البــــــــــــــــــــــ ـــــــــــــــــــــــــ ـ ـــــــــــــــــــــــار ت 15

جروحي تسطر لكم عبرتي المي مع هالانسان الحقير
وصلنا مطار الملك خالد وكان الهدوء سيد الموقف بالسياره دخلت المطار وانا في قمه الحزن وقمه
الدمووع الي مغرقه عيوني المشاعر المحطمه خلاص انا كنت احاول اجذبك ياسلطان لي لكن انسى
انا تزوجتك عشان جدي مثل ماانت تزوجتني
انا راح ادفن مشاعري المحطمه
مثل ماقلت
وقفت وقدامي سلطان اللي شال شناطي الكبيره هو والعامل
لفيت بعيوني لشخص عيونه مألوفه بالنسبه لي كان واقف بعيد عني شوي بس عرفته
كان يطالعني بحزن عميق
طالعته:يـ عــ قـ و ب
تمنيت اني اركض وارتمي بحظنه احسها خيانه للحجر اللي واقف جنبي بس مدري ليه جاني
شعور اني اهرب معه لفيت عيوني بسرعه ماابيه ينتبه اني انتبهت له
ببالي وش مقومك يايعقوب مانمت الليل اخ ياقلبي
صحيح ماقدرت احبك مثل ماانت تحبني لكن على الاقل كنت ممكن اعيش مع شخص يعشقني وانا عادي
مو مثل هالصخر اللي جنبي
نزل عيونه يعقوب يمسح دمعته حبه الوحيد اللي كان
كان دايم يشوفها غير كل بنت
غير عن كل العذاري
بالجمال بالاخلاق كان يحس ان روحه بتطلع منه مايقدر يشوف وداع حبيبته قدامـ عينه
اشر لي بمع السلامه وتلثم بشماغه عشان ماينتبه له سلطان
عندها لازم على الاقل محاوله اخيره
يعقوب:رهف تكفين امشي معي روحي اهرب منه الحقيني
وكان يمشي وهو يقولي هالكلام وانا مالتفت له
لفت عيوني لأنه اختفى عن عيوني
وماحسيت الا بيدين سلطان تسحبني:انا فاضي لك ادورك
رهف التفت له بخوف:هاه
ضغط على يدي باالم ومن ضغطته نزلت سيل من الدموع مدري قهر مدري غلط
ركبت الطياره وانا اتعذب اتجرع سم ومرار
وهالكتله اللي جنبي خالي من اي مشاعر نايم ولاهمه الدنيا
سلطان اللي كان يصطنع النوم
ومايبي يكون بينه وبين رهف اي كلام
مع انه جرحها كثير امس واليوم
بس سكت يسمع شهقاتها ويتقطع قلبه اصطنع انه يطيح راسه على كتفها يبي يحس فيها
بس بدون ماتنفضح مشاعره كان احساس غامر باالحنان
رهف اللي حست براس سلطان بس ماعلقت ولاشي بس كان عندها الم بالمشاعر بهااللحظه
وصلنا لدبي واول مانزلنا دخلنا شقه سلطان كانت حلووه فخمه وكان فيها اربع غرف وصاله كبيره بالوسط فيها على اليسار
مطبخ
وباب زجاجي كبير فيه مطل وفيه جلسه
دخل وفتح غرفه واضح انها غرفه عزابي غرفته اول طالعني:هذي غرفتي والاسمح لأي مخلوق يدخلها
طالعته بااستحقار :تكفى ثم لفيت عنه
سلطان ويحاول يجرحها مايدري ليه:هناك في غرفه مصلحتها خالتي هديه لي زواجي ادخليها على الاقل مسكينه حسي انك عروس
رهف:مشكور ماابي احس اني عروس دامك المعرس
سلطان اللي عصب واحترق دمه قدرت تحرقه وهي هاديه كان يبي يجرحها عشان ماتنفضح مشاعره في حبه لها
مسكها مع رقبتها :موانا اللي تكلميني بها الاسلوب وهالنظره المتعاليه بكسر خشمك ان طالعتيني فيها
مسكت يده اترجاه يفكني يحررني من قبضته:سـ ل
بعد عني ولف بسرعه
توجهت بوجهي للغرفه وانا اجر شنطتي وماسكه على رقبتي
رحت ودخلت الغرفه اللي بحس فيها اني عروس واندسيت في الفراش ابكي من قلبي من الم وحرقه
وكل شي بالدنيا
نامت الين المغرب
قامت رهف ترتب شنطتها غريبه مافي صوت بالشقه
فتحت جوالها
لقت 5 مسجات و10 مكالمات لم يرد عليها
العنود وماما وسلامى وساره ومحمد وفايز وجواهر
دقيت بسرعه على امي
ام فايز:هلا والله ياحيا الله هالصوت
وصلت عبرتي يوم سمعت صوت امي
ليتني ببيتنا انام
وانا مرتاحه ومااخاف من مستقبل ضايع
رهف بصوت حزين:ماما اشتقت لك وربي احبك واموت فيك
ام فايز اللي قامت تبوس السماعه:فديت عيونك ياقلب والله وشخبارك عساك بخير
وراك يمه ماتردين علينا
رهف :والله يمه كنت نايمه انهديت مانمت امس زين
ام فايز اللي بدت ترجع نوبه البكاء عليها من جديد
سحب ابو فايز منها السماعه:هلا والله بنيتي معليش هذي امك وتعرفينها بتفتح نياحه هنا
رهف:باباتي اشتقت لك
ابو فايز:ههههههه رهف توك الا نصف يوم واشتقتي لنا قوي نفسك وانا ابوك وخلي عنك الدلع يابنيتي ترى احنا يالله تحملناه
ضحكت رهف من قلب لأن دايم ابوها يقولها ماراح تلقى زوج يصبر على دلعها
رهف:وش اخبار جدي وجدتي ومحمد بسلامه بخير
ابو فايز :كلهم بخير ويسلمون عليك يالله بنيتي توكلي روحي لرجلك الله الله بسلطان يكفي انك نايمه ومخليته
ضحكت من قلبي وش عرف ابوي يكو ن دق على سلطان
سكرت ورحت تروشت ولبست
فستان حرير بيج الين نصف تحت الركبه بشوي
وعليه جاكيت قصير طويله اكمامه دانتيل
حطيت قلس وبلاشر
كان شكلي روعه بس كنت ماابي اطلع على سلطان اخاف يقول وش تبي ذي كاشخه وانا فصخت الجاكيت على اساس بفصخ اللبس خلاص انفتح الباب
سلطان واقف طالعها سلطان مستغرب ثم نزل راسه :العنود ازعجتني تبيك تدقين عليها
انا حضنت جسمي:طيب طيب
ثم رفع عينه باابتسامه وغطيت نفسي بالجاكيت وطلع
كرهت نفسي رحت وغيرت ملابسي ولبست برمودا جنز وبلوزه سكري فيها ذهبي طويله

