
نزل عزام من سيارته... وطلب من السواقين يدخلونها داخل الباركنق..
المجمع صار يخنقه...
ابو فيصل مو فيه..؟؟ ولابدر..؟؟ ولا طفلته..؟؟
صار كريه ومليغ ..
مشى بخطوات لفلل...
استوقفه صوت ابو بدر..
ابو بدر\الصقر..تعال هنا..
التفت عزام لبو بدر... وناظر لحظات... بعدها اتجه له... كان ابو بدر بيسلم عليه... لاكن عزام جلس في اول كرسي كان قريب منه
ابو بدر انصدم رجع خطوتين ووجلس...
عم الهدوء..
سليمان كان مجهز كلام كثير... بعتقاده ان الصقر نسى مع ها الاحداث سواته في غنج...
لاكن انصدم لما شاف برود عيون الصقر... كيف تطالع المكان بنظرته الدائمه ..متفحصه...
ابو بدر وهو يجلس\بادي الشتاء يدخل الرياض الجو برد...
عزام مافي ولاكلمه ...جواله كان يئشر وهو على الصامت.. والصقر مطنشه...
فترة هدوء لفت المكان... مع النسمات البارده الي تحرك الاشجار با الحديقه...
ابو بدر\شفت وش صار فينا..؟؟
عزام من غير مايطالعه\عنود دعوات الناس فيك..؟؟
ابو بدر بعصبيه\تشمت فيني ياعزااااااااام..؟؟
عزام فقد هدوء وقف بعصبيه\سليمااااااان منك مو طايقه الكلمه..؟؟ خلني ساكت احسن...؟؟
ابو بدر\لا احكي.. اطربني ياولد خالد... خلني اسمع كن في كلامك تهديد هددني اسمعك قول..؟؟
عزام وهو يبتسم \مو انا الي استقوي على اهلي بس تدري..؟؟
لف عزام معطي ابو بدر ظهره\بكرا يجيك المحامي في مكتبك ..يفهمك كل شي... لني ماني حتى طايق اي مكان يجمعنا ياسليمان..
..قال كلامه ومشى لجهة فلته...
ابو بدر ماعاد قدر يوقف ...يعرف عزام مايحكي من فراغ ..كلامه قليل ومعروف... ويوصل لئي شخص مباشرة... وش مسوي ...؟؟
وش مخطط عليه وش يبي..؟؟
وش بيسوي ..؟؟وش يصبرني لصبح ..؟؟ها ال*** وش ناوي عليه..اه يا القهر..
مسك ابو بدر جواله ودق على شخص يعزه ويحبه...
......
جفلة غلا ..والا..غرور متحدي..
.....
في فلة الضاوي...
ابو نادر عند نادر با الجناح
نادر\يبه هد حالك مابي الضغط يرتفع عندك..؟؟
ابو نادر\الحين ال***ه هاذي ذي علومها وتبيني اهدا...؟؟
نادر\يبه انا بجيب شيخ يشوف البيت وانت طلعها من البيت ...اذا كان ها الكلام صحيح تصرف معها انت ..؟؟
ابو نادر\اتصرف معها من الحين اما1ذبحتها ها الحيه الرقطا
نادر يمسك يد ابوه\يبه انا ماقولك لاتئدبها بس خلنا نتئكد اول انه هنا با البيت ..؟؟
ابو نادر\انت مهبول انت مسحور يعني عقلك معنا مره وعشره لا ..صاحي انت روح الحين مو بكره وجب لاشيخ وانا من الحين بروح اطلعهم
في رحله ولا شاليه يالله هاذا انا رايح...
نادر وهو يلبس الشماغ\يالله انا اجل رايح له الحين..
طلع ابو نادر وهو معصب مره وترك نادر الي نزل بعده مباشرة
......
جفلة غلا ..والا..غرور متحدي..
جفلة غلا ..والا..غرور متحدي..
.....
في ها الوقت وبا الاوتيل
وبجناح حفلات منصور..
بغرفه سودا وداخل فيها رسومات... وتعتيقات على الجدران كرستال ذهبي..
فتحت عيونها غنج على جوال منصور الي دق للمره الثانيه ..
