منتديات صواديف عشاق - عرض مشاركة واحدة - غرورك صادف عزة النفس فيني للكاتبة ضمني بين الاهداب

03-01-2023

الجــــــــــــزء الرابع
صوت كناري حزين يشدو بصوته الحزين على غصن يطل على قصر ملك يشدو بعذب الالحان الاحان حزن وفراق ودمعة ووآهات وكئنه يقول
اليك اليك اشكو لك ياربي اليك
.................................................. .................................................. ......................................
الساعه 2الظهر من اليوم الثاني
ابو فيصل وهو على طاولة الغدى\ماصحت غنج
مهاوي \طقيت عليها الباب وماردة
فيصل\لا يكون فيها شي؟
ابو فيصل وهو يقوم\كملو غداكم انا بروح اشوفها
طلع ابو فيصل لها وطق الباب\غنج انا عمك يبه ردي علي
غنج\............
ابو فيصل\انا بفتح الباب اذا مارديتي
غنج\..................
دخل ابو فيصل ماحصل احد با الغرفه ناظر في البلكونه كمان ماحصل احد ...غريب...يمكن با الحمام
طق عليها الحمام\غنج غنج عمي
غنج بصوت شبه مسموع\نعم
ابو فيصل\انتي بخير
غنج وهي تفتح الباب خاف ابو فيصل من شكلها الي كان يوحي با الانهيار والياس من الحياه شكلها الي كان خالي
من اي علامه من علامات السعاده بدوائر السودا الي حول عيونها تحس بنفسها خاويه
تحس انها مثل العنكبوت تحاول ان تنسج لها بيت ولاكن ها البيت من اوهن البيوت لو تهب نسمة ريح قطعته
ليش اشبه نفسي با العنكبوت ليش ان احس اني ضعيفه مالي احد
ابو فيصل\انتي مو طيبه ابد
غنج الي كانت تتخبط و بصوت مبحوح وهي تناظر عمها \قلت لك مابي اعيش هنا با لسعوديه ..ليش ماتبي تفهم ليش تبي تخنقني وتعذبني ..
ابو فيصل\انا يابنيتي ؟!!!
غنج\ايه انت!! من متى اهتميت فيني يابابا من متى كنت انا من اولياتك كيف صرت الحين تبيني وتموت علي
اتركني روح
ابو فيصل\انا عمك ياغنج مو ابوك
غنج بهستريه\هههههههه تلعب علي اصلن حياتي معك يابابا مثل القطار السريع كل اللحظات عندك بسرعه ماعندي وقت انا مشغول كل شي عندك
اطلع من حياتي الف مره اقولك اكرهك تعودة اقعد بلحالي
ابو فيصل يهزها بيديه\غنج غنج... اصحي انا مو ابوك
غنج حست نفسها بتموت حست بدوخ حست ان انفاسها بتروح بتغيب ماعاد حست بشي بس وجيه تطل عليها من فوق حست انها وجيه
كريها ماتبيها ولاتبي تعيش بينها الكل تحسه ضدها ومو معاها ...حست بدوخها وطاحت
لتسبح في عالم اخر
فيصل دخل مع الباب لما شافها مغمى عليها وابو فيصل ماسكها
شالها فيصل وركض بها من الدرج
نزل تحت بسرعه عجيبه ومهاوي تلحقه وهي تصرخ عليه \وش فيها
فيصل\البنت تعبانه حيل بعدي عني
طلع فيصل وهويشيل غنج برى الفله وركض لسيارته
لاكن عزام كان راجع من الشركه لما تفاجئ بفيصل شايل له بنت واتضح له من شقار شعرها من بعيد انها هي
عزام بعصبيه\وش صاير لها بعد؟
فيصل \يالله يالله على سيارتك لمستشفى لا تروح علينا البنت
عزام \يالله ركبها
ركب فيصل ورى وحاول يفوق غنج بعطر لعزام كان في سيارته بس ماافلح
عزام وهو يلتفت له\ ها فاقت؟؟
فيصل\لا بس تهلوس
عزام\وش توقع فيها
فيصل\مدري ..وهو يضربها بيده خفيف عشان تفوق بس مافي نتيجه
لحضات وكانت سيارة عزام عند مبنى الطوارئ
عزام \خلاص وصلنا
نزل عزام بسرعه وفتح الباب الي ورى وكان فيصل بشيلها وبحكم ان فيصل كان شوي مليان كان يتعب وهو بيشيلها
عزام بعصبيه \بعد بشيلها
فيصل ترك غنج يشيلها عزام الي صارة بين ايديه مثل الدميه يحركها دخل فيها عزام المبنى
وركض بها في اسياب المستشفى لما دخلوها طوارى بعدين حولوها تنويم
عزام\الحين ماحصلت عبايه لها غير هاذي الي سترة جسمها وماغطت وجها...
