رهف : ريماس احس اني وحيدة مو كانها اختي وربي احاول الفتها باي شيء بس ولا كاني موجودة معها ماترد علي الا اذا بنتحاكم "نتهاوش" مو هذي لميس الي اعرفها مو هذي اختي

ريماس: حبيبتي فترة وبترجع زي اول واحسن بس انتي ما تياسين منها سامعة

رهف : والله بحاول بس ما احصل منها غير الصد مليت تعبت منها

ريماس: انا عارفة انها تغيرت وانها صارت ماتطاق بس هذي اختك الوحيدة ولازم تحاولين تتقربين منها

رهف: ريماس مرة دخلت عليها كانت تتكلم بالتليفون كانت تـ كلـ ـم

ريماس: كانت تكلم مين وايش فيها اذا تكلمت بالتيلفون

رهف وتهز راسها بالنفي : كانت تكلم واحد وانفجرت بالبكاء

ريماس ضمت رهف بقوة وكانت مصدومة من الي قالته: حبيبتي هدي امكن انتي غلطانة

رهف بشهيق : لا مو غلطانة سمعتها تقوله حبيبي انت واحشني وينك وكانت تضحك وتدلع ومافي احد لميس تقوله هذا الكلام وزاد بكاها

ريماس تنعل لميس من داخلها وخايفة على رهف : حبيبتي هذي مرحلة طيش عند لميس لانها واخذة راحتها ومو واعية للي تسويه تلاقين وحدة ضحكت عليها ونصحتها انتي ظلي جنبها وحاولي انها تخلي هذا الطريق لانه مو نافعها

رهف: والله بحاول خايفة عليها واذا لمحت اني شاكة فيها تعصب علي وتجلس تسبني وامي ماتقول لها شيء الا تسبني .

ريماس: ياقلبي يارهف : خلاص الحين انتي هدي وادعيلها الله يهديه ومهما كان ما تيأسين فاهمة والحين يالله مسحي هالدموع وعدلي شكلك وخلينا ندخل قبل مايحس علينا احد

رهف بابتسمة وبوست ريماس بخدها بقوة : الله لايحرمني منش والله ماقصرتي

ريماس بابتسامة : ولو مو انا تؤم روحك

رهف: اكيد مافيها كلام انتي اختي الي ماجاباتها امي والله الله لاحرمني منك ان شالله

ريماس: ولا منش يالله بلا رومنسيات على قول رودينا ههههههه

رهف: ماسمعتنا ههههههههههه

وقاطع ضحكهم

: ايش بتسون هنا

ريماس: جهـــــاد

رهف بسرعة تحجبت كانت حاطة شيلتها باكتافها ولابسة عبايتها

جهاد: ايوة جهاد ايش فيه

ريماس: لا ولا شيء بس خوفتنا انت ايش الي جابك هنا

جهاد وعيونه على رهف الي امبين عليها البكي : ابد جاني اتصال وطلعت اتكلم برا بعيد عن الازعاج ويوم خلصت سمعت صوت وجيت اشوف مين جالس هنا فضول

ريماس: يافضولك

جهاد يتجاهل ريماس: كيفك رهف

رهف: الحمدلله بخير

جهاد : وانا الحمدلله بخير اذا حبيتي تعرفين ومبتسم لها

رهف حمروا اخدودها منها

ريماس: هي يالاخو خير خلاص روح

جهاد: ايش سالفتكم ورهف كنتي تبكين

سؤاله صدمهم

ريماس: لالا وليش بتيكيى ان شالله

جهاد: انا ما سألتك سالت بنت عمتي ها رهف ماجاوبتي

رهف تمنت الارض لو تنشق وتبلعها : لا ابد بس دخل بعيني تراب

جهاد: اهااا بمشيها بكيفي ويالله الحين دخلوا داخل الكل جالس هناك

رهف وريماس: ان شالله

ودخلوا ودخل جهاد معاهم


************************************************


سارا كانت خايفة احد يلاحظ علامة الكف وحاولت تغطيه بالميك أب : خالة كل شيء تمام

ام الهيثم: ايوة ياحبيتي بسم الله عليش تجننين وطلعتها برا الغرفة لعند الهيثم الي جالس بالصالة
ها يمة ايش رايك بزوجتك مو تجنن

هيثم رفع نظره لسارا وانهبل عليها كان مكياجها مو ثقيل مرة وردي ومحجرة عيونها على جلوس توتي وبلاش خفيف ولابسة جلابية فوشية مطرزة مناسبة للوقت

ماقدر يشيل عينه منها لدرجة ان سارا انحرجت من نظراته الي قهرتها لانه قدام امه

ام الهيثم الي فوقاتهم من سراحانهم بضحكتها : ههههههههههههههه بس بس ياولد احرجت البنت الله يهنيكم ببعض ان شالله

هيثم حس على نفسه وتحسف على الي سواه

وسارا انحرجت من كلام خالتها ونزلت راسها

ام الهيثم : يالله ننزل تحت الكل منتظركم


نزلت ام الهيثم عشان تقول لشباب يروحوا للمجلس ويسون طريق لان العرسان بينزلون
وعلى طول راحوا ماعدا زياد وخالد وعبدالعزيز والوليد ومازن

واول مانزلوا على الدرج بدأ التبلبال والصلاة على النبي وكان محمد وحلا وفيصل يرمون عليهم الورود وشغلو لهم زفه الي باسهم الي انزفوا بها بالعرس باساميهم

ام محمد دمعت عينها من الفرحة لهم

هيثم كان يبتسم ويعلق عليهم وسارا كانت مرة مستحية منهم وراحوا سلموا على ام محمد على راسها وضماتها سارا بقوة ودمعت عيونها اول ماشافت دمعتها وزاد اصرارها انها عمرها ماتشكي لهم ولا تبين الي فيها غير الفرح

شيماء ماسكة كمرة الفيديو وجالسة تصوير ورودينا فوتو وماقصروا

ودخلوا العمام والخال وسلموا عليهم وكان الكل فرحان

والشباب ماسكتوا تعليقات على الاثنين

حطوا الغدا وراح الهيثم عند الرجال بالمجلس الي راحوا بعد ماسلموا عليهم

وظلت سارا عند الحريم والبنات الي ماسلمت من تعليقاتهم طول الوقت وتنغيرزاتهم وضحكهم عليها

بعد الغدا

شماء: سوسو قلبو مشالله اشوف الوجه مورد

سارا: هاهاها من يوم يوم وجهي مورد

ندى: هههههههه والله وطلع اللسان اول مابعدت عن الحريم

سارا : ندوووش

البنات : هههههههههههههه

ريم: ماعليش منهم الا ايش اخبار الهيثم معاش وتغمز لها

سارا هنا وجهها صار احمر تحس انها بتنفجر وبتبكي بس نزلت راسها وسكتت

والبنات انفجروا ضحك على شكلها وردة فعلها ابد : ههههههههههههههههههههه

ندى: والله لايقين على بعض ما شالله عليكم

ابتسمت سارا لها وهيا من داخل تنطعن من كل كلمة

شيماء: سارا ترا اليوم مسوين عزيمة على العشاء وانا حاجزاتلك الصالون وهيثم بيوديش ان شالله

سارا: لازم

البنات : اكيد

شيماء: باروح معك تطمني

ابتسمت لها سارا بامتنان

لميس كانت ميته قهر من الي تشوفه كانت حاسدة سارا ليش مو هي مكانها وسكتت من القهر
قامت سارا تجلس عند الحريم وقاموا معها البنات مع التعليقات انها صارت مرة ولازم تجلس مع الحريم وضحك عليها وتعليقات منتهزين الفرصة ان سارا مستحية وساكتة ومو ماخذه حقها منهم
جلسوا سوالف وضحك وسارا طول الوقت ساكتة بس ترد اذا احد سألها وقالوا لها عن العزيمة وانها لازم تقوم تتجهز عشان تروح الصالون وقامت تتجهزهيا وشيماء


************************************************** ****

بالمجلس عند الرجال

الشباب تعليق على الهيثم وهو مو ساكت زي سارا الا معطيهم من الثقيل
والرجال كانوا يضحكون عليهم ويقولوا للهيثم انهم غيرانين منه وهو مأيدهم ويضحك على الشباب

زياد : اقول يابو الشباب وين بيكون شهر عسلكم

الهيثم:مالك شغل

عبدالعزيز : ومتى بتروحون؟

الهيثم: امممم ممكن بكرا باشوف الحجز

خالد: انت عارف الدوام متى يبدي بعد اسبوع

الوليد:والله الحمدلله اخيرا بتدي دراستكم

الهيثم: عادي مومشكلة اعطيها اسبوع اجازة وانت"يطالع بزياد" بعدين تشرح لها المحاضرات الي
فاتتها مو نفس الجروب

زياد: ايوة

فراس: اف والله سارا موهينة حصلت لها اعذار ببلاش

ريان:هههههههه امكن الشيء الوحيد الي بتحبه من الدكاترة

الوليد: ههههههه وانت الصادق امكن تحب الدكاترة من اليوم

زياد: هههههه هي حشمو وخلوا اختي بحالها

عدالعزيز: عاش روميو بس اظن خلاص زمنك ولى وصار زمن قيس وليلى

الكل : هههههههههههههههه

ليث : الا وين جهاد

الوليد: جاله اتصال وطلع برا

أياد: والله صرت اشك فيه من اول تجيله اتصالات ويطلع وأول ماخلص كلامه الاويدخل جهاد

مازن :جهاد تعال اسمع ايش يقولوا عنك

فراس: خخخخخخخ أياد طحت فيها نسينا أخوه

أياد: عزالله اني رحت فيها مزون تفتن وهذا انا بكرا عازمك

جهاد: ههههههههه مادام الموضوع فيه عزيمة شكلك يا أياد نويت على عمرك

خالد:صراحة هو قال كلام ماينقال ونحن من اول نسكته بس هو الله يهديه

زياد:هههههه مادام خالد دخل بالموضوع أياد جاك الموت ياتارك الصلاة هههههههههههه

الكل:ههههههههههههههههه

هيثم يجر جهاد ويساسره: ايش قصتك ومين الي بيتصل

جهاد طالعه بنظره فهمها هيثم

هيثم: ايش تريد

جهاد تنهد وطالع بالشباب الي اندمجوا بسالفه مع الرجال: تقول انها ملت من الانتظار واذا ماقابلاتك بتفضحك عند اهلك قلت لها انك تزوجت وموفاضي وبتسافر وهنا جن جنونها وصارت تقول كلام كثير

هيثم : اوكي كلمها قلها بعد كم يوم باقابلها بألمانيا

جهاد فتح عيونه على وسع :جنيت انت

هيثم: لا بس اريد اريح راسي منها وبعدين عادي يعني بنروح كم يوم هناك من شهر العسل

جهاد: على راحتك بس اخاف تصير مشاكل بينكم وسارا تتأذى لو شافاتها وامكن تخرب بينكم شكلها قوي ياخوي

هيثم :ماعليك منها وانا عارفها لي لي كانت تحكيلي عنها وعن سارا ماينخاف عليها واصلا سارا تعرف عن لي لي

جهاد بصدمة :ايش الي تعرفه

هيثم :جهاد اسكت بس طلعت سمعت كلامنا بالمزرعة

جهاد : ايش الي سمعاته بالضبط.

هيثم : المشكلة موعارف ايش الي سمعاته بالضبط خلاص سكر الموضوع قبل مايعل...
وماكمل جملته الا وعبدالعزيز بالنص بينهم ويقول :ايش معاكم تتساسرون ها جهاد لاتخربه تراه عريس

جهاد: لا الحين انا الخربان بخربه مسكين مافيه عقل

وتموا على هذا الوضع حتى اتصلت شيماء على الهيثم تقوله يوديهم هيا وسارا لصالون وقام هو على طول

خالد: بالسرعة هذي اشتقت ياخي اثقل اختي تحب الثقل

زياد: ههههههههههه أي ثقل زمن الثقل ولى معاه هذا

هيثم : ياسخفكم والله

عبدالعزيز: خخخخخخ روح روح لتموت علينا ههههههههههههههه

جهاد: هههههههههه الله يجننكم كرهتوا الرجال بعيشته وخليتوه يتأخر على مرته

هيثم: جـــهــــــاد

الكل مات ضحك عليه وهو قام وخلاهم وطنش تعليقاتهم وضحكهم

وراح برا وشاف شيماء

شيماء: وينك انت

الهيثم: وين يعني داخل

شيماء : اوكي ثواني انادي سارا بتلبس عبايتها وانت انتظرنا بالسيارة مو متاخرين

الهيثم : اوكي يالله منتظركم انا

شيماء: طيران وركضت لداخل تنادي سارا

والهيثم دخل لسيارته الرنج ينتظرهم ومشغل السي دي على شريط ميحد حمد "يوم الوداع"

وبعد 5 دقايق دخلوا عليه سارا الي جلست قدام وشيماء وراها وكان الجوء هدوء الا اذا تكلمت شيما وعلق عليها الهيثم سارا اكيد الصمت هو الي متملكها بس ملت من الوضع خاصة هيا عندها عاده اذا ركبت قدام تفتش بالسيارة وهذي مو سيارة اي احد سيارة الهيثم وغير ان الاغنية ماعجباتها وبعفوية راحت تقلب بالسيديات والاشرطة في وسط دهشة الهميثم وشيماء الي مسكت نفسها لاتضحك

سارا ماعجبها شيء وحست انه في شيء غلط طالعت بشيماء وقالت لها: لاتموتين نفسش ضحكي

هنا موبس شيماء ضحكت حتى الهيثم : هههههههههههههههههههههههههه

وسارا سكتت متفشلة واستحت مو متأقلمة على الوضع للحين وصلوا وقالهم الهيثم يتصلون فيه اذا خلصوا

************************************************

:جاسم اليوم ترانا معزومين عند بيت ابو الهيثم

جاسم : نورة خير ان شالله ادري بالسالفة

نورة: اهااا سوري على بالي ماتدري لاني يو ندري كنت تودي اهلي للمطار

جاسم : ايوة اتصل فيني خالد وعزمني

نورة : اهااا اوكي العنود بتروح معي صح

جاسم: اذا تريدي

نورة: جسوم ماتريدنا نخطبلك منهم

جاسم منصدم منها :ايــــــــــــــــــش

نورة بابتسامة غبية من الخوف منه : الي سمعته

جاسم: نورة فكيني من جنانك

نورة : والله اتكلم جد ومادام العنود ميته فيهم اخليها تختارلك ها ايش قلت

جاسم : خلي الجنان وروحي جهزي نفسك مو فاضيالك انا

نورة ماعلي انا العنود بتختار بتختار

دخل حموود: خبر ايش الي بتختاره ومين هذب

نورة ببرائة: قلت له ليش مادور له بنت مادام العنود متعلقة وباخليها هيا الي تختلر مو كلامي صحيح

حمود : الا عين العقل بس انتي ماتستحين تخطبين لاخوش الصغير وانا لا

نورة: لالا انت مختارة لك اياها من زمان بس عزم

جاسم: ماشالله الاخت صايرة خطابة

نورة: افا عليك لاخواني اصير أي شيء

حمود:فديتش والله

جاسم: ههههههههههه هذا كله لما قالت انها مختارة لك من زمان هههههههههههههه طيرة

حمود: ياللي ماتستحي وهذا وانا اخوك الكبير

جاسم: اقول روحوا زين ربشتنوني بكلامك الكثير اريد اغمض عيوني اشوي

حمود ونرة : ان شالله وطلعوا برا الغرفة وهم ميتين ضحك عليه

نورة: تظنه يقتنع

حمود: ان شالله بس انتي اليوم شوفي العنود تختارمين والمهمة بعدين عليها

نورة: ههههههههههههههههه والله جبتها يالله باروح اتجهز واشوف البنات

حموود: اوكي وراح عند عيال خالته بالصالة طلال وناصر


*********************************************

الساعة 9 مساءا

كل المعازيم وصلوا والكل يبارك والبنات مشغلات المسجل وجالسات رقص
سارا بالغرفة مرة متوترة مرة مسوية بشعرها شانيو حلو وعليه كسوار ذهبي بالكرستال الذهبي والبني على شكل فراشة اشتراته من دبي ب2000 درهم كان مرة خطير
ومكياجها ذهبي على دخاني طيني على عيونها العسلية كانت خطيرة ولبست طقم هدية من عند ابوها من الذهب المرصع بالالماس مع ساعة الماس من الذهب ولبسة كعب ذهبي من ارماني لسهرات لاف لين نص الساق ولبسها كان الثوب التقليدي الي هيا ابد مو متعودة عليه ثوب ظفاري مخمل اسود لين تحت الركبة بالضبط وبذيلة فيه تصميم حلو مرصع بالكرستال مختلف الحجم على حسب التصميم ولونها بين الذهبي والبني والمشمشي كانت جوهرة اية من الجمال دخل الهيثم يبدل ملابسة لبس القميص "الثوب" الابيض وكان لون خيطه بني صحراوي ولبس العمامة الصحراية وشاف شيماء طلب منها تجاب البخور عشان يتبخر ودخل للغرفة وشاف سار قدامة جالسة على الكنب وسرحانة وواضح عليها الحزن بس ما اهتم كثير كان جمالها باهرة وفاتنة وماصحى الا على ضحكة شيماء الي تعلق عليه وطالع بسارا شافها منزلة راسها

شيماء: ما أقدر نفس درجات الالوان هههههههه ياعيني

الهيثم :سكت منهم واتبخر ونزل عند الرجال وكان رزة ويذوب وسارا نزلوها عند الحريم بزفة باسمها والكل منبهر بجمالها الي مايقل عن لليلة العرس وام خالد وام الهيثم وام محمد يسمون عليها خايفين عليها من الحسد والعين

بلليل كل المعازيم راحوا مابقى غير العايلة من العمام والخال نادوا على الهيثم وجابوا الكيكة وكانت المصورة موجودة قطعوا الكيكة واكلوا بعض والكل يضحك ويعلق وبعدها جلسوا يصورون والي يرقص وسوالف وكملوا السهر لساعة 3 الفجر وبعدها كل واحد رجع لبيته
اهل البيت انهلكوا وتفرق الكل لغرفته ينام وسارا والهيثم اخر الناس كانوا
وهم طالعين الدرج بهدوء

سارا حست بدوخة مسكها الهيثم:فيش شيء

سارا بخجل: لالا بس اختل توازني

الهيثم :اها اوكي يالله كملي طريق

سارا تجاهلت الموضوع بس ماقدرت تكمل الطريق لانها فقدت كل طاقتها

هيثم حس انه فيها شيء : فيش شيء جاوبه ميلان جسمها الي مسكه على طول
وشالها لجناحهم وشممها عطر عشان تركز معاه لانها شبه دايخة

هيثم: سارا مركزة

سارا: اهممم

هيثم بجدية :سارا ايش اكله اليوم

سارا تغير الموضوع:تصدق اموت فيه هذا العطر اشتريته لزيود وخالد لما اخذوني اتسوق معهم

الهيثم الي حس انها تغير الموضوع ابتسم : حتى التسوق يكون معهم

سارا: ههههه تحفة والله الواحد يروح معهم السوق لا واشترولي عطر بعد هم على ذوقهم

الهيثم : زيدة

سارا: يب صراحة عليهم ذوق واحد بويزن مد نايت والثاني بربري يعني اكسب منهم بدبل فهمت
هههههه