سحبت نفسها للكومدينه.. وشافت اسم ابو بدر يئشر با الشاشه..سكرت بوجه وقفلت الجوال بعده
ياهي تكره ها العم ..الي هو السبب الرئيسي في كل شي هاذا غير كلامه السم في كل لقاء بينهم..
في ها الوقت كان منصور طالع من الحمام ..وينشف شعره.. غنج رتبكت ..ونزلة جواله بسرعه...
بس هو مانتبه وخذى الفرشاه وصار يسرح شعره
غنج\منصور هاذي الغرفه لمين..؟؟
منصور بغير مباله\ هاذي خاصه فيني ماحد يدخل لها ابدا...
غنج استغربة وردة بحده\بس هاذا جناح الحفلات حقتك..؟؟ اذا مب غلطانه..؟؟
التفت لها منصور ببرود ورفع حاجبه وخذ له عطر \صح جناح الحفلات ..بس هاذي غرفتي الخاصه ..قبل ماخذك..؟؟
يعني بنوم زوجتي في مكان ..وسكت
غنج بسرعه\في مكان وسخ مثل ها الجناح..؟؟
منصور نزل البرفان بحده على الطاوله\انتي لسانك بيقتلك مره..؟؟
دق جوال غنج والتفت عليه شافت رقم ابو بدر ابتسمت وردة بسرعه\خير!!
ابو بدر\سلام!!
غنج بضحكة استهبال=البنت لطشت حركات منصور\قلت لك خييير..؟؟
منصور استغرب وجلس على الكنبه الي مقابلة غنج ..وهو يناظر اسلوبها الجديد ..ومبتسم عاجبته حركاتها..*_^
بس يبي يعرف من ها الي على التيلفون ومتقصدته..
ابو بدر\يا اليهوديه عطيني رجلس.. لجيس الحين واتوطى ببطنس ...وانتف لس قذلتس الصفرا..
غنج بسخريه\اقول لك انقلع مب معطتيك احد انقلع تفهم يا الشايب المعفن ولا... لا..
ابو بدر انبح صوته من الصراخ\ياعنز يااااااااااااافاجره ماتفهمين عطيني منصور ابيه ضروري لاتخليني انهبل..؟
غنج تضحك\يووووه هاذي مناتي تنهبل. احد حايشك.. على فكرا ترى انا الي سكرة في وجهك..؟؟ وقفلت الجوال..
ابو بدر\غنيجان طيب انتي دواس منصور.. اما خليته يئدبك ..يا اليهوديه... يابنت اليهود ماجاب راسس الاهو..
غنج\والله عاد شف اليهود وش بيسون فيك يا الشايب...؟؟
ابوبدر بقهر\طايلن لسانس والله ويبي له قص..؟؟
غنج\عطيتك وجه يالله انقلع ولاعاد اشوفك تدق على ها الجوال والا على جوال منصور فاهم يا المخرف..؟؟
وسكرته بوجه..
منصور وهو يشوف وجه غنج مابين عصبيه... وضحكه مرتسمه ..عليه تعابير ماقدر يقراها..
منصور مبتسم\من ها الشايب على قولتك..؟؟
غنج بخبث\واحد ماتعرفه..؟؟
منصور بضحكه \لاياشيخه طيب انتي تقولين لاتدق على جوال منصور يعني يعرفني واعرفه..؟؟
قام منصور يشوف جواله استغرب انه مقفل فتحه وانتظر شوي وانفتح الجوال
وطلعت عيونه لما شاف رقم ابو بدر\غنننننج تسكرين في وجه سليماان..؟؟
غنج عطته ظهرها وحطت المفرش على راسها وسوت نفسها نايمه...
منصور تضايق من حركتها ..بس ماقال لها شي ...خذى سمعات جواله...
وراح جهت الكنبه الي عند الشباك الضخم ..ويطل على ابراج الفيصليه والمملكه
واكبر الفنادق في العاصمه الحبيبه..
منصور\هلا سليمان خلاص امسحها بوجهي..
غنج كاانت تسمع احاديث منصور لسليمان بعدم اكتراث ..بس مقهوره من عمها ودها تذبحه..
منصور\لا يارجال ماعليك منه ماراح يسوي شي يعني وش بيده...؟؟
صمت وكئن منصور يستمع لحديث ابو بدر...
منصور\يعني وش الصقر..ماراح يسوي شي ..؟؟
هنا حست غنج قلبها بيوقف..
