بفلة رانيا ...
رانيا\هلا والله منصور وهلا الله اخيرا تنازلت يا التعبان...
منصور وهو يضم اخته\اكلي تبن وحسني اسلوبك لا اغير راي وارجع...؟؟
رانيا وهي تسوي نفسها مخنوقه\خنقتي ياخي خلني اسلم على الاميره الي انت جايبها معك..
منصور وهو يفكها ويضحك\يوووه لاتكبرين راسها تراها بزر وتصدق..؟؟
غنج ضحكت وسلمت على رانيا...
رانيا\كيفك ياعسل والله اني مشتاقه لك..
غنج \تمام..
غنج تطالع رانيا ماتشبه منصور ابدا ..مختلفه تمام عاديه جدا مافيها ولاشي يلفت ..سمرا طويله ونحيفه شعرها مو ناعم ولاجعد
فمها ممتلء وخشمها طويل وحاد..عاديه..
لفت عيونها لمنصور وتشوف الفوارق العشره.. صح منصور مو وسيم مره ..ومايجي ربع وسامت عيال عمها ابدا.. بس جذذذذاب
جاذبيه مدمره ...
بياضه من وين جايبه ...شفايفه الي كئن متراقص عليها روج بينك.. وخشمه الحاد.. شكله الجذاب جدا... من وين جايبه..؟؟
من وين لااخوه متعب يشبه ولا رانيا ولابعد ابوها الي لمحته يوم جى الاوتيل.....؟؟
رانيا وهي تقدم العصيرلغنج\تفضلي..
غنج مبتسمه\شكرا..
راينا وهي تضحك\اكيد تقولين مافي شبه ابد صح..؟؟
منصور بضحكه\اكيد انا الاحلى ايش جاب لجاب بسم الله علي بس..
راينا تلوي بوزها\استريح بس لاتخفف دمك علي اقتلك ترى...
منصور يسحب قطعت الكيكه من العربه\ايه با الاحلام..
غنج ماتت ضحك على تعليقاتهم توم وجيري صدق...
رانيا تطالعه بنص عين\اصلن هو طالع نسخه كربونيه من امي..وعطته نظره..يا طالع للحرمه ..
منصور يقطع الكيكه بشوكته وانقلب ضحكه لكلمات طلعت هاديه منه\لي الشرف اطلع لهواجر..
غنج اول مره تعرف اسم ام منصور ...
وشافت ارتباك رانيا بعد انقلاب مزاج منصور الي غنج تعودت عليه وماعاد يفرق معها\وين اسولي..؟؟
رانيا نزلة كاس العصير\اسكتي تكفين توها نايم جننتي ...
غنج\الله يخليها لك تهبل والله..شقاوتها تذكرني بشهودي..
رانيا بستغراب \اختك...
منصور بحده\لا بنت عمها ..
غنج طالعت منصور الي ياكل الكيكه وسكتت..
منصور يصرف\قومي جيبي اسيل صحيها يالله..؟؟
راينا\بايعه عمري انا اصحيها طير بس...؟؟
منصور بضحكه\رانيا لاتخليني اكسر راسك الحين قومي..
غنج ميته ضحك\خلاص اهدو انا بجيبها بس هي وين غرفتها ..؟؟
رانيا\اتركيها رااح تعفسك عفس...؟؟
منصور وهو يقوم\طيب انا عندي فكرا ..؟؟ايش رايك تروحين تجيبن العشى.. لئني جوعان.. وانا ومرتي نروح نجيب البرنسسيه اسيل..
رانيا بضحكه\بس العشى ماخلص ..اقصد البيتزا..
منصور بصدمه\لا يا المعفنه عازمتنا على بيتزا ..انا عارف ماتعرفين تطبخين.. ويوم عزمتيني ..قلت يمكن الدنيا صار فيها شي..؟؟
رانيا توقف\ايش اعمل على بالي انك بتقول مشغول.. مو توافق بسرعه..
بروح اشوف اذا خلصت رحمك الله.. واذا عاد صار شي انت الي عازمنا
على مطعم..
منصور \هههههههههههه
وقف بعدها منصور ومد يده لغنج.. ووقفت معه وراحو لجهت الدرج..
