منتديات صواديف عشاق - عرض مشاركة واحدة

05-23-2023

البارت 14
فتحت عيونها رهف الصباح
ام سلطان:يعني لازم عالدلع يالله قومي
رهف وهي تحظن مخدتها:وشووو
ام سلطان:بنروح للمزرعه يعني وشو
سكرت رهف عيونها بقهر:يمه والله يسلمك ماابي اروح تعبانه حدي
ام سلطان وقفت من السرير وراحت تشوف
الملابس اللي شروها البنات امس:والله عاد
ابوك معزم كانك ماتبين قولي له لاتعلين قلبي وارتاحي سلطان مسافر للشرقيه
رهف اللي حست بالراحه انها ماراح تشوف سلطان
التفت على امها:طب من بيجي
ام سلطان:احنا وعيال ابو سعود
رحت للدولاب وطلعت ملابس لها
وجهزت شنطه صغيره وش باقي !!!
كل شي خذيته خليني انزل اشوف وش صاير
كان البيت هادي وصوت سياره ابوي والسواق برى يشيلون اشياء للمزرعه

العنود كانت قاعده ترتب شنطه امها
ومتحمسه وتدندن بااغنيه امنتك الله
وهي تضحك على الافكار الي براسها
والله لا احقره اوريه النذل يعني يوم كان
اخوي مابياخذ اخته ماخذاني
بس احسن شي اني مادخلت عليه يوم الملكه
رن جوالها رقم غريب اووه هذي تهاني
ياكثر ماتغير رقم جوالها الله من الفساد
:هلا
....................................
سعودتنحنح:وغلا
العنود:نعم مين
سعود:ليه تهلين باحد ماتعرفينه
العنود اللي قعدت ساكته مسكت طرف الكنبه اللي عندها سعود لايمكن انسى نبرته
سعود:ليه ساكته عرفتيني
العنود:وش تبي مني
سعود اللي ابتسم هذا الكلام اللي كانت تقوله العنود اخر العلاقه بينهم:عرفتيني يعني
العنود اللي ماتبي تسكر بوجه السماعه
بس في نفس الوقت:سعود وش تبي
سعود:سعود حاف سعود كذا ياالعنود
وين حياتي وين حبيبي
العنود:كلمه حبيبي في مدى الهجر تذبل
سعود:يامعلم قلبي ترى الحب اجمل
العنود اجتمعت بعيونها الدموع صوت سعود ذكرها بايام ماكان يغنيها بصوته ويرسلها اياها وهي تسفهه ويلحقها:سعود مع السلامه
قطعت العنود السماعه وارتمت بالسرير تبكي من حزن بغصه مر والم
خالد اللي اقتحم صوته انين بكائها:العنود
ليه تسوين كذا العنود احس انا السبب
العنود انتي ماتدرين انتي وش مسويه في سعود
يوم انا طولت ماخطبت ملاك سعود تعذب الا مات عذاب وانتي جايه تزيدين اوجاعه
العنود انتي وش تبين !!!!
تبين تجرحينه
يكفي ياالعنود
ان ماابي اتدخل بشي بس انتي وقفتيني عند حدي
بعلاقتي انا وملاك وانا ماراح انساك

محمد ورهف بالسياره :شفتي هذا المكان
رهف :ايه
محمد:انا ذاك اليوم لاقي فيه عشر شباب بالليل
حطيت يدها رهف على فمها
:جنب مقاااااااااابر
محمد:اشك انهم انس
رهف:يمه جن
محمد:وش رايك انزلك
رهف:محمدووه امش خلنا بس نوصل للمزرعه بسلام
محمد تثاوب:اقول لاترجعين معي جيبي ساره معك
رهف اللي كشت على وجهه:من زينك والله ماارجع معك
محمد ضحك:ارجعي مع بندر
طالعته بسرعه
محمد :والله لو يحس سلطان بس انك سويتيها انه ليدفنك
ودق جواله
طالع جواله ورد:الشيون على ذكرهم
تو قاعده رهف تمدح فيك وتشرخ ووه
سلطان اللي كان بالشرقيه مع مجموعه من الشباب:اقوول رهف عندك
طالعت محمد بعصبيه ونغزته
محمد :اااااي سلطان رهف تطقني تقول عطني سلطان اكلمه
سلطان اللي ضحك عارف نوايا محمد:لاه والله عطني اياها
محمد اللي قاام يتنيذل في سلطان:لا لا اقوول ترى رهف حالفتن انها ماترجع معي
عاد مالها مكان الا بسيار بندر
سلطان اللي شرق بالببسي اللي يشربه:اقوول محمد قسمن بالله لو بس يشوف اظفرها اني لكسر عظمك تسمع
اعرفها رهف دومها تحب ترووح تركب حصاني
اخاف تمر بجنب الملعب ويشوفها هالداشر
محمد فطس ضحك:لا هي ماكانت تبي تروح عشانك مو فيه
قالت وشوو له اروح
رهف اللي انهبلت من كلام محمد :وقصم لتتصفق بس خلص انت