ياناس من قال ان حبه نزل ولو شوي في قلبها..؟؟
منصور\ماعليك منه... اعلى مافي خيله خله يركبه ..مافي الا العافيه... انت بس دق علي بكرا خبرني وش صار ..
يالله نام وارتاح تصبح على خير..
غنج حست جسمها كله عرق من اسم عزام ...
سمعت صوت الجوال نزله منصور على الطاوله... والسمعات... لحضات... وحست انه نام جنبها على السرير
منصور بهدوء\غنوجه نمتي..نمتي ..والا.. تعالي نامي بحضني..
منصور ماسمع اي جواب من غنج فاتوقع انها نامت سكت عنها ...
غنج كانت مغمضه عيونها بقوى ...ماتبي حتى انفاسها تطلع ...حست انه بيدين بارده تمسح على شعرها.. وبعدها اختفت ها اليدين
وغطت بعدها غنج في نوممممممممممممممممممممممم
......
جفلة غلا ..والا..غرور متحدي..
.....
يوم جديد صباح.. يرسل اشعته الجميله على العاصمه الحبيبه..
عصافير صغيره تغرد بفرح فوق الاشجار..
التي تبللت اوراقها بقطرات ندى.. مبشره بشتاء ممطر..
با افخم شركات الرياض..
قروب.العالي..>>>
اسم رنان...
له ثقله بين التجار...
والف حساب وحساب...
اسم مو يوم... ولايومين... محفور با الصخر له سنين...
طاوله كبيره... وطويله... تراءسها صقرنا... الي كان اصغر شخص بين الجميع... با العمر فقط ويضاهيم
ويزاحمهم في خبراته ...واكثر من هاذا يفحمهم دائم... في سرعة التفكير والجواب...
ابو حسن\يا عزام انا بقولك ايهاه صراحه... ومابين التجاره خلان ...انا ماعرف وضعكم المالي كيف بعد..
عمك بدر..؟؟وانت بتدخلنا على مشروع كبير ..؟؟مادري كيف هي سيولتك الماليه..؟؟
ستة اشخاص الي على الطاوله وسابعهم عزام ..
عزام بهدوء\اذا قصدك ان وضعنا المالي انهز..؟؟احب اطمنك..؟ماتغير شعره..العالي.. اكبر
من يصيبهم هزه ماليه توقف عليها اشغالهم..
ابو الجوري\يا الصقر والله ها الكلام حلو ..ويطمن.. كلامك عندي مثل التوثيق ..مايحتاج عليه حبر واوراق...
عزام\ماعليك زود يا ابو الجوري..؟؟
وقف بعدها عزام وضغط بيده على جهاز صغير... انفتح فيه شاشة بلازما كبيره.. عليها المخطط..
المشروع... ويشرحه عزام واحتمالية المكسب فيه.. وكيف يكون..؟؟ ويصير..؟؟ والمطلوب... والمحسوب من الريال
للمليون...
......
جفلة غلا ..والا..غرور متحدي..
.....
بفلل العالي..
حنان واقفه با الحديقه... وبيدها كاس عصير تشربه... واقفه كذا ببلاها... مافي شي يخليها توقف بس كذا وقفت..
تفكر في شي...
او..
تتذكر شي...
ودها انها انتبهت لعنود اكثر...
نصحتها...
يالله كيف فاتني ها الشي...؟؟
كيف مانتبهت لختي...؟؟
وبدر اخوي يقتل عنود...؟؟
يالله...
يالله...
يالله...
صبرني...
عطني صبر لو قليل...
بس عشان اعيش فيه...
اختي واخوي...
يالله..
=حنان ..؟؟وشعندك واقفه هنا..؟؟
التفت حنان بسرعه لشخص الي واقف وراها ...والي كان سعود
شافته واقف.. بثوب وكاب ...وسماعات بذنه..
بقوى وبحده.. كتت العصير الي بيدها على وجها وثيابه صرخ بعدها سعود ورجع لورى وبعصبيه\يامجنونه!!!
حنان بصراخ\انت يا*** لسا ماخذت عقابك... بس صدقني راح تاخذه... لاتامن عقاب الله لاتئمنه..
سعود بحده\شقاعده تقولين..؟؟انهبلتي!!