فيصل ببرود\ترى البنت فري ماتتغطى...
عزام يطلع البكت من جيبه بحركته الدائمه يسحب السيجاره بفمه من البكت\مو فري هنا ..انت بسعوديه كيف ترضى انها تكشف ؟؟
- طلع لهم الدكتور
فيصل\دكتور كيفها ...
عزام كان قاعد على الكرسي ومو مبين شي على ملامحه ..ولا مبين اصلن انه مهتم
فيصل\ايش؟؟
الدكتور\الي سمعت ..انهيار عصبي حاد..نتيجة لصدمه عصبيها
عزام وهو يوقف\والحل يادكتور؟؟
الدكتور\هي بتجلس هنا لمدة يومين بعدها بنكتب لها ادويه تفيدها..
عزام يرمي السيجاره ويدوسها برجله\ياحركات البنات مايخلونها..!!!
فيصل ناظره بحقد بس انتبه لبوه جاي لعنده
ابو فيصل\ها وش فيها البنت
فيصل\انهيار عصبي
ابو فيصل وهو يجلس\لاحول ولا قوة الابالله
فيصل\انا بروح اجيب اغراضها واجيب احد يقعد معها هي ماراح تصحى الحين وانت يايبه ماله داعي قعدك هنا البنت بتصحى بكرا
ابو فيصل \بتطمن عليها وبروح معك
عزام\انا بدق على طلال هو قريب من هنا وبروح معه للمزرعه
ابو فيصل وهو يقوم\اجل بدق على فارس اخبره بعد ماتطمنت عليها
عزام التفت\فارس وش له؟؟ هو اخوها ؟؟عمها؟؟ خالها؟؟ مايقرب لها اقطع صلتهم ماله داعي دخلته وطلعته من عندنا
ابو فيصل\البنت مو جايه بكيفنا؟؟ وبعدين فارس عندها اغلى منا كلنا
عزام صر على اسنانه وسكت بعدها
****************************
بدر\ايش
العنود\يالله ها البنت وش كثر تعاني
بدر\في اي مستشفى
حنان\(&&&&)
بدر وهو يقوم انا بروح لها
حنان\خذنا معك لها
بدر\يالله البسو بسرعه
طلع بدر للمواقف السيارات وشاف فيصل راجع على سيارة عزام
بدر\ها بشر
فيصل\على حالها انا بخلي البنات يجبون لها اغراض وبخلي مهاوي ترافق معها
بدر\يعني متى نزورها
فيصل\اليوم ماظن تفوق خلهم يجون بكرا
بدر\اجل انا بروح وانت خبر البنات يجلسون
************************
في مستشفى ال**** الساعه 9 مساء فتحت عيونها الزمرديه الجميله
لتكشف عن بشرتن بيضاء يخالجها لون وردي من ابداع الرحمان بارهاق ظهرة منها\اه
ماكان فيه احد جنبها
غنج بصوت مبحوح\اه انا تعبانه
تخيل لها شخص قدامها ماقدرت تميز شكله
غنج\مين انت؟
الشخص مامن جواب
غنج رجعت وغمضت عيونها ورجعت تنام من جديد
*****************
صباح جديد...
مهاوي وهي تمشي في اسياب المستشفى مع فيصل لجناح غنج
مهاوي\\بتطول غنج منومه؟
فيصل وهو يوقف عند كشكك الهدايا والورد الي في المستشفى\|لا كلها يومين اذا تحسنت حالتها
مهاوي\بتشتري شي؟؟
فيصل \ايه خلينا نشتري لها باقه ورد ابيض
دخلو وخذا فيصل الباقه وطلع
قربو من جناح غنج...