وصلنا وقعدنل وشربنا قهوه وكل رسميات العالم سويناها اللحين حان وقت مشاهده
الخيول واهم شي خيل سلطان
ساره جت مستحيه
طالعتها بنصف عين:وشووو
ساره:رهف اطلعي ابيك شوي
وقفت شافتنا العنود وقامت
رهف:والله ماورى طلوع هالغمازه الا الفساد
ضحكت ساره:الدوووووووب محمد باسني مع ييدي
طالعتها بضحكه:الدووووب اخر مره نجيبك المزرعه انتي
العنود اللي ضحكت ثم سكتت وكأنها سمعت صوت تعرفه
خالد:عنووده بغيت بكلمه راس
العنود اللي لفت علينا بخوف
مسكت ساره ورحنا
راحت العنود
وقعدت العنود
دخل شخص ثالث
جت بتمشي العنود بس سبقتها يد سعود ومسكتها:عنووودي
وقفت العنود وهي ترتجف وغمضت عيونها
راح خالد
مسكها وسحبها قريب عنده:ايه غمضي عيونك عشان اقدر اتكلم اوصف احكي بعيونك
ياابطالعهم ياابتكلم
العنود اللي تحس بااحراج الدنيا فيها
سعود:العنود وش باقي خلاص الحب وعطيتك وخطبتك وكل شي
كان يتكلم ويتكلم
والعنود ساكته تسمع لصوته وش قد يدغدغ مشاعرها همساته تدفيها
فتحت عيونها على سعود اللي منزله راسه يشرح بحزن

العنود:سعود خلاص لاتقول ولاتتعب نفسك ان بس احبـــــــــك الا اموت فيك
وانت ماتعرف اللي يحب يتغلى
العنود كانت قويه هي اللي تقدر توصف شعورها بكل بساطه
رفع عيونه سعود وهو مستحي لانه من النوع الخجول:تحبيني!!!
العنود اللي حطت عينها بعينه من باب التحدي:ايـــــــــه احبكـ
سعود قرب عندها :في شي بقلبي مو قادر امنعه
ضمها لحظنه وبعدت العنود:سعود لاتفضحنا يرحم امك
ضحك سعود:تعالي لاتنسين تشوفيني على الخيل
واللي قاعدين ورى الشجر اللي هنا لاتنسين تعطينهم كم درس يالعنود
العنود اللي لفت بخوف عرفت ليه سعود حظنها عشان يحرجهم لانه مايتجرأ يسوي كذا

رهف وساره وملاك اللي كانو ورى الشجر
وغمضو عيونهم يوم حضنها
مايدرون باللي قاعد وراهم:لاماشاء الله
صرخو البنات وحضنو بعض
خالد:ايه فسدو حرمتي لابارك الله فيكم من بنات !!!!
ملاك الي عدلت شعرها:اخبارك خالد انشاء الله بخير
رفع خشمه بشموخ وعطاها ظهره:مو بخير!!
وراح عند المسبح
ملاك لفت على رهف:مو قلت لك انه بيعصب
ساره:عليه حركات خويلد كل الموجودين هنا بيتزوجون حتى لو شافوك بالغلط
ملاك اللي لفت على ساره وتحط يدها على خصرها:عدال يعني على اساس
محمد مو غيور اكثر بعد من خالد
ساره تتنهد:فــــــــــــــــــ ـديته
ملاك:اسمحولي يالغالين انا عندي حبيب بروح له