حنان تصيح\انت واحد واطي ...اوطى انسان شفته بحياتي... ياخي استح شوي... ياخي خل في وجهك ماء..؟؟
انقلع من وجهي...
دخلت حنان بعدها الفله وهي ميته قهر منه... ومن وجوده في داخل الفله...
سعود ناظر نفسه ..والعصير مبلل وجه وثيابه ...رجع دخل الفله.. ودخل غرفته نزل ثوبه بقهر وهو يلعن حنان..
دخل تحمم وهو على نفس الوتيره وده انه كفخ حنان بعد...
لبس .. بنطلون ابيض... وتي شيرت بيج... بكاب بيج ...طلع بسرعه من الفله وقف بعدها عند المشتل ناظر
فيه مافيه احد...؟؟
دخله..
شاف كل شي مثل ماكان ...بس في كم ورده ذابله... انتبه مابين الوردات وردته الي زرعتها مع مهاوي ذبلت ...
مع الورود انقهر في ها الوقت وضرب حوظها وطاحت وانكسر الفخار الي فيها\ليه كذاااااااا
.........
جفلة غلا ..والا..غرور متحدي..
.......
في فلة نادر الضاوي..
والشيخ يقرى على البيت ...وشاف نادر لما جته الحاله..
كيق تشنج وطاح وصار يستفرغ شعر...
التفت لصديق نادر عبد الرحمن بعد ماهدى نادر وبدى يفقد الوعي...
الشيخ \عبد الرحمن البيت فيه سحر ..؟؟وان ماخاب ظني في جناحه هنا ...والولد معقود له هنا ..
عبد الرحمن بصدمه\سحر ياشيخ ..يعني نادر صدق في الكلام الي سمعه...؟؟
الشيخ\ايه صادق والله يعينه على الايام الجايه ..السحر فيه تفريق.. وفيه بعد سحر تعليل صحه... انا من يوم
جبته لي ...وشفت عيونه ...ونا عارف ان فيه سحر واضح مايبي له...
عبد الرحمن بترجي\تكفى ياشيخ همتك معنا..؟؟
الشيخ\توكلو على الله وكل شي بيده سبحانه ...
وبدى الشيخ يقرى ايات السحر على الجناح ويدور..
..........
جفلة غلا ..والا..غرور متحدي..
.....
با الشركه...
وعند باب مكتب المدير العام مكتب عزام..
ابو الجوري وهو يصافحه\ماشاء الله ياولدي.. دايم تبهرني بسلوبك ...وبطريقتك في الكلام.. واثق من كلامك..
ومن فعلك.. كفو والله ياولد خالد..
عزام ببتسامه هاديه\ماعليك زود.. نلتقي بذن الله بعد اسبوعين..
ابو الجوري\لا يابو خالد الليله تشرفني با ببتي لازم لازم...
عزام\يابو جوري والله ماقدر تعرف ال..
ابو الجوري وهو يحط بشته بيده الثانيه\مالك عذر.. تذكر انه هاذي دعوتي الثانيه لك...؟؟ والانسيت زواج
بنتي اسماء الي ماحضرته..
عزام وهو وده يخلص يده من يد ابو الجوري.. الي يضفط عليها ...وبا التحديد على اصبعه الي فيها الخاتم..
وها الشي بادي يعوره\ابشر مالك الاطيبة الخاطر الليله بذن الله عندك..؟
ابو الجوري وهو يبتسم\حياك الله ياالصقر...
ودعه عزام ومشى ابو الجوري.. دخل مكتبه عزام.. وفسخ الخاتم الي عوره وحطه على طرف الطاوله..
مسح اصبعه ...وابتسم لما شاف الاسواره الي بيده.. فسخها كمان ورفعها قدام عيونه..
يناظرها...
مامل..
ماطفش من كثر مايتئملها..
ويحس عطرها فيها...
ليه متغيره كذا...
متغطيه كامل..؟؟
زين...
كذا ياغنج..
تمشين على الطريق الصح..
حتى لو انتي عني بعيده..
فجئه سمع صوت..؟؟
وازعاج ...؟؟
وعرف صوت عمه ابو بدر..
وانه اكيد عرف بكل شي..؟؟
بسرعه دخل لاسوراه بدرج المكتب..