الهيثم: ههههههههههههههه والله مالمتش الحين وطلع عليهم ذوق الاخوان

سارا: انت ماشفت شيء اذا فراس والتوم عليهم ذوق والله يبدعون بالهدايا

الهيثم : وانتي للحين مع الشباب

سارا: لا صرت مكس ههههههههههههه والله عليهم سوالف صراحة

الهيثم ويرجع للجد : اقول انتي للحين ماجاوبتيني ايش اكلة اليوم

سارا بتردد : اممممم صراحة بس قطعة الكيكة

الهيثم بصدمة : بس

سارا تهز راسها بايوة وتعض شفايفها من شكله المقهور

الهيثم : انتي مجنونة تريدي تقتلين عمرش

سارا باندفاع : لا مو كذا بس انا مافيني نفس للأكل

الهيثم : ماعلي هذي الحركات وقام من عندها ورجع بعد دقايق ومعاه صينية فيها اكل

سارا وتطالع بالي في ايده : تريدني اكل

الهيثم طالعها بنظرة : ايش رايش يالله اكلي وانتي ساكته

سارا خافت وهيا قررت انها ماتعارضه كثير فجلست تاكل وتغصب نفسها الهيثم قام اشوي ورجع لها بعد كم دقيقة اكلت شوي كالعادة واول ماشافاته قالت : الحمدلله وكانت بتقوم بس الهيثم وقفها

الهيثم: بالله عليش هذا اكل عصافير اكلت مو بنأدمية اقول رجعي كملي اكل

سارا: والله هذا اكلي مقدر ازيد خلااص امتليت

الهيثم طالعها بنظرة غاضبة سكتتها وجلست تكمل الاكل وكانوا دموعها تعبر عنها

الهيثم مقهور منها ومصدوم كل هذا عشان ماتاكل صدق عجيــب ومايشوف الا شيء كالبرق يطير قدامة بسرعة للحمام وكانت سارا الي ترجع هيثم حز في خاطره وراح لعندها على طول وكانت خارجة من الحمام تعبانة
وساعدها توصل للفراش جاب لها ماي وشربها لان جسمها كان يرجف وايدها ترتعش وبعدين تمددت وغطاها كانت دايخة واتحس انها ضايعة

الهيثم: اسكر عليش الليتات كلهم

هزت راسها بسرعة على النفي

الهيثم: ان شالله اذا احتجتي شيء عارفة مكاني لا تستحين اوكي

هزت راسها بالمواقفة كانت تريده يطلع بسرعة واول ماسمعت الباب يتسكر انفجرت بالبكاء الي كانت حابساته طول اليوم تعبت كثير اليوم بكت الجرح الي بقلبها بكت الضياع الي تحس فيه بكت عذابها وتمثيلها الي محتاج طاقة قوية تحس انها من المستحيل تكمل تمنت لوتنام ويصير كل شيء حلم تعوذت من الشيطان وحاولت تنام الوسيلة الوحيدة الي بتريحها بس حتى النوم مو مساعدها من الكوابيس ااااااااااااااااااه يااارب ساعدني

كان واقف عند الباب وسمع بكاها القوي في هذي اللحظة انقبض قلبه عليها حس انها مظلومة اشفق على حالها اعرف ايش يسوي تردد يدخل ويهديها ولا لا خاف يدخل ويضايقها لانها ماتطيقه بس كانت تكلمني بعفوية زي زمان يعني ما اتكرهني اكيد بس انصدمت من الكلام الي سمعاته وهذا الشيء ردة فعل طبيعيه ايه اكيد وجلس على هذا الحال نص ساعة حس ان سارا مالها صوت دخل للغرفة شافها هدوء قرب منها شافها نايمة ودموعها واضحة على خدودها الي كانوا محمرين مع شفايفها ابتسم على شكلها الملائكي غطاها ومسح على راسها ويدعي ربه ان حياتهم تتيسر وكل الامور تنحل ان شالله ماقدر يمنع نفسه انه يبوسها باس راسها وتردد وهو يناظر خدوها وباسهم على خفيف وطلع بسرعة خاف تنتبه عليه ويخرب كل شيء وتنقلب الامور وراح لغرفته اخذله شور وناااام


************************************************** **************


كان مو قادر ينام يفكر فيها يفكر بالي شغلت عقله وفكره ومو قادر يشيلها من باله خلاص قرر يفاتح امه بالموضوع وتخطبها له بكره وعلى هذا القرار ابتسم وتخيل نفسه عريس وهيا جنبه وعلى هذي الاحلام نام وعلى شافيفة ابتسامة رضى


************************************************** *****************


:هلأ ياعمري

: هلأ فيك حبيبي وينك اليوم عني

: كنت عند بيت عمي معزوم

بعصبية: وان شالله عندهم بنات

بابتسامة وبرود: يس عندهم ثنتين يجننون طالعات علي ماشالله.

: لاوالله احلف

ببرائة:والله العظيم

بدلع وعصبية: خالد

خالد :عيون خالد

: احبك

خالد بثقة :عارف مافي شيء جديد طلعتي قديمة يالموية

لمياء:خالد لتكون شايفلك شوفة ببيت عمك

خالد ويتذكر شيماء: والله موبخايسة الفكرة

بزعل : خــلــوود

خالد ببرود: نعم

لمياء عصبت منه وشوي وتبكي مادرت ايش تقول فسكرت التيلفون

بس خالد سبقها لانه عارف الحركة ومات ضحك :هههههههههه والله انهم غبيات وتمدد بالفراش وكان يتذكر شكل شيماء بالعرس الي شافها بالصدفة لما كان يصور مع العرسان دخلت الغرفة على بالها مافي احد لان الكل طلع وخالد مسوي تصير عشان يضبط المنوم كانت روعة بالعنابي وتذكرها الصبح ابتسم على شكلها المصدوم وجلس يتذكر كل المواقف معها لما طاحت عليه من الدرجة بالمزرعة بدبي وغيرها من المواقف ونام وهو على هذا الحال مع الذكريات الحلوة ومو عارف ليش يفكر فيها بس قطع عليه احلامه رنة تيلفونه باغنية راشد الماجد "الحب خالد" سفه المتصل بس شافه مصر ومد ايده يشله ويشوف مين متصل واول ماشاف الاسم عصب ورد بصوت فيه النوم :زيادوه يالمزعج مو شايف الوقت

زياد : ليش ايش صاير

خالد :خير بس اريد اناااام

زياد :مالت وهذا انا اتصل اشكيلك لو كانت وحدة من البنات رديب بسرعة عليها

خالد:زياد اخلص ايش تريد

زياد بصوت حزين: اريد اطمن عليها موقادر اشيلها من بالي

خالد: روميو سارا الحين نايمة وماتبعد عنك الا كم خطوة بس انصحك تنام لان اخوك بيذبحك

زياد:ايش دخل سارا

خالد : ليش انت تتكلم عن مين؟

زياد: خالد ركز انا اتكلم عن الي صدمتها بحوش بيتنا الي صدمتها

خالد: زيااادوه الحين مقيمني على وحدة مانعرف عنها شيء جنيت انت اقول روح نام احسن لك

زياد: اصلا انا الغلطان الي مكلمك وان خبرتك بشيء مرة ثانية اضربني اصلا انا المفروض اخبر
سارا الي بتريحني بس مولاقي غيرك مالت وسكر الخط بوجه خالد

خالد:بسم الله جن شكله خليني انام واشوف قصته بكرا ونام على


************************************************** ***********

ريان: اياد مو ملاحظ انك صرت مزودها كل شوي تكلم وحدة وتجلس تكلمها وبعدين تسبها واتسكر ايش حكايتك حتى رودينا حست انك متغير مو طبيعي

فراس الي كان بايت عندهم : ايوة والله حتى ملاحظ وشكلك مو عاجبني

اياد تنهد تنهيدة من القلب : مو قادر اشيلها من بالي ومو طايق أي شيء احاول اشغل نفسي بالبنات امكن انسيها بس مو قادر كرهت كل شيء وكل البنات من بعدها

ريان وفراس فاتحين عيونهم واحلوقهم من كلامه

فراس: اياااد من صدقك انت حبيتها

ريان : والله حالتك صعبة وانا اخوك ياويل حالك ياخوي

اياد كان من جد متغير صار يسرح ومايطيق أي شيء حتى رودينا تغير عليها وهيا ملاحظة : ايش اسوي والله مو بايدي

ريان: قول لامي تخطبها لك

فراس: حلوة هذي جنيتوا انتم على أي اساس يخطبها للحين يدرس وعالة على اهله وبنات الناس مو لعبة

أياد: مو هذا الي تاعبني اني مو قادر اسوي شيء

فراس: قول لرودينا تكلمها واتشوف رايها

ريان: انت من صدقك والله رودينا تفضحنا وتقلب علينا البيت

فراس: لا ماعليكم خلوا رودينا علي .

ريان: ايش ناوي عليه

فراس : كل خير بس بكرا بنكلمها انزين وبقولك ايش بنسوي عشان تقتنع الحين خلونا ننام

اياد: انزين انزين قول بالاول ايش ناوي عليه بعدين نام

فراس: اياادووه خليني انام ولا والله اغير راي

اياد باستسلام : خلاص خلاص نام نام وبصوت واطي نوم اهل الكهف

فراس : ايش قلت

اياد بخو: هاا ولا شيء ولا شيء بس قلت احلام سعيدة ياقلبي

ريان : ههههههههههههههههههه والله انكم تحف يالله ناموا

نام ريان وفراس بس اياد ماقدر جلس تقلب فترة وهو يفكر بمصيرة بنورة ممكن يتحقق ولا لا ونام بعد جهد جهيد


************************************************** **************

نهاية الباارت

الجـــــــــــــــــ الثاني والعشرون ـــــــــزء

الفجر

الله اكبر الله اكبر لااله الا الله

فتحت عيونها على صوت الاذان تأملت الغرفة بعيونها سمعت باب الجناح ينفتح ويتسكر وبعد صوت باب غرفت غمضت عيونها تتذكر الي صار امس وتفكر بحالها وايش الي ممكن تسويه حست بنفس قريب منها خافت وترددت تفتح عيونها

كان واقف يتأملها متردد كيف يقيمها تصلي وقال بهمس اربكها : سارا سارا قومي صلاة

فتحت عيونها بهدوء وطالعت فيه ويوم شافت وجهه الهادي ابتسمت و قالت : صباح الخير

تفاجأ منها هو للحين متلوم من نفسه ومتوقعها بتزعل منه بس فاجأته بابتسامتها

سارا مسكت ضحكتها من شكله وقالت بدلع يقهره : هيثم في شيء

هيثم بتوتر واضح : لالا صباح النور . كيفك اليوم

سارا وهي تتعدل وتجلس : الحمدلله بخير

هيثم : انزين اذا احتجتي شيء عارفة مكاني .

سارا : بتنام ؟؟

هيثم طالعها باستغراب : ايوة ليش في شيء ؟

سارا وترفع اكتافها بدلع : لا بس سؤال . وقامت ودخلت للحمام مخلياته باستغرابه

دخلت الحمام "اكرمكم الله " تحس بفرحة من الي شافاته بشكل الهيثم طلعت وصلت ودعت ربها انه يفرجها وييسر امورها و... ومانست احد من الدعاء وبعدها اخذت المصحف وجلست تقرأ حتى حست بالراحة شافت الشروق بدأ قامت تتفرج من الدريشة وفتحاتها حتى يدخل الهواء وكان الجوء رهيب وهيا تتامل : اااااااه وهذا يوم جديد بحياتي نزلت دمعة بس مسحتها بسرعة عشان مايتعكر المزاج . انا لازم ماضيع حياتي بالحزن و ابتسمت على الفكرة الي جت ببالها والشيء الي نوت تسويه اليوم وتفكر بردة فعل الهيثم : هههههههههه والله بجننه اليوم
انا لازم استمتع بكل لحظة ولازم من جد اعامل هيثم زي اخوي مثل ماقلت وماراح افارق بينه وبين الي يحبها تمددت بالفراش وهيا تفكر بالي ناوية تسويه وماجاها نوم شافت الساعة كانت سبعة ونص حست بالجوع طلعت من غرفتها وراحت للمطبخ وفتشت فيه ضحكت على خبالها وجلست تغني وتدلع وتجهز فطور عشان عقلها ماتشغله كثير بالتفكير لانها مهما بالي صار لها وتحاول تتناساه لانها من المستحيل تنساه لانها مهما حاولت تتظاهر الا من داخلها غيــر جهزت الفطور وطالعت فيه وماحبت تاكل لانها ماتحب تاكل وهيا لوحدها فكرت تقيمه من النوم بس ترددت تذكرت الباتشي الي بالغرفة عنده راحت بسرعة لغرفته وبهدوء دخلت وشافاته نايم
وشكله مو حاس بالدنيا ومسكت ضحكتها من شكله واخذت وحدة من الصياني وطلعت

******************************************

صار له ساعة من رجع من صلاة الفجر والنوم مجافيه محتار كيف يكلم امه بالموضوع مايعرف ليش متوتر مع انه ولا مرة كان يتوتر او يستحي قام فجأة وهو مصمم انه يكلمه الحين طلع من غرفته وراح لصالة نزل شاف امه تسبح وتهله تقدم لعندها وباس راسها : صبحش الله الله بالخير يالغالية

ام محمد : صبحك الله بالخير ياولدي خير ليش مو نايم فيك شيء شيء يوجعك

عبدالعزيز: ههههههههه لالا مافيني الا العافية ليش مايجوز اقوم واجلس اسولف معاش

ام محمد بنظرة : لا والله مو من عادتك

عبدالعزيز : افااااا يمه يعني الحين ماتريديني اجلس اروح انام احسن

ام محمد : لا والله مو قصدي وانت تعرف غلاك يكفي انك تشبه الغالي ومسحت دمعتها الي نزلت

عبدالعزيز انكسر قلبه على امه وحب يغير الجو: الله يرحمه يمه ها يمه ايش رايش اعزمش على فطور

ام محمد: هههههههههه ايش شايفني تعزمني على فطور يالي ماتستحي متى ماتزوجت شل زوجتك مو تشلني

عبدالعزيز: ههههههههههه عاد اذا طلعت زيك ياجميل ليش ماعزمها

ام محمد : ايوة بدا الكذب اقول روووح نام

عبدالعزيز: الا يمه ماشفتيلي بنت مزيونة بالعرس ولا انتي بس تفكرين بعيال عيالش ونسيتي ولدش

ام محمد : لا والله بس انت للحين مانويت وشكلك ماتريديني اشوف عيالك

عبدالعزيز : طول عمرش يما وبعدين مين قال اني ماريدش تاخذين عيالي ها اصلا ماراح يتباركون يالغالية

ام محمد: يعني انت ناوي تتزوج وتعقل شوف اني في وحدة من زمان اريدها لك

عبدالعزيز: يمه الحين انا مو عاقل افااا ماهجيتها منش يا أم العرب

ام محمد : شفت لازم تحول كلامك لضحك كون جدي ياولد ابوك ما اريد ابلش بنت الناس فيك

عبدالعزيز: الا قولي تبلشيني فيها الله يستر هههههههههههه

ام محمد: هههههههه ماتخلي حركاتك انت

عبدالعزيز يقلب جد : يمه انا اتكلم جد هيثم مو احسن مني وانا الحمدلله تخرجت والشغل واشتغلت والبيت موجود وانتي يبيلش وحدة تجلس عندش

ام محمد : انت بتتزوج لانك تريد تتزوج ولا عشاني شوف ياولدي لو عشاني انا مو موافقة

عبدالعزيز: لالالا والله مو كذا انا قصدي يعني الوقت هذا مناسب لي كثير ها يالله قولي انتي مين مختارة واذا ماعجبتني اغير

ام محمد وهيا تبتسم : لا بتعجبك صدقني

عبدالعزيز بحمااس لانه شبه شاك : ميــن هذي ؟

ام محمد وهيا تطالعه بابتسامة : بنت عمك نـــدى

عبدالعزيز من الفرحة قام وباس امه راسها وايديها وخدودها .

ام محمد : ههههههههه بس بس هههههه كل هذي فرحة اقول اعقل ولا بغير راي

عبدالعزيز: لالالا والي يسلمك اهون عليش

ام محمد :لا متهون

عبدالعزيز: يمه ليش هيا بالذات

ام محمد: والله البنت ماتنعاب خلق واخلاق كاملة والكامل الله وفوق هذا حسيت انك تريدها وامس
اثبت لي الموضوع وانا ماكلمتك لاني كنت شاكة فيك وامس تأكدت .

عبدالعزيز بابتسامة : ياخطير انته اقول يمه متى بتكلمينهم ليش ماتكلمي ام خالد الحين

ام محمد: اعقل جنيت انت

عبدالعزيز: لا والله مالي دخل تكلمينها يعني تكلمينها

ام محمد : ازين باكلمها اذا مرت علي بعدين بقولها انت بس اركد

عبدالعزيز: اشوف يالله الحين انا بطلع انام

ام محمد: واتقول اني ظالماتك الا عارفاتك

عبدالعزيز: ههههههههههه دايما كابشتني

وراح لغرفته ينام وهو راسم ابتسامة معجون اسنان من الفرحة .


************************************************** **********

: ها يأم خالد كلمت البنت امس شفتي اخبارها وكيف الهيثم وايش مسوين

ام خالد : لا والله امس ماقدرت وقلبي بيتقطع عشان اعرف واليوم ان شالله بكلمها والله ييسر
امورهم ويوفقهم ان شالله وشكلها امس يطمن صح

بوخالد: ايوة وشكرت ربي انه ماخيب ضنا

ام خالد: الحمدلله والله كان قلبي ناغزني عليها بس امس ارتحت من شكلهم وهم نازلين مع بعض الله يوفقهم ويسعدهم ويرزقهم بالذرية الصالحة .

بو خالد : امــين يارب . الا خالد امس نام بالبيت ولا لا

ام خالد : لا نام بالبيت بس من بعد صلاة الفجر مارجع

بوخالد : والله انا مدري هذا الولد متى بيعقل هو والثاني

ام خالد: لا تخاف وهذا طيش شباب يحبون السهر وهذيل الاشياء بعدين يعقلون ويكبرون وبعدين هم مو مقصرين معانا بشيء ما شالله عليهم وقت الشدة نلاقيهم جنبنا غير انا واثقين بتربتنا واخلاقهم

بوخالد: هذا الي مخليني ساكت وما اقول شيء يالله يالغالية انا رايح لشغل تامرين بشيء

ام خالد بابتسامة: لا بس سلامتك وانا الحين رايحة لعند خالتي ولاتنسى الغدا عندها اليوم واليوم الكل العصر بيجتمع عندها

بو خالد : الله يسلمك ان شالله .