غنج تمشي خفيف\منصور شوي شوي وراك كذا تمشي...
منصور التفت لها\ليه وشفيك..؟
غنج\شوي احس بدوخه
منصور بسخريه\اهممم فهمت تبيني اشيلك مع الدرج...؟؟
ماكملت غنج شهقتها ...الا هي مرفوعه بين ايدين منصور ...ويمشي بسرعه مع الدرج ...
غنج تضحك\منصور ياويلك اذا طحت منصور منصور بليز لاتركض كذا...؟؟
لما صارو فوق.. صار منصور يسوي حركات استهبال.. ويدور فيها واخر شي نزلها وتظاهر با التعب\يا الدبا كسرتي ظهري..؟؟
غنج الي كانت تضحك مره ماقدرت الاانها تجلس على كرسي قريب\الحين وين غرفة البرنسيسه..؟؟
منصور \تعالي هاذي هي قبالنا,,
قامت غنج ولحقت منصور الي دخل الغرفه شافو الاناره خفيفه لونها وردي..
وعلى طول كبس منصور النور ...
غنج بقهر\اوف منك يا دفش.. تعور عيونها بعد النور الهادي..
منصور يطالعها بطرف عين وجه مرتسمه عليه السخريه\كيف يعورها وهي خامده..؟
غنج طنشته وتوجهت لسريرها با ابتسامه\ياحلو الملاك ياناس ياربي ودي اكلها...
منصور وراها وهو يشوف غنج تحط اصابعها على كف اسيل المقبوضه\لاتاكلينها بيتزا رانيا احسن من ها المعفنه ..,!
غنج التفتت له وعقدة حواجبها بعدها رجعت طالعت اسيل نزلت وباست خدها..
منصور يدف غنج خفيف\انقلعي هنا..
حط اصابعه على خدود اسيل بدفاشه وضغط عليها بقوى\اسييييييل خاللللللللللك وصصصصصل...
البنت عورتها الحركه ..وصحت مفزوعه من صوته ..وصارت تبكي..
غنج دفت كتف منصور وهي تصارخ\عمى وش ها الهبال البايخ انقلع انت وجهك ..
شالت اسيل من السرير.. وصارت تسكت فيها.. وتعطيها العاب كانت با الغرفه ..وبا الغصب يالله سكتت..
غنج بعصبيه\شف قسم بالله ان سويت حركاتك هاذي مره ثانيه ان تندم..
منصور يشد شعر اسيل من قدام\يعني يا الدبا.. وش بتسوين انتي وام فلافل الي معك..
غنج ضربت برجلها رجل منصور بقوى... وهاذا عور منصور وطلعت بسرعه من الغرفه..
منصور بئلم\والله ماترككم يا ال..
غنج تضحك وهي تنزل من الدرج بسرعه ورانيا تحط البيتزا تبعها على السفرا\غنج شوي.. شوي لاتطيحين ..
اتركي منك ها المجنون بنتي لاتطيح..
غنج وهي تركض قريب من رانيا لاكن منصور حوطها بيده هي واسيل\تطقيني عشان ها المعفنه..؟؟ والله لشّرحكم الحين يا الثنتين..
بس انقطع كلامه لما شاف البيتزا على الطاوله\رانيوه لاتقولي هاذي بيتزا..؟؟!!
رانيا بضحكه\والله شوي احترقت بس معليه كويس طعمها..
منصور فك غنج وتوجه للبيتزا وخذى قطعه كانت شوي قاسيه\اذبحك انا ..!
رانيا تفشلت \كل تبن واجلس اكلةبعد هاذا جزاي..
منصور بطفش فيه ضحكه\بنت عطيني اي رقم مطعم يوصل.. والله مااكلها لا انا ولازوجتي..؟؟ تبين تذبحينا شكلك..
هاذي بيتزا ..؟؟قولي خبز تميس محترق.. قولي صحن
قديم عندكم ..قولي شي ثااني اصدقه..
..رانيا طنقرت...
وغنج ماعاد قدرت توقف من الضحك ..جلست وسوت نفسها تلاعب اسيل..عشلن ماتفشل رانيا زياده..