وفي خلال ها اللحظه دخل ابو بدر...
ابو بدر بصراخ\ياالحرامي.. يا النصاب ...؟؟علمتك الرمايه ورميتني يا االتسلب..
عزام حرك كرسيه خفيف ...ووقف اشار للسكرتير يسكر الباب...
ابو بدر بصراخ\الفلل كلها لك... وحلال اخوي بدر لك ..؟؟ليه ولده مادريت..؟؟ وش ها النصب ..؟؟وش لا الاوراق مضروبه..؟؟
كيف اخوي يسوي فيني كذا كذاااااااااااااب...؟؟
عزام بتريقه \اطلب لك كاس ليمون..
ابو بدر\تخفف دمك يا التسلب...
عزام بحده\والله عاد هاذا الي بيدي.. واذلف انت واهلك من مجمعي با الطيب.. لارميك منه با القوى.. ولا بقولك شي
قروبك بعه علي الحين ..وهو كسبان قبل تبيعه لي وهو خسران ..هههههه
ابو بدر\انت انهبلت كله عشان بنت بتسوي بعمك كذا !
عزام تغيرت ملامحه\شفت شلون ..؟؟
ابو بدر بصراخ\اسمعني قروبي ماني ببايعه.. وفلتي مب طالع منها.. واعلئ مافي خيلك اركبه..؟؟
عزام رجع لهدوءه\ايه صح اعلى مافي خيلي اركبه.. امممم والله شكل المحامي مافهمك زين..؟؟ ترى اقدم عليك بلاغ عادي..؟
ماهمتوني بعد عمي وبدر شي..؟؟ وقسم بالله لو اشوفكم محترقين مامديت ايدي... الليله تتطس من فلتك با الطيب..
واذا مارحت الليله اعتبره تحدي لي...؟؟
وعاد تحمل جرجرت الاقسام والله صاحب حق وباخذه ههههه..؟؟
ابو بدر ارتفع ضغطه وطلع وضرب الباب وراه بقوى ماعنده..
عزام ماتحمل بعد يجلس طلع من المكتب...
........
جفلة غلا ..والا..غرور متحدي..
.....
جفلة غلا ..والا..غرور متحدي..
.....
غنج في مشتل الورد الي بين الفلتين..
تقطف وردها الياسمين.. صلحت لها اكليل.. وحطت على راسها وتناسق مع لون شعرها الاشقر ..
صوته الهادئ خالجته بحه تعرفها تجيه لما يكون تعبان من حاجه او متضايق\انتي هنا وانا تعبت ادور عليك..؟؟
غنج انتفض كل شي فيها.. قلبها الصغير كان بيطير.. مابين ضلوعها وقفت ولفت لجهت باب المشتل..
كان واقف بطوله الشامخ ..ثوب وكاب وشعره طايل اكثر من اول ..ابتسمت غنج لشكل عزام با الكاب والثوب ..
عمره مالبس الكاب على الثوب..
لازم شماغ ..والكاب للكاجول ..مايحب يخلط بينهاا ..وينتقد سعود في حركته هاذي..
ابتسمت وراحت لجهته\عزام اشتقت لك كثير..؟؟
سحبت يده ولامست بدفئ ايديها الصغيره\انت ماتحبني ليش تبعد وتنساني..؟؟
عزام ابتسم لها وميل شوي راسه لجهت راسها الصغير.. وشم اكليل الياسمين الي عليه ..وبعدها قرص خدودها \كذا احسن لنا..
غنج\طيب من قال..؟؟والله العظيم انا احبك ..وماتبدل لحبي لك ذره لو مالتقينا لو يقضي ها العمر وماالتقينا انا احبك يا غروري..
عزام صغر عيونه با ابتسامه ولمس بصبعه شفايفها بخفه\انتبهي ها اليومين لنفسك غروري.. باي
اقفى عزام وتركها با المشتل
غنج ببجه وهي تبكي\عزام.. وين عزام ..؟لاتروح عززززززززام وين..؟؟ عزام انت كذا دايم.. انت الي تتركني دايم ..ارجع ارججججججع
في ها الوقت..
قامت غنج من النوم وهي تتنفس بسرعه وتمسح برجفه وجها\حلم حلم حلم هاذا حلم..