فيصل وهو يشوف بدر وسعود عند الباب
مهاوي اول مارفعت عينها وشافت سعود ماعاد قدرت تضبط حركته
ا يارب انا ليش متوتره كذا ليش اول ماشوفه احس الاوكسجن خلص لييييييش
قطع عليها كلامها مع نفسها فيصل..امشي بطولين كذا
مهاوي وهي نتبه لنفسها..ها يالله
فيصل وهو يسلم على الشباب\هلا بشباب وش عندكم واقفين؟
بدر \ابد الحين بندخل
سعود وهو يلتفت لمهاوي \كيفك مهاوي؟
مهاوي ووجها صاير احمر\بخير
بدر\يالله بنظل كثير هنا؟
طقو الباب ودخلو,,,
بدر\السلام عليكم
غنج وهي مبتسمه\هلا
سعود\الحمد لله على السلامه
غنج\الله يسلمك
فيصل وهو يمد لها الباقه\قمري خوفتني عليك الحمدلله على سلامتك
غنج\ههههه الله يسلمك
مهاوي وهي تضمها\خوفتيني عليك
غنج\لا انا بخير
غنج وهي تناظر الشباب \ارتاحو
جلسو الشباب وبدر معلق عيونه فيها وفي فيصل وهو وده يقوم يصفق فيصل وراحته معه كلامه لها كله غزل متى يبطل حركاته
غنج \هههههههههههه يانصاب بغيت تنتحر
فيصل وهوياكل حلاوى باتشي\الحين اذا القمر حقي ماصدقني؟ مين يصدقني؟
غنج\والله العظيم انك اكبر بكاش خلاص كلت حلاوي كلها وجع اترك لي
فيصل\اول مره اشوف مريض وقاعد يبلع من الحلاوى..
غنج\فصيل خل حلاوي
فيصل\ههههههههههه اذا كان فيك خير تاخذيه مني
غنج\طيب طيب..بدر
بدر وهو ينتبه لها تناديه بسمه الله ياحلو اسمي منها\سمي
غنج\انت معي في المافي حقتنا انا وانت وعزام...ضدهم يالله قوم خذ حلاوي منه
بدر\هههههههههه ماطلبتي وهو يناظر فيصل
فيصل بخوف مصتنع\اضحك عليها هاذا انا بنزل حلاوها ..وينزلها في الكرستال الي قدامه
الجميع\هههههههههههه
بدر وهو يرفع حاجبه لغنج\ها وش رايك فيني
غنج\هههههه بطل يا بدوري
فيصل با ستهبال \ايه الحين بدوري وانا بطقاق ..تراك قمري لحالي مالي شغل
غنج\ههههههههههههههه00شوف بدر حاط حلاوي كمان بمخباته
بدر وهو يقوم يبي يضرب فيصل\الحين ادبك انت وها السرقه ومغازلتك الي عيني عينك
فيصل يوقف بسرعه ويبعد\ياخي ماقلنا شي ماقلنا شي هي راضيه انت وش دخللك
بدر يركض في الجناح ورى فيصل الي سبقه بيفتح الباب تحت ضحكات الجميع وفتح الباب وتفاجى بشخص الي قدامه
فيصل بمفاجئه\فااارس
بدر وهوماسك كتف فيصل \فارس
فارس وهو مستغرب\ايه فارس صاير شي لغنج
فيصل بضحكه\لا لا.. تفضل
دخل فارس بهدوئه الشديد وثقته بنفسه كان لابس ثوب ابيض وشماغ ابيض وسابقته ريحة عطره\السلام عليكم
غنج بفرح\فارس اهلللللين
فارس ابتسم ابتسامته الجذابه لوجه الملاك الي تعبان قدامه قرب منها وباسها على جبينها\ الحمدلله على السلامه
غنج وهي تمسك كفه \الله يسلمك وينك الكل جاء الا انت ماشفتك ماشفتك؟
فارس وهو يسحب كرسي لجنب غنج ويجلس عليه
فارس\هاذا انا جيت
ويحط يده على يدها الي كان فيها المغذي
غنج بزعل:توك تجي
فارس:المهم اني جيت
ابتسمت غنج ابتسامة طفله وقعدو يسولفون