طلعت وسلطان كان قاعد بالصاله يكلم العنود ويضحك قعدت قباله وانا ساكته طالعني واشر اني اقعد جنبه يوم سفهته وقف طاح قلبي بمكانه مشى وقعد جنبي وعطاني الجوال
وقعد جنبي
العنود:ووووووووجع واخيرا قمتي اما انك ماتستحين
سلطان قاعد يضحك ومنزل راسه انا انقلب وجهي :خيييييييير
العنود:قالي سلطان عن كل شي اما صدق ماتستحين
طالعت سلطان :وشوووو
سلطان رفع يدينه:انا مالي دخل اهي اللي قالت لي
وانا عاد مااقصر لازم اقول لها
رفعت عيوني:وشووووووو سليطين بلا بياخه
سلطان فطس ضحك :كلمي كلمي
العنود:رهفوووووه في احد يسوي سواتك
انا جاني من جد الصياح :العنود وربي بااصك
العنود وهي تضحك:في عروس بالدنيا تنوم عن زوجها
رميت الجوال على سلطان وانا منقهره
ضحك سلطان الين قام يكح طلعت من الغرفه وجبت له مويه
سلطان اللي كان يطالع وجهه رهف وشلون خايفه عليه ويضحك هو اصلا متعود من يوم يضحك كثير يكح
رهف:سلطان مويه
اشر لها سلطان انه مايبي
رهف متعوده على محمد دايم اذا كح يحمر وجهه ويعرفض يشرب مويه الين ينكتم
ركظت تبي تشربه المويه عثرت بسجاده وطاح المويه على وجهه سلطان وطاحت رهف عند رجلينه
سكت سلطان عن الكحه المستمره
ورفع راس رهف
وغطت رهف وجهها بيدينها
ضحك سلطان :رهفووه يالله بلا حركات اطفال
سكتت رهف حلوو على الاقل ماقام يعاملني معامله مالها داعي



قعدنا اسبوع بالشقه ماكنت اشوف سلطان بعد اخر موقف بينا ابدا الا بالليل واعتذر لخالته وقال بيجي الا سبوع لجاي
كنت من قلب متحمسه اروح لشاليه خالته مع ان مفروض اي عروس مثلي تستمتع هي وفارسها بكل يوم من شهر عسلها
اناكنت عارفه انه كل ذيك الايام يروح ويسهر عند خالته


يوم الاربعاء الصبح الساعه 4 العصر
رحنا لشاليهات خالته
اللي كانت عازمه كل اهل زوجها وناوين ينامون كثير هنا

بالسياره كن سلطان ضايق خلقه
رهف اللي كانت تلعب بالجوال
سلطان:وش تسوين
رميت الجوال على رجوله
عض على شفايفه يكتم عصبيه فيه:مسك الجوال ورماه علي
:انا سألت ماقلت وريني
سكرت الجوال ودخلته بالشنطه ببرود مصطنع وتسندت بيدي
ماحسيت الا بيده على يدي ضغط على يدي بااقوى ماعنده
كنت عاضه على شفايفي وعيوني تدمع ماابي اصرخ
انفجرت شهقه بكاء:بس حرام عليك سلطان
سلطان اللي حس باالم في قلبه
نفسه يحظن رهف يداري دمعتها
يزعلها ويراضيها
تحبه مثل مايحبها
كانت رهف حاظنه يدها وتدهنها لأنها حمراء

اول احسب ان الغلا ضحك ومزوح
سمره سوالف بين مركى ومسباح
اثر الغلا بلوه احاسيس وجروح
لوعه مشاعر بين ذابح وذباح

مايعرف الرحمه ولايستر البوح
عزي لمن مثلي على جمرها طاح
ادري خطى مني ولاني بمسموح
اشك في روحي وانا فيك مرتاح
بس اعذريني عاشقك فيك مذبوح بين الرجا والياس ظيعت الافراح

مــــــــاكنت اصدق باندماجك يالارواح
................................
على نغمات هالاغنيه وصلنا للشاليه نزلت رهف
وورحت للشنطه بطلع شنطتي
جاء سلطان ووقف عندي وفتح الشنطه
جيت بسحب شنطتي حسيت بلمسه حانيه على يدي سحب سلطان يدي
وحطها على صدره:اسف
جيت بسحب يدي بس كنت مرتاحه بقربها من سلطان ياليتني اقدر اخذ قلبه مثل ماهو ماخذ عقلي وروحي وقلبي
طالع يدي سلطان:توجعك
اشرت براسي ايه
باسها سلطان
انا قلبي نفض رقص سحبت يدي بسرعه من سلطان شفت شبح ابتسامعه على وجهه:خلاص مارح توجعك
وشال شنطتي ومشى
لاغريبه جدا غريبه كنت فرحانه من قلب ودي الحق واحط يدي بيده ونمشي على هالبحر واو
اشر لي سلطان اني اسرع بالمشي دخلني شاليه صغير فيه غرفه ومطبخ
وتواليت عرفت ان هذ اللي راح نام فيه حطيت شنطتي وضبطت شعري ولبست عبايتي عشان اروح لخالته


الخاله:السلام عليكم حياكم الله
سلطان حب راس خالته:الله يحييك
الخاله:هذي رهف ياهلا والله ومرحبا
فتشت وجهي
الخاله:ماشاء الله لاقوه الا بالله والله وتغيرتي

ابتسمت لها
:من ذوقك والله
شفت سلطان دخل مجلس واسمع فيه ضحك بنات وتصفير طنشت وماحاولت الف للغرفه اللي فيها البنات ودخلت
على مجموعه من الحريم وسلمت عليهم
الكل التهي يسولف بعد ماسألوني عن احوالي
ريم:انتي رهف
رهف:ايه هلا انتي ريم اكيد
ريم:يس ياحبي لها ساره قالت لك
رهف:ايه كانت تتكلم عنك كثير
ريم:كلمتني عنك انا كثير ساره كانت دايم توصف لي شكلك بس ماشاء الله انتي احلى من وصفها
رهف:مشكوره والله من ذوقك ياعسل
ريم :وين ولد اختي
استغربت وضحكت
ريم:انتي ماتدرين انه يسميني ياخالتي
لفيت بضحكه:كيف
ريم:اخاف تضحكين انا اخت امي وبنتها
رهف:ههههههههههههههههههههه هه والله وناسه
ريم :انا ام امي مرضعتني
رهف:مع خاله ساره مها الصغيره
ريم :يس تعالي معي نشوف وينه اغلس عليه شويه
ابتسمت وسحبتني معاها
الخاله:ريمووووه عن العياره ترى البنت عروس مو تهبلينها معك
ضحكت
ريم:يمه يعني الا تفشليني عندهم
دخلت ثم طلعت بسرعه:ريم اخاف فيه احد يدخل
عطتني نقاب وجلال:كذا بتمشين احسن
لبسته وطلعت برى بالشاليه
شفت سلطان قاعد مع بنتين وولد
ريم:هلا وغلا
لف سلطان:هلا والله بالخاله
ريم:جاسم رسيل هديل اعرفكم بحرم هالثور عفوا اقصد الشاب الانيق رهف
وقفت رسيل وجت وسلمت:العذر والله ماعرفت انك موجوده هالكذاب يقول ماجبتها مو لازم تشوفونها