ملت وهيا جالسة لوحدها واحتارت ايش تسوي تقيمه ولا لا طالعت باكياس الشوكلت الي عندها طالعت الساعة كانت 8 وقامت بسرعة طلعت من جناحهم : امممم شيماء اكيد ناية بعد سهرت امس ومستحيل تقوم مافي غيره فديت قلبه نومه خفيف هههههههه وكانت غرفته اول غرفة بعد جناحهم راحت وفتحت الباب بقوة وكانت الغرفة

ظلام وثلج ركضت بسرعة وقفزت على الفراش : زيـــــــــــــــود قووووووم بسرعة

قام مفزوع من النوم : بسم الله خير صار شيء

سارا: ههههههههههههههههههههههههه لا بسم الله علينا مافينا شيء

زياد يطالعها : حلفي

سارا وميته ضحك من شكله : ههههههههههه والله هههههههههههه

زياد من عصبيته من حركتها دفها من كتفها حتى طاحت من الفراش

سارا: اااااااااااي وجع

زياد: ههههههههه تستاهلين

سارا وتوقف وتاخذ الكتاب الي كان مرمي بالارض وترميه عليه

زياد: ااااااااااي يالبقرة عورتيني

سارا: تستاهل

زياد: اقول انتي ايش الي جابك زاعجتني من الصبح وين زوجش مخلياته وجاية عندي

سارا شهقت بقوة وبزعل : اسفة . وقامت بتطلع الا ايده تمسكها وترجعها

زياد: وين رايحة انتي اضحك معك انا

سارا ومادة البوز : لالا انت خلاص ماصدقت تفتك مني

زياد: افااااا هو انا اقدر استغني عن قلبي سارا

سارا: ايوة هذا وانت ماتزوجت اذا تزوجت ايش بتسوي

زياد ويتنهد: لاتخافي مو متزوج

سارا وتضايقت من شكله : زيود ايش فيك

زياد : مافيني شيء انتي الي ايش فيش ؟

سارا : انااا الحمدلله

زياد : بالله عليش ايش الي مخليش قايمة لوحدش ومخليش تجين عندي وزوجش نايم

سارا: ياخي مافيني نوم واخوك نومه ثقيل ايش اسوي يعني اجلس اعد الجدران حتى الشيخ يقوم والله لعقلية اف.

زياد: هههههههههههههههههه والله انش تحفة وان شالله ليش ماتقيميه زي ماتقومينا من النوم ولا
مايهون عليش حبيب القلب

سارا أي حبيب القلب واي بطيخ : الا يهون بس تدري ياخوفي اكون انعديت من ثقالة دمه

زياد: ههههههههههه يالخبلة عيب والله لو يسمعش يزعل بعدين خلاص نحن الحين مو زي زمان تسبون بعض وبحنان قال: هذا الحين زوجش الحين لازم تحترمينه وتسمعين كلامه وماتعانديه مثل العاده

سارا ساكتة ومنزلة راسها تتمنى لو تنفجر وتبكي بحظنه بس تراجعت عن الفكرة وماسكة نفسها بالغصب

زياد بكل حنان : سارونة

سارا بهمس : عيونها

زياد: في شيء صاير بينش وبين الهيثم

سارا ماقدرت تستحمل تحس انها ضاغطة وزياد دايما كاشفها وماحست الا دموعها تنزل
زياد كان حاس انها مخبية شيء مسح دموعها وضمها : بس كله ولا دموعك قوليلي ايش صاير

سارا تحاول تجمع وتتكلم : ماشيء بـ س احـ س ان .. اني مو متقبلة الموضوع وامي وخالتي كل شيء يقولولي عيب انتي الحين مرة متزوجة ومايصلح تسوين هذا ولازم تسمعين الهيثم ايش يقولك وايش يريد بس انا مو متعودة على هذا الشي " ماحبت تقوله بالي بينها وبين الهيثم "

زياد بابتسامة مع انه عارف مو هذا الي مضايقها : بس هذا الي مضايقك

سارا: ايوة

زياد : متأكدة

سارا وتهز راسها تأكد له الموضوع

زياد ويمسح على شعرها : هههههههههه طيب هذا شيء معروف ليش مستغربة منه وبعدين مو مهم الناس المهم الشيء الي بينش وبين الهيثم انتم اذا تفاهمتوا كل شيء بيكون سهل عليكم وبتعيشون براحة بس اهم شيء كل واحد يعرف الثاني صح

سارا تبتعد وتبتسم : صح

زياد: وبعدين هههههههههههههههه ايش البيجامة هذي الي لابساتها وطالعة علي فيها ههههههههههه والله لو امي شافاتك ماراح تسكت هههههههههه خبلة مزوجين طفلة " كانت لابس بجامة تي شرت احمر وعليه رسمة ميكي ماوس وشورت عند الركبة كحلي مع احمر كاروهات "

سارا بدلع: والله عاد هذا انا

زياد: اموت بالواثق ههههههههه وجر خدها وباسها

سارا: الله يقرفك روح تروش وغسل اسنانك

زياد: هههههههههههه يحصلك بس الا ماقلتي جهزتي نفسك

سارا باستغراب :لايش؟

زياد: لشهر العسل بليز سارا عارفة وين بتروحون

سارا زاد توترها : مين قال

زياد : حلوة مين قال ليش مو ناوية تروحين شهر عسل

سارا ببالها شهر عسل انا وهيثم لوحدنا انقلبت بطنها عليها وركضت للحمام "اكرمكم الله"

زياد بخوف: سارا فيش شيء

طلعت وابتسمت تطمنه واتقول بخاطرها: ايش فيها على الاقل يقل التمثيل

زياد: للحين بطنش تقلب عليش مو حالة هذي

: ليش من متى وهيا قالبة يعني امس مو اول يوم

سارا وزياد متفاجئين من دخوله الي ماحسوا فيه

زياد: هلا هيثم من فترة

هيثم ومعصب : وليش ماتتكلمون ها

سارا : عادي مولازم

هيثم : حلوة عادي اقول قومي بدلي اوديش المستشفى ولا اقول ليش المستشفى انا موجود تعالي اكشف عليش

زياد بهمس باذن سارا: الله يعينك جاء الدكتور وبيطبق عليش

سارا: هي والله.

وبعدها طالعوا بعض وانفجروا ضحك : ههههههههههههههه

عصب الهيثم : ليش تضحكون ماقلت نكتة انا

سارا تحاول تمسك : نفسها لا مو نكتة الا اكبر منها هههههههههههههههه

زياد : هيثم يالدكتور خفف علينا اشوي هههههه

دخلت عليهم شيماء الي قامت من الاصوات : خير ايش الي صاير

هيثم: اساليهم

شيماء: مادام سارا وزياد ضحكوا اغسل ايدك انهم يسكتون ويقولوا السالفة ههههههههه

هيثم : وليش ان شالله

شيماء: طالعهم وحطت ايدها على كتف اخوها : الله يعينك على ما بلاك : ههههههههههههه

سارا وزياد : ههههههههههههههههه يضحكون بشكل هستري " مو من الموقف كل واحد كان
منتظر يضحك ويغير الي بداخله وعلى اتفه سبب ماتوا واهم شيء انهم اثنيناتهم مثل بعض وافاهمين بعض "

هيثم عصب وطلع من الغرفة وراح جناحهم

شيماء: سكتوا وانتي هي هيثم زعل وترا هيثم زوجش مو زيادووه

زياد: زيادووه بعينش

سارا: وليه ههههههههه هذا ايش نسوي فيه الحين

شيماء : مادري عنش

زياد: روحي روحي عنده وخليه يكشف عليش ليموت فوقنا ههههههههههههههه

سارا: مالت عليك ههههههههههه

وراحت لجناحهم مو حبا فيه بس عشان شيماء وزياد مايشكون بالموضوع وفي نفس الوقت عشان الي خططت تسوية



*********************************************

كانت تطالع بايدها الي مو قادره تحركة من الوجع تحس انها انكسرت وسرحت بالي صار لها
كانت مستعجلة امها دخلت قبلها وهيا تاخرت ومعاها هدايا لسارا وكانت مركزة بتيلفونها عشان تتصل بشيماء تستقبلها وتاخذ الهدايا لانها مستحية تدخل ومو عارفة وين تحطهم وماكانت مركز بشيء الا وتشوف السيارة الي كانت بتدعمها ووقفت على اخر لحظة بس ضربت ايدها بالسيارة وطاحت بالارض
كانت مو قادرة تتحرك من الصدمة والخوف والوجع

نزل واحد بسرعة : اسف والله مو قاصد فيش شيء اوديش المستشفى

: هزت راسها بسرعة وانتبهت ان الشيلة طايحة من وجهها وغطت وجهها بايدها الثانية

نزل الثاني : سلامات سوري ماكنا منتبهين

بهمس يالله ينسمع : لا مافيني شيء حصل خير ورفعت راسها واول ماشافاتهم شهقت من دون ماتحس

الاول: فيش شيء

بحياء ياويلي هذا زياد وخالد يافشلتي :لالا شكرا

زياد : متاكدة مو محتاجة مستشفى

وهيا تقوم: ايوة شكرا وكانت مرة مستحية حاولت تاخذ الاكياس وكان صعب عليها لان ايدها توجعها
كثير فاحاولت تمسكهم بايدها الثانية وكانت خايفة الفستان مايبين ولا الشيلة تطيح من وجهها ويالله تحركت بسرعة حتى دخلت للبيت وشافت رودينا وعطتها الكيس وكان في ممر فيه كراسي ومنظرة جلست تهدي نفسها وتريح وبعدين عدلت نفسها وراحت عند الحريم والبنات باناقتها وشياكتها وكانت تحاول محد يلاحظ ايدها الي مو قادرة تحركها
ابتسمت على شكل زياد المتوتر والخايف وفي نفس الوقت متفشل: ههههههههه ياحليلك يازياد ماتغيرت ياروميو

سمعت دق على الباب وركضت تفتح الباب

: هلا يمه نورتي الغرفة

امها : من متى وانتي قايمة

: صار لي ساعة خير يمه في شيء صاير

امها : لا بس جيت اقيمك صرنا ظهر وانتي للحين نايمه

: اهاا اوكي الحي انزل معاش ابوي جاء

امها : الحين بالطريق هو واخوش

: اهااا وايش غدانا يمه لاني مرة جوعانة

امها: برياني

: يمي يمي

امه : كيف ايدك اليوم .وتمسك ايدها بخفة بس خلتها تصرخ بقوة

: ااااااااااااي

امها بخوف: خير عورتش للحين ايدش توجعش

وفيها الدمعة : لا عادي بس اشوي

امها : لالازم تروحين المستشفى

: لالالا يمه مو لازم مافيني شيء

وشافت الصينية الي فيها قهوة وشاي : وعشان اطمنش باخذ هذي الصينية وأول مارفعتها صرخت

وطيحتها على رجولها : اااااااااااااااااي وجلست تبكي

وعلى الصوت دخل اثنين بسرعة خايفين

الام: يمه احمد ودي اختك المستشفى

احمد: خير ملاك ايش فيش

ملاك وهيا تبكي : مافيني شيء

جالها صوت ثاني خايف: حلوة مافيش شيء شكلك مو قادرة تحركينها وواجعه

ملاك سكتت متفشلة

احمد: لا والله تعال وطبطب عليها اقول مزووون اطلع مو شايف انها مو متغطية للحين مو زوجتك يالحبيب

مازن تفشل وطلع .

احمد: وانتي قومي لبسي عبايتك مو فاضي لدلع البنات وراي سفر

ام احمد: وين

احمد: بعدين اذا رجعنا قلتلكم يالله انتي طلعي

ملاك وتوقف : ان شالله ان شالله وراحت لغرفتها ومعاها امها تساعدها

احمد ينادي: مازن تعال ادخل

دخل مازن وهو منحرج من احمد وخالته بس ارتاح ان خالته مو موجوده

احمد: هههههههههه تعال خليت البنت تستحي وماكمل كلامه لان رنة تيلفون قطعت كلامه

مازن : تيلفونك يرن

احمد: مو تيلفوني على بالي تيلفونك

وجلسوا يدورون مكان التيلفون

احمد : هذا اهو تيلفون ملاك

مازن : بترد

احمد : ايوة : الوو

ارتبكت من الصوت بس كانت خايفة على صديقتها : ملاك موجودة

احمد ابتسم عرف الصوت: هلا سارا ملاك بغرفتها الحين بتنزل

مازن يطالعه مصدوم

سارا بخوف ومو حاسة بنفسها : ملاك فيها انا كنت اكلم الشغالة وفجأة سمعت صراخها والخبلة سكرت علي

احمد: هههههه تطمني مافيها شيء بس ايدها توجعها وتدلع اشوي

سارا وانتبهت على عمرها : اهاا انزين اذا نزلت قولها تتصل

احمد: ان شالله

سارا: مع السلامة

احمد: مع السلامة . وسكر وطالع بمازن الي يطالعه بنظرات : خير يابو الشباب تطالعني كذا

مازن : كان خليتني اكلمها واشوف اخبارها

احمد: مازن عن الغلط البنت اتصلت خايفة على ملاك لانها سمعت صراخها وهيا تكلم الشغالة الي سكرت بوجهها وبعدين انا ليش ابرر لك الموضوع وبعدين لا تتكلم ببنات الناس ومادام للحين ما اكتشفنا انها هي الي تتكلم فهيا برئية المشكلة انشغلت بقضية وماخلاتني اتفرغ للموضوع .
مازن سكت وماقال شيء مع انه مو مقتنع بالكلام .
نزلت ملاك وراحت معهم المستشفى بعد ماوصتهم امهم يطمنوها .


خالد: اقول زياد بلا جنان

زياد: خالد انت مو حاس بالي احسه من امس مو قادر انام انا

خالد: هــي انت نحن حتى مو عارفين مين هي

زياد: شكلها مو غريب

خالد: مو غريب ليش انت شفت شكلها

زياد: ايوة يوم نزلت انا كانت الشيلة طايحة عن وجهها وأول ماجيت تغطت مني

خالد: ههههههههههههه مسكينة والله خوفناها حتى اول ما شافتنا شهقت على بالي بتموت

زياد : اسكت بس والله شكلي عورتها

خالد: عورتها ها ولا انت الي تعورت وبقلبك بعد هههههههههه

زياد: ااااه ياخالد هذا الاحساس بس مرة حسيت فيه

خالد: افاااا وماقلت لي يالثور

زياد: ههههههههه ايش اقولك يالخبل

خالد: زياد انا عارف انت تقصد مين

زياد: لا ياخالد انت مو عارف لانه ماشيء منه هذا الكلام

خالد: شوف انت ماتقدر تخبي علينا

زياد: عليكم مين انتوا ؟

خالد: انا وسارا , صح سارا عمرها مافاتحتني بالموضوع بس قريب عرفت انها تحس ومنها تأكدت ان
شعوري كان صادق بس انا كنت شاك مين صاحبة الشان بس وعرفت .

زياد بتوتر : خالد بلا كلام فاضي

خالد: على راحتك بس نصيحة مني انساها وعيش حياتك

زياد: انت الحين قلبت المواضيع

خالد: ماقلبت الموضوع انت موشاك مين هي البنت وهي نفسها الي اقصدها

زياد نزل راسه

خالد : شفت اقول يالله قوم وخلي عنك الخرابيط ترانا ت؟أخرنا على الاهل والي كاتبه ربي بيصير
وبعدين هذا اخوك واختي مابيجون

زياد: هههههههههههههه لا جاين بس شكل الكشف طال

خالد ومو فاهم: أي كشف

زياد : ههههههههههههه لما تكبر اقولك ههههههههههه

خالد ويضربه بكتفه: اكبر ها كأنك نسيت اني اكبر منك

زياد: ههههههههههههههههههههه


**********************************************

: يمه باروح بيت عمي اليوم من زمان عنهم

: لميسوه اليوم الغدا ببيت امي وخوالك كلهم موجودين وبعدين مابتسلمين على بنات خالك المسافرين

لميس : يمه والله مو لازم اكون موجودة

ام فراس: لا والله شوفي مافي روحه يعني مافي ويالله روحي جهزي نفسش بعد اشوي رايحين

لميس : يمه الله يخليش

رهف : ايش فيكم ؟

لميس: مايخصش

رهف: يمه متى بنروح الكل هناك

ام فراس: خلي هذي تجهز وبعدين نروح

لميس : يمه باقول حل يرضي الطرفين باروح الحين معك وباسلم عليهم وبتغدي وعلى العصر باروح لبيت عمي ها ايش رايك.

ام فراس بتفكير: انزين بس ها ماتتحركين الا اذا قلتلك والحين يالله جهزي بسرعة ولا والله بغير راي

لميس: لالالا ثواني وجاهزة . وطارت لغرفتها بسرعة وهي طيرة من الفرح .

رهف مقهورة من اختها : يمه ابوي بيروح معنى

ام فراس: ايوة وهو الي بيودينا

رهف: وين فراس

ام فراس: والله هو امس بايت بيت ولد عمي بوليث اعتقد بيجي معاهم .

رهف: اهاااا وبعدين ايش الي صار وخلاكم تتجمعون غدا ها مو كنا رايحين العصر

ام فراس: والله لان بنات خالك مسافرات العصر والعرسان بعد العشاء فخليناها غداء بامر من الوالدة

رهف : اهااا


****************************************


: ريم جهزتي كل شيء

ريم: اكيد انتي عارفة طيارتنا الساعة 5 العصر شيمو لتكوني مو عارفة

شيماء: لا قالي ابوي مع اني مستغربة ليش تقدمت الرحلة

ريم: ليش مو عارفة

شيماء: لا

ريم : لان في ناس اخذوا حجزنا

شيماء: مين

ريم: اخوش

شيماء: حلفي وليش محد قالي

ريم : انتي ما سالتي احد و طرتي وجهزتي نفسش وعلى هنا على طول

شيماء: صح كيف عرفتي

ريم: هههههههههههههه شيماء بلا غباء

شيماء: هههههههههههههه والله مدري ايش فيني اليوم مو طبيعية

ريم : واضح.

شيماء: سكتي وخلينا نروح نجلس عند الشعب قبل ما يطيحون علينا كالعادة

ريم: هههههههه بس هالمرة ناقصين للحين ما اكتملنا

شيماء: والله صح الكل اليوم تأخر حتى قيس وليلى ههههههههه

ريم: هههههههههه شكل اخوش مو هين

شيماء: ههههههههه فاتش اليوم الصبح

ريم: ايش صار

شيماء: وجلست تقولها الي عرفاته

ريم: هههههههه والله نكته

شيماء: اقول ريم اشوفك اليوم طبيعية

ريم : هااا ومتى ماكنت طبيعية ياحظي

شيماء: ايوة صدقت اقول كلامي معاش بعدين بالسكن مو الحين هناك بتوحد فيش ههههههههه

ريم : يمه منش ياويلي حالي

شيماء: هههههههههههههههه

ام محمد: ضحكونا معكم

شيماء: والله يمه بشتاقلش

ام محمد: والله حتى لو خليتن الدراسة هناك ودرستن هنا مو احسن

ريم : يمه تعبنا وذاكرنا عشان ندخل الجامعة وبعدين بغيتينا ندرس هنا

ام محمد: والله الي يريحكن مع انه هناك مو زين لوحدكن جالسات

ام جهاد: خالتي هم جالسين بسكن الجامعة وبحرمها ومعاهم بنات وهم ماهم بعيد الا مسقط .

ام الهيثم: ايوة وماتنسن هم كل اجازة عندنا

ام خالد : خالتي اصلا من حبها فيهم مو قادرة تفارقهم

ام محمد: ايوة والله صدقتي يابنتي ,

ويقاطع كلامهم دخول بيت بو ليث وابو فراس الرجال سلموا من بعيد ودخلوا المجلس عند الرجال
والحريم سلموا على بعض وكملوا سوالف وتبادل الاخبار .


