جســد بـلآ روح

جســد بـلآ روح ...‘



][ الــجزء الأول ][


صفيه وهي تفتح ستائر غرفة بنتها الوحيده : حـور ؟ حور يله ماما قومي حبيبتي لا تتأخرين
بهذه الكلمـات العذبه الجميله بدأت صفيه " أم حور " يومـها وهي توقظ أبنتها الوحيده حـور لكـي تذهب إلى أول يوم دراسي في حيـاتها
صفيه : يله مـاما .. ماقمتي !!
حور بصوت عالي واهي تحط البطانيه على وجهها : اوووووه .. يمه ماأبي
صفيه بلهجه جاده : حور حبيبتي عيب ترفعين صوتك على أمك
بعدت حور البطانيه عن وجهها وناظرت في أمها ببراءه وقالت بهدوء : آسفه يمه .. بس أنا أبي أنـاام ..
صفيه واهي تجلس قرب بنتها على السرير وتمسح على شعرها النـاعم بيدها : كيف تبين تنـامين وأنتي لازم تروحي المدرسه ؟! .. ولا نسيتي إن اليوم أول يوم ؟
حور : لا يمه مانسيت .. بس أنا أحب النوم ولا أحب المدرسه
صفيه : أنتي من يوم إنك صغيره كل يوم تنامين .. مامليتي ؟
حور ببراءه : لا يمه ماملييت .. لأني بعدني صغيره
صفيه تبتسم : طيب .. يله قومي ياشطوره عشان تدرسين وتجيبين إمتـياز وأعطيكِ أنا وأبوكِ أحلى هديه بالكون كله
حور واهي تقوم من سريرها فرحه : طيب يمه ، يله يله جهزي لي الحمـام
صفيه تبتسم على براءة بنتها : الحمـام جاهز ياقلبـــي
راحت حور وأخذت لها حـمام ولبست مريولها " ثوب المدرسه " المخصر على جسمها الصغير ، وسرحت أمها شعرهـا وفطرت مع امها " لأن صفيه الزوجه الثانيه لأبو حور ولا يأتي إليهم كثيراً " ، أخذت حور حقيبتها الورديه الصغيره وذهبت لتستقبل أول يوم دراسي في حيـاتها ..