ضحكو البنات وطلعو مع الممر الي يروح للخيول

نوره اللي كانت توها جايه من البوابه الثانيه وقابلتهم في الطريق وراحت معهم

رهف اللي مشت الين وصلت للخيول وهي تتذكر خيل سلطان تحب تشوفه يذكرها بسلطان تحب ذكراه اكثر من انها تشوفه
طالعت السلسال اللي عليها وهي تبتسم
وصلو للخيول كان محمد وحمدان وسعود وبندر فوق الخيول
طبعا الشباب بدو يستعرضون البنات موجودات اكيد لازم
نوره:ابي اركب ابي مالي دخل
ساره :وانا بعد والله وودي
اما رهف سكتت ماحاولت تعلق
محمد قرب عندنا بحصانه
محمد:هلا والله وناظر ساره ثم طالعني:رهف مو سلطان يقولك لا تجين للخيول تراه احتما يجي يشوفك يعني مااتحمل النتائج
طلعت لساني له:ايه ماخفت بعد بيحجر لي قبل الزواج وبعده
حسيت بمرفق ساره على بطني:الشرهه مو عليك الشرهه على اللي يغار عليك
محمد ويرفع حاجبه لساره:على اساس تسمعين الكلام ياسوير
نوره:ابي اركب الخيل مالي دخل مالي دخل
جت العنود بها اللحظه:ايه صدق محمد ركبنا
محمد:لا سوري انا مااركب الا حبيبتي
رهف كشرت هي ماتبي تركب خوف من سلطان ياربي صدق اهو بيجر اولا والله على اعصابي
ساره:ايه ابي اركب
نزل محمد :تعالو عند البوابه
فتح البوابه ودخلو البنات وجاء حمدان
اما بندر مسوويى علباله مبعد عن البنات
يخاف يشكون فيه حمدان ومحمد مع انه ابعد عن العفه
انه مايطالع بنات الناس
محمد:رهف تبين تركبين
رهف اللي كانت متنحه ماراح اركب اخرب عليهم جووهم ماله داعي هو صحيح محمد ماراح يركب معاها بس يعني يسولف يستهبل:لا محمد توني ماكله كثير واخاف اتعب انا بقعد اتابعكم
العنود :حمدان تعال شيلني
نوره حطت يدها على خصرها:وانا من بيشيلني
حمدان :انا
صرخت ساره:وجـــــــــــــــع اخوووي استح
رهف اللي ضحكت وبغت تنيذل على نوره:نوررره هناك فيه مدرج صغير
ترقين عليه هعهعهع
حمدان:طيب يارهفوه
ركبو البنات كلهم ورهف خذت لها
مقعد وقعدت مع جدتها وام سعود في دكه
(وهي مكان مرتفع عن الارض)
وقعدت تتبابعهم وهم يمشون ويتقطع قلبها بس كانت خايفه انه يحرجها سلطان قدامهم وبعدين تقتل نفسها
رهف:جدتي ام سعود اصب لكم قهوه

الجده:لا والله
الا ماشفنا الشموخ حصان سلطان !!!
ابتسمت وشفت حصان بندر تقرب عندنا:هلا والله بخالتي
الجده:هلا وغلا بولد ابو سعود وام سعود
انا عدلت جلالي ونقابي يوم شفته جاي عندنا بغيت اقوم بس خفت ام سعود تحس بحزازت مالها داعي
نزل وقرب عندنا:وين عنك من زمان ماتسألين عن ولدك
ثم التفت:المعذره ماشفناك رهف كيفك انشاء الله بخير

ايا جعل لسانه ياربي ينقص على اساس ماشافني لا ورهف يعني عارفني
رهف:بخير الحمدلله
بندر:دووم انشاء الله الا على الطاري مبرووك
التفت :الله يبارك فيك
سمعت صوت سياره تدخل مع البوابه بس ماالتفت لأن الجلال يالله مثبت