************************************************** *******

دخل الغرفة بعد مادق الباب عدة مرات وما كان في رد

شافها كانت ممتدة على بطنها وكان عندها مجلة شكلها غفت وهيا تقلبها تقرب منها كان شعرها متناثر لمح دمعة حس انه كان قاسي لما جت وراه للجناح صارخ عليها وطردها من المكتب الي كان جالس فيه وقال انه مشغول على خدها تأمل نقش الحنا الي كانت كأنها حديقة من المعلقات والبيجاما الي لابستها تناسب لانها مبينه كل الحنة وهيا حنة الايد لين الزند والرجل نص الساق شوي وتوصل للركبة وعلى بياض بشرتها ونعومتها كانت تجنن جلس على الفراش ماعرف كيف يصحيها واخيرا قرر يناديها بهدوء: سارا سارا

سارا :zZzzZ

هيثم وهو يسح شعرها : سـ ماكمل كلمته الا وهيا ناطة من مكانها وراحت لزاويا وتتنفس بقوة من الخوف

هيثم انصدم من حركتها وش تقصد لهدرجة اخوف : سارا انا هيثم مو وحش

سارا تحاول تستوعب وهدت نفسها : خوفتني

هيثم: ماكان قصدي

سارا: وخير داخل الغرفة من دون احم ولا دستور

هيثم: والله دقينا الباب وانتي مو دارية بعمرش وين

سارا : انااا وان كان مالك حق تدخل

هيثم : لا والله وبعدين انا من الصبح منتظرش تطلعين ماطلعتي قلت امكن صار على البنت شيء

سارا: ايش بيصير يعني وبعدين مو انت الي قايل انك مشغول

هيثم بهدوء: سوري بس انتي خليتيني اعصب المهم كيفك الحين

سارا وحست انها زودتها هدت وجلست على الفراش بس بعيد اشوي : الحمدلله

هيثم : اهااا زين بس اذا حسيتي بشيء قوليلي مو تقولي عادي

سارا وتتربع : ان شالله اقول يابو الشباب في شيء ثاني

هيثم يطالعها ومستنكر حركتها وبعدين تذكر هذي مين : ههههههه كشفتيني صراحة جيت اقول
انتي مو جيعانة

سارا: الا ميتة جوع

هيثم : اوكي يالله قومي تجهزي عشان نتغدا

سارا : وليش اتجهز بنطلع برا

هيثم : لابس . الا ويشوفها طايرة لبرا وتصارخ انها بتسابقه وماخلاته يكمل كلامة ويقلها الغدا ببيت حبوبتهم "الجدة "

هيثم: يصارخ ويركض وراها يالخبلة لاتطيحين بس لاحياة لمن تنادي


بالصالة تحت

خالد : مو هذا صوت هيثم وسارا

زياد: الا

خالد: هههههههههههه ايش فيهم الخبل

زياد: هههههههه مادري

ومايشوفون الا سارا وطايرة بالركض وهيثم وراها وبما انهم متعودين عليها فعرفوا انها بطيح فركض زياد يستعد لطيحتها لان خالد ميت ضحك عليهم

سارا وتصرخ: بااااااااااطيح ومسكها زياد

خالد يضحك ويصفق للمنظر : هههههههههههههههههه خبلة

هيلثم: يالمجنونة وين طرتي تخيلي زياد مامسكش

خالد: هههههههههههههههههههههه بتكون عروس مكسرة هههههههههههههههه

سارا: ههههههههههههههه تفاول علي يالدب

هيثم: اذا بتستمرين على هذا الشيء

سارا طالعت بزياد ساكت : زياد شوفهم علي

زياد : كم مرة قلتلك ماتركضين على الدرج ماتتوبين من طيحاتك

هيثم وخالد: ههههههههههههههههههههههه

سارا مدت بوزها وزعلت : وين خالتي

هيثم: انتي لوصبرتي ثواني كان سمعتي ايش باقول

سارا : خير

وقالولها ان الغدا ببيت ام محمد وطلعت تتجهز بعد ماتفشلت وهم ميتين ضحك عليها هيا والهيثم وخالد وزياد سبقوهم لهناك

*******************************

نهاية البارت ان شالله عجبكم

}{ الجــــــــــ الثالث والعشرون ــزء }{


مازن : الحمدلله ع السلامة

ملاك: الله يسلمك

احمد: شفتي ايدش مكسورة وانتي تدلعين علينا نفسي اعرف كنتي ناوية تستحملين لمتى يعني بس يالله زين جريناش , ها تحسين بوجع الحين.

ملاك هزت راسها بلا تعبانة ومستحية من مازن

احمد وهو يحرك السيارة: اقول ملاك اتصلي على سارا وطمنيها من اول تتصل

ملاك : وانت ايش دراك

مازن يطالع فيه باشتهزاء

احمد بثقة: اتصلت على تيلفونك ورديت وسألتني عنك ومن اول زياد يتصل عشان يطمنها

ملاك بنفسها وليه ليكون عرفني الحين يافشيلتي

مازن: ماشالله الكل شابك وبعدين زياد مو ولد عمها

احمد بنظرة: اخوها بالرضاعة واخو خطيبها.

مازن حس على نفسه:اهاا.

وصلوا للبيت وعلى طول ملاك راحت لغرفتها ترتاح وتطمن سارا عليها اتصلت وكلماتها وطمنتها وقالت لها عن الي صار وان مازن كان موجود وسارا ميته ضحك عليها وتعليقات وبعدين كلمت البنات لما عرفت انهم مسافرات ودعتهن وتحمدوا لها بالسلامة سكرت منهم وتمددت بالفراش وسرحانة بالي صار وقطع سرحانها دق على الباب كانت امها تطمن عليها

بالسيارة راحوا لمحل قريب وراجعين لبيت بو احمد

احمد: مازن ممكن تخلي حركات التنغيز

مازن: والله قاهريني انتم

احمد: وليش ان شالله مازن نحن للحين ما تأكدنا من صحة كلام صديقك والمشكلة انشغلت بقضية ومقدرت اسأل بس مو ناسي الموضوع ومادام للحي ماشيء مثبت عليها يعني هيا بريئة سمعت

مازن: اوكي ماقلت شيء بس مو جرأة انها تكلمك وتكلمها

احمد: مازن البنت ماسولفت معي سألت عن ملاك وانا بما اني متعود عليها واشوفها زي ملاك رحبت فيها وبعدين انا مو صاحب حركات زي صاحبك ياولد عمي وكلمتها زي احد

مازن وراسه صدع من هذا الموضوع الي تعبه : احمد سكر على الموضوع لين نتأكد ويومها لكل حادث حديث يالله مع السلامة

احمد: مع السلامة ههههههههه مازن مو كأنك نسيت شيء

مازن باستغراب : ايش

احمد: ليكون انت اشتريت الورد والشوكلت لاحد غير اختي ياويلك

مازن ويضرب جبينه: ههههههههههههههه زين ذكرتني والله نسيت وكنت باشلهم معي للبيت

احمد: ههههههههه على بالي يالله تسلم وما تقصر ونردها لك ان شالله

مازن: ليكون جايبها لك

احمد: ليش انت جايبها لغيري

مازن : ايوا جايبها لحبيبتي وزوجة المستقبل الي سرقت قلبي وعمري

احمد: بس بس ياللي ماتستحي ومو كأني اخوها ويضربه على راسه تأدب

مازن : هههههههههه والله عاد هذا الحب يطلع الكلام من القلب بدون حساب

احمد: ههههههههههههه مزوون والله كأنك بديت تخربها يالله انجلع لبيتك

مازن : ان شالله ولا تنسى سلم على الحبايب وسكر الباب وفحط بالسيارةلان احمد كان بيضربه

احمد: ههههههههههههه خبل ودخل للبيت وراح لغرفة اخته وشاف امه طالعه

ام احمد: هلا احمد

احمد: هلا يمه ويبوس راسها ملاك نامت

ام احمد: لا الحين كنت اسولف معها الا ايش الورد الحلو

احمد: هههههه هذا من مازن لملاك رومنسي الرجال ههههههه يالله يمه خليني ادخل عليها واجننها

ام احمد : ههههههههه ماتخلي حركاتك يالله ادخل وانا رايحة اشوف ابوك

احمد: اوكي ودخل الغرفة على اخته بعد مادق الباب

ملاك: هلا احمد الله ايش هذا الورد الحلو شكرا

احمد بابتسامة خبيثة: عجباتك

ملاك : اكيد مدامه منك وانت كل شيء منك حلو

احمد: اهاا لانها مني يعني لو من عند غيري مو حلوة

ملاك : لا هي حلوة بس لانها من عندك غير احلى

احمد: ههههههههه ولو من عند روميو

ملاك باستغراب وخايفة على بالها روميو زياد : من روميو

احمد رافع حاجبه : من روميو غيره مزوون

ملاك وانصبغ وجهها الوان

احمد: ههههههههههههههه والله وتستحين ياملاكوه

ملاك طالعت فيه بشرار

احمد: بس بس يمه منش تخوفين , الا اقول كلمتي سارا

ملاك: يب مسكينة كانت خايفة علي فديتها

احمد بابتسامة : عشان كذا قلتلك تكلميها

ملاك وتذكرت مازن ونغزاته الي ماعجبتها : الا ولد عمك وش حكايته

احمد: ليش ايش فيه

ملاك: كلامه ماعجبني حسيت من وراية شيء بالنسبة لسارا

احمد توتروبابتسامة : ولا شيء بس الرجال غار من سارا هههههههه

ملاك: شوف قله يغير مايغير هذي علاقتي مع سارا ولا يمكن تتغير واذا ماعجبه يقول من الحين نحن على البر.

احمد: ملاك ايش الكلام هذا

ملاك: من جد انا اتكلم احمد انت عارف سارا مين بالنسبة لي مستحيل نفترق

احمد: محد قال شيء وبعدين عادي هيا الحين تزوجت وانتي بتبعيها وكل وحدة بيكون لها مسؤلياتها

ملاك : احمد مو الزواج الي بيشغلنا عن بعض ووصل هذا الشي لولد عمك

احمد: ان شالله اقول ملاك انا مسافر اليوم

ملاك بحزن: مسافر ولا قضية

احمد: دايما كاشفتني ههههه

ملاك : ههههههههه اكيد احمد الله يخليك انتبه على عمرك

احمد: ان شالله ولاتنسين ماتقولي لاحد غير اني مسافر

ملاك: عارفة والله عارفة

احمد: شطورة ههههههههه

ملاك: ههههههههههههههه ادري مو انت اخوي

احمد : يالله اخليش الحين واروح اسلم على امي وابوي

ملاك: اوكي وضماته وفيها الغصة دايما تخاف عليه من القضايا الي يبيت برا البيت عشانها
طلع من اخته وهو يدعي لها وسلم على اهله وطلع برا البيت وتذكر صديقه واتصل عليه

احمد: الووو

محمد : هلا احمد وينك

احمد: الحين جاي انت جاهز

محمد: ايوة

احمد: محمد المعلومات الي طلبتها عن الارقام ايش صار عليها

محمد: والله نسيتهم تدري انشغلنا بالقضية امس ماعليك الحين اكلم عبدالله ويعطينا المعلومات

احمد : اوكي يالله انا قريب من بيتك اطلع

محمد: اوكي .


************************************************** ****

منتصف الليل

كانت مصدومة للحين مو مستوعبة الموضوع مو مصدقة من ساعة مادخل عليها وقال لها تجهز

الهيثم : سارا يالله سلمي على الاهل ويالله بنرجع تبدلين وناخذ الشنط لازم نكون بالمطار بعد اشوي

سارا بصدمة : مطـــار ليش؟

الهيثم: ايوة نحن مسافرين

سارا: وليش ماقلت لي من اول الحين جاي تقول انا مو لعبة

الهيثم : سارا بلا كثرة كلام يالله بسرعة

سارا: انزين مو مجهزة شيء

الهيثم: كل شيء جاهز اصلا هم مجهزيلك شنطة لسفر

سارا: وانا اخر من يعلم

الهيثم بعصبية : ســــارا

ساراسكتت طلعت تسلم على الكل الي كلهم عارفين بالسفرة وراحت معاه للبيت تبدل وتلبس شيء عملي لسفر لبست جينز وبدي فيروزي مافيها للكشخة مع ان البدي كان حلو كثير من الشيفون طبقتين حلوعلى جسمها مطلع خصرها وكان بدي بدون سيور بس مربوط من كتفها الايمن بفيونكة لبست عبايتها وطلعت وراحوا للمطار وهيا للحين ماتكلمت ولا كلمة ولا سألت عن أي شيء للحين مصدومة وصلوا لمسقط الي بجلسون فيها كم يوم وبعدين بيسافرون برا اول ماركبوا السيارة الي راسلها لهم الفندق الي حاجزين فيه الشنغريلا ببر الجصة وسارا للحين ماتكلمت بس ترد باقصر الاجابات لو سألها الهيثم ، للحين في صدمة ومقهورة من حركته وصلوا للفندق ودخلوا لجناحهم الي كان حلو كثير وراقي
سارا اول ماحست انها لوحدها مع الهيثم ومافي احد عندها صابتها رجفة هيثم الي كان يحاسب الموضف الي مدخل الشنط واول ماخلص جاء لعندها

هيثم: ها عجبك هذي هدية الوالد

سارا رجفت بزيادة : اهااا حلو

هيثم حس برجفتها وشرودها من اول : سارا فيش شيء

سارا: ها لالا بس تعبانة اشوي اريد استريح وهنا انصدمت سارا يوم جلست تدور على غرفة ثانية
وماشافت الا غرفة وحدة غرفة لعرسان كان جناح حلو وخاص لشخصين متزوجين مو اثنين مو متقبلين بعض سارا دارت فيها الدنيا

هيثم : اوكي دخلي نامي وارتاحي

سارا ايش يقصد هذا : انت وين بتنام

هيثم فهم قصدها : بنام على الكنبة لاتخافين

سارا طالعت فيه بنظرة مقهورة يعني انت الي جنيت علينا ودخلت للغرفة وعلى طول على الفراش وكانت تنزع العباية وهي ماشية من التعب وحاولت تنام

هيثم تنهد من القلب من العيشة الي هو فيها كان يفكر ان السفر ممكن يتقرب منها وخاصة انها بعيد عن اهلها وراح ياخذ له شور وبدل واخذله بطانية شافها مومتغطية غطاها وراح للكنبة عشان ينام بس قاطعه صوت تيلفون استغرب لانه مو تيلفونه وانتبه لشنظة سارا وصابة الفضول يعرف مين الحين يتصل واستغرب من الاسم " المزعج" ورد .


************************************************** **********


خالد: زيــــــــاد

زياد: خير

خالد: مو بحالة والله زياد شيل البنت من راسك البنت مخطوبة لولد عمها

زياد ببرود : عارف والله وانت مو جايب شيء جديد

خالد: اوكي ارحم نفسك وفكر بحياتك

زياد: خالد عارف والله بس انا كاسر خاطري اني كسرت ايدها ووجعتها

خاد: لحول وانت ماكنت قاصد

زياد: امكن تسبني

خالد: لالا تخاف وبعدين مو بس نحن غلطانين وهي مثلنا غلطانة ماكانت منتبهة وهي تمشي

زياد: ان شالله مايكون بقلبها شيء علي

خالد: زيادوه لاتعصبي قوم خلينا نروح عند الشباب

زياد اوكي .

الشباب الي كانوا مسوينها جعدة وناسة

عبدالعزيز شباب اريد اسوي شيء مجنون

جهاد: ههههههههه عسى المجنون مايحب الا الجنان

عبدالعزيز: جهادووه عن الغلط وبعدين انا عمك يالي ماتستحي

جهاد: ههههههه العذر والسموحة عمووو هههههههههههههههه

ليث: حلوة عموو ههههههههههه

الوليد: بس والله صدقه عبدالعزيز مادام كلنا عندنا اجازة هاليومين نريد نسوي شيء

فراس: ليش مانروح لفلتنا الي على البحر

مروان : والله فكرة

عبدالعزيز: ومتى صار عندكم فلة على الشاطئ

خالد: من زماااااااااااااااان

جهاد: عبدالعزيز كأنك مو عايش ولا دريت بشيء

عبدالعزيز : ههههههههه عارف بس حبيت استعبط

مروان : يا استعباطك

ليث: مروان احمد متى بيرجع من سفرته

مروان : نهاية الشهر يخلص دورته ويرجع

عبدلعزيز: والله له فقده

جهاد: ايوة يالله هانت الله يرجعه بالسلامة

الكل : امــيــن

ريان متحمس: الحين متى ناوين نروح

ليث: بسم الله من حماسك

الكل : ههههههههههههههههههه

فراس: والله صدقه ملينا

الوليد : الله مليتوا ونحن كل يوم لنا شيء

ريان : نريد ناخذ نقاها من العرس

الكل: هههههههههههههههههههه

جهاد: ههههههههه عدال يابو النقاها ليكون بس بشرتك تعبت ولاجسمك تكسر من كثر متشيل وتحط

عبدالعزيز: ههههههههههههههههه لا شكل الاخت التجهيز تعبها

ريان : مــــالــت

فراس: ريان ماعليك منهم

ليث: الا اياد وين من بعد العشاء اختفى

فراس وريان طالعوا ببعض وماتوا ضحك : هههههههههههههههههههههه

الكل استغرب منهم

الوليد: ايش مسوين بولد اخوي

ريان : وانا ايش ان شالله

الوليد : مادري عنك يعني مو عارف روح اسأل بوك

فراس: والله اياد حالته حاله خلوه بحالة

خالد: خير اصلا شكله متغير

ريان ويدق فراس: لا ولا شيء بس اليوم سوينا فيه مقلب وللحين زعلان منا

فراس: ايوة صح

الوليد رافع حاجب : وايش المقلب هذا الي يخلي اياد يزعل يعني المقالب مو شيء جديد عليكم وبينكم

فراس: لا اصلا زودناها وصدع راسه من المقلب والحين جالس يكلم بالتيلفون

مروان : وايش كان المقلب

: أي مقلب تتكلمون عنه

ريان : أيـــــــــــــــــاد

اياد يطالعه وماعبره : ها ماجاوبتوا

زياد : المقلب الي سوه فيك

اياد ويطالعهم بنظرات : ولا شيء يعني ايش يجي منهم هذولا

الكل ضحك على شكل فراس وريان الي عصبواعلى اياد : هههههههههههههههههه

الوليد: ومين كنت تكلم الحين انت ماتتوب

اياد: مابكلم احد غريب بكلم الاهل

زياد: علينا الاهل عطيني التيلفون واشوف اخر المكالمات

اياد انقلب لونه لانه مابيخلونه

ريان يساسر فراس: ضاع الولد

ليث: ايش فيك تصنمت قول مين كنت تكلم

: كان يكلم سارا

الكل تفاجأ من الي رد

اياد بصدمة: ماااازن

مازن: هههههههههههه يب

ريان : انت ايش عرفك

مازن : كنت برا وسمعته

عبدالعزيز : وايش تريد يالمزعج متصل بعيال اخواني بشهر عسلهم نص الليل

اياد: كنت اريد اسألها بس للاسف كانت نايمة ورد على الهيثم وعطاني محاضرة

الكل ضحك على شكله وهو يسب بالهيثم : ههههههههههههه تستاهل

وكملوا السهرة واتفقوا بكرا يطلعون من الصبح ويروحوا لفلتهم على الشاطئ واتصلوا بعامل هناك ينظف الشقة ويجهز لهم الدراجات والتسليات الي يحتاجونها .


**************************************************
: ريم مو حالة هذي يالله تكلمي انتي من يوم مارجعتي وانتي مو طبيعية صار شيء يوم انتي هنا وانا رجعت

ريم طالعت بشيماء وعيونها كلها دموع

شيماء خافت : ريم تكلمي ايش صار خوفتيني من يوم مارجعنا وانتي على هذا الحال حتى تيلفونك مسكراته ريماس اتصلت تسأل عنش افتحي فونك وكلميها

ريم اول ماشافت التيلفون زاد بكاها: اهئ اهئ اهئ

شيماء خافت عليها وضماتها : بسم الله عليش ريم ايش صاير تكلمي احد سوالش شيء

ريم بشهيق ورجفها : شيماء و الـ ـ للــ ـه مــ ا ا عــر فه هو كان وراي وعــ رف ا سـ ــمـ ـي اهئ اهئ

شيماء: مين هذا

ريم طالعت بالتيلفون وللحين ماهدت

شيماء راحت لتلفون وفتحاته وانهالن عليها المسجات نصهم وينك من اهلها وفي رقم غريب وكان في رسائل من البنات ومن الرقم الغريب واول ماقرت الرسائل شهقت بقوة خلت ريم تزيد ببكاها

شيماء: مين هذا وايش يريد.