رانيا\وانتي بعد مع رجلك اصلن انتم مو وجه عزايم...؟؟
منصور وهو يدور في المكتبه حقت التفزيون وحصل له دفتر الارقام وطلع له رقم\تبين معنا عشى..؟؟ ولا اقول مالك الا عشاك تعشيه..
والله ماطلبلك..؟
...............
جفلة غلا ..والا..غرور متحدي..
.....
بفلة العالي..
بفلة ابو بدر
حنان وهي تحط يدها على بطنها ...توها تعرف انها حامل با الشهر الاول...
ماجاها وحام كثير ..ماستفرغت كثير.. وماداخت مثل مايقولون ..ومثل ماتشوف با المسلسلات..
عادي ..بس جتها دوخه خفيفه..وقبل امس راحت للمستشفى ولما حللت قالو حامل.....
نادر,,قطعني كذا..من اخر مكالمه قبل اسبوع مادق..ليه مايقدر ظروفي ويجي يوقف معي....
اختي ماتت..
واخوي القاتل...
وامي منهاره
وانا الحين حامل..وش ها الفرحه المخنوقه..
ماقدر اروح لي مكان والوضع كذا..
بس الدكتور قالهت لازم ارتاح وترتاح نفسيتي لنو مو زين للجنين
بس كيف ارتاح كيف..
........
جفلة غلا ..والا..غرور متحدي..
.....
بفلة الدكتورا رانيا
بعد العشى ..
غنج توقف وهي تناظر الواجه الزجاج لصاله\مم عندك حديقه رانيا..؟؟
رانيا \ايه صغيره بس حلوا..
غنج \بروح اشوفها ممكن..؟؟
رانيا\اوكي البيت بيتك..؟؟
طلعت بسرعه غنج للحديقه فتحت الباب الزجاجي وطلعت لجهتها...
هي بس تبي هوى تتنفسه ..
تحس بخنقه... بغصه... بحرقه... تفكر فيه... لازم هو يروح من تفكيرها...
خلاص.. ليش يرجع... حتى بنوم يجيها ...
خذت نفس عميق قدام المسبح ...شهيق.. و..زفير..حلو في ها الحاله...
في ها الوقت...
كان منصور طالع من المغاسل\يالله انك تكثر خيري...!
رانيا تشيل الصحون\تراك ازعاج..؟؟
منصور ناظر للجه الثانيه ..وكشر لما شاف غنج بلبسها الخفيف ...
واقفه قريب من المسبح ...بتبرد على الكذا ها المجنونه\ليش طالعه هاذي..؟؟
رانيا\ترى اسلوبك ميح..؟؟
منصور يتكتف\ايه وش بعد...؟؟
رانيا تنزل الصحن وتناظره\بفهم ..انت ليش خذيتها بها التوقيت..؟؟
منصور برطم بعدها\تبين الصدق..؟؟ اهم شي اتزوج.. وخذيت لي وحده بنت ناس وعالم ..وطبقه نفسنا ..وفوق كذا حلوه.. يعني..؟؟
وش ابي اكثر.؟
رانيا بعدم تصديق\تقنعني ماحبيتها..؟؟؟
منصور بحيره\صدقيني شعوري تجاها عادي... جدا ..صح زوج ..وزوجته.. وبس
رانيا\حرررررام عليك ياشيخ ..آيه قدامك من الجمال ..وتقول عادي طير مني بس.. بودي الصحون..
بعدته رانيا بيديها ودخلت المطبخ..
ابتسم منصور ورجع يطالع غنج ..الي كانت واقفه قدام المسبح ..وبهدوء ..
كتف ايدينه ومال بجسمه للجدار الي جنبه..
طالعها وهدوء..شتفكر فيه,,,...؟؟
وقدام عيونه.. مالت بهدوء ...وبصمت... بشكل مايل... وطااااااااحت باالمسبح...
منصور باالبدايه مااستوعب ...؟؟
بعدها ركض بسرعه ..وفتح الباب ..وراح يركض للمسبح...
ناظر جوات المسبح... شاف غنج تدخل جوااااته..
من دون مقاومه ..؟؟
من دون حركه..؟؟
بستسلام تااااااااام ...
جواته داخله...
نزل المسبح بسرعه وغاص جوى المسبح...
حاوطها بيدينه ...