كانت بنت اعطيكم بالمتوسط فاتشه اما اللي كانت قاعده ولاتحركت اتوقع ثالث ثانوي كذا كانت متحجبه
طالعت سلطان اللي كان يضحك رهف:هههههههه حبيبتي والله وشخبارك
رسيل: بخير
وقف جاسم:مرحبا الشيخه شحالك انشا الله بخير
رهف:الحمدالله تمام
هديل وهي قاعده :هلا رهف سوري مااقدر اقوم رجليني بالطين وماكنت عارفه انك بتجين
ريم:هديل تعدلي

مسكت يد ريم:تعالي نتفرج هناك كان مو عاجبني منظر القعده السخيفه او اقدر اختصر شعور اني غايره من هالهديل اللي قاعده معهم رافعه ضغطي

سلطان ماعجته سالفه ان رهف تبعد عن عينه:ريم تعالو اقعدو هنا
انا ببالي مايعرف يقول رهف ولا انا مالي اسم
ريم:تبيني اقعد العروس على الأرض لاحبيب خالتك هذي الاميره رهف
هديل:عشتووو
رهف بعصبيه:اكيــــد الاميره رهف وفي شك بكذا حسيت نفسي متسرعه مدري وش فيني احس هالمفعوصه تتمنن
زين ان سلطان مسـتأجر لنا شاليه والا كان فضيحه مالها داعي
جاسم صفر:ياههووووووووه بالله سلطان تسلفني زوجتك تأدب ام لسانين بالبيت
ضحك سلطان ورمي جاسم من على الكرسي:اعرف وشلون تتكلم

ثم رحنا نتمشى وسلطان توجهه للرجاجيل
بالليــــــــــــــــــــ ـــــــــــــــــــــــــ ــــــل


ريم:شفتي هذا


رهف:ايه الا على فكره وين عمانك
ريم :شوفي هم للحين بناتهم ماجو الا وحده مع هديل بس انها طبعا ما دخلت لأنها تتغطى عن سلطان
رهف:انزين والباقيات
ريم:كلهم للحين ماجو بس امهاتهم يجون مع الشياب
وهم يقعدون مع اخوانهم لأن عندهم اشغال ومايجون الا الخميس والجمعه
رهف:وليه انتو تجون
ريم: ايه جاسم تخرج من الثانوي وقعد بالبيت متخرج من سنه كبرك يعني او اكبر بخمس شهور
سكتنا فتره لأن شكل جاسم يعطي واحد كبير كنه سلطان
قطع هدؤنا
ريم:
رهف ودي اقولك شي ماعليك من حركات هديل تراها طفله يعني
هي بصراحه تحب سلطان ويعني تعرفين بها العمر
رهف اللي ماتوقعت الي ببالها يكون صدق:تووقعت بس تراها مو صغيره
قعدنا عند صخور عند البحر جاء جاسم:اسولف
ريم:نصيحه انقلع
جاسم :لامالي مالي بقعد رهف تبيني اقعد

رهف:براحتك؟؟؟ كنت اقول ببالي وش يبي هذا
قعد يسولف ويضحك هو وريم اما انا عن نفسي سكتت
ماحبيت الجلسه الي كذا هو ماهو ولد عمي ولاقريب لي
ماحست الا بواحد لصصق بظهري وانا قاعده
سلطان وحوط يدينه على رقبتي حسيت انه وده يخنقني:ممكن اخذ عروسي شوي
جاسم:يهووووووووووووه
ريم:لالالالالالا لايمكن
سلطان اللي همس بااذني قومي بسرعه
ابتسمت ارقع السالفه
رحت معه مسكني بيدي بقوووه

كان يمشي بسرعه وهو وجهه احمرر

ودخلت ورماني على السرير:انتي وش تبين تتغزلين بولد خالتي انتي ماتستحين
ثم رفعني مع شعري:انتي من متى تعرفينه
صرخت ادافع عن نفسي:مااعرفه ماتكلمت
رماني على السرير وجاء فمي على حافه السرير ونزف دم وصحت:انت حقير اكرهك اكرهك

نزل وقعد عندي ومسك فمي وتنهد:تستفزيني!!!!!
كنت منسدحه على حافه السرير:سلطان امانه ابوي انا
ثم نزلت دموعي غصب عني
سكت وطالعني
وقفت نفسي بيديني وحضنته مادري ليه سويت كذا حسيت اني ابي امسح جروح الي سواها فيني
وقف وانا متعلقه بحظنه وبعد عني:ابعدي عني يارهف حرام عليك

بعدت ورحت بدخل للحمام نفسي اموت ولاان سلطان يرميني مثل تو حتى الحضن مايبيه مني
قام فمي ينزف وقمت اغسله
جاء عندي سلطان :مو كذا كذا بينزف زياده
وخرت يده عني وطالعته بعيون ملتها الدموع ولوعها الحرمان :مااحتاجك
وقمت اكمل
مسكني ولفني له: خلاص البسي عبايتك انا ماابي اقعد بهالشاليه تضحكين مع هذا وتسولفين مع هذا انا قلبي مايتحمل
كلامه كان يلعب بمشاعري ويوجع قلبي يتعبني ماابي اتعلق فيك ياسلطان زياده بليز ارحمني كانت عيوني تترجم مافي قلبي من الم