بدر الي مات من شوف فارس الانسان هاذا بكل ثقه يبوسها ليش وينا عايشين
جلس بدر جنب سعود و ضربه بكوعها وقاله بشويش\اقوم اكفخه اليحين والله لوما تهديد ابوي ان اشيلهم الثنين جنازه
سعود كتم ضحكته الي لمحتها عيون متولها عليه كل ساعه وكل لحظه وكل ثانيه وهو لائسف ماهو داري عنها
غنج\هههههههههه
فارس\طيب السالفه ماتضحك ليش تضحكين
غنج\لانك هنا فانا مبسوطه
فارس ابتسم على عفويتها وعلى السعاده الي حاسه فيها
فارس وهو يقوم\اوكي استذن
غنج بحزن\وين؟
فارس\الاهل الحين بيجون يسلمون عليك وانا عندي كم شغله
غنج\اوكي تعال بالليل
فارس\انشاء الله كم غنج عندي
غنج بضحكه\وحده بس ومكرهتك في البنات ههههههه
فارس\هههههههه يالله مع السللامه
فيصل يناظر الباب بعد ماتسكر\ايوه كلى الجو علينا فارسوه
غنج\اقول انت وجهك كله الا فارس
بدر بعصبيه وقف وقال\يالله مع السلامه ..وطلع
فيصل يالله وانا بعد مع السلامه وطلع
سعود:وانا وش يقعدني
قام وقال تقومين بسلامه
غنج:شكرا
غنج تلتفت لمهاوي الي كانت تمسح العرق الي ملا وجها با الكلنيكس\كل ذا حر والسبيلت مثلجني
مهاو ي وهي تخفي ابتسامه\لا بس حرانه
غنج\متى يجون عماني
مهاوي\يمكن بعد شوي
وانفتح الباب ليطل ابو فيصل بوجه الحنون وابتسامته الدائمه ومعه ابو بدر وام عزام
ابو فيصل بعد ماسلم عليها\هاكيف بنتي اليوم
غنج\بخير..والله تعبتكم معي
ابو بدر\لا يابنت لاتقولين كذا
ام عزام\ها يابنتي وشلونك الحين
غنج\كويسه
سكتو وجلسو يتقهون من ايدين مهاوي
..

الساعه 10م
غنج والممرضه عندها تطقها ابره\مهاوي
مهاوي وهي تلتفت ماتبي تشوف الابره\خير
غنج\عزام ليش ماجاني يطمن علي؟
مهاوي وتعقد فمها\ياربي عليك بعض الاحيان تفكير!!!!!!!!!!
غنج وهي تفرك يدها\صادقه كلهم جو.. الا عزام
مهاوي بخبث\والعنود وحنان!!
غنج بتوتر\هذولي بينطون باي وقت
مهاوي\عزام اغسلي يدك منه ماراح يجي هاذا انسان بارد وما عنده اي ذرة احساس..وبعدين ترى هو الي جابك للمستشفى مع فصيل
غنج وهي ترفع حواجبها مستغربه\لا
مهاوي\صدق والله
غنج\سكتت وطفت الاباجوره وتظاهرة با النوم
مهاوي بخبث\نمتي؟
غنج\يعني وش رايك؟
مهاوي\فارس ماراح يجي؟
غنج\لا!
مهاوي\ليش؟
غنج\يقول عنده كم شغله بيجي اخر الليل يطل علي
مهاوي\ياويلي والله ان يذبحوني عماني اقوم انام داخل اجل
غنج\نامي بس
مهاوي\غنج
غنج\غنج في عينك ابي انام انا وحده مريضه ومحتاجه لراحه
مهاوي\طيب بسللك سوال وبنام
غنج بنفاذ صبر\قولي
مهاوي\بتروحين بريطانيا
غنج بصمت
مهاوي\ها
غنج\يمكن؟
مهاوي\اقعدي هنا لاتروحي
غنج\بنام ..وحطت الشرشف على راسها ونامت
***********************
في الفله كان عزام نازل من سيارته و يلعب بمفتاحه بيده لما مر من عند فيصل
عزام\سلام
فيصل\سلام
مشى عزام بتعدى فيصل لما قال فيصل\ليش مازرت غنج؟
عزام من دون اهتمام\ماني فاضي......