التفتت بسرعه للسرير.. ماشافت احد ..ناظرت الساعه الي بيدها.. شافتها وحده الظهر.. قامت بسرعه من السرير وهي ترجف..
ماقدرت تملك نفسها... او تفكر في اي شي ثاني.. غير ها الحلم ..الي زارها فيه عزام ..زمت شفايفها.. وطلعت برى ها الجناح المقرف.. ودخلت جناحها
فتحت الباب ودخلت...
مافيه احد الشبابيك مفتحه.. والهوى صار يلعب با الستاير.. والجوى با الرياض صاير بارد ..
سكرت الشبابيك ودخلت غرفتها.. اخذت الروب تبعها من الكبت.. ودخلت الحمام تحمم..
لحضات وطلعت من الحمام ..
نشفت شعرها با الفوطه.. ولبست لها قميص ابيض خفيف.. ولحد نص الساق اتجهت بعده لسجاده.. فتحتها ولبست شرشف الصلاه..
وصلت الظهر الي تئخرة عليها..
في ها الوقت دخل منصور.. وجلس على طرف السرير.. وبعدها رفع رجوله وتمدد عليه..
غنج سلمت من الصلاه وقامت التفتت لمنصور\منصور انت هنا ..؟؟
منصور بطرف عينه\لاهناك..
غنج كشرت وزمت شفايفها وطلعت غمازتها\هههه حلوه بس لاتعيدها..
منصور وده في ها الوقت يفطس ضحك.. جته نوبة ضحك مب طبيعيه..
غنج رفعت حواجبها\حمدلله الحين ايش يضحكك ..ياليت تقولي عشان بعد انبسط..؟
منصور وهو يجلس ويحاول يسكت\كذا مزااااااج.. ايش يحشرك ..بين مزاجي وبيني..
غنج لفت عنه ونزلت الشرشف ولفته با السجاده\ماحد يشره على محشش..
منصور يوقف\قلتيها ..جهزي عمرك المغرب بنروح نتعشى عند رانيا..
غنج تمشي لجهت المرايه وتسرح شعرها عندها\مابي اروح روح انت..؟؟
منصور \وليه ان شاء الله..
غنج تلتفت له وتكي على الطاوله\مدري احس بتعب وصداع بسيط..ودوخه..
منصور\بطلي دلعك بس.. مب صاير لك شي ..وبعدين رانيا طبيبه.. اذا صار شي بتتطبب فيك ههههههه..
غنج تطالعه ماتبي تحكي كثير معه لنه مافي فايده قال شي وخلاص بس هي فعلن تعبانه جد ...
.........
جفلة غلا ..والا..غرور متحدي..
.....
بفلل العالي...
حنان وهي تفتح الباب على امها..
شافتها منهاره تمام..
مثل ماقال الدكتور انهيار عصبي حاد جدا..
تهلوس كثير وماتاكل غير سؤال...؟؟
ماتاكل شي...
ماتحملت قتل العنود..
دخلت عليها بصينيه بيدها فيها ..رز ابيض.. سلطه.. عصير فرش
حنان ببحه\يمه الغدى...
ام بدر تلتفت لبنتها وشعرها شبه منكوش\وين عنود..؟ماشوفها ها اليومين..؟؟
حنان وهي ترفع الملعقه من الصحن\يمه جايه بس انتي اكلي لك لقمه..
ام بدر تلعب بكورة صوف عندها\وش لقمته.. وعنيد مب هنا قومي نادي اختك بس..؟؟
حنان بنكسار\يمه عنود تعبانه شوي ونايمه..
ام بدر طفشت من الصوف ورمتها قريب\ايهي اعميري من ها الانلفونزا.. هي قالت لي البارحه لما جاتني.. لازم تنام وترتاح صح..
وبدت تاكل شوي وهاذا الشي ابسط حنان...؟؟
.........
جفلة غلا ..والا..غرور متحدي..
.....
با مجمع الفلل
ام فيصل طالعه من الفلل معها مهاوي الي تعبانه مره وداايخه وحالتها حاله..
ام فيصل تصارخ على السواق يجهز السياره...
سعود في الوقت نازل من سيارته ..ويلعب با المفتاح بيده ..لماشاف مهاوي ماسكتها امها ...وتلبسها الطرحه با الغصب وهي تبكي..