لفيت عليه باستحقار:وش مايتحمل قلبك

سلطان اللي استوعب اللي قاله:سقطت سهوا انا ماني ناقص انتي امانه

رهف:ياحافظ الامانه خالتك الثانيه وام امك وخالتك مها اللي جو للعرس بيجون اليوم لدبي وبيتعشون هنا
سلطان طالعني بحزن و دخل للحمام
رحت وبدلت ملابسي ولبست بلوزه بيضاء طويله الين فو ق الركبه وكان فيها ازرار عند الصدر
ولبست برمودا جنز ازرق مايل لرصاصي وفكيت شعري وحطيت قلوس خليني اكشخ احرق قلبه مثل ماهو مطنشني
وكثرت الكحل
طلع سلطان وكان لابس بلوزه سوداء حفر وعليها بنطلون جنز وكان فيه شوي مويه على ظهره
طالعني:ليه كل هالكشخه
طالعته:انا عروس ان كانك نسيت انك معرس
قرب عندي وسحب كرسي وقعد يطالع فيني
لفيت من جنب:خير فيه شي
سلطان حط يده على راسه:كيفي اتوقع زوجتي واطالع الين اشبع
سفهته وقعدت بالمكان اللي برى اللي يطل على البحر وقفت اطالع حسيت يد فوق كتوفي:تحبين تتأملين البحر
رفعت عيوني اول مره بحياتي يكلمني سلطان بها الهدوء شفته يطالع ويتأمل بالبحر
:ايه احب اطالع البحر واحب اطالع الرياض من فوق
سلطان نزل راسه علي :ليه
ضحكت وشلت عيوني من نظراته تجاهلت اي حزن سامحته لو طلب روحي فديته فيها:تجلب لي شعور حلو
حسيت بتنهيد حاره على رقبتي ثم قرب عندي:وشعور مر؟؟؟؟

لحظه هدوء شال يده عني واخذ خصله من شعري وقعد يلعب فيها بوجهه
لفيت عليه:على حسب الذكرى
قرب عندي ورفع وجهي بيده:تدرين اكرهه اكون ذكرى حزينه لاأحد
لفينا بسرعه على صوت احد
هديل:اسفه بس ماما تقول تعالو سلمو على جدتي وخالاتي
بعد سلطان وراح عني من يوم شافها:جت خالتي مها
هديل :ايه جت
وقفت لحالي فجأه كرهت نفسي مااسرع مانساني

رن جوالي طالعته بس فيه غاليين ماينسوني
ساره:هلا والله وغلا
رهف:هلا والله ساره اشقتقت لك موووووت
ساره:لاه عاااد يقولون انك الصبح داقه
رهف:والله سألت عنك بس قالو لي نايمه
ساره:هههههههههههههههههه امك اليوم مسويه مناحه تصيح وزعلانه بعد ماسكرت منك
لحظه هدوء كنت اتابع سلطان وهديل وهم يمشون جنب بعض
حرقو قلبي وهي هديل واذا كانت رغد وش بسوووي الله يعين قلبك يارهف
ساره: الووووووووحبيبتي رهف فيك شي
رهف:مدري ياساره ماقدرت انسجم مع خالاتك حسيت نفسي غريبه
سحبت السماعه العنود:اقول ولا تسألين عن عمتك
رهف:هلا عمتــــ...............
العنود قاطعتني:ولاكلمه سلطان مو عندك سين سؤال انتي هيه اكبري روحي سلمي على خالاته واقعدي
ولاتخلينه يطالع غيرك انتي ماتفهمين
رهف:اسمعي بسكر اللحين في احد يطق الباب
سكرت
فتحت الباب
مها:يعني انا اللي اجي للعروووس
ابتسمت لها:هلا والله تفضلي
سحبتني معاها:امشي ياعروسنا الصغيره تعالي سلمي على ماما
ابتسمت لها :فيه احد
مها:لا مافيه حد الشباب اللحين رايحين يسبحون الا رجلك ماسكينه امي وخالاتي





دخلت :السلام عليكم


الجده:ماشاء الله لاقوه الابالله والله وعرفت تنقي ياسلطان
مشيت وحبيت راسها
وحبيت راس خالتهم موضي واشرت لي ام جاسم اني اقعد جنب سلطان يعني بينها وبينه بغيت اطنشها
سلطان :رهف
ومسك يدي قعدت مره لاصقه فيه بشكل ماله داعي بصراحه
الجده:رهف لاتقصين شعرك زي ذا العوق اللي جنبي
ريم :يمه واللي يسلمك عادي
الجده:بس انا زعله عليك شوفي ماضرها كلها ملح وزين
سلطان وهو يطالعني ويضحك:اقووول يمه نوره ماكنك كبرتي راسها شوي
ابتسمت الجده بخبث:ايه بعد عنها شوي وماتحس ان راسها كبر
ضحكو كل الموجودين
مها:سلطه مايمديك على امي
سلطان:الا يالعجوز يطلع منكـ كل هذا
الجده:انا منيب عجوز عجز راس العدو انا صغيره
سلطان وهو يغمز لجدته:اجل المعرس ينتظر
الجده وتغيرت معالم وجهها:مالت عليك
سلطان قام من عندي وهو يضحك:افاااااا امي نوره تزعل ويقوم يحب راسها ويسوي تشفيط سخيف يطلع صوت
في الحبه
ضحك الكل
جاسم ومساعد:هوووووووووووود
قامت ريم جابت لي الجلال والنقاب وهي ماتغطت لأنها خالته:هدا هدا
جاء سلطان وقعد جنبي
:السلام عليكم
الكل :وعليكم السلام
مساعد:مبروووووووك ياعروسنا
رهف:الله يبارك فيك
قعد مساعد وجاسم جنب سلطان :اقول سلطان عندنا واحد يبي اخت زوجتك
سلطان:وحده وحده ارتاحو ياذا الثنين عليهم لقافه
ضحك مساعد:تعال تكاسر
سلطان:اوف اوف مايمديني على الواثق وش ذالثقه
مساعد ضحك وسحب سلطان:تعال انت لازق عند حرمتك خلك ثقل وخل الحريمات يقعدون لحالهن
سلطان:لا اشوفك قمت تامر انت ووجهك
ضحكو كلهم وطلعو