ريم تهز راسها بقوة بقهر وبخوف وانه ماعندها اجابه

شيماءضمت ريم وجلست تهديها: ريماني لاتخافي هذا واحد يبغاله تأديب ولازم يعرف نحن مين ومين ورانا والله لاعلمه وانتي لاتخافين لانش مو مسوية شيء والحين ارتاحي وبكرا لنا كلام ثاني والمهم انش تطمني ماشي بيصير فيش اوكي

هزت ريم راسها بتعب ونامت وكانت شيماء تقري عليها وتهديها وكانت للحين مصدومة من الرسائل واخذت الفون تقراهم من جديد

" كذا تسافرين بدون ماتودعيني يالله بعديها لعيونك حبيبتي بس ماتعيديها وسلمي على الاهل "

" اذا اتصل تردين علي فاهمة ريم لاتعاندين ولا بتشوفيني عند باب بيتكم وبفضحش "

" حبيبتي حرااام تسهريني وتعذبيني بحبش مو انا الي تثقلين علي كلامنا مو الحين كلامنا اول ماترجعين ترا السكن والجامعة من دونش ظلام "

" حبيبتي الحمدلله على السلامة حرام حرمتيني من هذا الوجهه طول هذي الفترة"

" اشوفك بكرا بحرم الجامعة وياريت بنت عمك ماتكون معاش"

شيماء مصدومة هذا مراقب ريم وعارف اسمها وعارفها هيا خافت منه كانت تريد تكلم احد ومافي احد ممكن تكلمه بالموضوع غير سارا وترددت تكلمها امكن نايمي وتزعجهم والله الهيثم ليذبحها تنهدت وقامت تتوضئ وتصلي ركعتين تدعي ربها يفرجها ويبعد عنهم اولاد الحرام.وبعدها تمددت جنب ريم عشان تحس بالامان وتحسس ريم فيه ونامت .


************************************************** *****

اليوم الثاني العصر

بعد الغدا جلس كل واحد يسوي شيء هيثم يشوف التلفزيون وسارا تقلب بالمجلات وملانة من الجوء الهادئ الي ماتحبه ابد وفجأة نطت من مكانها وجلست تدور

سارا: هيثم شفت فوني انا متأكدة انه بالشنطة بس مو لاقياته

هيثم: بالطاولة الي عند التلفزيون امس في ناس مزعجة اتصلت بلليل

سارا: مين؟

هيثم : المزعج

سارا: اياد ايش يريد

هيثم ببرود: مادري قال انه يريدش بموضوع

سارا وتركض لتيلفونها بسرعة وتتصل عليه

هيثم: مو طاير شوي شوي

سارا سفهاته واتصلت بس مافي رد عصبت على اياد الي بيخلي الفضول يقتلها : اف الحمار

هيثم ابتسم من داخله على شكلها وقال ببرود يقهرها: خير ايش فيش تنافخين

سارا : الحمار مايرد

هيثم: اكيد نايم متى ماقام بيتصل

سارا: اكيد بيتصل بس خليني ارسله مسج اسبه وجلست تكتب المسج بحماااس

هيثم يقوم من مكانة : تريدي نتمشى بحديقة الفندق

سارا ماكان لها مزاج تطلع معاه لان بروده قاتلها ومعصبة للحين من حركته الكل عارف بالسفرة الا
هيا: لااا روح انت بس ها لاتتأخر.

هيثم: ليش بتشتاقيلي

سارا: ههههه ضحكتني يالواثق

هيثم: والله مادريت عنك ماتريديني اتأخر

سارا : حلوة تريد تخليني لوحدي

هيثم : ليش تخافين ما أعتقد من يومك ماتخافين من احد

سارا بتوتر: وللحين ما أخاف يالله روح وارجع الوقت الي تريد

هيثم بابتسامة تذبحها : اوكي ودخل للغرفة ياخذله دش وبدل وطلع

وسارا جلست كل مرة تتصل باحد من البنات وتسولف معهم تشغل وقتها وغير انها خايفة.

هيثم نزل يتمشى بالفندق وكان عليه ابتسامة من شكل سارا وحركاتها وتنهد على حالهم يحس انه ظالمها بس مو بأيده هو مايريد يتعلق فيها ومايريدها تتعلق فيه مايدري ليش تذكر كلام جهاد الي فيه من المنطق لحالته حس انه محتاج يكلم جهاد واتصل عليه وهو جالس على كرسي ويطالع بمنظر البحر الي قدامه كان الجو حلوو حس بالقهر لان جهاد مسكر التيلفون وضحك تذكر سارا هههههههههه وهيا مقهورة من اياد حس بشعورها.


************************************************** ***

الشباب أول ما صحوا تغدوا وبعدها بدأ اللعب والفلة وتيلفوناتهم بالفلة

لعبوا كرة وسبحوا وفالينها

اياد يشوف تيلفونه الي الحين يجابه وشاف مكالمة سارا وقرأ رسالتها ومات ضحك

ليث : ياخوي جنيت

اياد: هههههههههههههههه

فراس : الحمدلله والشكر

مروان : السر بالتيلفون

عبدالعزيز ويخطف التيلفون من اياد الي للحين ميت ضحك

عبدالعزيز: هههههههههههههههههه والله قوية

الكل صابه فضول

زياد: هي تكلموا

جهاد ويخطف التيلفون من ايد عبدالعزيز ويقرأ الرسالة بصوت عالي

" يالحمار يالثور انت ليش معاك فون مادامك ماترد والله حرام فيك الرقم
وبعدين ماعندك ذوق ماتقولي ايش تريد وياويلك لو طلع مامعك سالفة لاني بعلمك وانت عارف مين انا خليت هيثم يتشمت فيني لانك مارديت علي وانا الي خايفة عليك صدق من قال ثور بس فالح تزعج الناس اخر الليل مــالــت تتصل بسرعة لو تأخرت لحذف رقمك وقسم بالله "

ريان: ههههههههههههه الفضول بيقتلها

خالد: اياد اتصل على اختي وبرد حرتها فيك وانتم لجافة تقرون رسايل الناس.

اياد: ههههههههههههههه قال زاعجهم اخر الليل

عبدالعزيز : هههههههههههههه مو قلنالك ماعندك ذوق ههههههههه

اخذ اياد التيلفون واتصل عليها وردت بعد فترة تثقل

سارا ببرود: هلا

اياد: هلا والله اخبارك يالعروس

سارا استحت منه: اصصص قول ايش وراك

اياد حب يستهبل : وراي الشباب

سارا: ليش انتم وين

اياد: بفلة الشاطئ

سارا: احلف يااااااااااي

اياد: هذا وانتي مسافرة وحاسدتنا اعوذ بالله منش

سارا: مالت عليك وليش احسدك ان شالله وخلينا من هذا الكلام قول ايش سالفتك

اياد: لحظة اشوي وبعد عن الشباب الي جلسوا يعلقون

سارا: وينك

اياد: هنا

سارا: اياد خير في شيء صاير

اياد توتر ماعرف كيف يتكلم : سارا انا انا

سارا: انت ايش تحب هههههههههه

اياد بسرعة : ايوا

سارا انصدمت لانها كانت بتضحك معاه: اياد من صدقك ولا لعب زي العادة

اياد: لا والله اتكلم من جد

سارا : ومين هذي الي صادت قلبك

اياد: سارا هذا الكلام ما اريد احد يعرف عنه فراس وريان قالوا انهم بيكلموا رودينا بما انك مسافرة واكيد مشغولة ومو فاضية لنا بس انتي عارفة رودينا بتفضحني

سارا: ههههههههههههههه اعرفها وبعدين ايش الكلام مشغولة ومو مشغولة خلي الرسميات ترانا
شلة وحدة ويالله قول من هي

اياد: هههههههه ماعندك وقت اوكي بقولك مين

سارا بحماس : قول

اياد: نــــ و رة

سارا باندهاش : نورة ؟

اياد: ايوة اخت جاسم

سارابابتسمة : والله وعرفت تختار طيب وايش الطلوب مني تراها مو مخطوبة ومعرف اذا احد يعني يريدها لانا ماتكلمنا بهذا الشيء

اياد: اهاااا زين اذا قدرتي تعرفين عنها شيء ولو تساليها

سارا: خلاص اياد موضوعك وصل عندي ومالك الا الي يريحك

اياد: شكرااا والله قلت انا محد بيتفهم الموضوع غيرش

سارا: هههههههههههه اكيد يالله مع السلامة

اياد: مع السلامة

رجع اياد عند الشباب والحلق شاقه من الضحكة ريان وفراس اول ماشافونة ضحكوا عرفوا ان سارا حلت موضوعه ونادونه يلعب معهم وكل اشوي ينغزونهم بالتعليقات .


**************************************************
شيماء: ها ريم مو متكلمة للحين

ريم : لا بتكلم يالله جلسي واسمعي لاني تعبت واريد حل

شيماء: اوكي

ريم: احم اليوم الثاني من الي سافرتي فيه كنت ملانة مرة جت عندي منى واقترحت نروح عند البنات بالسكن الثاني مسويات حفلة عيد ميلاد فاطمة ال... وافقت وبعد مابدلت رحنا وانتي عارفة سكن فاطمة يبعد عنا اشوي بعد كم من سكن المهم رحنا وضحكنا وسولفنا صراحة وناسة كان تأخر الوقت اشوي قلت لنوال نرجع ووافقت ونحن بالطريق كنت احس انه في سيارا تتابعنا وانه في احد يراقبنا قالت نوال بتروح لسكن الي جنبنا قلت لها حرام تخليني ارجع لوحدي

نوال: ريم السكن قدامش الفرق كم خطوة ماشيء بيصير فيش وبعدين نحن بالسكن وفي حراس ومراقبين يالله لاتتاخرين انا وعدت بنت عمي اجي عندها

ريم استحت منها لانها مصرو وماحبت تذل نفسها : اوكي يالله تصبحين على خير

نوال: وانتي من اهله بايووو

قاطعتها شيماء: انتي مجنونة كم مرة قلتلك ماتروحي لوحدك نسيتي وعدنا لسارا انه ما نتحرك حركة وحدة لوحدنا

ريم: والله هيا الي رفضت وانا جلست احاول فيها وحسيت اني اذل نفسي لها فوافقت المهم خليني اكمل لاني مو قادرة اكمل

شيماء: يالله كملي

ريم: حسيت بسيارة تمشي وراي سرعت خطواتي وحسيت السيارة سرعت ووقفت قدامي سكتت تاخذ نفس وكملت تحركت حاولت اتحرك الجهه الثانية شفت واحد صار قدامي وجلست تتذكر الي صار

ريم بشهقة : بسم الله

الرجال: شايفة جني

ريم : ممكن تبعد

الرجال: انتي من أي سكن

ريم : ليش

الرجال: انا المراقب هنا

ريم سفهاته وترحكت

الرجال: وين رايحة ركبي معاي انتي مخالفة للقوانين

ريم: أي قوانين انا الحين راجعه لسكن وانت مأخرني

الرجال بابتسامة : لالالا انتي مخالفة واذا ماتريدي مشاكل وفضايح اركبي معي بالطيب

ريم خافت منه وبلحظة ركضت بسرعة وهربت منه ركضت وركضت وماطالعت وراها وتشوفه وين وقفت عند السكن كانت الحارسة هناك ومعاها القايمة

الشرطية: الاسم

ريم: ريم سعيد ال...

الشرطية : ليش متأخرة

ريم : كنت وقاطع كلامها صوته من وراها

الرجال: هذي من طرفي

الشرطية طالعت فيه وسكتت ريم طالعت فيه مندهشة وخافت منه وكانت بتتكلم بس الشرطية مسكتها ودخلتها وقالت لها : لاتتمشكلين معاه ولا بيسويلش مشاكلسكتي احسن.
ريم انصدمت منها وركضت لغرفتها وهيا منهارة من البكاء

شيماء: صدق من قال حاميها حراميها والله ماكذبت سارا يوم تخاف علينا عارفة البلاوي ياويل حالنا وش هذا مافي خوف من الله

ريم وهيا تبكي : شيماء ارجوش ايش الحل

شيماء: ريم هدي مو نحن الي ينلعب فينا والحين عرفت كيف جاب الاسم شكله سمعش وانتي تقولينه وشكله واصل هنا ومحد يقدر عليه من شكل الشرطية وشكل هذا الشيء مو اول مرة يسويه

ريم بخوف : يمه خلاص انا برجع ما اريد اكمل

شيماء: ياويلش لو فكرتي بهذا الشيء وبكرا بنحضر المحاضرات اما هو لازم نقول لاحد بس مدري مين ايش رايش انتي

ريم: اخاف مايصدقون

شيماء: حلوة مايصدقون لا ياحبيتبي اهلنا عارفين تربايتنا والحين خلينا ناكل شيء وبعدين بنحلها

ريم تنهدة : اوكي

شيماء: ريمووه بلا دلع واضحكي وخليه يولي مو هو الي يحطمنا

ابتسمت ريم على شكل شيماء المنقهر

شيماء: ايوا ابتسمي مابغيتي

ريم: ههههههههه شيماء: يالله خلينا نطلب لنا شيء

شيماء: اوكي


************************************************** ***********

: ندى امي وعمتي كانوا يريدونش الصبح ليش.

ندى وتذكرت الكلام الي قالوا لها الصبح وتلون وجهها : رودي روحي عني

رودينا: لا والله والوجه صار احمر ليكون احد خطبك بس وتغمز لها وتضربها بكتفها بخفيف .

ندى ووجهها صار احمر

رودينا: مــــين؟

ندى : ههههههههه والحين مين قال كلامك صح

رودينا: نـــــــتدى بلا حركات الموضوع واضح من وجهك

ندى بهمس وحياء: عــ ـبد العــ ـزيز

رودينا بصراخ: حـــلفــي ياااااااااااااااااااااااااي

ندى: اصصص فضحتينا

رودينا: مبروووووك والله مو هينة يا عمتي دوختي الرجال

ندى ووجها صار طماطم وسكتت من تعليقات رودينا الي اكيد مابتسلم منها.

رودينا: باروح اقول للبنات

ندى: لالا هم بيعرفون عمهم على ما اعتقد وبعدين انا للحين ماوافقت

رودينا وتتخصر: وياعيني ومتى تريدي توافقين وانتي تموتين عليه بلاثقل

ندى: فاطمة اختي قالت العصر بتاخذ الجواب.

رودينا: اها اوكي بلليل اكلمهم بس الحين بتصل على سارا واقولها بتزعل لو ماقلنا لها

ندى: اوكي بس اخاف هيثم يتضايق وبعدين سارا قبل ماتروح قالت لي ان الهيثم ناوي يخطب بس ماقالت لي مين

رودينا: ههههههههههههه ترفع اعصابش

ندى: والله رفعاتهم هههههههههههههههه

رودينا: خلاص والله بتصل فيها

ندى: هههههههه اوكي وارفعي اعصابها مع اني شاكة تقدرين معاها .

رودينا: لازم نحاول هههههههههه

ندى : اوكي

اتصلت رودينا بسارا الي كانت ملانة وفيها تجنن قبيلة وتحط حرتها بالهيثم فبدال ما رودينا ترفع اعصابها جنناتها هيا وندى الي حطوه سبيكر.


************************************************** ********

بعد ماسكرت من رودينا وندى : اف ملل وهذا ما صدق قلت له طول راح وما رجع مالت عليه الحين الساعة 9 ما يخاف علي راحت تتأكد من الابواب المرة العاشرة وجلست تقلب بالقنوات وحطت ميلودي وكان فيها اغنية راشد الماجد الحب خالد تحمست وصارت ترقص حتى خلصة الاغنية وبعدها جتها فكره تسليه وهذا الشيء تسويه بالبيت
راحت الغرفة فتحت الشنطة وصارت تدور بالشنطة على لبس حلو تقدر ترقص عليها حصلت فستان حلووو فوشي حريري قصير عند الركب بالعادة هيا تلبس تحته بنطلون الضيق بس هالمرة مالبست شيء مخصر من عند الصدر لين الخصر بعدين منفوش شوي بشكل ناعم حطت ميك اب خفيف كحلت العين وحطت جلوس كاندي وسيحت الشعر وحطت ربطة فوشية طالعت شكلها برضا راحت لصالة وقلبت بقنوات الاغاني تدور على اغنية حلوة وكان نص الاغاني حلوة تيجي على الرقص وجلست ترقص وتضحك على خبالها.

حس انه تأخر عليها خاصة انه بعد ماكلم جهاد الي عصب عليه لانه طلع وخلاها لوحدها
دخل للجناح ويسمع الاغاني كأنه داخل على حفلة عقد حواجبه ودخل وفيه الفضول على الخبلة الي داخل
وانصدم من الي ترقص وتتمايل مع الاغنية ودقة الطبلة وكانت ترقص على طاولة الصغيرة بنص الصالة وموحاسة بالي حولها هيثم وقف ومبهور من شكلها ورقصها وهذا كله شايفها من الجانب ومن وراء الا وتلف سارا وما انتبهت بس كأنها لمحت شيء ولفت راسها تتأكد وأول ما شافت شكله شهقت بقوة كيف نساته هذا الي ماكان بالخاطر وكانت بطيح مسكها الهيثم من خصرها

هيثم: بسم الله عليش شوي شوي لاتتعورين

سارا مصدومة وتريد تبعد عنه

هيثم بهمس وللحين ماسك خصرها : ليش حارمتني من هذا الفن والجمال

سارا وجسمها ارتجف حاولت تفلت من الهيثم الي كان ماسكها بقوة وشادها له

سارا وتدفه وبرجفة : هــ ــيــ ــثــ ــم بــ ــعـــ ــد

هيثم ومو حاس بالي يسويه وللحين سرحان وانتبه لرجفتها وجسمها الي شبه متشنج ودموعها الي تنزل بعدها بقوة عنه حتى طاحت وطلع من الجناح بسرعة وهو متندم وكاره نفسه من شكلها الي يدل انها ماتتقبله

اما سارا انهارت مكانها جسمها يرجف بقوة ودقات قلبها سريعة موقادرة تتحرك
من مكانها وحست انها مخنوقة كل شيء يلتف عليها

موعارف وين يروح كان بينزل الدرج بشرود فجأة تذكر وضرب جبينه: انا كيف خليتها لوحدها بهذي الحالة وركض راجع لجناحهم فتح الباب ودخل الصالة بسرعة انقبض قلبه عليها كانت بمكانها وضامه رجولها ودموعها شلالات وجسمها يرجف قرب منها بهدوء وبحنية:سارا

سارا ماكانت بوعيهاما انتبهت الا على ايديه الي لامست اكتافها العريانة فزت من مكانها بسرعة ودفاته وركضت للغرفة وتخبت بالكبت

هيثم مصدوم من ردة فعلها وخاف من شكلها ركض وراها وماحصل لها أثر استغرب انتبه لشهقات مكبوتة من الكبت تذكر حركتها بالمزرعة فتح الباب بهدوء شافها دافنة نفسها وترجف بقوة

هيثم بحنان:سارا انا ما اقصد شيء والله مامسك وبعدين الي سويته يسويه زياد وخالد دايما

قرب منها عشان يمسك ايدها واتقوم بس سارا بدت حالتها وصارت ماتشوف الي قدامها بس تشوف كابوسها وصارت تصارخ وتضرب بالهيثم الي مسكها بقوة وصار يهديها وضامها بقوة مايعرف
ايش فيها حس جسمها يثقل شوي شوي طالعها شافها دايخة اخذها للفراش وهو يقري عليها ومتوتر من حالتها.