سعود مشى لهم بسرعه\خالتي وش فيه..؟؟
التفت ام فيصل على سعود\مهاوي تعبانه شكل فيها العنقز ان ماخاب ظني؟=تعرفونه والا ماعندي له اسم ثاني ان ماخاب ظني هو جدري الماء*_*شرايكم فيني..
سعود\ها..؟؟
وطالع مهاوي بصدمه\خاله يعدي ها المرض او لا..؟؟
مهاوي طالعته بقهر.. ودها تفسخ الشبشب لي لابسته وعلى راسه ...مافيها حيل تقول شي او ترد عليه..
ام فيصل\ايه يمه رح هناك لااتنعدي انت ماجاك يوم انك صغير..؟؟
سعود يركض لسياره ويفتح الباب\يالله خالتي اركبو انا الي بوديكم..
ام فيصل\ياملا العافيه ريحتني من الخبل الي بيودينا...
مهاوي بتعب \يمه مابي اروح معه بروح مع السايق حقي..
سعود بحده\مها يالله اركبي لاجي الحين اشيلك...؟
ام فيصل طالعت مهاوي بضحكه وساعدتها تركب السياره..
مهاوي ركبت بقرف السياره.. وماهي الا لحظات وصارت تبكي من الالم.. والحبوب المؤلمه الي طالعه فيها..
سعود التفت لها وهو يطلع سيارته من البوابه الرئيسي\خالتي وشفيها..؟؟
ام فيصل\يمك من الحراره والم الحبوب الي فيها انت ماعمرك سمعت عنه..؟؟
سعود يقلب راسه يفر هنا وهناك.. تذكر واحد معه باالمتوسطه.. وماقعد يوم الا طلعهوه للمكان ثاني ..سكتت ودعس على السياره علشان
يوصل للمستشفى بسرع ما عنده..
......
جفلة غلا ..والا..غرور متحدي..
..... ..
با الاوتيل..
غنج وهي طالعه من الغرفه\منصور جهزت..
التفت لهامنصور وشافها...
بنطلون جينز.. وبدي خفيف اخضر.. تناسق مع عيونها.. وشريطه رافعه فيها جزء من غرتها..
اساور كثيره ..اخضر.. واسود.. وبينك.. عبت فيها يدها ..
بس طالعه..
عليها حلو..
الساعه الي شراها لها من مده لابستها ..
عبايتها بيدها وشكلها طفشانه...
منصور بلامباله\ليش لبسك كذا ارجعي غيريه.!!
غنج شوي وتنفجر منه تعبانه.. وماهي طايقه نفسها ..وعزام بعد الحلم تشوفه وين ماتلف...
وهاذا بعد يتئمر عليها ورافع ضغطها\منصور وش فيه لبسي...؟؟
عادي بنطلون وبدي مالبست شي ....؟؟
منصور بشوية حده\لا.. بس خفيف.. وحنى الحين على ابواب الشتاء.. ارجعي البسي ثقيل يالله..
غنج بطفش\اوف طيب انا طبيعتي مابرد خلني براحتي...؟؟
ولبست عباتها والغطاه بسرعه...
منصور يوقف.. ويمشي ..عنيده.. ورافعه ضغطه ..ها اليومين.. ماحبها ولاراح يحبها ..هو بس خذااها رهان ...واذا رجعنا فيها...؟؟
بنت اصل وناس معروفين.. ويكفي انها بنت اخو سليمان ..
يعني اي واحد مثله محتاج لزوجه بنفس طبقته.. او ..على الاقل قريب من طبقته..
ووغنج تقريبا بنفس طبقته.. بنت مليونير معروف ..وبيقهر ابوه زياده اذا قارن بين زوجته..
وزوجة اي واحد من اخوانه مايجون ربع غنج وعايلتها..
طبقه ارستقراطيه ..برجوازيه ..ماجات من قاع المجتمع.. من الاساس.. هم طبقه مخمليه..
مايحتاجون تلميع.. ولابهرجه.. ناس خلاص مايلفتهم شي..شبعانين خلقه...مو ها اللحنط الي ماخذينهم اخوانه..ههههه
خلهم يعرفون ها السكران المحشش ايش عمل...
.......
جفلة غلا ..والا..غرور متحدي..
.....
با المشفى ..