حاول يرفعها... حس انها ثقلت ...؟؟
ثقلت مره..؟؟
ماهي بريشه الي الي شالها مع الدرج قبل شوي...؟؟
ماهي..
بصغيره..
الانثى الي تعبت عند الدرج ...
وفجرت فيه رجولته وشالها..؟؟
وحده ثقيله..؟؟
يمكن ترفض تعيش...؟؟
او...!
ترفض تقاوم...؟؟
تبي تموت..؟؟
وتترك دنيتها الي ماترحم...
بس هو رافض..؟؟
لازم تعيش..!!
لازم تعيش..
رفعها بيدنه ..وطلع فوق لسطح المويه...
خذى نفس بسرعه...
انكتمت انفاسه جوى...
التفت لها وهي على كتفه...
سكر بصابعه انفها الصغير.. وعطاها تنفس ...
بسرعه ظهرت مقاومتها للموت...
ورغبتها با الحياه بشهقه...
تطمن منصور انها فاقت بس تهلوس...
مافهم وش تقول ..؟؟توجه فيها لطرف المسبح ...طلعها منه ..وخذاها بحضنه ..ورجوله جوى المسبح..
منصوربصراخ\اذبحك انا ..اذبحك..؟؟ كيف تطيحين كذا با المسبح..؟؟
غنج تفتح عيونها الزمرد بخوف\منصور ..منصور ماشوفك..؟؟ ملامحك ماشوفها...؟؟ ليش الصوره عندي كذا..؟؟ منصور..
منصور طالعها بصدمه ..غمض عيونها بصابعه.. ومسح الموويه الي عليها \غنج الحين تشوفيني..؟
غنج ببحه\منصور الدنيا ليه صايره كذا..؟ منصور انا خايفه..؟؟ العالم من دون ملامح ..؟؟مااميز شي..؟؟
منصور بخوف\كيف ماتميزين ؟؟تشوفيني الحين..؟
غنج باديه تبكي\اشوفك بس ماشوف شي فيك ..؟؟
منصور سكر عيونها بيدينه.. وهي تشهق من البكى.. خلاها مسكره لدقايق بعدها فتحها..
غنج مغمضه عيونها...
منصور بترجي\ فتحي شوفيني..؟؟
فتحت عيونها غنج.. وشافت وجه منصور الي قريب منها ..بنفاسه الخايفه عليها..
وشعره الي نزلت منه قطرات تساقطت على شفايفها الكرزيه..
غنج سحبت ثوبه المبلول\ايه اشوفك الحين..
ارتاح منصور من بعد الرعب الي عاشه\ماتقولين لي كيف طحتي..؟؟
غنج برجفه\مدري..؟؟ دخت وبعدها ماحسيت الا انت لما طلعتني..انا اقولك انا تعبانه ..بس انت ماتفهم..؟؟
سكت منصور ووقفها ولما وقفت بتمايل شالها...
ودخل فيها جوى..
رانيا طالعه من المطبخ ..وبرعب شافت اثناتهم مبلولين وينزل منهم المويه\شفيكم..؟؟شصاير..؟؟
منصور بحده\رانيا غنج تعبانه..؟؟ الدوخه هاذي لاعبه فيها لعب.. تعالي اكشفي عليها...
رانيا بتردد\اوكي حطها بغرفة نوم الضيوف.. وبدل ملابسك ..في لك ملابس عندي ..بجيبها لك وبجيكم ..
منصور راح لجهت الغرفه القريبه ..وغنج كانت ساكته مافي ولاكلمه ..
منصور يطالعها وهي ترجف ..نزلها على الكنبه الكلاسيك الي قدام السرير ..وطلع بسرعه..
نادى رانيا بصراخ\جيبي لي اي قطعت ملابس من ملابسك بسرعه...
رجع لها بسرعه.. ومسك يدينها البارده .. ودخلت رانيا ببجامه معها وشاف بيدها حبوب ومويه...
منصور بصراخ\ليه ماجبتي الشنطه تبعك تكشفين عليها..؟؟
رانيا طنشته... ونزلت البجامه.. وعطت الحبوب غنج وعطتها المويه...
التفتت لمنصور\نامو الليله عندي وانت شوي وتعال لي برى..؟؟
سكت منصور وناظر رانيا لما طلعت وسكرت الباب..