**************************************************

الشباب

فراس: شباب ايش رايكم نتسابق بالدراجات

الشباب وافقوا وبحماس: اوكي

عبدالعزيز : مازن انت الحكم

مازن: لااااا موعدل اريد اسابق

جهاد: الاعدل والله مو حابين يصير فيك شيء والله اهلي موصيني ماخليك تتسابق وانبتبه لك لاتتهور

مازن: والله حراام

عبدالعزيز : مزون انت كل شيء بتسويه مامنعناك الا من السباق وخليك الحكم

مازن: اوكي يالله

اصطفوا كلهم وبدأ مازن العد

مازن: 1 2 3 انــطــلاق

وصاروا يتسابقون

كل واحد على يسرع ويعلقون على بعض خالد ومروان وليث بالمقدمة ووراهم زياد الي استوقفه واحد من الشباب يمر من الممر فخلاه يقلل السرعة ويخليه يمر واول مامر الشاب زياد يزيد
السرعة عشان يعوض الا طاااااااااااااااااااااااااااااااااااااااخ


*****************************************


:لميس تعالي نسهر نشوف فلم

لميس: اي فلم معاش ما اريده بايخ انا اليوم يالله امي وافقت انام عندكم ما اريد اتملل

منال : لاتخافين فلم حماااااااس وبعدين أي ملل من اول ونحن ماتمللنا

لميس: اوكي خلينا نبدل ملابسنا.ونلبس شيء مريح بدل هذي الملابس مو حلوة ننزل الصالة بهذي

منال: لا مو لازم نبدل وبعدين مافي وقت خلينا نلحق نشغله ونحن مو شايفينه بالصالة بنشوفه
بغرفة محمد.

لميس: وععععع ليش ما اريد ادخل غرفته

منال: لميسووه الدي في دي مالنا خربان مافي الا حق محمد ومحمد موصولة بطريقة صعبة ومانع احد يحركة وبعدين هو مو موجود يعني عادي

لميس: وينه اهو

منال: اعتقد سافر مع احمد صديقه.

لميس: متأكدة

منال: حلوة متأكدة ايوة هو قال لامي اليوم

لميس: اوكي خليني ابدل.

منال: وليش تبدلين عادي لبسش ماتعبتي من التبديل من اول نبدل بالملابس ونرقص خلينا نشوف الفلم وبعدين نبدل وانا حالي من حالك باللبس.

لميس: اف منش يالله خلينا نروح .

راحوا للغرفة وشغلوا الفلم وجلسوا يتفرجون وكان الفلم بدون أي تقطيع يعني كل الحركات واللقطات الفاحشة موجودة وهم ولا على بالهم متحماسات لهذي الفواحش الي تنشاف.

" لميس كانت لابسة تنورة بنية قصيرة فوق الركبة فيها كسرات بالدانتيل ولابسة بدي اصفر وعليه مثل البلوزة او الجاكيت من الدانتيل البني طولها لعند الصدر تنربط بشريطة
اما منال شورت جينز وتي شرت اسود عليه صورة شفايف حمر وكاب جينز."


************************************************** ********

ام الهيثم : محمد العيال اتصلوا فيك ولا شيء

محمد " ابو الهيثم": لا والله بس كلمت عبدالعزيز الظهر ليش في شيء

ام الهيثم: مدري قلبي مقبوض مو مرتاحة اتصلت على الهيثم وشيماء وطمنوني بس زياد مايرد

اتصل على الشباب امكن احد يرد عليك.

ابو الهيثم: وين يردون تلاقينهم مو دارين بالتيلفونات وين وهم هناك.

ام الهيثم: جرب وريح قلبي الله يخليك

ابو الهيثم: ان شالله شالله وصار يتصل بس مافي رد كل التيفونات مسكرة وام الهيثم صارت تبكي من الخوف

وابو الهيثم عصب عليهم لانهم مايردو وبالاخير وبعد ساعة من التوتر رد عبدالعزيز

عبدالعزيز : الوووو

ابو الهيثم معصب: ليش مقفلين تيلفوناتكم

عبدالعزيز : محمد هدي اشوي

ابو الهيثم توتر من صوت عبدالعزيز الي مايبشر بالخير : صاير شيء

عبدالعزيز بتوتر: صراحة ..................


**************************************************

نهاية البارت


}{ الجــــــــ الرابع والــعـشرون ــــزء }{


عبدالعزيز: ياخوي استهدي بالله وماصار شيء بس

ابو الهيثم: بس ايش تكلم عبدالعزيز .

عبدالعزيز بتوتر : زياد سوا حادث بالدراجة و

ابو الهيثم باندفاع وخوف على ولده: فيه شيء طمني وانا _خوك

عبدالعزيز: لا مافيه الا العافية شوية رضوض وكدمات تعال لمسفشى ال......


ابو الهيثم: الحين جاي يالله اخليك

عبدالعزيز: منتظرينك مع السلامة وانتبه لا تسرع زياد مافيه شيء

ابو الهيم: خير ان شالله مع السلامة

عبدالعزيز: مع السلامة .


ام هيثم بخوف من الي يقوله زوجها بالتيلفون وشكله: خير ايش صار

ابو هيثم: ماشيء صاير الا الخير بس زياد تعور اشوي وهم يلعبون

ام هيثم وهي تبكي: لاتكذب انا قلبي ناغزني من اول

ابو هيثم: يا مرة لا تفاولين على الولد وهو مافيه غير العافية انا رايح لهم ، قام بسرعة منها وهو
مايقل خوف عنها بس يكابر ومايريد يخوفها وخلاها خايقة محتارة


*****************************

بالمستشفى

وليد : بوهيثم هذا

عبدالعزيز: ايوا يقول الحين راح يجي.

وليد: خبرته بالي صار

عبدالعزيز: لا بس قلت ان زياد سوا حادث ومافيه الاشوية رضوض بس

وليد: احسن متى ما وصل نقوله واتصل على عيال عمي لازم يعرفون لان ابو الولد شكله مو ناوي
على خير .

عبدالعزيز: والله صادق انت شايف كيف يتكلم والله ما عنده اسلوب ولا ذوق

وليد: ايوا والله لولا كبر سنه كنت علمته كيف يتكلم مع الناس

عبدالعزيز: الشباب وين

وليد: في الانتظار قالوا بيرجعون مع زياد اذا بيطلع

عبدالعزيز : الولد كيفه

وليد: كسر برجله عادي

عبدالعزيز : اي عادي الله يهديك شكلهم ناوين يرفعون قضية.

وليد بصدمة: من صدقك انت

عبدالعزيز: والله عشان كذا لازم اخواني يوصلون بسرعة وزياد يطلع قبل الشرطة ماتوصل.

وليد : ان شالله تعال نشوفه

عبدالعزيز: يالله



************************************************** ***

بعد صلاة الفجر


راجع تعبان وجسمه مكسر كانت المهمة صعبة اشوي وتحتاج جهد هو قايل لاهله انه مسافر لتمويه على اساس انه مو راجع الا بعد يوم او يومين وهذا الي اتفقوا عليه هو واحمد بس الي صار قلب كل شيء وصلهم خبر انا المشتبهين بمكان وانهم مقدمين خطتهم بيوم وهذا خلاهم يداهمون المكان بسرعة والي متعبه الي صار لصديقه الي انصاب وخاف عليه بس الحمدلله عدت على خير والحين جاي يريح اشوي لان اهل صاحبه دروا وجلسوا عنده وهوبعدين بيطلع للمستشفى عند صديقه واخوه الي مايتصور حياته بدونه وخاف مرة انه يفقده
اخذ شور دافيء الا ويسمع صوت جواله خاف ليكون صار لاحمد شيء ناظر لرقم كان رقم واحد من اصحابه ومعهم بالشغل كان طالب منه خدمه لاحمد ورد بسرعة

محمد: هلا عبدالله

عبدالله: هلا محمد كيف احمد وانت طمني عنكم

محمد: الحمدلله مافينا شيء واحمد بس انصاب بكتفه والحمدلله هو بخير الحين وبكرا بيطلع.

عبدالله: الحمدلله على السلامة

محمد: الله يسلمك عبوود جبت معلومات عن اصحاب الارقام احمد موصيني.

عبدالله : افاا عليك جبت كل المعلومات ورسلتها على الايميل روح شوفهم.

محمد: حلووو شكرا وماقصرت يابو حسام بس ممكن تعطيني الاسماء الحين وبعدين بشوف بقية المعلومات

عبدالله: ماسوينا شيء وتامر امر الرقم الي نهايته 99 هو رقم باسم هشام ولد سالم ال... , والرقم الثاني يقاطعه محمد

محمد: ايوا الرقم الثاني لاني شبه عارفه.

عبدالله : اكيد بتعرفه هذا رقم باسم عمك ابو فراس طارق بن علي ال....

محمد سكت وبعدين: أي وانا اقول المهم شكرا وماقصرت والله.

عبدالله : ماسوينا شيء يالله اشوفك اليوم

محمد: ان شالله يالله مع السلامة

عبدالله: مع السلامة.

سكر من عبدالله وفتش بالارقام ماكان رقم فراس فتش الارقام الصادرة وشاف الرقم وقارنه بالرقم الي عنده نفس الرقم هذا رقم لميس الي اتصلت عليه منال اخته استغرب ايش دخل لميس بأحمد ومن وين له رقمها احمد قال انه بيخبره بالقصة بعد مايجاب المعلومات بس مستحيل يقوله اذا هذي بنت عمه حس ان الموضوع كبير لان احمدا مصر على ذي الارقام واصحابها تنهد وعصب من لميس وحلف اذا مسوية شيء والله ليوريها شغلها

رمى جسمه على الفراش بثقل وتعب حس بشيء بفراشه بس تجاهل لانه مو قادر يتحرك او يسوي أي شيء غير النوم والاسترخاء.

الظهر

كانت واقفة على البلكون وجسمها يرجف وبالها شارد مو معها زاد احساسها بالضياع بعد الموقف الي صارتذكرت لما قامت من النوم وشافته نايم على الكرسي جنبها وراسه على الفراش وامبين انه تعبان وأول ماحس فيها قام خايف عليها ويسأل عن حالها ابتسمت وفي نفسها: انت دايم حنون علي وتخاف علي من نحن صغار وان انقلبت فجأة وتحب تغايضني واتزعلني بس كانت عيونك لما تشوف دموعي واذا تعبانة غير مع ضحكتك الاستفزازية عمري مافهمتك ياهيثم طول عمرك غامض بس كنت احب حركاتك وسوالفك لما تكون رايق ااااااااااه وينها ذيك الايام وين ايام الطفولة ياريتها ترجع ونرجع مثل اول ايام مايهمني شيء بس انا الحين لازم اسوي الي مخططة عليه انا ما اريد اظلم هيثم معي واتعبه كفاية عليه الي هو فيه وكفاية اهلي شالوا همي مابي ازيد هموم الناس اريد اريحهم مني وان شالله اقدر اااااه يارب ساعدني وياريت تاخذ روحي واموت

كان واقف عند باب البلكون يطالع فيها يطالع بوجهها الشاحب وجسمها الي يرجف ويفكر بحالها ونفسه يعرف بايش تفكر شاف ابتسامتها ابتسم وارتاح بس فجأة شاف دموعها رجعت تنزل مع ان ابتسامتها للحين على شفايفها الحلوة وقال بدون سابق انذار: بايش تفكرين
ارتجفت من صوته لانه فاجأها بس تداركت نفسها ماتريد تخرب الي قررت تسويه طالعت فيه

بابتسامة باهتة وببحة : هلا هيثم من متى انت هنا

هيثم توتر من انقلابها الي دايما يحيره ويجننه: هلا كيفك الحين

سارا: الحمدلله

الهيثم بتوتر: سارا

سارا حست انه بيتكلم بالموضوع وحبت تغير الموضوع : ايش رايك نتغدا جوعانة

الهيثم حس فيها تغير الموضوع : اوكي اصلا انا كنت ناوي اقولك كذا بس اريد اسألش
تريدي هنا ولا بالمطعم

سارا كانت تعبانة ومو قادرة لشيء: لا خلينا ناكل هنا مو قادرة اطلع

هيثم بخوف: ليش شيء يوجعش

سارا بسرعة : لالا مافيني شيء بس مافيني ابدل واطلع سودانية وابتسمت تأكد كلامها

هيثم: اهااا ههههه الحمدلله عرفتي انش سودانية ههههه اوكي بطلب الاكل

ابتسمت بحنان ودخلت للجناح تتمدد اشوي وماحست على عمرها الا وهي نايمة

هيثم ينادي : ســـارا

سارا:........

هيثم استغرب منها لما ما ردت عليه راحلها وشافها نايمة ابتسم لشكلها وحسها طفلة ضايعة : ااااه ياسارا نفسي افهمك واريحك انتي بس لو تخلي عنادك ومكابرتك. وطلع بهدوء لايزعجها لصالة واخذ التيلفون يتصل باهله والشباب بس مافي احد رد عليه الا جهاد بعد ما ازعجه بالاتصالات.


**************************************************

ام خالد تهدي اختها ام هيثم الي من يوم ماراح زوجها وهيا تبكي مع انهم قالوا لها انه مافيه غير الرضوض بس قلبها مو مصدقهم لانه للحين ماكلمها

ام خالد: ياختي هدي اشوي وزياد مافيه شيء الا العافية وخالد قال مافيه شيء.

ام محمد: يابنتي ما يصير الي تسوينة وتفاولين على الولد كأنه مات زياد مافيه شيء

ام هيثم: ليش مايكلمني اذا مافيه شيء ولا واحد منهم كلمني سكتت بدخلة ابوالهيثم ام خالد بسرعة تعدل غطايتها

ابو هيثم: خير ايش صار؟

ام محمد: تعال ياولدي طمنا ايش فيه زياد!

ابو هيثم: مافيه شيء الا العافية وماكلمك لانه للحين نايم من التعب

ام هيثم: شفت اكيد تعبان

ابو هيثم: يامرة مافيه شيء والله بس رضوض وجرح براسه ولانه مو نايم شيء من امس نايم للحين وانا جيت ابدل وبرجع اشوف الولد الي دعمه زياد ايش صار عليه واذا قام زياد بخليه يكلمش ويطنمش مع انه بيطلع بس انتي تامرين ها ارتحتي يالغالية.

ام هيثم بابتسامة: ايوا الله يخليك لي .

ام محمد: ههههههههه شوفوا المرة الي كانت تبكي

ام هيثم ووجهها احمر من تعليق خالتها وابو الهيثم ميت ضحك عليهم وقام
لجناحه عشان يبدل وبعدها يطلع.

وبطلعته الابدخلت ام جهاد الي جت تطمن وتكون معاهم بما ان بيوتهم جنب بعض.


************************************************** ************

: ندى اخواني اليوم مايردون على فوناتهم ولا حتى خالي غريبة .

ندى: غريبة اتصلي مرة ثانية وانا بتصل بخالد وزياد.

رودينا : اوكي بحاول

جلسوا يتصلون ومحد رد عليهم كل التيلفونات مسكرة

ندى : امكن تيلفوناتهم بالبيت وهم برا يلعبون ولا يتسبحون او امكن مافي ارسال.

رودينا: امكن صح كلامك والله لارويهم لوكانت المسألة مو مسألة شبكة المفروض واحد منهم يكلمنا ويسأل.

ندى : خليش منهم مرتاحين ايش يريدوا بصدعة الراس الي منك وما تدرين امكن كلموا اخوي وزوجته.

رودينا: هين انا اوريهم والله الا صح وين امي ماشفتها

ندى : تعبانة شوي شكل الحمل متعبها كثير.

رودينأ : الله يسهل يااارب وتجاب بنوته حلوة مثلي

ندى: حلوة ومثلك كثري منها الا قولي مثلي تكونين ماكذبتي هههههههههه

رودينا: مالت وامي الله يهديها مو ناوية تقولي بنت ولا ولد قال
ايش مفاجئة ياخوفي تجابلي اثنين شاكليت ريان وأياد.


ندى : بسم الله عليهم ما شالله يجننون مو زيك اعوذ بالله

رودينا بعصبية: نديوووه احسلك والله اخبر عبدالعزيز عنش الا تعالي مارديتي الجواب

ندى ويتلون وجهها من ذكر اسمه : رديت

رودينا: عاشووووو مبرووك ندوش. "وقامت تبوسها لين خاست ههههه"

ندى: بس الله يخسك وبعدين من قال اني موافقة

رودينا: روحي شوفي وجههك وبتعرفين

ندى وتغير ملامح وجهها: رودينا يعني بيزعلون لاني رفضت لانهم متوقعين الموافقة

رودينا بخوف : لتكوني سويتيها يالمجنونة صدقيني مجنونة اذا سويتيها.

ندى: ههههههههههه لا الحمدلله مو مجنونة ابشرك خليت الجنون لاصحابه وقامت ركض
لان رودينا وراها تريد تضربها .


*************************************************


بالجامعة

خارجات من القاعة وميتات ضحك

شيماء: الله يفشلش ههههه فشلتيني عنده

ريم: هههههه تستاهلي ربشني ماعنده غيرك جننتي بالرجال

شيماء: غيورة ههههههه

أسماء: بس والله شيماء موقفك لايحسد عليه هههههه

شيماء: اصصص خلاص عارفة فشلة لازم تذكروني يعني اف " وجهها صار احمر "

ريم: هههههههههههه والله شكلش رهيب الحين روحي الحين لمكتبه وتمصلحي شوي عنده بعد
ماطاح وجهك عنده ههههههه

اسماء: وقوليله ريمووه هيا السبب هيا الي كانت تعلق بالدفتر مو انتي

ريم وتضرب اسماء بكتفها : ههههههه يالحمارة ههههه الا ... وتلاشت كلامتها من الي قدامها

شيماء استغربت من شكلها واسماء كانت تمسح على كتفها مكان الضربة

شيماء: ريم وش فيش

اسماء: حوبتي تستاهل اااح حشا مو يد عليش

شيماء: قولي ماشالله

ريم كانت بعالم ثاني عيونها كانت بمكان ثاني مصدومة من شخص يطالعها ويبتسم بخبث كأنه يقولها مافي مفر مني

شيماء شافت الشخص هذا وحست انه مافي خير منه جرت ريم واسماء وطلعوا للهول

اسماء: بشويش علينا ايش صاير مستعجلة

شيماء تغير السالفة : جوعانة اريد اطلب من المطعم

ريم بهدوء: ما اريد شيء اريد ارجع لسكن وانام

شيماء حست عليها وشبه فهمت السالفة وماتريد يصير الضعف من صفات ريم : ريمووه عن الدلع يالله بنطلب والحين بندور اشوي بالهول ويالله قدامي انتي وياها

اسماء وريم الي ارتاحت من حماس شيماء وحست عليها انها فهمت الموضوع وارتاحت ان شيماء
معها : ان شالله

*****************************************
فتح عيونه بتعب يحس بثقل راسه ووجع

: حمدالله على السلامة ياولدي

زياد ببحة: الله يسلمك يبه ايش صار ااااه وحط ايده على راسه

خالد : ماتشوف شر وكل الشباب من بعده تحمدوا له بالسلامة ووصلوا عمامه وتحمدوا له بالسلامة

زياد يرد عليهم بتعب يحس بثقل وصداع من الضربة الي جت براسه لما انقلبت الدراجة.