xXxXx

اما أمام المدرسه .. " مدرسه حكومـيه .. كانت أمها تبي تسجلها بمدرسه أهليه لكن سجلتها بمدرسه حكوميه عشان حور تتعرف على بنات أكثر من نفس منطقتها وتصير إجتماعيه مع الكل "
حور : يمه يمه .. شوفي البنـات وش كثر !!
أم حـور : شفتي عمري كيف .. كل هذول البنات جايين عشان يتعلمون لأن العلم نور وسلاح .. والحين يله حبيبتي أنزلي ودخلي المدرسه .. ونهاية الدوام لما تطلعين راح تلقيني واقفه هنا " بالسياره " .. لاتصعدي مع أحد غــيري .. فاهمه ؟
حور واهي تهز رأسها : إيوه يمه .. يله بيباااي
أم حور : افااا .. وين البوسه ؟؟
أبتسمت حور لأمها وقالت : آسفه يمه
وباستها على خدها ، وأمها بعد باستها على خدها وراسها ^_^
ودخلت حور المدرسه ..
رأت الكثير الكثير من البنـات .. بدأت تتلفت يميناً وشمالاً لأن المكان غريب عليها والوجوه لأول مـره تراهم ..
لكن شدت إنتباهها طفله جميلة الملامح تبكي في إحدى زوايا المدرسه ، أقتربت حور منها ووقفت تنـاظر فيها ثم قـالت بهدوء : وش فيكِ ؟؟
ناظرت البـنت في حور وطنشتها وكملت بكائها
حور وأهي تحط إيدها على خصرها : أنتي هي .. ماتسمعين ؟؟ أقولك وش فيكِ ؟
البنت واهي تبكي : وأنتي أش دخلك ؟
حور بإبتسـامه عبيطه : الـباب ..
البنت واهي تبكي : أبـــي أمي ... وااااااااااع
قـامت حور تضحك على البنت
البنت معصبه وتبكي : أقولك أبي أمي تقومين تضحكين ؟!
حور واهي تضحك : ههههه إيوه .. لأنك غبيه
أزدادت البنت في البكاء وقامت تصاارخ ، خـافت حور منها وقالت بخوف : وش فيكِ بعد ؟!
البنت وأهي تبكي : أنـــا مو أسـمي غبيه
حور بإهتمـام : أجل وش أسمك ؟
البنت ولسا تبكي ^_^ : أسمـي ملاك
حور فتحت عينها وفمها : الله .. أسمك حلو .. " غيرت ملامح وجهها إلى الزعل " لكنك مو حلوه
سكتت ملاك لما سمعت كلام حور وقامت تفكر بإهتمـام ثم قـالت : أنا مو حلوه ؟؟؟
حور : إيوه
ملاك : ليه ؟!
حور : لأنك تبكيـن .. وأمي دايم تقولي البنت إلي تبكي مو حلوه " وابتسمت لها "
ملاك : يعني إذا سكت بصير حلوه ؟؟
حور من صدقـها : إإيوه .. وإذا أبتسمتي كذا بعد عشان البنات يشوفون أسنانك " وتبتسم لها حور "
مسحت ملاك دموعهـا وأبتسمت بقوه عشان تصير حلوه ^_^ وقـالت وأهي مبتسمه : طيب أنتي وش أسمك ؟
حـور : حــور
ملاك : ياااي .. أسمك مره جنـان
ومنذ تلك اللحظه أصبحتـا حور وملاك صديقتـان .. وبالصدفه كانا في نفس الفصل وجالستان قرب بعضهما ..
لما أنتهى الدوام وحـان وقت الرجوع إلى البيت وأمام باب المدرسه
حور : ملاااااك .. تعالي معاي البيت خلينا نلعب بالعرايس
ملاك : لا .. أمي ماترضى أروح مكان وأنا ماأستأذنت منها
حور : أجل أنا بروح معك البيت .. بس أول أستأذن من أمي
ملاك : طيب يالله روحي أنتي البيت أستأذني من أمك وانا راح أنتظرك هنا
وتجلس على رصيف الشارع ^_^
وراحت حور تركض وصعدت السياره وقالت بسرعه قبل ماتعطي امها فرصه تتكلم : يمه يمه بروح مع ملاك طيب ؟ يالله بااي
أم حور بإبتسامه : بسم الله الرحـمن الرحيم .. وش فيكِ ؟
حور مستعجله : يممه .. بروح مع ملاك خويتي
أم حور مبتسمه : ماشاء الله صار عندك خويات عمري ؟
حور وأهي تعد على أصابعها : إإي عندي ثلاث بس مااحبهم كلهم بس ملاك أحبها
أم حور : مين ملاك أبي أشوفها
حور : بكره .. أنا الحين بروح بيتها
أمسكت أم حور بحور وقـالت : لا مايصلح على طول تروحي بيت البـنت
حور تبكي : ماااااااااااااأبي ... يمممممه .. بروح لها تنتظرني
أم حور : وينها ؟
حور تأشر بيدهـا : هذييك
أم حور : طيب خليها هي تجي أول بيتنا
حـور : ماأستأذنت من أمـها
أم حور : شفتي البنت تطيع امها مب أنتي
حور تبكي وتضرب بأرجلها السياره : ماأبي ماأبي .. أبي أروح مع ملااااك .. واااااااااااااااااااااااااااااع
أم حور عارفه بنتها إذا بغت شي ماتتنازل عنه أبد وإلي في راسها تسويه : طيب طيب .. ناديها
حور أبتسمت ولا كأنها كانت تبكي : طيب
ونزلت تركض من السياره
أم حور تضحك : صدق نصاابه ههههه
جات ملاك وأبتسمت إلى أم حور وقالت : السلام عليكم
ومدت إيدها إلى أم حور عشان تسلم عليها ، ملاك دخلت قلب أم حور بسرعه
أم حور بإبتسامه : وعليكم السلاااام .. وش اخباارك ؟
ملاك : زينه ^_^
أم حور : ههه طيب وين بيتكم تدليه ؟
ملاك : إإيوه .. شفتي الحديقه ؟ وراها
أم حور تضحك على وصف ملاك : هههه .. أي حديقه ؟
ملاك : إلي قريبه من بيتنا
هنا أنفجرت أم حور بالضحك : ههههههههههه .. طيب وين تصير .. هنا أو هنا " تأشر قدام ويمين "
ملاك : لالالا .. هنــاك " وتشير إلى الخلف " .. تمشين سييده بعدين بتشوفين حديقه يم إيدك .. هناك بيتنـا
أم حور : طيب أصعدي راح أوصلك البيت وبشوف أمك
ملاك مبسوطه : طيب
وصعدت و شرحت لهم ووصلو ..
دخلت أم حور مع حور وملاك البيت .. وتعرفت أم حور على أم ملاك
وعلى ولدها الكبير ياسر " أكبر من ملاك بـ 5 سنوات "
وبعدين أم حور جات بتطلع أم ياسر حلفت عليها إنها تجلس وتتغدى معهم
وبالفعـل جلست أم حور لأنها أرتاحت لأم ياسر الإنسانه الطيبه ذات الأخلاق الأصيله ..
ولما جـات بتطلع العصر حور قـامت تبكي وتصيح ماتبي تروح عن ملاك وياسر وعصبت أمها عليها لكن حور تبي تجلس مع ملاك وياسر ، أم ياسر قالت لها تخليها تلعب مع العيال وإنها حبوبه ولطيفه وماراح تسوي إزعـاج .. وبالفعل ظلت حور هنـاك ذاك اليوم وكل من في البيت أحبها .. أبو ياسر وأم ياسر و ياسر و ملاك .. وحور بادلتهم ذلك الشعـور أيضاً