منصور مسك بجامة رانيا البيضا بصورة ارنب كبير ماسك جزره بنص ...&_&
فتح الازره حقتها.. ونزل البدي من غنج لبسها بلوزة البجامه...
سحب بنطلون البجامه وعطاه غنج ...
غنج ببحه\اوكي بلبس بس شوي ودي انام...
منصور بحده\تلبسينه ولا كيف..؟؟ مابيك تبردين بعد..؟؟
والفت منصور للجه الثانيه...
سكتت غنج وماردة عليه.. رمت البنطلون على طرف الكنبه.. ووقفت التفت لها منصور وساعدها علشان تنام في سرير..
غنج تمسك يده \منصور والله العظيم اختفت الاشياء قدامي اشوفك ومااشوفك..؟؟
سكت منصور وبعدها\طيب نامي وارتاحي ...؟؟
شغل الاباجوره الي جنبها.. وكبس على الليت ..دخل الحمام الي بجناح.. ولبس له بجامه جايبتها اخته وطلع..
شاف عيونها الزمرد تحدق با السقف.. مانتبهت له انه طلع..
طلع بعدها من الجناح ..وشاف اخته قاعده تلعب اسيل..
منصور بحده\ماتقولين لي ليه ماكشفتي على زوجتي..؟؟
رانيا\ليش معصب كذا اجلس افهمك..؟؟
منصور جلس بطفش\اسمعك!!
رانيا\زوجتك لما اخذت منها عينه دم.. وارسلت للمستشفى الي سوت فيه العمليه.. يرسلون تقرير حقها..
ارسلولي وبعدها اكتشفت ان العمليه حقتها من اثارها ..
منصور يتابع كلامها بصمت..
دوخها ..وفقر دم ..واخر شي ضغط على الدماغ ..يولد عمى اسمه عمى التمييز..
منصور مصدوم\عمى تمييز..؟؟
رانيا بهدوء\ ايه وهاذي من عوراضها ..انها ماتميز الملامح تتوحد عندها الروئيه .
.تشوف مجسمات تتحرك ..من دون ملامح ..مثل تشوف درج لاكن
ماتشوف كم درجه تشوف اشياء وماتميز.=حاله مرت علي في طفله عمره 10 سنوات لاكن انا راح
ازيد عليها شوية بهارات*_*
منصورببحه\وغنج..؟
رانيا\ان شاء الله ان اعراضها توقف كذا ..فيه ناس يكون عندهم دائم وفي ناس يكون عندهم مؤقت,,وفي حالة غنج مو مبين شي
..بس في شيئن تعتمد عليها تطور حالتها..
منصور بخنقه \ايش هي مستعد اسفره برى و..
رانيا\شين لوتسافر..لصين ..وهي ..مايصير لها اي ضربه على نفس المكان و..
منصور\وايش..؟؟
رانيا بتوتر\ماتحمل ابد ..لئنه مع الولاده يصير العمى بكل تئكيد...وماهو معروف هل بيكون دائم او لا..
منصور رجع نفسه على الكنبه. وتم ساكت بعدها\انتي متئكده من كلامك..؟؟
رانيا\مليون با الميه..دامك ماتحبها طلقها وخلها ترجع لهلها و...
منصور ببحه\اسكتي بس..؟؟
قام منصور بعدها وتوجه للجناح ..
حط يده على مقبض الباب بتردد ..
وفتحه.. دخل وسكر الباب ..رجع ظهره على الباب.. وحط راسه غمض عيونه\يالله كله
مني انا...ليش كل الي يحتاجوني ائذيهم بها الشكل..
امي..
و..
غنج..
فتح عيونه.. وناظرها قدامه.. نايمه بهدوء ..توجه لها ..وقف قدامها بضبط ..غمض عيونه ..يبي مشروب ها الوقت..
مافي بيت ها الزفته شي..؟؟
سكت وصعد السرير ..
حط راسه على المخده ونادها بصوت خافت\غنوجه..تعالي بحضني..
مافي اي صوت ..
نايمه بملائكيه..
مد يده لشعرها ..لخبط غرتها ..ورجع راسه على المخده ..وتم يناظر السقف ..وتفكيره كله بكلام اخته..