سعود متقدم ..مهاوي وامها
التفت سعود لم فيصل\خالتي فصيل وينه عنكم؟
ام فيصل\ها التعبان هو ينشاف اساس..
سكت سعود وراح جهت الكوانتر يضبط اوراق مهاوي علشان تدخل...
ماهي الالحظات وسعود جاي لجهتهم معه ممرضه..
مهاوي مافيها حيل خلاص تحس بدوخه ذبحتها وها الحراره قطعتها
سعود \مها يالله امشي..؟؟
انتبهت مها للمرضه الي لابسه عازل وتئشر عليهاا تدخل علشان تفحصها..
دخلت مهاوي الغرفه وشوي ودخل عليها طبيب يفحصها..
سعود واقف عند باب الغرفه ينتظر متى يخلصون..
يحس بقلبه نار تشتعل ..وهو يسمع صوت بكاها ..ماتتحمل شي.. على كثر عنادها.. واستهبالها وشقاوتها ..ضعيفه حيل من جوى ..؟
ياحلوها وياحلو اصغر تفاصيلها ...
طهر وعفاف.. ثوب ابيض ماصابه تندنيس ابد ...ياناس اعشقها اعشقها..
طلعت بعدها ام فيصل..
سعود بخوف\ها خالتي كيف مها..؟؟
ام فيصل\قال الطبيب انها راح تجلس هنا يومين ..علشان قوة الحراره ..ومثل ماتوقعت ها العنقز الي قاب با الناس..
هي الشغاله الي تهذر معها مهاوي..
هي الي انتقلت منها العدوه..
سعود\طيب هي كيفها الحين..؟؟
شوي وطلعت عربيه عليها مهاوي.. وبيطلعونها لفوق عشان التنويم..
سعود بتوتر\مها تبين شي اجيب لك من الفله...؟؟
مهاوي اشارت براسها لا..
طلع سعود معهم فوق.. وحطوها بجناح خاص.. اشرف عليه سعود.. بعد ماخيروها مع احد.. او لحالها..
فختار سعود اتها تكون لحالها فقالو كم نجمه..؟
تبون الخدمه..
ابتسم سعود الا تقطع من الضحك ..وبهبل ليه نازلين اوتيل..؟؟
بعد ساعه كان كل شي جاهز...
ومهاوي على السرير وبعد صراخ ومعارك.. ركبو فيها المغذي ..
لنها ببساطه تكره شي اسمه ابره... وتصيبها حاله رعب تقولون فوبيا...
سعود وهو با الغرفه الثانيه ..يكلم فيصل يخبره ويهاوشه علشان يجي ..واخر شي لما عرف فيصل ان مهاوي فيها عنقز سكر في وجه^_^..
ام فيصل طالعه للجناح الاستقبال الي بغرفة مهاوي...
سعود\نامت خالتي..؟؟
ام فيصل\ايه يمه انت ليش جالس الى الحين..؟؟
سعود\خالتي تعالي اجلسي بقولك كلام في خاطري من زمان...
ام فيصل استغربة وجلست \خير ياسعود..؟؟
سعود\خالتي انا والله من فتره افكر في مها.. وابي اخطبها من عمي.. لاكن الظروف جت بينا..
مثل مانتي عارفه والحين انا ابيها بشكل رسمي ابي..
اخطبها واتملك عليها..؟؟
ام فيصل وهي مستغربه لاكن ابتسمت\ياسعود مالقى احسن منك ..وهي بنت عمك..
اولن واخيرا وان وافقت فاوالله هاذي ابرك الساعات ومني
انا والله موافقه ..
سعود قام بفرح وباس راس خالته \ياجلعني فدوه...
ضربته ام فيصل بكتفه\ياولد استح مابعد صرت خالتك علشان تبوس راسي..؟؟
سعود يضحك\بتصيرين بتصرين ياحماتي ههههههه...؟؟
ضحكت ام فيصل على هبال سعود وهو طالع ويغني وانبسط حيل..والله جد الولد تحبه وتغليه وماتلقى احسن منه لمهاوي والبنت
ملاحظه عليها انها تحبه من لما كانت صغيره الله يسهل ويسر زواجها...
|
|
|
لاازل قلبي  ينبض لغداًاجمل ...gif "Rooh5(36)")
|
|