وقعدت اسولف وجو اهل خالتي ام جاسم ناس زحمه انا قعدت مع ريم ومها
مها:رهف اسمك يضحكني
طالعتها باستغرب وابتسامه:ليه
مها:سر بيني وبينك
ضحكت:وشووو
مها :اول سلطان لاجاء ينادي اي بنت يقول يارهفوووه
انصدمت بس اظهرت الابتسامه
مها:كنت اسأل ساره واختي ام سلطان دوم عنك لأن الولد يوم كان يناديك كان بااول متوسط
قالو لي انه هو وهي 24 ساعه مضاربه
حتى انه كان يرسم دايم اسمك ولمن سأله يقول انا اسمي ابو رهف
ضحكت لها معلومات جديده كويس والله:والله
مها:ايه اول شفتي هذي
اشرت لي على وحده بيضاء ونحيفه
كنا دايم ننشب سلطان فيها تراها تحب سلطان
رهف:كثير يحبون سلطان
مها:ايه ماتدرين لانه دايم عنده حركات خطيره كان يغني اول يوم كنا نجتمع في بيت اول وكان يعزف وكان ينكت
وقووي كان يعني شي وبس
البعض كانو يحبونه وبعدين نسو او كبرو
ريم:او ماعطاهم وجهه ههههههههههههههههههه
رهف:عشان كذا يطالعوني كذا
ضحكت مها:تدرين سلطان هذا مايعرف يعبر عن الحب الا بالعنف
معلومات استفدت منها مايحتاج مطبقه علي :لا حرام عليك بالعكس سلطوووني
مها:لا لا حرام مايسمعك والله يدووخ هع
دق جوالي:الوو
سلطان:هلا رهف جهزيلي ثياب بطلع من البحر
استغربت رهف وش عنده مو العاده:اوكي
سلطان:مع السلامه
رهف:مع السلامه

وشفت مها وهي ترد فاضيه لك
ههههههههههههههههههه
خلاص طيب من عيوني
خلاص يوووه
ضحكت فرق بين مكالمتي ومكالمتها مئه فرق
طلعت ومشيت بهدؤ بين الشاليهات وصلت شاليهنا فتحت شنطته وطلعت له لبس قميص ابيض وبنطلون رصاصي برمودا
مكتب عليه بالابيض وطلعت كاب
دخل وعليه الشورت نزلت عيوني على طول
سلطان وهو يقطر مويه :وين ملابسي واشرت له
وانا كنت منزله عيوني واشوف رجلينه كان فيه جرح
رفعت عيوني لعيونه مابي اشوف جسمه:سلطان فيك جرح
سلطان ونعس عيونه:يوجعني شوفي شنطه الاسعافات تلقينها بالكمودينه
لبس وانسدح على السرير ومد رجلينه :اوتش
جيت عنده وجبت تنتريون وحطي برجله ولفيتها بشاش وكنت احس بنظراته تحرقني بس مارفعت عيوني
رجله كانت كبيره وانا الف الشاش اصابعي ولاشي عن رجله
:سلطان ممكن ترفع رجلك
رفعها وهو ساكت
انا ماادري ليه سويت كذا كنت ابي اسوي اللي قالته لي العنود اني اهتم فيه
ايه انا راح اهتم فيه
رفعت عيوني له لقيته نايم
ابتسمت صدق من قال الرجاجيل اطفال صغار
قمت جيت بطلع وقفني صوت:تعشيتي!!!
رهف:ايه
سلطان :طيب تعالي العبي بشعر الين انوم ماعرف انوم الا كذا
انا ببالي لحوووول هذا يبي يدلع هو وجهه
بس تذكرت كان دايم خالتي ام سلطان تدلك راسه الين ينوم يا هالدلوع ورطه

جيت قعدت على طرف السرير منحرجه وتربعت ماعطاني فرصه حط راسه على رجولي
وقمت العب بشعره وانا ودي اذبحه
هذا مره مسويني شغاله
كنت لما العب شعره احس انه اشواك مع انه ناعم لأن يدي كانت ترتجف خوف من الانسان
غمض عيونه بديت اتأمل في وجهه من حواجبه الكثيفه الى خشمه الطويل الى فمه المقطب
مديت يدي وخطيت حواجبه بااصبعي مسك يدي ومسك يدي الثانيه وحطها على عيونه ثم ابتسم
انا يوم مسك يدي فز قلبي

دق جواله وشاف الرقم ووقف بسرعه
وطلع من عندي
حاولت انسى الموقف واكذب على نفسي انه يمكن شغل



مرت ايام الشاليه كان سلطان يعاملني مثل مايعامل ساره يعني اخوه بس قدام الناس الحبيبه والله انه ممثل
بس انا اعرف دواه

كنا قاعدين انا ومها وريم وام جاسم
ام جاسم:شفتي هاللبس
رهف :ايه
ام جاسم:انا مصلحته بايدي
ريم:ايه امي تحب تصلح
ام جاسم:انا بصلح لك وحده يارهف
رهف:انا ودي بصغيره حقت اطفال
ابتسمت ام جاسم فهمتني غلط انا كنت ابيها لحنان الصغينونه بنت عمتي لطيفه ياربي
:ريم قومي شوفي بهالدرج فيه لبس لونه اصفر جيبيه
ابتسمت ونزلت راسي
مها:ايه ايه ياوخيتي والا انا حامل ماتعطيني يعني
ام جاسم:لاهذي مره سلطان عاد
مها:طيييييييييييييييييب طييييييييييييييييب هذا وانا ماخذه اخو زوجك
تأملت اللبس
دخل سلطان :صباح الليل
ام جاسم:ياحيا الله هالريحه ياربي
ابتسم سلطان وقعد جنبي بدينا بحركات الزحمه
سلطان:شو هذا
ام جاسم:هذا هديتي لرهف كنت بفصل لها بلوزه قالت لا جيبي لي صغير شكلها وانا خالتك ودها بطفل
انا احمر وجهي وصار لونه بنفسجي وازرق وجميع الالوان هذي من وين تجيب هالحكي
مها:حليلها يمه عروس تستحي
سلطان لف يطالعني وهو يضحك ونزل راسه الين وصلني وانا مغطيه وجهي:رهف تبين اطفال
دزيته عني وقمت اضحك
دخلت هديل:هلووووووو
لف عليها سلطان:هلا
هديل:سلطان ممكن شوي جهازي مدري وش فيه خرف
سلطان وقف بسرعه
رفعت عيوني
هديل رفعت حاجبها لي وراحت
زين مااكون رهف ان ماخربت عليكم
طلعت
مها:وين!!!
رهف:برووح شوي
وبسرعه دخلت الغرفه اللي فيها سلطان
كانت قاعده جنبه مره وهو يصلح الاب توب
جيت وقعدت عند سلطان
لف علي:خير وش عندك رهف بغيتي شي
ابتسمت :مو شي بشوف وش تسوي!!!
كان يعدله وهو متحمس
رهف:اقووول هديل وش كبرك
هديل:ثالث ثانوي
رهف:اها
هديل :اصغر منك ياعجوز
ضحكت :لا بس موباين انتي اصغر مني بسنه بس
هديل:سلطوووني
سلطان :سمي
بعدت سلطان عن وجهي لأنه كان مغطي بيني وبينها
رهف:ليه تقولين سلطوني اخوك من الرضاعه
هديل بااستحقار:نمووون من زمان وانا اقوله لاتكونين بتفرضين علي افتراضات بعد مسويه غيره زوجه
ضحكتب استهزاء بس بيني وبينكم قهرتني:يس هذا زوجي هذا لي انا انا وبس فهمتي
سلطان:وبعـــــــــدين معكم!!!!
وقفت وطلعت من الغرفه وانا معصبه الحمدالله هذا اخر يوم اقعد فيه هنا
مشيت وانا ميته من العصبيه يسولف مع كل الناس وانا يعصب علي
مشيت ومعد صرت اسمع شي
رهـــــــــــــــــــف رهف رهــــف
هذا صوت سلطان خليني احقره طلعت من الشاليه بروح لشاليهنا
ركض ووقف قدامي:لي ساعه اناديك!!!
طالعته وبعدته عني
مسكني مع يدي وطقني بصدره
رهف:وش تبي نعم اي اوامر عيب اللي سويته انا ماني زوجتك غيرها
سلطان مسك يدي:تعالي ابيك تقعدين عندي
ثم طلع منديل وهو يضحك :ليه تصيحين ماله داعي
وقفت
لف علي:رهف انا مزاجي روقان لاتعصبين فيني على هالصباح بلا دلع
رجعت مع سلطان
استغربت حركته
حبيته الاعشقته لو فيه كلمه بمعانيها جديده تعبر عن احساسي كتبتها
احبه بس حبي اشبه بكتله مشاعر مهمله
متى بتنتهي قصتي معك ياسلطان والين وين بنوصل!!!