طلع للفله وترك فيصل مستغرب من بروده الي دايم
**********************
في الصباح كان الجميع مجتمعين في الحديقه على غير عادتهم
ابو بدر\البنت بتطلع اليوم وش رايك نفاتحها بزواجها احد من عيالنا
ابوفيصل\لالا انا قلت لك من الاول هي الي بتختار ماراح اجبرها على شي
ابو بدر\بس
ابو فيصل\خلني اقر الجريده براحتي
سكت ابو بدر لما تكلم بدر
بدر\عمي بس انا ابيها
الجميع يلتفت له مستغربين
ابو فيصل\وهي
بدر\مدري عنها
ابو فيصل\اذا هي تبيك خذها ولاتاخذ راي واذا لا فاماراح اغصبها
بدر سكت ومارد
فيصل\لا تزوعجونها بها الاشياء هي مالها غيرنا
بدر\انا بحاول معها تحبني وماني ضاغط عليها.. وقام
***************
ركب فيصل السياره لما شاف عزام في سيارته
فيصل اشر لعزام يفتح الشباك لما فتحه
فيصل\مادريت؟
عزام\وشو على ها الصبح؟
فيصل\بدر بيخطب غنج........
عزام عقد حواجبه وسكت سكر الشباك وشغل سيارته ومشى
فيصل وهو من غير مبلاه\من يوم يومك كذا
عزام في سيارته وهوماسك طريق المللك عبدالله عشان يروح لشركه
ناظر المرايه ولبس نظارته......... ليش.....تتوقعون العيون في الحب فضاحه
دخل الشركه وسلم على الموظف الي عند الباب بكل تواضع ولما يدخل الشركه تملى هيبته اي مكان يدخله فتح له السكرتير الباب
السكرتير\صبحك الله با الخير طويل العمر
عزام مارد عليه ودخل المكتب وسكر السكرتير الباب ورجع لمكتبه يجمع الاوراق الي تحتاج توقيع عشان يوديها له
دخل طلال على السكرتير\احمد صباح الخير
احمد\هلا طلال كيفك
طلال \بخير عند عزام احد والا ادخل
احمد\لاماعنده احد بس مانصحك تتدخل هو شكل جوه متكهرب
طلال\يالله صباح خير
طق الباب طلال ودخل على عزام شافه واقف عند الواجه لمكتبه الزجاج الي تطل على المملكه بكل فخامه
طلال\سلام ياصاحبي
لف عزام لجهة طلال\وعليكم السلام
طلال يناظره مستغرب النظاره الي على عيونه\وشفيك ماتنزل نظارتك والا جوك مكهرب
ارتبك عزام وطنشه وقعد على الكرسي
طلال\صاير شي؟؟
عزام\انت وشفيك اليوم احد شاكي لك الحال
طلال وهو يشرب بيالة الشاي حقت عزام\لا بس انا احس بك
عزام ببتسامه جانبيه\طيب لايكثر يا الحساس
طلال\هههههه من يوم يومي حساس
عزام\ههههههه
طق الب توب حقه وانفتح على طول الاميل حقه
طلع له على طول صورة شخص وببجنبه اربع بنات وبوضع مخل
طلال\ياشيخ وش هاذا الي على ايميلك
التفت عزام وانصدم بصورة الشخص الي قدامه
عزام سكر الايميل حقه والتفت لجواله الي يدق
عزام شاف الرقم
الو
الشخص\اكيد شفتها
عزام\شفتها وبجيب راسك
الشخص\بلغ عمك ابو بدر سلامي وخله ينتبه مره ثانيه في روسيا والله ان ولده اعقل منه هههههههههه
عزام بهدوء\بس احب ابلغك بشي
الشخص\تفضل
عزام\اعتبر انفاسك معدوده مافي احد يتجرئ على ال(*******) ويعيش سالم
طوططططططططططططط
عزام رمى الجوال حقه بقوه على الارض
طلال \وش صار
عزام\هاذا اكيد الزفت نايف ييتحداني يحسب اني ماعرف صوته اذا غيره يتذاكى علي
طلال\انتظر اوامرك
عزام\نادى لي جوهر
طلال بمفاجئه\جوهر
عزام\ايه
جلس عزام ودق على عمه