قامت رهف تلعب بجوالها تصرف السالفه
ماحست الا بظل وراها:السلام عليكم
الجده وقفت :ياحيا الله هالزوول ياحيا الله هالريحه فديتك وليدي
ومشى عندها سلطان وحضنها
انا بغى يغمى علي هذا اللي كان بس ناقصني
نزلت عيوني بسرعه وسمعته يسلم على بندر:هلا ابو عبدالله
بندر :هلا والله بالمعرس بمبروك عليك رهف
الكلمه قويه سلطان عصب من كلمته كانت قويه بس مو سلطان اللي يقهره احد:ومبروووك عليها انا الله يهنينا قل امين
بندر بتنهيده:امين
سلطان لف علي :هلا والله بالعروس
قرب عندي حسيت اني قربت النهايه بس ماحسيت الا ببوسه تنطبع على جبهتي
سلطان قعد جنبي :هاه بشرينا عنك ياجدتي
مسك يد رهف اللي تلعب فيها بالجوال وقام يحرك الاسوراه اللي لابستها
الجده كانت توصف اوجاعها وقصص
وسلطان كان معصصب وقاعد على اعصابه:يالله اجل انا استأذنكم رهف ودها تشوف الشموخ
الجده:ايه والله نبي نشوفها احنا طلعها
سحبني معه ووقفني بدون شور حتى
كان يمشي بسرعه وساحبني بيدي ووماسكني بقوه واضح
انه ناوي نيه عرفت ان بوسته هدوء الاعصار
دخلنا مكان الخيول والكل كان يصفر لنا من بعيد رماني على العش اللي ياكلون منه طحت عل ركبتي وقرب وجهه بوجهه وشال النقاب عن وجهي وحوطني بيدينه:انتي ماتستحين انتي تبين وشوو بالضبط اقولك يوم ماكنتي زوجه رسميه لا تطلعين على بندر اللحين وانتي زوجتي رسمي بكل شي تجين تطلعين له
وقزز وجهه مني وانا ابكي
رهف رفعت عيونها :والله هو اللي لحقني والله ماركبت الخيل عشانك !!
هو جاء عندي والله مالي دخل
كنت ابكي بحسره شعور الظلم شين
احس اني انظلمت قمت اشاهق بالبكي
ماحسيت الا بحظن سلطان حضنني وقام يمسح على شعري:اسف يارهف قمت اشاهق بحظنه كني يتيمه تبي حضن يمسح دمعتها
سلطان:خلاص رهف بلا دلع ورفع راسي وقام يضحك:صادق حموود دلوووعه يالله تعالي اركبي الشموخ مو زوجه سلطان اللي تتمنى شي وماتلقاه
ابتسمت حسيت اني ودي افضح شعوري لسلطان
قطع نظراتنا سلطان :يالله نركب
شهقت وحطيت يدي على فمي:بتركب معي
ضحك سلطان :اييييييييييييييه
اشرت له :لا الالاا لايمكن انت اكيد مجنون
سلطان رفع حواجبه شالني وقمت اصرخ وركبني فوق الخيل
ثم طالعني وانا اعد الجلال علي
سلطان رفع حاجبه:لابسه سلسالي
غطيته بالجلال :بسرعه احس اني بطيح
ركب قدامي الحمد لله ماركب وراي والا والله لا اقتل نفسي
سلطان اشر ببلوزته:امسكيها
مسكته وانا احس يدي لامست سلطان شعور يرجف
طلع وقام يسرع وقمت اصرخ وحضنته من ظهره
سلطان اللي كان متعني يسرع الحصان عشان تحظنه رهف عليكم تفكير ياالشباب هعهعه
محمد وحمدان نزلو البنات وحاولو يلحقونا بس لامجال مافيه امل
سلطان مسرع

ثم بدى يبطي ويمشي على المزرعه وهو

يضحك على الشباب نزلت
ورحنا احنا والبنات للحريم وماخلوني من تعليقاتهم
نوره:ايييه اييييييييييه والله اني اقول وراها ماركبت تنتظر حبيب القلب
ضحكت على تعليقاتهم:ياسخفكم هعهععه
انتهى يوم المزرعه بسلام
ورحنا
جيت البنيت وانا خلاص في قمه السعاده حنان سلطان معي اثر في قلبي بشكل مو طبيعي توني ادري اني ضعيفه بالحب وانا علبالي من النوع القويه بالحب يوم كنت مع يعقوب!!!

بعـــــــــــــــــــــــ ـد اسبــــــــــــــــــــوع ين من الروحات والجيات للأسواق بيني وبينكم صرت اروح معهم للسوق

العنود:رهف بسرعه قومي الكوافير وصلت القصر
كنت اتقلب:فيني النوم مانمت اليل كله كنت من جد خايفه اليوم الي كل فتاه تخاف فيه اليوم اللي بتفقد فيه بيتها
وبتروح لعام ثاني بس انا زياده على كذا بروح لأنسان اللي اعرفه انه مايطيقني بس
العنود:رهفووه والله لاانادي
سلامه
قمت :وينها صدق
العنود:جت اليوم الصباح وهي عند امك اللحين بينهم سوالف خليك انتي هنا
رهف:توني صغيره هههههههههه اليوم عرسي هع
دخلت جواهر :صباح الخير يااحلى عروس
رهف:صباح النور على احلى ام زياد بالدنيا
جواهر حمر وجها:والله استحي
رهف:يازين ياناس اللي يستحون والله
العنود:غريبه ماشلتي هم
طالعتها بعين مجروووحه:شفتي هالعلبه خبيت فيها كل مشاعري عشان اقدر اعيش مع سلطان
طالعتني العنود بعصبيه:حرام عليك انتي ليه مااخذه الامور ان سلطان حجر حرام عليك لو تشوفينه
وهو فرحان ومتضايق في نفس الوقت عارف انك ماتبينه والله شكله يحزن الظالم
رفعت عيوني على فوق: متى شفتيه
العنود بعصبيه:جواهر تكفين امسكيني هالبنت بتجيب لي مرض نفسي والله
جواهر:ماعليك منها رهف اصلا تمووت بسلطان بس تتغلى
صرخت :وععععععععععععععععععععععع عععععععععععععععععععععععع عععع
سدت اذنها جواهر:يؤيؤ
العنود:الا تحبينه وانا عارفه اذا جاء بنشوفك وجهك احمر فمك يتقلب
حتى يدك ترقص
سلامه:احلى اخت بالدنيا احلى عروووس