لبارت 16

رجعنا للشقه وافتكيت من الشاليه واخيرا
بعد يومين رحنا انا وريم وجاسم للسوق
لأن سلطان كان عنده شغل كثير ومايجي الا الليل
الساعه9 العشاء
قمت وتروشت ولبست وعطرت نفسي احس اني مستحيه بقعد مع سلطان اربع وعشرين ساعه مو مثل الشاليه لأن سلطان قالي امس باللييل انه خلص شغله الكثير
بعد الشاليه كنت اشوفه نصف ساعه
واتضارب انا وياه وانوم بس
مضاربتنا هالايام حلوه

كانت الشقه فاضيه مافيها احد استغربت قعدت اطالع التلفزيون
دخل سلطان معصب:رهفوووه رهف
رفعت عيوني ماتوقعت انه بيجي بالوقت :نعم
وقف سلطان قدامي:انا ابي اعرف انتي من وين يعرف جاسم رقم جوالك
كنت قاعده على الكنبه حسيت اني تحت رحمه سيطرته بس اصطنعت البرود
نزلت عيوني وقمت اقلب قنوات التلفزيون:اســـــــــأله!! هو اللي قالك
وحوط يدينه علي وانا بالكنبه ومسك شعري:اقووووولك انا اكلمك
صرخت اول مره يصير معصب كذا:بعد عنـــــــــــــــــــــــ ــــــــــــــــي بعـــــــــــــــــــــــ ــــــــــــد
حط عينه بعيني:وقسم بالله لااذبحك
وقام ورماني بالارض:حرام عليك ابعد انا مالي دخل شافني بالمول امس بالليل وقالي عطيني رقمك ريم ضاع منها

نزل عندي ومسك شعري وقرب وجهه عند وجهي كنت احس بنفسه حار على وجهي:رهف
والله العظيم اشوفك مكلمه واحد من عيال خالتي ادفنك هنا
رجفته برجلي وانا اصرخ مسكني ودخلني الغرفه وقفل الباب
مااتذكر الا عيونه وشلون كانت حمراء من العصبيه
قعدت اصيح واصيح واشاهق صياح انا لايمكن اقعد عند هالمجرم
كنت اصرخ واصرخ اصرخ حبه وادمع حبه وانزف جرحه
مدري كم من الوقت مر فتحت عيوني كان في شي تحت رقبتي يعورني انتبهت لليد اللي كانت ممتده تحت رقبتي
رهف كيفك اللحين
شفت سلطان راقد جنبي لا لا من جد كان لابس بلوزه قميص ابيض ومفتوحه ازرارها

هو كان يتكلم وانا اطالعه وانعادت لي ذكريات سيئه
رهف اكلمك
رفعت عيوني له:نـــــــــــــــــعم قلتها بنفخه
سلطان:لا اله الا الله
سحب يده من تحتي وجلس وعطاني ظهره ثم تأفف وطلع
شفته وهو يمشي
لا لا لاتطلع ابيك اعتذر طيب ياسلطان والله اسامحك والله
غسلت وجهي شفت بيدي
لزق جروح على يدي رحت اطالع شكلي في المرايه كان خدي محمر وعيوني
طالعه يووه سم الله وشلون شافني سلطان كذا بس انا وش صار لي ليه دخت انا اذكر اني تضاربت معه وطقني بنسى ايه لازم انسى انا احبه
ايه نا خلاص حبيته وانتهت السالفه لازم ادافع
كبرت براس رهف سالفه انها تدافع عن حبها انها تحتفظ فيه لها
لبست فستان وردي جوبنيز وتحت الصدر فيها شريطه ناعمه قصير الين تحت الركبه كان نوع القماش طايح
حطيت بلاش وردي وقلوووس

وطلعت شفته كاشخ لابس ثوب وشماغ
حسيت اني استحيت منه كان معطيني ظهره وفي المطبخ يصلح له اظن شاهي
سلطان بدون مايلف علي:البسي عبايتك عازمك على العشاء
لف طالعني من فوق لتحت وابتسم بس نزل راسه عشان مااشوفه وقعد باالكنبه يشرب شاهيه
جيت قعدت في الكنبه المقابله له ونزلت راسي:ماابي شكرا شبعانه
ونزلت راسي سمعت صوت كوب الشاهي وهو ينحط بقوه على الطاوله
شفته تقدم مني وقفني وجرني صرت قريبه منه:رهف انتي ليه تجيبين العذاب لنفسك
اشرت له مكان جرح تحت فمي:انت مجرم
شفته يطالع يده ثم قبض على يده ونعس عينه وطالعني يووه اتعذب من هالنظره
:رهف انتي عارفه انا انسان
ماارضي بالغلط وماارضي يكلمك جاسم انتي مثل ساره عندي
جرحني وابتسم
عارف انه يجرحني ويسكت بس انا مو ساره كيف يفهم!!
لكنه دامني يبيني اكون ساره اكون ساره
طالعته بحزن:طب ليه تضربني انا ابوي ماعمره مد يده علي
قرب عندي واجبرني اني ارجع والصق بالجدار ورفع يده على الجدار خنقني عطره وين اقدر ابتعد عنه
قال بنغمه هاديه وساحره:وين اللي يعورك
برجفه اشرت له مكان جرحي اللي بخدي هو كان احمر
ماحسيت الا بشفايفه تطبع على خدي
انا بغيت اطيح من الروعه والرجفه والاحراج
سلطان:راح الوجع والاتبين وحده ثانيه
دزيته بيدي:سخــــــــــــــــــ ـــــــــــــــيف
ركظت بسرعه الغرفه منحرجه قعدت على السرير متلخبطه خايفه مدري