ابو بدر\هلا بصقرنا
عزام بعصبيه\عمي متى تبطل غباءك ابي افهم
ابو بدر\اي غباء
عزام\الحين انت ليش ماترضى با الحلال
ابو بدر\وش تقصد
عزام\اقصد عمتي ام بدر والله انها اطهر من ها الصيع الي انت ماخذهم
ابوبدر\هههههههههه الشباب شباب الروح
عزام\طيب انا الف مره اقول لك بطل الحرام الي نت تقوم وتنام فيه والا اقولك مع السلامه
سكر عزام السماعه بعصبيه ودخل عليه جوهر في ها الاثناء
جوهر\امرك
عزام يحرك خاتمه بصبعه\تذكر نايف الي يستورد لنا الاسلحه من برى
جوهر بسواده الكاحل كشف عن ابتسامه مخيفه\انا مانسى الوجيه ابد لا يكون هو الي مزعجك
عزام\يخسي مايطول يلعب مع اسياده بس ابي له فركت اذن بتوقيعي عشان بس يحرم
جوهر بنفس الابتسامه المخيفه\ابشر
**********
في المستشفى كانت العنود وحنان ومهاوي يجهزون اغراض غنج عشان تطلع
فارس من عند الباب من برى\غنج خلصتي؟
غنج وهي تلف طرحتها وتلبس نظارتها\ايو يالله
مهاوي\وين تروحين؟
غنج\بروح مع فارس وانتم روحو مع فصيل هو الي جابكم وهو الي يوديكم
مهاوي\وجابك انتي..
غنج\على سيارة عزام مو سيارته ههههههههه
فيصل وهو يدخل \يالله
غنج وهي تمسك يد فيصل الي طلعها برى الجناح وجاء فارس ومسك يدها
فارس\ها اجيب عربيه؟؟
غنج\لا مايحتاج..
فارس ببتسامه\طيب اشيلك؟
غنج\لاااااااااااااهههههههه
ركبت سيارة فارس البنتلي وسكر الباب وركب
في السياره الثانيه كانت مهاوي تكلم البنات
العنود\لا يا مهاوي غنج مره جريئه في علاقتها مع فارس
مهاوي\ياختي البنت بريطانيه عاااااادي ماعندهم افكاركم المتخلفه
العنود\مافي متخلف غير الغبيه بنت عمك الي الكل فاهم حبها مع فارس وتقول اخوها
مهاوي\اسكتي لطقك الحين
فيصل وهو يركب السياره\وجع صوتكم واصل برى السياره اسكتو
سكتو البنات ومشت السياره بهدوء ورى سيارة فارس
فجئه دق جوال فيصل وناظره شاف رقم فارس
فيصل\هلا فارس..لا..خلاص بكيفكم ..طيب بنسبقكم للفله مع السلامه
سكرفيصل جواله ورجعه بهدوء الي كان مطبق على الي كانو بسياره
مهاوي\وين بيروحون؟
فيصل\بيرحون لستار بوكس
مهاوي\وليش مارحنا معهم
فيصل\والله عاد هو مايبينا شكله موضوع خاص
العنود بصوتها الفج\شفتي شفتي
مهاوي\...
فيصل\شافت ايش
العنود\فارس وغنج شكلهم يحبون بعض
فيصل\هههههههههه والله ان يروح فيها بدر المسكين
العنود بصدمه\يووووووه وشفيه اخوي
فيصل\يقول يبيها اذا هي موافقه
العنود\يحلم انها تاخذه اجل
************
في الشارع الي مقابل ستار بكس فارس وهو يعطي غنج قهوتها..تفضلي
غنج\شكرا
ارتشفت غنج بشفايفها التوتيه قهوتها
فارس وهو يعدل جلسته في السياره
فارس\غنج
غنج\هلا
فارس \ها ايش قررتي
غنج\في ايش
فارس\با الوصيه
غنج\ولاشي
فارس وهويناظر غنج بعيونه الناعسه\طيب عشان عيال عمك
غنج ببرود\تقصد اخذ واحد منهم
فارس\ايه كلهم باين عليهم انهم رياجيل واخلاقهم اخلاق شهمه
غنج بتوتر\مدري فارس الموضوع هاذا مو براسي ابد انا ابي اتزوج عن حب موكذا خبط لزق وانت اكثر واحد تعرفني
ابي واحد يعشقني يذوب في تفاصيلي ابي اعيش معه وانا اعشقها