بالكون
ركظت وحضنتها:اشتقـــــــــــــ ــــــــــــــــــــــــ ــــــــــــــــــــت لكـ
سلامه وهي تضحك:وسويتيها من وراي واعرستي هاه
دمعت عيوني:ياحبي لك والله

في قصر نيـــــــــاره وعلى الكوشه الملائكيه اللي تذكرك بحمامات السلام
على الستايل الابيض والذهبي
عرس الفارس سلطــــــــــــــــــــــ ــــــــــــــان والملاك رهـــــــــــــــــــــــ ـــــــــــــــــــــــــ ف

رهف:حلو شكلي
ام فايز تبخر بنتها:سم الله عليك يابنتي من العين
طالعت شكلي بالمرايه كان شكل ثاني بصراحه مدري مماابي امدح نفسي
العنود دخلت:ماشاء الله لاقوه الا بالله قسم بالله حوريه
ساره:واوااووووو من جد روعه
لفيت شفت امي تبكي وحضنتها:بس خلاص يمه
العنود: يالله روحي اقعدي بالغرفه الثانيه المعرس بيدخل
رهف وقلبها بدا يدق وترد بغباء:ليه
العنود:عشان الزفه
مشيت وامي ماسكتني دخلت ووقفت دخل جدي اول شي وحب راسي ودخل ابوي وحضنني بغيت ابكي
بس وش ينفع البكا
جت اللحظه الحاسمه ودخل سلطان ومعه عمي خالد ومحمد
قرب عندي ومد يده
انا نشف ريقي وخشبت يدي مديت يدي بدون شعورضاعت في يده ورفعها وباسها ثم رفع عيونه لي:مبرووووك
خالد:مبرووووووووووووووووو ووووووووك رهف سلطان
محمد:ازغرط والا ارقص
قعدنا
ودخل فايز:السلام عليكم تاخرت عليكم
سلطان:ايه والله يارجال
فايز:مبروووووك رهف
رهف:الله يبارك فيك
دخلت سلامى لأنها اختهم من الرضاعه:ياحظي اخواني بيتزوجون بعض هع هع
ابتسمت لها
سلامى قربت عندي ومسكت ذقني :بالله ياسلطان شفت بها الجمال
ابتسم سلطان:لا والله هي خلت لنا فرصه نشوووف
رفع وجهي
بااصبعه شفت نظراته كان كلها حنان وحب لو واحد غير سلطان كان قلت هذا
يعشقني الا يموووت فيني
حسيت بشعور غريب كان سلطان قريب مني مره
ام فايز:يالله نلبس الشبكه
سلطان طالعني:اشوفها لابسه غيرها
ابتسمت