سمعت ضحكته ياربي ضحكته تستفزني حركاته تستفزني كلامه يحرقني فتح الباب :الظاهر اني قلت البسي عبايتك

لبست عبايتي ونزلنا
بااللفت مسك يدي سحبت يدي
رجع مسكها بقوه ماقدرت احركها وكان عاجبني الوضع على الاقل احس بالانتماء
ياصغر يدي عند يده كني طفله يجرني بكل مكان
طلعنا ووصلنا للمطعم
قعدنا بمكان بعيد شوي
قعدت والناس كانو وراي
وسلطان مقابلهم:رهف لاتفتشين وجهك
طالعته بااستغراب:ليه
شفته رص على سنونه
رهف:خلاص خلاص روووق
طلب لي شياء حتى مااستشارني اما قليل ذوق
بعد لحظه من الهدوء دق جواله
هلا فارس
ايه الحمدالله بخير
والله تمام
اقوووول بس انقلع كثر منها اعطيك انت ووجهك!
والله ماادري بس انهم يقولون بعد اسبوع!
ايه ارسلت وجهزت الاوراق
لا ماوصلتني اوراق رغد

انا هنا رفعت عيوني له شفته يضحك لي
لاه من عيوني
هي بتكمل هنا
حلو
ايه عادي موافق
زين يالله مع السلامه!!!!


ايــــــــــــــــــه يصلح لها اوراقها ويوافق تدرس وانا معيي افتش الله من السخافه يعني الكل عارف هناك انه خاطبها يعني خلاص السالفه رسمي بس ليه مااهتمت امي ولا ابوي لهدرجه تهمهم مشاعر سلطان
رفعت عيوني بألم
سلطان:بلالقافه
رهف:من قالك اني بتكلم
سند ظهره وطالعني من عيونه من فوق :ايه بتجي تكمل دراستها رغد هنا بالامارت بالشارقه
وانا عاد سمحت لها
لفيت بعيوني على جنب:طب دامك تحبها كيف تخليها تدرس هنا وانت عارف انها لحالها
ضحك:من قال انا بروح عندها وبشرف على دراستها بالجامعه بعدين هي لو تطلب عيوني عطيتها
نزلت راسي نزلت دمعه خانتني مو بكيفي والله اول مره نطلع نتمشى انا وياه يقوم يسمني بكلامه
حتى مااقدر اقووول للعنود ولااحد بالدنيا كلهم يضحكون علي
نزلت راسي سويت نفسي اعدل الشوز وانا كنت امسح دمعه خانتني وطلعت
قمنا اكلنا بهدؤ وكل واحد بعالم خيالاته يسبح فيه
الاكل عندي كنه سم ببطني وقفت:سلطان ممكن نرجع البيت
رفع عيونه:ماكليت انا احترمي الشخص اللي جالس معك
رحت الحمام بسرعه ودخلت ورجعت كل اللي كلته كان يطلع معه دم قمت اكح واكح ودموعي تصب مع كحتي الم
مابعده الم احساس تعذيبي طلعت وغسلت فمي ثم معد استوعبت وش
صار
فتحت عيوني اتأمل المكان اللي انا فيه لفيت بعيوني شفت سلطان حاضني لصدره ويبكي
واختفيت مره ثانيه لعالم اسود
فتحت عيوني
النيرس:صباح الخير
طالعتها:صباح النور
النيرس:الحمدالله على سلامتكـ
طالعتها:انا وين!!!! وش صار وين سلطان
النيرس:ارتاحي وش كل هالاسئله انتي بالمستشفى تعبتي شوي وتعبتي سلطان معك
رهف:وين سلطان
النيرس ابتسمت:قلبك معه وقلبه معك له يومين مانام وجاه تعب وداخ دوخه بسيطه واللحين نايم
رجعت غمضت عيوني احاول اتذكر يومين!! هو انا من عرفت سلطان والدوخه تجي معي كثير وقعدت اتذكر وش اخر جرح صارلي
النيرس:رهف
فتحت عيني
النيرس:الطبيب بيدخل عليك اللحين وزوجك موصيني اغطي وجهك يابختك فيه ماشاء الله
جاء شبح ابتسامه على وجهي ممثل بارع سلطان حتى قدرت تمثل يومين ليلتين عشان ايش
معقوله ماتمثل طيب ليه مايكون صدق يحبني ليه........... هذي احلامي انا
كيف يحبني وهو خاطب
طب مين خطب له ومتى خطب
قبلي
طب كيف وافق عمي وابو رغد رجال معروف بالاخلاق ولايمكن يزوج بنته لواحد متملك حتى ماتزوج
معقوله,,,,,,,,!!!!!

دخل الدكتور وكشف وطلع
اما انا نمت وقمت شفت سلطان
لفيت من الجهه الثانيه امنع شعور ممكن انه يصير لو شفته
سلطان:الحمدالله على السلامه
سكت وتمتمت بكلمات يعني الله لايسلمك
ضحك ولفني بيدي:طالعيني اشتقت لك
فتحت عيوني على كبرها
شفته يبتسم:عيب اشتاق لك
ياذا المزاج:عيب
ضحك:لاااا اجل انا مشتاااق لك بعد مره ثانيه
يومين يالظالمه تركتيني

طالعته بااستغراب ثم رفعت حواجبي:كان زينت لرغد اغراضها
سلطان:سواق ابوها انا
طالعته
سلطان تنهد:كم مره قلت لك وانتي تطالعيني لاتطالعين في عيوني استحي
رهف:انا كذا نظرتي انت بعد لاتنعس عيونك وانت تطالعني
ابتسم بخبث:اشوفك رضيتي علي قمتي تسولفين
ضحكت :خبيث
ضحك علي
طلعنا من المستشفى
بالسياره وعلى اغنيه شي غريب
سلطان:كيفك اللحين
غمضت عيوني:ماشيه يعني
سلطان :تبين نروح المول نشتري شوي هدايا للعائله
اشرت براسي بالايجاب
ووصلنا للشقه
دخلت في غرفتي سمعت طق على الباب لبست روبي
وفتحت الباب كنت خايف وش يبي سلطان
سلطان كان يحك راسه ويضحك:ممكن تعزميني انوم عندك
مكيف غرفتي خرب
فتحت عيوني على كبرها

نعس عيونه:حرام والله فيني النوم
وراي بكره دوره وخرابيط
ضحكت بس ببالي لايمكن اسمح لك تدخل
دفني عن الباب:عاد اشوفك منتي عازمه ابد وراح ورقد على السرير
طالعته وخليت الباب مفتوح
وقعدت امشط شعري واحط كريمات على وجهى بسبب ضربات هالمتوحش
سمعت قفل الباب
لفيت شفته يطالعني بنظراته الخبيثه ويرفع حواجبه ويبتسم واخذ المفتاح وحطه بجيبه
.................................................. .................................................. .............................