ابي صدره لي وطن ابي حنان انا ماذقته ابي الامان وهو معي
واعيش بغربه اذا بعد بس عيونه عني انت تفهمني يافارس صح
سكت فارس ولبس نظاره الي ارسمت على وجه مظاهر الجديه فوق ما هدوئه يفرضها\طيب انا ابي اتطمن عليك
غنج\هههههههههه
فارس ابتسم\طيب انتي الحين ليه تضحكين
غنج\انت مو طبيعي اليوم ليش تبيني اتزوج
سكت فارس والتفت للجه الثانيه كانه يبي يهرب من نظراتها لها
غنج مازلت مستمتعه بمذاق قهوتها وماعاد صارت تتكلم بس كانت البسمه على ثغرها مرتسمه
فارس بهدوء\غنج انتي بتسكنين في الرياض؟؟
غنج\يمكن؟؟
فارس\انا برجع لبريطانيا ماقدر اقعد هنا جو الرياض يخنقني؟؟؟
اختفت البسمه من وجه غنج الي كانت مرتسمه\وانا؟
فارس وهو يبتسم \انتي هنا عند اهللك والي يحبونك
غنج بخنقه\ماراح يحبوني زيك.؟؟
فارس قطب حواجبه وسكت بعدها\غنج حنا في الرياض؟
غنج ببرائه\واذا!!!!!!
فارس ابتسم وسكت مارد عليها البنت هاذي وش فيها
نرفزها سكوت فارس\فارس رد علي واذا؟؟
فارس يصرف\انا ماحب اكون هنا؟!!
غنج\لا انت ماراح تتركني انت اخوي وماراح اسمح لك تتركني اذا انت متضايق انا بعد متضايقه بروح معك
فارس بعصبيه\لا غنج ماراح تروحين معي فاهمه انتي تقعدين هنا عند عمانك ولاتجربين زعلي ياغنج تراني جدي في كلامي
غنج انصدمت وناظرته وماردة عليه
فارس مشى بسياره وكان الهدوء مخيم على السياره ...
عند بوابة الفلل
فارس\يالله غنج انزلي ماقدر ادخل سيارتي في مجمع يمكن البنات موجودين في الحديقه
غنج تناظر لشنطتها اليد بهدوء وفلتت منها شهقه من الدموع
فارس من دون يناظرها\يالله غنج انزلي ..انا دقيت على فيصل يجي عند البوابه يسندك لما تتدخلين
غنج بدموع\فارس انت اناني انت مو قد كلمتك يوم مات بابا وقلت اني اخوك وسندك كيف يسندني احد غيرك
لما لف فارس لها بيرد عليها لقاه تسكر باب السياره بقوى وتمشي وتاركته لاكن مشيتها واضح عليها التعب
سكت فارس وحس انه قسى عليها بس لازم يتركها هنا احسن لها وله هو يحيبها يموت على التراب الي تدوس رجولها
ومع كذا ماتبيني غير مثل اخوها
مشى فارس لما شاف فيصل يبتسم لغنج وهويكلمها ويمد يده لها
فيصل\هلا بطش والرش
غنج\........
فيصل\قمري فيك شي؟؟
غنج\لا مافي شي بس ابي ادخل ارتاح
دخلت غنج فلة عمها ابو فيصل وكان الجميع ينتظرونها
قام عمها ابو فيصل اول ماشافها وسلم عليها وتطمن عليها وطلع فوق
غنج\وين عمي سلمان
العنود\سافر هو اصلن مايقر في البيت
حنان\صدقتي هههههه
ام فيصل\اطلعي يمه فوق ارتاحي وغداك بيجيك
غنج وهي تقوم \لا انا بروح انام ماابي غدى
ام فيصل\براحتك يمه
طلعت غنج لغرفتها
العنود\شكل صاير بينهم شي؟
مهاوي\ياختي حرام عليك هي قالت لي مثل اخوي
العنود\ياخبر اليوم بفلوس بكرا ببلاش
......في غرفت غنج
دخلت ورمت عباتها وطرحتها وطاحت على السرير
تذكرة انها ماكلت حبوبها فتحت شنطتها وخذت لها حبتين وحطت راسها على المخده
فارس بيروح اكيد انه متضايق ليش يتركني في شي مضايقه اكيد وراحت في سابع نومه
************