خالد:بلاتناحه ياشيخ حلاتها افصخ لها فرصتــــك ههعهعهعهعه
وضحكو الكل

كنت احاول ارفع راسي بس ماقدرت ارفع راسي عن صدره العريض وكان ثوبه قباته واقفه ومسكرها وبشت
اسود مطلعه رزه نفسي ارفع عيوني
كنت اطالع من الكل نظرات الاعجاب بشكلي
ماحسيت الا بيدينه البارده تحوطني وانا حنيت راسي وقربت من صدره حتى اني ظنيت انه يقدر يسمع دقات قلبي
فسخ الطقم اللي كان علي
محمد:يؤ يؤ شوفو وجهه رهف للي يبون يضحكون عليها لمده سنوات
طلعت العنود الجوال
شفت سلطان التفت لها وهو يضحك
رفعت عيوني بسرعه اقدر اشوفه
تمنيت اني مارفعتها اوجعني قلبي كان جمييييل جذااااب روووعه خصوصا مع الكعب اللي مسويه لا والقفل
وهو خط تحت الفم ويسوي لحيه روعه عليه
سلطان لف خزني وانا اتأمله ثم سبل بعيونه وطالع العنود:ترفعين تصورين بجوالك اذبحك هالصور بس ملكي انا ورهف
دخلت ساره وهي تبكي :سلطان
ضحك ووقف لها وطاحت بحظنه
قعدت اتأملهم بهدوء لفيت على ابوي شفت عيونه تدمع
وقفت ومديت يدي لمحمد يوصلني لاأبوي في نفس الغرفه بس كنت مااني عارفه امشي عشان الفستان وماراح اطلب سلطان
مسكني محمد وجيت وقعدت عند رجلين ابوي اللي قام يبكي من قلبه مدري وش سبب بكاءه وشفت عمي يضحك ويهديه
مسكت يد ابوي:يبه وش فيك لاتدمع عينك انت قوتي بها الدنيا
كان منظر ابوي مؤثر
كل اللي بالغرفه سكتو
العنود:احنا عارفين وشكثررهف غاليه عند ك يااخوي بس خلاص تراك تقطع قلبها
مسك راسي مسح عليه:يبه سلطان ترا هذي نور عيني رهف حافظ عليها
سلطان اللي كان يطالع الموقف:في عيوني ياعمي
وقفني ابوي
العمه لطيفه:يالله ياالله اخوي ابو فايز واخوي ابو سلطان يمشون قدام المعاريس ويوصلون لمكان الكوشه
ثم عاد يرقصون بالسيوف
انا استغربت ابوي بيرقص
سلطان طالعني:وش هالفستان
سكت والكل كان مو منتبه لنا طالعته:فستان عرس يعني وش
سلطان استحقار:زين علبالي قميص نوم ليه يدينك عاريه كيف تطلعين عند محمد وفايز كذا
طالعته:انا كذا من زمان
سلطان ورفع وجهي له لأني كنت اناظر صدره:بس قبل ماكنتي حرم سلطان
الله ياخذه يارب يبي ينكد علي ليله زواجي بس لا ياسلطان انا نزفت منك الين تعبت
مو انا اللي بتبكي
انفتح الباب الكبير الحمدالله مافي القاعه درج كان طريق طويل وبعدين درج صغير اللي يودي للكوشه
شفت ابوي يتقدم ومعه عمي ابو سلطان ومعاهم سيوف انا كنت متمسكه بيد العنود اما سلطان مبعد عني مره
العنود:سليطين قرب من زوجتك قبل ماتزوجها افك بينكم لاتنشب فيها واللحين مبعد هههههههههههههههه
ضحك سلطان وقرب عندي مره ولف على العنود:كذا يعني
العنود:سلطووووون لاتسوي فيها ماتعرف الرومانسيه يالله
وصلو عمي وابوي ووصلو لمكان الكوشه وقامو يرقصون بالسيوف رقصهم كان روعه مره يجنن على اغنيه
ماعرفت وشي بس كانت كلها طق وشغلات شياب ماعرفتها
ثم قعدو وتسكر الباب اللي قدامنا
وتطفت انوار القاعه كلها ماحسيت الا وسط هالظلام بيد سلطان تمسك بيدي قربت عنده انفتح الباب
طلعنا بهدوء وسط اغنيه كلماتها اهداء من عمتو لطيفه وكانت بصوت عبدالمجيد عبدالله وعلى نغمه غنو لحبيبي
مشيت وتذكرت كلام العنود وهي تقول ابرزي نفسك خلي رغد تموت غيره
مشينا واصطنعت ابتسامه وكنت ابتسم للكاميرا وتذكرت كلام العنود وهي تقول اذا رقيتو الدرج طالعي سلطان
وقفنا في الدرج رفعت عيوني لسلطان وغمضتها اعرفها العنود راعيه حركات
قرب من عندي وباس جبهتي ثم التفت يدينه على وحضنني بتسألوني عن احساسي صدري كان بصدره احساس
انه حس بدقات قلبي
كان في قمه الرومانسيه تمنيت اني اقدر احضنه مثل ماهو حاضني تمنيت اني احضنه واقول انت لي وبس
قربت مننا ميس اخت سلطان الصغيره ومعاها جناحين حمامه السلام
مسك يدي سلطان ودخل الجناح الاول طبعا انا مارفعت عيني عن صدره ثم لفني بطريقه سحريه وخل ظهري بصدره
مسك يدي الثانيه ولبسني وشالني وحطني على الكوشه تبون تعرفون وش شعوري
تبون تعرفون بصراحه شعور ممثله وممثل بارعين يخدعون العالم ان العشق بينهم وانهم اكثر ثنين عاشقين
ساره:شوفي ياالعنوود وشلوون سلطااان مستااانس
العنوود:اليووم اللي يتمنااه طوول حيااته
ساره: ياحلو الحب لما يكتمل بزواج
العنود:اللي ماتوقعته صدق ان سلطان يحب لا ومن يحب رهف اخر شخص توقعته يحبها
ساره: كل تصرفااته كانت حب
طالعي طالعي كيف يناظرها على جنب مغرووور مايبي يبين لها انه يبي يشوفها
احسهم بينصكوون عين طالعي النااس كيف يطالعونهم