فتحت عيوني الصبح شفت سلطان لابس ثوبه بيروح لشغل ابوه
طلع تمددت على السرير ثم قمت
اتذكر احداث اللي صارت امس سلطان قالي احبك
ياترى من جده والاشلون ياربي
انا لازم اليوم اوقف سالفه رغد عند حدها ياانا ياهي سلطان لي انا انا وبس
انا احبه ومن زمان وطول عمري استستلم لما اشوفه يصدني
واخاف لكن اللحين انا متأكده انه يحبني مهما كانت رغد بحياته



الساعه 8 ليلا وماوصل سلطان ماحاولت ابدا ادق عليه
ماابي ابين اني مشتاقه له ويمكن يصدمني ويقول انا عند رغد

قعدت افكر وش البس تذكرت هديته لي يوم اتخرج بروح البس البلوزه صحيح

كانت واسعه بس مو مشكله احسه بيفرح فيها لبستها وفكيت شعري

فتشت ونظفت الغرف فتحت الكمدينه لقيت مفتاح غرفته حقت العزوبيه
مديت يدي لها واخذت المفتاح
مدري وشي الجراءه
اللي جتني بس حسيت اني راح ارضي شي ببالي اذا فتحتها

فتحت الغرفه هفت ريحه سلطان المعروفه استنشقتها احبها
دخلت كانت الغرفه محيووووسه
قعدت على السرير شفت صور جنب السرير على الكمدينه اللي جنب السرير كانت
كلها صور لي لي انا شلتها وطالعتها بعمق
اول مره اشوفها كانت واضح انها صور مصورها وهو صغير لانو مره تطلع
نصف الوجهه مره وجهه لحاله

رجعتها مكانها بسرعه وعشرين سؤال ببالي

شفت مخداته بصراحه كنت ودي افتش الادراج انسدحت على فراشه
ابي اعيش جوي
مع ريحه عطره حسيت بشي تحت المخده
كان دفتر عريض باللون الاحمر وكان عليه صورته وصورتي نفس الصوره اللي
لابستها انا

مكتوب بالفضي
ذنبــــــــــــــــــــــ ـــــــــك ايه ذنبــــــــــــــــــك بحبكـ هو بعـــد الحب ذنـــــــــب

معقوله اكون انا المقصوده لفيت بالكتاب على ورى كانت كلها صوري
فتحت بسرعه الدفتر

مكتوب بالصفحه الاولى سلطان
وتواقيع له ورسمات مالها معنى قلووب وسمايلي فيس
ثم مكتوب تحت بحبر احمر كأنه سايح

اهــداءالى فتاتي التى حولتني الى فتااااات
اهداْ الى عشقي التي اوصلتني للجنووون
اهــــداء لمن احببتها وخذلتني
اهداء اليك ايتها الانثى الجارحه

حسيت اني ارتجف فتحت الصفحه لاأتاكد ان الانثى الجارحه
هي انا انا مافي غيري
صورتي ومكتوب فوقها هالشعر



( كنت أقول إن ضاقت الدنيا
توسع // وأتسأل لـــــــــيه ضااااااقت في عيوني هالوسيعه ..!!
لين شفت الخافق اللي حـــــــب من جد وتولع // يحــــــــــــرمه وقته
و وقته صارت أحزاااااانه طبيعه ؛؛
منحـــــــرف حظي وأعرفه طول عمره ماتسنع // من عرفت الشوق قاااااااااسي والهوى هذا صنيعه ؛؛
<ياحبيبي> حط يدك فوق هالقلب وتسمع // بس لاتسأل دخيلك ليه دقاته سريعه ؛؛!
يوم شفتك والحكي عيا يجي مدري تمنع // والسكوت اللي ملا الدنيا
مرافقني جميعه ؛؛
يوم شفتك داخل عروقي نـــــــــما عشق وتربع // يوم شفتك والحياه القاسيه صارت بديعه ؛؛
كييييف أعيش وبعدك أنفاسي بها موتي تمتع // كــــــــــيف وأحلامي غدت دونك كوابيس" شنيعه ؛؛!!!&iquest;
<<والحزن آآآآآهـ يالحــــــزن فيني به الخافق تشــــبع //
لين حملني تناهيد "وحمل" مااستطيعه ؛؛
آآآآهـ من قلبي وأنا أشوفه مع الوقت يتقــــــطع // يامر عيوني تهل الدمع وعيونــي تطيعه>>؛؛
لو بقول إني بمـــــــوت إن غبت يمكن مااتصنع // دامه غيابك له الآآآآآم" ولوعـــــــــات" فضيعه ؛؛
وأنت في بالك فراقك يوم عادي مايلوع // أما أنا حاسب فراقك يوم من عمري فجيــــــــــــــــعه ؛؛
ماتعبت...!
إلا التعب ظـــلي ولدروبي تطوع //والزمن يحفر مسافاتي غرابيييييل وخديعه ؛؛
والذنوب اللي معي نبض من اللوعه تجزع // والخطا عشقي ولكن مالقى له من ذريعه ؛؛
والعــــــــــذاب إللي أهوااااااله قفص صدري تصدع // مانزع روحي من ضلوعي ولا خذها وديعه ؛؛
مستحي من حبك اللي ضمه الصدر وتنوع // مدري شايف إن الهوى فيني له سدود" منيعه ؛؛
<<وأنت عشقك غييييير كل العشق لو ربعه توزع // كل واحد ماعشق قلبه يبي يصبح صريعه ؛؛
عاد تدري لو هوى كل الخلايق لك تجمع // مايجــــــــــــي ذره من أحساسي مدام إنك شفيعه>>؛؛
يازماني دامني ماأقوى على عنادك تشجع // وأرسم جروحي وأنا بشكي على رب الشريعه ؛؛
{يــــــالله إني طاااااالبك من قـلب صـــــــــادق ويتضرع // لايجي بيني وبينه بعد وفراق وقطيعه}؛؛
يـــــالله إني طالبك وإن ضاقت الدنيا تـــــــوســــع // لين تفرج والحياه تصير بوجوووووده وسيعه ؛؛)]