الوليد : ياعيال عمي كلمتوا الرجال

بوليث : مالت عليه صدق خايس

بو الهيثم: الله بلانا فيه هذا معروف ماعنده اسلوب ومايحشم احد

عبدالعزيز: تقولنا عنه واضح عليه والله ماسك نفسي بقوة

زياد بتعب : ايش صار وبتذكر أيوا الولد الي دعمته وش صار عليه.

الكل طالع في بعض

خالد: ماصار فيه شيء بس رجله انكسرت ويستاهل شيء جابه لنفسه ماعليك منهم.

جهاد وداخل عليهم : حمدالله على السلامة زيووود

زياد : الله يسلمك فجأة حس بصداااع قوي وبان الوجع على وجهه والكل لاحظ عليه : ااااه

ابوالهيثم بخوف: ايش فيك زياد ايش الي يوجعك خالد روح نادي الدكتور بسرعة

زياد بوجع وصوته يالله يطلع: مو لازم بس روح قله متى اطلع ما اريد أجلس هنا

الكل طالع فيه !!!!!!!

بوخالد : نخلص من سارا تجي انت أطفال

عبدالعزيز: ههههههههههه والله اشك ان سارا اختك التوأم مو اختك بالرضاعة.

الكل : هههههههههههه

خالد: والله حتى إني اشك تصدق اتصلت فيه الصبح ولما مارد عليها اتصلت علي عشان تسأل عنه
مو كأنه انا اخوها

زياد بتعب وابتسامة خفيفة : وانا ايش وبعدين لاتحاول مافي مقارنة بينا

خالد: مالت

زياد بتذكر وبسرعة: لتكون خبرتها

خالد: لا مجنون قالولك قلت لها نايمين وانتي مزعجة وشكلها ماصدقتني بس مشتني وخاصة ان الحبيب ناداها

ابو الهيثم: حتى الهيثم مايدري ماقلنا لهم .

جهاد بتوتر: انا خبرته

الكل طالع فيه باندهاش

جهاد بتبرير : والله مو قصدي بس هيثم أنا مقدر اكذب عليه وانتم عارفين انه يعرفني وحلفني وخبرته .

الكل سكت لان هيثم وجهاد مايقدرون يخبون على بعض شيء وكل واحد يحس بالثاني.

زياد صداعه كل شوي يزيد مو قادر يسمع او يركز فغمض عيونه عشان ينام ويهرب من الوجع ونام.
بعد ساعة تفرق الشعب كل واحد راح لمكان الي رجع للبيت والي راح لشغل وجلس خالد ومروان وليث عند زياد والرباعي كانوا يريدوا يجلسون لانهم ما اخذوا راحتهم والكبار موجودين ورفضوا يخلوهم يجلسون لان زياد بيطلع المساء فرجعوا.


**************************************************

صحت من النوم الي نامته بدون لاتحس على روحها : اف وين انا راسي مصدع اف حاولت تقوم
وهي للحين مو مركزة النظر ماقدرت تقوم حست بشيء على شعرها : اااي منال يالثورة عورتيني وضربتها بقوة قومي عني ولما طالعت لما ماشافت اجابة فتحت عيونها وجت عينها بعينه المصدومة ارتجف جسمها من قربها منه ومن شكلها الي بهذي الملابس وقف بسرعة من الفراش وهي غطت نفسها بالفراش بسرعة ولحظة صمت مافي غير انفاسهم السريعة

بعصبية : انتي ايش الي جابش هنا ماتستحين نايمة عندي بالغرفة

بصوت باكي: والله والله منال السبة كنا سهرانات

يقاطعها بعصبية وشرار يطلع منه: اصصص ولا كلمة مابي اسمع صوتش انا بدخل الحمام اطلع وما اشوفش ولو ما اشوفش من البيت يكون احسن ودخل للحمام وسكر الباب بقوة وشوي ويكسر البيت .

طلعت من الغرفة ركض لغرفة بنت عمها وهيا ميتة بكاء كان شكله مخيف وهو معصب اساسا هي خافت لما شافت نفسها معه بالفراش اخذت عبايتها واتصلت بالسايق يجي يشلها وكانت منال للحين نايمة ومو حاسة بشئ ومع الازعاج قامت.

منال : لميسووه وين رايحة وليش شكلك كذا

لميس: اصص انتي بالذات لا تتكلمين

منال: افاا لموسه انا منولة حبيبتش

لميس: حباتك الجرادة اصلا كل شيء من تحت راسش ليش ماقيمتيني امس انام معك بالغرفة
وخليتيني انام بغرفة اخوش

منال: ههههههههههههه والله سخيفة على بالي معك سالفة مالت وبعدين محمد مسافر ماصار شيء عادي

لميس: أي مسافر تراه رجع

منال بشهقة: رجع وشافش نايمة بغرفته

لميس توترت حست انها المفروض ماتقول الي صار ولو كانت منال : ايش شافني هو قبل اشوي
وصل وانا طالعة من غرفته كان بيدخل على بالش لو شافني بسكت حمدي ربش اني قمت وطلعت ولا وربي كان شفتي شيء تمنيتي الموت عنه مع السلامة . وطلعت من الغرفة بسرعة ومن بيت عمها ماصدقت انها طلعت قلبها للحين يدق بسرعة من الخوف ومن نظرات ولد عمها المشمئزة منها كأنها مسوية شيء كرهت نفسها مية مرة وخاصة لبسها ابد مايساعد ونعلت منال الي رفضت انها تبدل وطول الطريق تبكي واول ماوصلت للبيت بسرعة لغرفتها وسكرتها بدون لا احد يحس عليها اصلا ماكان في احد مو جود الكل راح لبيت بو الهيثم.



**************************************************


هيثم وهو يصحي سارا من النوم عشان تاكل
هيثم : سارا سارا قومي بسش نوم الاكل وصل

سارا وتفتح عيونها وترمش فيهم : كح كح ها كح كح كح

هيثم: الاكل وصل ما بتاكلي

سارا: كح كح كح ان كح ان شالله كح كح كح كح وصارت تكح بقوة.

هيثم : بسم الله عليش وجابلها ماي بسرعة وشربها اياه

سارا كانت مكتومة : هـ ثـ م كح كح ابي كح بخاخ كح كح واشرت على الشنطة الي بالكمدينة

هيثم ويروح ياخذه بسرعة ويعطيها اياه تبخ وبخوف : ها احسن

سارا ابتسمت ابتسامة باهتة تطمنه : كح الحمدلله كح كح شكرا .

هيثم بابتسامة: عفوا يالله قومي اكليلك شيء

سارا: كح ان شالله يالله كح كح.



بعد ما اكلوا كانوا ساكتين كل واحد يفكر بشيء

سارا متوترة من سكوت هيثم الي تحسه انه يريد يقول لها شيء وخايفة منه تحس انها فشلت بالتحدي والعهد الي قطعاته على نفسها.

هيثم يفكر كيف يفاتح سارا انهم يرجعون عشان زياد ومايريد يقولها عن زياد عشان ماتنقلب وتشغل وناناتها بالبكاء.

سارا بتوتر: هيثم في شيء تكلم

هيثم تفاجأ بسم الله كيف عرفت ولا واضح علي لها لدرجة واضح وقال بتوتر: كانك حسيتي فيني

سارا : واضح عليك تكلم كح كح .

هيثم: ايش رايش نطلع نتمشى اشوي

سارا : كح اوكي نتمشى على البحر اشوي

هيثم بابتسامة : اوكي تامرين امر بس خلينا نطلع.

ابتسمت سارا: اوكي ببدل كح كح ونطلع بعدها وراحت تبدل

هيثم ويتنهد: الحمدلله على كل حال

بدلت سارا وهيثم بعد وطلعوا يتمشون على البحر وكانوا يسولفون وسار رجعت لحيويتها وماسكتت من اول تتكلم وتضحك كانت تعامل هيثم كانه واحد من اخوانها بعد ما اقنعت نفسها زين بهذا الشيء وخاصة بعد الي صار.

والهيثم ميت ضحك عليها وكان فرحان من تقلبها هذا ومستغرب من تغيرها وقال ماكذبوا صدق انها تغيرت

سارا حست انه سرح حركت ايدها على وجهه : هيثم وين رحت هلوووو هيموو

هيثم انتبه لها : هلا سوري سرحت شوي

سارا: ههههههههههههه كح كح سرحت اشوي قول سافرت من ساعة وانت رايح فيها ياخي

هيثم: هههههههه سوري بس عاد سافرت مو لهدالرجة هههههه

سارا: الا ههههههه كح كح كح هههههه خلصت السالفة وانت ابد مو معي كح

هيثم: والله معك بس

سارا: بس ايش عادي مو مجبور تبرر والله هههههههههه كح كح

هيثم: لا مو القصد بس انا سرحت كنت افكر في الكلام الي سمعته

ساارا عقدت حواجبها وقلبها بدأ يدق طبول: شو سمعت

هيثم: انك تغيرتي

سارا ارتاحت اشوي : وانت ايش رايك

هيثم: مدري

سارا :كـح ههههههههههه دب كل هالزين قدامك واتقول مدري صدق مالت.

هيثم: هههههههههههههههههههههه كل هالزين خفي اشوي لاتطيحين علينا من كثر
الغرورههههههههههه قال كل هالزين قال هههههههههههههه

سارا: هههههههههه كح كح أي كل هالزين مو عاجبك ماعندك ذوق صدقني.

هيثم بجد : سارا

سارا استغربت تقلبه: هلا

هيثم : امممم انا حجزت اليوم بنرجع !!

سارا انصدمت ماتوقعت انه يسوي ذا الشيء مو حبا بالسفر معه بس وش راح يقولون لاهلهم
ويعني انها فشلت بالي خططت عليه تدري ان هيثم تعب منها وانها تعباته بس حتى اهي تعبانة لازم يتحملها اشوي عشان اهلهم وبتحقق له كل الي يبيه حتى الي يبي يتزوجها بس الحين هيثم صدمها تجمعت الدموع بعيونها

هيثم توتر وخاف من شكلها ماتوقع هذي ردة فعلها بالعكس على باله بتفرح هذا وماقال لها عن
زياد: سارا سارا هدي ليه الدموع انا على بالي بتفرحين

سارا وهي تبكي : هيثم ليه نرجع وش بيقولن اهلنا ادري اني تعبتك وانك مو قادر تتحملني بس والله مو بايدي والله اني احاول "وقربت منه وجرته من اكتافه هيثم مصدوم منها ماتوقع هذا الشيء" هيثم استحملني اشوي مو عشاني عشان اهلنا الله يخليك ادري انك حاس انك تخون حبيبتك بس وربي انا بكلمها وبقولها بعلاقتنا وانا موافقة انك تتزوجها واذا على اهلنا عادي انا بقول اني موافقة واذا تبي تطلقني عادي وان ماطلقتني لان اهلي بيزعلون بكون صديقة لكم بس وربي بس لاتصدم اهلي وتخرب الي انا اسويه والله انا موافقة على شانهم هيثم واللي يسلمك ادري انك ماتحبني واني دلوعة بس استحملني اشوي عشان اهلنا وصارت تبكي وتشاهق كح كح كح كح

هيثم لمها لصدره وضمها وجلس يهديها مصدوم من تفكيرها وكلامها ماتوقع كذا تفكيرها وليش : اششش سارونة ايش الكلام هذا ما أريد تفكيرك يكون كذا الي اعرفش انش اقوى من كذا وبعدين نحن راجعين لظروف والكل متوقع انه نرجع وان شالله بنعوضها بسفرة ثانية
سارا مو هذا الكلام الي تتمنيه او هذا الي يحسسها بالامان والراحة بس تعرف ان هذا الواقع اساسا ماتدري ايش الي تريده بس ما اهتمت للي تتمنيه لما قال لها ظروف والكل بيعذرهم اكيد صاير شي وبخوف وبين شهقاتها قالت : كح احد صار فيه شيء تكلم
هيثم بتوتر: ااا ماصار شيء خطير بس حادث بسيط وقاطع كلام شهقت سارا القوية الي حس من قوتها روحها بتطلع

سارا:كح كح كح مي كح كح مين كح كح

هيثم : الله يهديش شوي على نفسش بسم الله وتنفسي بهدوء واخذي نفس يالله اشوف ارحمي
عمرش وانا قايل بسيط بالدراجة ومافيه الا رضوض بس

سارا مغمضة عيونها الي تدمع وتاخذ نفس: كح مين زياد صح

هيثم: بسم الله كيف عرفتي جنية

سارا ببحة: لانه ماكلمني وقلبي حاسس انه فيه شيء

هيثم بابتسامة يطمنها :لاتخافي رضوض وجرح بالراس بس من التعب نايم وماقام من النوم زيك لما التوت رجلك طبعكم واحد

سارا بتعب: فديته زيود مافي مثله اثنين

هيثم بمزح:صدق ماتستحين تتفدين اخوي قدامي

سارا: هههه كح يعني عادي من وراك ههه كح هههه

هيثم:هههه ايوا تحافظين على مشاعري لاتنجرح

سارا:سوري معرف اتكلم من ورا هههه وبعدين ليش تنجرح اصلا زياد لا مقارنة بين الكل والي
مايعجبه يشرب من البحر ورفعت راسها لببحر وسكتت بس دموعها نزلت بهدوء

هيثم استغرب انقلابها وهو كان يمزح: ليش الدموع كنت اضحك معش

سارا : خايفة عليه هيثم لاتخبي علي كيفه

هيثم: والله بخير ومافيه الا الي قلته

سارا:ما اريد افقده كفاية علي

هيثم وايده ع اكتافها :الله يرحمه

سارا: ليش البحر اخذه منا ليش طول بالغطس

هيثم: سارا علي راح عند ربنا انتي مؤمنة وعارفة ومو صغيرة

سارا: لا هو مامات اكيد ضاع هناك امكن عايش بمكان ثاني هو قالي بيصير هو شهاب مشهورين هو قالي بيدرس طب وبيصير دكتوري وماراح اكرهه مثل الدكاترة الثانين هو قال ماراح يخليني انا وزياد ومابيخيلكم تقربون منا انت وجهاد هو وعدني وراح وخلاني خلاني وصارت تبكي " علي انذكر من قبل ايام المزرعة خالهم اخو الوليد مات وهم صغار غرقان عمره 13 كانت سارا 12 وكان قريب منها ومن زياد وسارا من يومها ماتصدق هذا الشيء خاصة انهم ماحصلوا جثته وموته كانت سبب بصدمتها فترة"

هيثم كان توقعها تغيرت مو انها للحين على نفس الحالة بهذا الموضوع ماعرف وش يسوي ضمها بقوة وجلس يهديها ويقول لها كلام يقويها وتذكر علي الله يرحمه كان واحد على جماله ماشالله شخصية ورزة ومع الذكريات طرت في باله لي لي ودمعت عينه صدق الفراق صعب الله لايفرق احد تذكر كلام جهاد الي فيه من الصحة كثير وامكن كله صح محد يفهمه مثل جهاد حب يغير الموضوع وخاصة ان سارا هدت وسرحت بعيد بس يسمع نفسها الي تطلعه بقوة

هيثم : اقول سارونة المرة ا لاتقولين اني تعبت منش لانش ماتعبتيي بالعكس انتي تجننين والحين ما اريد دموع يالله امسحيهم الحين اشوف ما احب دموعش وبعدين مو زين لش اريد اشوف ضحكتش

ناظرت فيه سارا بألم وهدوء ماكان فيها تضحك او تبتسم تس ابتسمت بهدوء على هيثم وكلامه الي متناقض هو اكثر واحد يبكيها كانن عيونها تتكلم عنها تقول كثير

هيثم سرح بعيونها ومو فاهم كل الكلام بس يحس فيها الكثير وانه بيغرق ببحرها حس ان نص عذابها هو سببه ايش التناقض الي فيك ياهيثم بعد نظراته بتوتر ووبعدها عنه ووقف بسرعة وبتوتر
قال: يالله نقوم نرجع عشان نتجهز.

سارا وقفت بهدوء : يالله.

ورجعوا للفندق يتجهزون للرجوع الي مايدري عنه غير جهاد الي يعرف وهو الي بيستقبلهم


**************************************************
شيماء: ريم احس في شيء صاير عندنا بالبيت

ريم: ليش ايش صاير

شيماء: مدري بس لما كلمت الصبح امي يالله كلمتين طلعاتهم وكلمتني خالتي وقالت انها مصدعة.والعصر لما اتصلت ردت علي ندى وقالت انهم مجتمعين عندنا وان امي مو فاضية الحين تتكلم اتصل بزياد مايرد اتصلت بهيثم خارج الخدمة هو وسارا واتصلت بوليد وعبدالعزيز كلموني وكانوا كانه في مكان واحد يكلمهم وابوي عندهم كيف وهم كانوا بالفلة ايش الي رجعهم

ريم: ما سالتيهم

شيماء: الا سألت قالوا انهم ملوا ورجعوا ريم من متى هم يملون

ريم: والله خوفتيني وانا كلمت امي وقالت انها بتروح لكم وريماس قالت انها مو عارفة ليش ومازن خارج التغطية وجهاد مارد علي

شيماء: مو اقلش صاير شيء والله اني خايفة .

ريم: استهد بالله وماقاطع كلامهم الا صوت نغمة يدل على وصول مسج لريم

ريم وايدها ترجف وهيا تفتح المسج

شيماء لاحظت دموع ريم واخت الفون منها وقرت المسج

شيماء: بعصبية : الله ياخذه وياخذ امثاله الي مايستحي والله يبغاله تربية وانا بروية وانتي لاتكوني ضعيفة والله بنرويه نحن بنات منو والي يقرب علينا ايش يصير فيه وان شيماء .وطالعت بالمسسج وقرته من جديد

" ياقلبي انا على الضحكة بس حرام تحرمينا من الطلة الحلوة وماتعطينا وجه ياقمر"

ريم: شيمو ايش الحل والله خايفة منه

شيماء: شوفي انا وانتي مع بعض بكل محاضرات الا وحدة وهذي انا بوصلش لها وماتخرجين منها الا وانا عندك اوكي

ريم : اوكي والنهاية

شيماء: ما عليش برويش ايش النهاية بس انتي اصبري اشوي .

ريم وعيونها مدمعة : ان شالله خير والله يفكني منه ومن امثاله يااارب.

شيماء: امين يارب .


************************************************** ****

: هشام الله يهديك ايش الي انت ناوي تسويه حراام عليك

هشام: عمر لاتحاول انا مصمم تريد تساعدني ولا اسكت وانسى اني كلمك

عمر: هشام عمري ماعرفت ان قلبك اسود لهدرجة ولمين لبنت

هشام: والله والله لارجع لها الكف كفين والله لاتندم

عمر: بس الي انت ناوي عليه بيضيعها وممكن اهلها يذبحوها

هشام : ماعلي منها اساسا تستاهل مو شريفة مكة اهي وهذا شيء اهي الي جنته على نفسها.

عمر: الله يهديك استر على البنت وانسى الي صار بينكم

هشام : مو قادر مو قادر انسى نار تحرقني منها ومن الي سواته فيني مو انا وحدة مثلها تسوي
فيني كذا بس خليها والله لاعلمها درس عمرها ماتنسيه.