رهف اللي قعدت على كوشتها
سمعت تنهيده طويله من كل الحضور

شفت العنود وقفت وعلت صوتها:مـــــــــــاشـــــ ـــــــــــاء الله لاقوه الا بالله
سلطان ضحك
رفعت بسرعه اشوف وجهه
ثم ناظرني بسرعه وهو يرفع حواجبه:قطعتيني بعيونك لهدرجه انا مزيوون
نزلت عيوني وهو لايزال عيونه علي ثم سمعت تنهيدته
المهم بدت الاغاني
وقامت ساره والعنود وامي وام سلطان وعمتي لطيفه
وبعض الناس كانو يرقصون تحت الكوشه بس الجو كان ظلام وفيه انوار ملونه على الحضور
قربت العنود وهي ترقص مني:اضحكي ياقمر
كشرت وهمست:العنود باينين البنات اللي يرقصون تحت
العنود ضحكت:سلطان اسمع حرمتك وش تقوول
لف سلطان :وش تقول فديت عيونها كثر ماعذبت عيوني
ضحكت العنود:انت هيه قطعت البنت لاتناظرها كذا
سلطان رفع ذقني
ومسكت يده بحركه سريعه وبعدتها عني
ضحك وسكت ولف يسولف مع ساره

الكل جاء يسلم علينا واحنا بالكوشه
ميعاد تغطت وسلمت علي وهمست بااذني :تدرين ان زوجك يجنن وتقولين لي ماتحبينه كان شكلكم بالزفه روووعه
دفيتها بيدي وانا اضحك:يالله واللي يسلمك
وبينما انا اسولف مع ميعاد لفيت بعيوني
ليتني مالفيت
رغد فاتشه وجها وتسولف مع سلطان وتبارك له كنت اشوف العنود واقفه عندهم عادي
طالعت العنود بس ماانتبهت وش ابي
رغد:والله وتزوجت ياسلطان والله ماينفع
سلطان:هههههههههههه يجيلك يوم وتتزوجين
رغد اللي طالعته بنظرات صياح :اانت عارف من ابــي وغيره ماابيه
سكت سلطان يطالع عمتي العنود
وانا حسيت اني انجرحت خلاص
لفت علي رغد وانا اطالعهم بحقرررررررررررران:اوه نسيت ابارك لك رهف مبرووك
ومدت يدها
لفيت وسفهتها
سلطان نغزني
بس طنشت
سلطان:رهف سلمي رغد تسلم عليك
طالعتها :ا وه سوووري نسيتك
ضحكت ساره والعنوود
رغد حست نفسها مهانه بشكل
ثم التهيت بالناس الي يسلمون علي
رغد:اقوول رهف يعقوب يسلم عليك ويقووول مبروووك
انا سكتت ولفيت وبهمس:الله يسلمه
حسيت بيدينه تمسك يديني وضغط عليها بقووووه
تألمت
وراحت رغد

انتهـــــــــــــــــــــ ـــــــــــــــــــى
يوم زواجي
وطلعت بسياره سلطان البانورما ومحوطينا سياره محمد وحمدان من الجهه الثانيه وفارس
كنت بالسياره طوال الوقت ابكي لأن احنا بكره على طول راح نسافر
واذا وصلنا راح نروح لبيت خاله سلطان اللي عايشه بدبي
عازمتنا

سلطان :بس خلاص كل هذا حزن على فراق اهلك والا الحبيب ذكرك بنفسه
شهقت بحزن ثم سكتت
دخلنا ووصلنا لجناحنا
زين اني فسخت فستاني حق العرس ولبست فستان هادي
تقدم سلطان علي ثم رمى البشت والشماغ
قعدت بعبايتي على الكرسي
سلطان:طيب روحي غيري ترا الفلم اللي سويته لك ببيتكم ماراح يتكرر ارتاحي
رفعت عيوني له
ثم طالعني ورص على عيونه
نزلت عيوني بسرعه كنت احس اني بموووت
دخل الحمام وتسبح وطلع
كنت قاعده اطالع شكلي بالمرايه وساكته
واشوفه قاعد ينشف شعره شعره كثير مره بس مو طويل
كان منشفه وصاير واقف فوق بشكل يجنن طالعني مع المرايه:لهدرجه انا حلو
طالعته :ايه
سكت ثم ابتسم:اجل كذا الحلوين بسرعه ينحبون
ابتسمت ولفيت
حسيت انه قاعد يجرح فيني بدون سبب ليه انا وش سويت
قرب عندي ومسك يدي ووقفني على طولي:انا اذا تكلمت عمرك ماتلفين عني
نزلت دمووعي وانا ابتسم له
فك يدي وبعد عني:بليز مابي اشوفك اطلعي انا ماادري وشلون وافقت جدي وتزوجتك
كنت ابتسم وبعيني تنزل دمووووووووووووووووووووووو ع
حسيت ان كل كلمه قالوها لي عن سلطان كذب بكذب
طلعت
وتروشت ولبست بجامه عاديه عندي وكنت بردانه جد النذل حاطني بالصاله وهو حضرته نايم
على السرير
سلطان ماكان نايم كان يفكر برهف وقسوته عليها حس انه جرحها س كلام رغد اليوم جرحه قهره وش قصدها يعقوب يسلم عليك

لفيت بردانه حتى عبايتي ماكفتني دخلت الغرفه واخذت شماغه وبشته
لفيت بشته على جسمي وشماغه على راسي لأني توني متروشه
كنت اشم فيها ريحه سلطان نفس ريحه عطره القويه اللي توجع القلب
من جد
اخ منك، ياسلطان انا ماادري ليه بتاخذ رغد وش سوت لك من عمل طيب ليه تعلقني فيك وانت تحبها
نمت بحزني بدمعتي على خدي

قمت وانا احس بثقل براسي فتحت عيوني كانت يد سلطان يقوس حرارتي
سلطان اللي كان يحاول يقسى على رهف بس ماقدر شكلها كانت تعبانه
رهف اللي طالعت سلطان واه ياناس ياعلى هالوجيهه الناس تتصبح يااما بلا اصطنعت التكشير:سلطان
سلطان:وشفيك ليه حرارتك مرتفعه كان مكشر ومعصب
في احد يتروش ماينشف شعره كان تلحفتي
اووف شف مسوووي فيها طاردني من الغرفه ويقول تلحفي
رفعت عيوني:انا بخير خايف علي
دق جواله ونطق بااسم الجوال توقعت اني اسمعه رغد
طلع من عندي بسرعه
حاولت اسد اذني ماابي اسمع اخاف اذبحه امووته
ماقدرت مشيت ودخلت عنده وبكل قوتي سحبت الجوال
سمعت--------->
محمد:اقوول لاتعذب اختي ترى ان سمعت انها زعلت بذبحك
مسك الجوال ورماني من على الكنبه:اقووول محمد اكلمك بعدين
سكر الجوال ومشى عندي وانا قاعده اتألم
حوط وجهي بيدينه وضغط عليه:انتي بأي حق تاخذين الجوال من اذني علمينيييييييي
وخرت يده بس كان ماسك وجهي بقوووه
رهف:فكنـــــــــــــــــي
وخر يدينه ورماني
سلطان:انتي زوجتي بالورق مالك اي حق علي
طالعته بخبث:وانت بعد
كشر بوجهه:لاءعااااااد جهزي نفسكـ بسرعه بنروح بعد شوي

رحت وجهزت اغراضي بسرعه ولبست عبايتي وقعدت العب بالجوال
فجاء حسيت بشخص قعد جنبي
تجاهلته
سلطان:اقول تجهزتي
من دون مااطالعه:ايه
سلطان :يالله مشينا
وقف طالعته بسرعه وااااااااااااااااو
كان لابس بلوزه مقلمه الوان سماوي واورنج وكحلي والبنطلون بيج روعه
وقفت وطنشت شنطتي
استوقفني صوته:رهف وين شناطك
قلت بدلع:هناك
سلطان:من انشاء الله راح يشيلها
طالعته:انا اشيل كل هذا
مسك يدي بقوه:ان طالعتيني ها النظرات وهالدلع الماصل لاأكون ذابحك هنا انا مو محمد تدلعين عليه
انتي ياالله وحده بس تشتغل لي في سفري بدل مااستأجر غرب ويصير خلوه من دون محرم
حطي ببالك ان هذا مو شهر عسل هذا انا ادرس واذا رجعت روحي بيت ابوك وانا اتزوج رغد
ومن اليوم اي كلمه تجرحين فيها رغد اكون ذبحتك لااني خطبتها

بتسألوني عن شعوري
والله
ا بأمشي .. ولاتنشد .. بعد فرقاي .. وينـــه راح
أبي منك ... طلب واحد .. أمانة ..... بس ... تذكرني

أبي .. تعرف غلط نفسك .. وتبكي منكسر .. بجراح
وتعرف .. يوم أنا أسهر .. وش اللي كان .. مسهرني

وتعرف ... كم سكين طعني .. يوم ....حظي طـاح
بسبة ..... حبي لقلبك .. وقلبك ..... كان ينكرنـي

تعب قلبي ... من اسبابك .. وحبك كاتمه .. ماباح
تعبت من الصبر ... حتى .. أحس الشوق .. فجرني

وصار .. الواجب أتكلم .. ولو من شان .. بس أرتاح
ولاني حاسب حسابك .. بعدها .. رووح .. واهجرني

خلاص ... أبنهي القصة معك .. بأرتاح وانت أرتاح
وإذا .. حصلت أحد غيري .. تعال أرجوك .. بشرني

عزاي إني ... إذا .. باتت عيوني .... هاني ومرتاح
تظل عيون سهرانه .. تفكر .. كيف ....... تقهرنـي

مدام السالفة صارت ...... نهاية .. مؤلمة .. وجراح
أبي منك طلب واحد ... أمانـــــة .... لاتذكرني

--------------------------------------------------