عمر: الله يهديك كيف بتنسيه وانت ناوي تدمرها

هشام : ههههههههه والله اتمني اشوف وجهها المهم بتساعدني

عمر" خليني اكون معه ليسوي شيء يضيع البنت واحاول اهديه": انا بكون معك

هشام : حلووو ماتقصر واردها لك ان شالله بس ها مازن وعماد مايدرون بشئ

عمر: اكيد ومتى ناوي تبدأ

هشام : قريب انا مرتب الامور بالترتيب الحين اريد رقم زوجها ويبدأ الشغل

عمر: من وين نجابه

هشام: افااا انا هشوم اجاب رقمه ورقم اهله ماعليك انت .

عمر: اوكي وايش تريد فيه

هشام: اسمع :.....................


*************************************************

: ملاك وربي مو رايق لش روحي شوفيلي طريق بروح للمجلس محمد الحين راح يجي

ملاك : احمد عيب حريم عماتي وعمامي الحين يريدوك وانت بتدخل على صاحبك واتخليهم

احمد: ملاكووه والله عيب اذا الرجال جاي وانا اطرده روحي بلغيهم وهم مابيقولوا شيء

ملاك: اوكي والحين محمد هذا مو شايفك امس وكان معاك طول الوقت وتطمن عليك

احمد: مـــــلاك ايش فيش انتي اليوم مو طبيعية

ملاك: بتوتر ولاشيء بس

احمد : بس ايش ؟

ملاك: كنت اريد اسألك عن عن

احمد عرف بس حب يلعب عليها اشوي: عن عن مين بالقطارة تتكلمين انتي

ملاك : خلاص انسى الموضوع انا رايحة اشوف لك طريق وارتب لك المجلس باي .

احمد: ههههههههههههههههه اوكي

طلعت ملاك منه وجهها مولع على جرأتها وتقول بصوت واطي: وانا غبية بكل بساطة بسأله عن زياد ايش بيقول عني والله اني ما استحي متى ماكلمت سارونة بسألها وليه هي قايلة انها راجعة اليوم بتصل فيها بلليل وماحست الا بواحد واقف قدامها كانت بتصدمه

ملاك بخوف: بسم الله وعدلت حجابها بسرعة.

مازن طالعها بنظرة : الي واخذ عقلش يتهنابه

ملاك بتوتر: هااا

مازن ياحلوش وانتي متوترة : اخبارك ملاك

ملاك ووجهها احمر: الحــ ـــمدللــه بــخــيــر وتريد تمر بسرعة بس وقفها صوته

مازن: افااا موناوية تسالين عن اخباري على العموم انا بخير وبصحة وعافية بعد ماشفتش

ملاك سكتت من الاحراج والفشيلة وما انقذ الموقف الا خروج احمد من غرفة

احمد: خير يابو الشباب اشوفك واقف عند اختي اقول للحين مو حلالك تتغزل
ملاك ركضت بسرعة واتسب باحمد الي بدال ماينقذ الموقف زاده احراج وتتوعد فيه وراحت للمجلس جهزاته ورتبته ودخناته وطلعت وقالت لامها ان محمد صديق احمد بيجي وامها جهزت له طريق ودخلوا على حريم عمامهم وعماتهم وكانوا راح يسون له عزيمة لسلامته بس بكرا مو اليوم لانه للحين تعبان .


************************************************** **********



الساعة 10 ليلا بالمطار

كان واقف منتظرهم ومافي احد يعرف برجوعهم غيره بس استقبلهم

هيثم يطالع سارا كانت مرة متوترة

جهاد : هلا والله بالعرسان الحمدلله على السلامة

هيثم وسارا: الله يسلمك

جهاد: ههههههه والله مادروا عنكم والله محد بيروح فيها غيري

هيثم: ههههههههههه ماعليك انا بدافع عنك وبعدين هذي اخونا بتخبون عنا يعني

سارا: اريد اروح عنده

جهاد: ان شالله هو في البيت

هيثم: مو اقولك مافيه شيء خطير انتي بس هدي وتطمني

جهاد: صادق هيثم والله مافيه شيء تطمني والحين بتشوفينه مثل الحصان

سارا: قول ما شالله لايصير فيه شيء الحين والله بساله الحين الساعة 10 ونص

جهاد طالع بهيثم وهيثم مات ضحك : ههههههههههههههههههههه

جهاد: ما شالله ماشالله واذا صار فيه شيء مو من عيوني تراهم باردة يمه منش

سارا: ههههههه يالله سوق بسرعة لانتاخر

جهاد: هيثم سكت مرتك

هيثم: بس كأنكم اطفال

جهاد: سكت مرتك ام لسان

سارا: الحمدلله والشكر يعني انت الي مافيك لسان يؤيؤ هيثم شوفله بالمستشفى متبرع

هيثم ميت ضحك على شكل جهاد وكلام سارا: ههههههههههههههههههههه

جهاد: مالت عليك من رجال بدال ماتتكلم تضحك عاجبك يعني كلامها ارويك انا.

هيث: هههههههه والله اضحك عليكم هههههههههه اسكتوا شوي ههههههههه.

سكتوا وماغير هيثم الي يضحك بعد فترة وفترة وصوت المسجل .


نهــــــــاية البارت

}{ الجـــ الخامس والعشروون ــــزء}{


وصلوا للبيت ودخلوا بعد ما جهاد كلم ريماس تضبط الجوء وكان الكل موجود ومجتمع الحريم بالصالةوالي بالمطبخ والرجال بالمجلس وزياد بغرفته يريح

اول مادخلوا الكل طالع اما سارا ركضت بسرعة لام محمد الي كانت قدامها وضماتها وجلست تبكي بقوة كانت تبكي كل شيء حست انها تفرغ

ام محمد: بسم الله عليش يابنتي هدي والله مافيه الا العافيه

سارا بشهيق: ويــ ــنه ابــ ـي اشــ ــو فه

ام خالد خارجة من المطبخ وتنتبه للهيثم الي واقف وبنتها بحظن حبوبتها وتبكي : يمه وش صاير

هيثم يسلم على خالته: هلا خالتي اخباركم

ام خالد: هلا بولدي مين خبركم

هيثم: مومهم مين خبرنا المهم درينا وانتي عارفة زياد وش يعني لنا.

ام هيثم الي كانت في المطبخ بعد طلعت ورا اختها وشافت هيثم جنب خالته: هوو بسم الله خير ان شالله ايش رجعكم انتم وين سارا ليكون صار لكم شيء

هيثم: ههههههههههه يمه مافينا غير العافية نحن جاين لزيود الي حب يخرب جونا بتهورة كالعادة.

ام هيثم: الله يهديكم اخوكم مافيه الا العافيه وانتبهت لسارا الي تبكي : سارا تعالي يمه هدي لاتذبحين نفسش من البكاء.

ام محمد :وانا امك ياحبيبتي لاتبكين وروحي شوفيه بغرفته مثل الحصان ماشالله عليه

ام هيثم: هيثم شل زوجتك وروحوا لزياد وتطمنوا عليه .

هيثم: ان شالله

سارا ماكانت منتبه للكلام كانت مرتاحة بحضن امها الثانية حست براحة وامان واول ما انتبهت لكلامهم نطت وركض على الدرج ووراها هيثم والكل يضحك عليها ويدعون ربهم الله لا يفرقهم

ام فراس ومنى الي طلعوا من المجلس من عند اخوانهم : وش صاير

ام محمد ولا شيء بس هيثم و سارا رجعوا

ام فراس شهقت بقوة: ليش وصار لهم انا قلت لكم هذي الزواجة غلط.

ام خالد طالعت باختها ام هيثم وام جهاد بقلبها الله يهديش

منى الي كانت جنب اختها وحبت تغير الموضوع: ههههههههه اكيد رجعوا عشان زيوود

ام هيثم: ايوا تعرفين زياد بالنسبة لهم ايش

ام فراس: والله ماعندهم سالفة الله يهديهم .

ام محمد: والله الي ماعنده سالفة غيرش الا اقول وين بنتش الي ماتنشاف الا بالسنة حسنة الي ماتستحي على وجهها .

ام فراس بتوتر: عند عمامها منال بنت عمها مريضة ولميس راحت لها تعرفين بنت عمها بسنها ومايفترقون والا اهي كانت بتجي معانا .

ام محمد بصوت واطي: أي صدقت

رودينا لندى: والله لميس ماطلعت على احد غريب على امها

ندى : عيب سكتي هههههههههه بس شفتي سارا ههههه وربي ماشافت احد منا

رودينا: ما الومها والله

ندى: هههههههههههههه افكر اطلع لهم

ريماس: وش تتساسرون فيه

رودينا: بسم الله الرحمن الرحيم ماشي يالملقوفة

رهف: اذا اهي ملقوفة انتي ايش

ريماس: استاذة اللقافة

ندى: ههههههههههههههههههههههههههههههه


**********************************************

كانت تطلع الدرج الي حستها كبيرة وهيثم وراها فجأة حست بنغزة بصدرها ماخلتها تتنفس

هيثم استغرب توقفها بعد ماكانت تركض ومع انه منعها بس ماعطته وجه: سارا ليش وقفتي

سارا حاطة ايدها على صدرها وماقدرت تلتفت او تتكلم معاه

هيثم تقدم ووقف قدامها وشاف شكلها : سارا شيء يوجعش

سارا هزت راسها بلا

هيثم: سارا بلاكذب شكلك متوجعة

سارا وحست ان النفس رجع لها والوجع راح وارتاحت وابتسمت: لا مافيني شي يالله نروح لزيوود وكملت ركض وهيثم وراها وقلبه مو مرتاح عليها بس تجاهل شعوره اول مادخلوا على زياد وسارا نطت عليه وتضمه وتبكي عنده

زياد: هههههههههههههه سويرة مافيني شيء تبكين كاني مت للحين لازق فيكم

سارا وتضربه بكتفه: ههههههه اصص هذا جزاتي خايفة عليك

زياد: يطالع اخوه: الحمدلله على السلامة

هيثم الله يسلمك

زياد: وانت على طول تجابها

هيثم: افاااا ماتريدنا جنبك

زياد: الا بس حراام تقطعون شهر عسلكم وترجعون وانتم ماعندكم اجازة

هيثم: لا عادي بنقطع اجازتنا والسفر لاحقين عليه انت المهم

زياد ويضم سارا الي جنبه: الله لايحرمني منكم .

كملواا سوالف


وبعدين نزلوا تحت وسلموا على الكل وسارا كانت منحرجة انها اول ماوصلت ماشافت احد قدامها
وضحكوا عليها لين ماراحوا وبعدها كل واحد راح ينام وسارا كملت السهرة عند زياد الي يخبرها بالي صار
وهيثم قال انه بيلحقها لجناحهم وبينام .

*******************************************


بعد اسبوع كانت الحياة طبيعية

سارا و الهيثم علاقتهم عادية مثل الاخوان والاصحاب وشبه رسميه ه انشغل بشغله وسارا بدت تداوم مع خالد وزياد الي قضيته للحين ماتقفلت والرجال رافض يسكرها طالب 20000 ألف ريال
وزياد لما سمع المبلغ حلف يمين مايعطوه اياه لانه ماله حق فيه وقالهم يسوي الي يريده 5000 بس الي راح ياخذهم غيرهم مافي.





:ملوكة والله ملل ايش رايش نطلع ونتصل بمنار تطلع معنى من زمان ماطلعنا.

ملاك: سارا والله ادري انه ملل بس وربي وراي بحث اسلمه بكرا ومو مخلصة شيء منه وبعد لازم اجهزه حق برزنتيشن وصعب اطلع.

سارا: افففف

ملاك: هههههههههههههه والله انش تحفة روحي ذاكري كم كلمة تنفعش بدال التأفااف الي
زاعجتنا فيه

ساارا مبوزة: ما اريد ومو مذاكرة شيء اصلا انا مو طايقة شيء يالله باي وكملي شغلش

ملاك حست فيها بس ماتقدر بكرا اخر يوم لازم تسلمه وتجهزه: ليش ماتشوفين هيثم

سارا بحزن: هيثم بالشغل مافي احد فاضي لدلعي يالله باي . ومن دون لاتنظر اجابة ملاك سكرت التيلفون ورمته بقهر من الي الي فيها ام خالد وخالاتها وعماتها كلهم عند ام محمد زايرينها حريم والزيارات شبه يوميه بين الحريم وهيا مالها خلق سوالف حريم كبار وندى من يوم ما انخطبت لعبدالعزيز ماتنشاف كثير بين دراستها والتجهيز وغير ان ام ليث تعبانة من الحمل ولازم مساعدات منها ومن رودينا وماتشوفهم الا بالويك اند مع ريماس ورهف والشباب طلعات شبابية وهيثم مشغول واذا خلص بسرعة يروح يسهر معاهم كانت تنظر الويك اند بفارغ الصبر لتجمع العائلة
سارا : اااااااه يعني هذي بتكون حياتي طول عمري وحيدة هذا وهم ماتزوجوا وانا كذا كيف اذا .. تنهدت بقوة وحاولت ماتفكر بهذي الاشياء وان الي فيها دلع الكل كذا حاله طلعت من جناهم اهي وهيثم ونزلت تحت البيت فاضي نزلت للبيسمت" الطابق الارضي الي كان مجهزينة لتسليات وفيه بركة سباحة وهذا نفسه ببيت بو خالد"
يالله بسبح : اف مافيني اطلع وابدل وطالعت بلبسها كان جينز اسود وتي شرت ابيض : عادي نوبربلم ونزلت بشوشي الا وتسمع اصوات نازلة لتحت فنزلت بسرعة وغطست بس كانت عند درح المسبح

هيثم: ادخل يارجال مافي احد بالبيت

جهاد: متأكد وين زوجتك

هيثم: هههههههه ضحكتني زوجتك والله كبيرة ذي عليها

جهاد: ههههههههه حرام عليك

هيثم: اسكت بس وربي مقهور مزوجيني طفلة اجالسها بس

جهاد: ايوا واشوفك مجالسها اشك انك تدري اهي وين

هيثم : صراحة من اسبوع وانا مدري عنها اكيد رايحة وجاية بين البنات وبيت اهلها اشك انها تحس انها متزوجة اصلا اهي ماتعرف ايش يعني متزوجة.

جهاد: هههههههههههههههه والله حالة

سارا كانت تسمع كلامه الي مثل السكانين يطعنها حست بخنقة تريد تتنفس اهي ماتقدر تجلس كثير تحت الماي بس ماكانت تريدهم يحسون فيها وحاولت تطلع راسها بشويش بس ماقدرت رجولها ثقال بسبب الجينز الي صار ثقيل وشوي ويسحباها تحت ماقدرت تسبح وتقاوم و تطلع والنفس خلاص مافيها

جهاد: هيثم اسمع صوت

هيثم باستغراب : صوت

جهاد : ايوا انت قلت مافي احد بالبيت

هيثم : ايوا مافي احد كلهم طلعوا امي قالت انهم رايحين وسكت لان الصوت زاد من جهة المسبح ركضوا بسرعة للمسبح وشافوا جسم يتحرك تحت الماي
هيثم وجهاد يطالعون بعض باستغراب ولما توقف الجسم عن الحركة انتبهوا وبسرعة يقفز هيثم ويغطس وانصدم انها سارا رفعها بسرعة وطلعها جهاد كان واقف منصدم بس اول ماطلع هيثم ومعاه سارا قلب وجهه خاصة ان سارا ماعليها شيء عليها غطى والتي شرت ابيض صاير شفاف

هيثم: سارا سارا ويضرب خدها بس مافي ولا حركة شاف تنفسها منقطع بصراخ: جهاد ماتتنفس

جهاد: هيثم انت دكتور سويلها تنفس صناعي سويلها أي شيء بسرعة.

هيثم بتوتر وخوف عليها وصار يسويلها تنفس صناعي ويدعي ربه انها تقوم

جهاد: بشر

هيثم: سارا قومي سارا لاتستسلمي قومي الله يخليش سارا

سارا بشهقة قوية : كح كح كح وخرجت ماي كانت شاربته

هيثم بفرح يضمها: خوفتيني عليش وغطاها ببطانية موجودة مدها له بها جهاد

جهاد: الحمدلله على السلامة طيحتي قلوبنا

سارا مو مستوعبة ايش صار وتذكرت وببحة: ليش

هيثم وجهاد استغربوا وطالعوا ببعض انها تقصد كلامهم

سارا وتقطع نظراتهم : ليش ماخليتني امووت كان ارتحت وريحتكم مني.

هيثم كأنه احد عطاه كف هذي ثاني مرة تتمنى الموت وبنفس النبرة والنظرة وكلهم بعد ماتسمعهم. اول مرة نساها بس هذي المرة ذكرته فيها

هيثم: سارا وش الكلام هذا انتي عارفة انش غالية علينا

ساارا طالعتهم بنظرات وطلعت لفوق لجناحهم واهي مكسورة ودايخة ماقدرت تكمل لجناحهم
دخلت اقرب غرفة واستندت على الباب تحت كانت لضيوف وجسمها يرجف كانت تناست عمايل
هيثم وتجاهلتها عشان ماتتعبها اكثر : ليش ياسارا صرتي انهزامية مو انتي صاحبة القوة ومافي احد يقدر عليش وين عندش خلاص ياهيثم مو انا الي محتاجة تجالسيني اتخسي الا انت بعلمك منو سارا الي بتلعب فيك لعب وانا مو خسرانة شيء بحياتي.



هيثم: ياااربي

جهاد: انت مو قلت طلعت

هيثم: على بالي زي كل يوم تطلع

جهاد: هيثم بقولك كلام ولاتزعل بس صراحة انت جاف معها وانت كيف عرفت انها كل يوم تتطلع الي سمعته من امي وريماس انها اخر مرة شافوها الويك اند الي فات بس سارا ماتحب تجمع الحريم والبنات عندهم امتحانات واتقولي انك مجالسها .

هيثم: كيف ايش تقصد بكلامك

جهاد: انت عارف لانك حاس بعمرك وياريتك تهتم فيها انت حتى المجالسة مو عارف لها توك الحين
كنت بتفقدها تريد تفقدها من صح بعدين

هيثم بخوف : بسم الله عليها الله لايقولها والله حسيت روحي بتطلع يوم شفت شكلها وانها
ماتتجاوب معي ولما قامت حسيت بفرحة

جهاد: ياعيني على الحب

هيثم: أي حب هذا مو حب هذا شعور اخوي يعني انت ماخفت عليها

جهاد: الا ,هيثم انت من دون لا تتقرب منها عشان لا تتعلق فيها بس الحقيقة انت مو متعلق فيها انت عايش بوجودها

هيثم:.............

لحظة صمت

جهاد: انا باروح وانت روح شوفها واجلس جنبها لاتخليها لوحدها.


طلع لجناحهم وكان هدوء وشاف باب غرفتها مسكر دق الباب ماردت عليه احتار ايش فكر يجرب امكن الباب مفتوح بس سحب ايده بنص الطريق يسوي وقرر ينام ويرتاح بكرا شغله من الصبح.


************************************************** *


: محمد صار لك اسبوع ماشفتك وكل ما سألتك عن الارقام تقول لما اجي بقولك بكل شيء ولا تظهر ايش صاير

محمد: الله يهديك يا احمد بس اريدك ترتاح اشوي من شغل البحث والتحقيق

احمد: مالك شغل اليوم اشوفك واشوف كل المعلومات

محمد: ان شالله بس مو اليوم بكرا وبعد صلاة العشاء اشوفك بالبحر بمكانا اوكي

احمد: اوكي .

" محمد كان يتهرب من احمد كان خايف من المواجهة ويعرف حقيقة بنت عمه كان يحاول يطول المدة قبل لاينصدم بس مايقدر احمد مصر ومن عنده ولا من عند غيره بيعرف وقرر يخبره ويعرف ايش القصة"


************************************************** *******