" حور بنت غنيه ووالدها من أكبر التجار ، والدها متزوج قبل أمها .. ولها أخوان من زوجة أبوها ، ولدين وبنت وأسمائهم طلال " الكبير " ومن ثم أحمد ومن ثم شوق .. وحور وحيدة أمها عشـان كذا أمها تدللها كثيير "
" امـا ملاك فكـانت فتاه فقيره أو بمعنى أصح حالتهم الإقتصاديه متوسطه وربما مقبوله ، والدها يملك ‘ بقاله ‘ يبيع فيها ، ولضعف حالتهم قليلاً حددا أبو ياسر و زوجته أم ياسر النسل ، وجابو ياسر أول ومن ثم ملاك "
ورغم الفرق الشاسع بين مـلاك و حور إلا إن حبا بعضهما منذ الصغر ، ومنذ أول لقاء بينهما .. وتلك الصداقه لم تتغير مع الأيـام .. بل إزدادت يوماً بعد يوم ..
كـانتا حـور وملاك معروفتان بالمدرسه بأكلمها في كل المراحل الإبتدائيه و المتوسطه و الآن الثانويه ، اثنتاهما يصبحان في نفس الفصل كل سنه ، و موديل ثيابهن المدرسيه " المريول " نفس الشي .. وكانتا تتشابها قليلاً .. خصوصاً في شعرهما نفس الطول وكان مقصوص نفس قصتهما مدرج من الخلف والجنب ، وكثير من البنات يضنهن أخوات
" حـور بنت جميله جمال رآقي يتفجر أنوثه ..( ورثت جمالها من عايلة أمها المعروفه بخيرهم وجمال بناتهم المثـير ) ، بيضاء ، قوامها رشيق ، شعرها ناعم طويل يغطي ظهرها كله .. أسود ( لونه الطبيعي ) ومخصل باللون الأحمر ، أنفها طويل ومسلول ، فمها رفيع وصغير ، عيـناها واسعتـان وغامقتان "
" ملاك بنت نااااعمه وجمالها هادئ ملفت .. بيضاء أيضاً ، وقوامها رشيق لكن جسم حور أجمل لأن فيه أنوثه بارزه ، شعرها بني طويل يغطي ظهرها كله ( نفس طول حور ) لكن ملاك شعرها أنعم من حور ، أنفها صغير ناعم ، فمها جميل كالكرزه ، وعيـناها واسعتـان وشكلهما لوزي لونهما بني , ووجهها صغير وبريء "

xXxXx

هاقد مـرت السنين ، و ملاك و حور الان في الصف الثاني ثانوي " القسم العلمي " ..
وفي يومٍ من الأيـام كانت حور في غرفتها منسدحه على بطنها في سريرهـا و لابسه تيشرت وردي ضاغط عليها وتنوره سوداء مكسره واصله إلى نص فخذها وجورب طويل إلى فوق ركبتها مخطط بالوردي والأسود وفاكه شعرها وتكلم ملاك في التلفون
حور : ممكن أسـألك سؤال محيرني من سنين ؟
ملاك إلي كانت منسدحه على ظهرها في سريرها ولابسه بيجاما برتقاليه نعومه .. تيشرت واسع واصل إلى نص الفخذ وشورت ضاغط واصل إلى فوق ركبتها مباشره : ياشينك إذا خففتي دمك غصب
حور : اوووه .. ممكن أو مب ممكن ؟
ملاك : وأنا أقدر أرفض لك طلب !
حور : إيه تأدبي
ملاك : أش سؤالك ياعـمري ؟
حور : .. سؤالي هو ..... " سكتت "
ملاك : حور ؟
حور ماردت
ملاك خافت : حور حبيبتي أش فيكِ ؟
حور متردده : مـــلاك ؟
ملاك من صدقها خايفه : حور أش فيكِ حبيبتي تراكِ أقلقتيني
حور : هالقد تخافين علي ؟!
ملاك بصوت خائف : حور تكفين لا تغيرين الموضوع .. أش فيكِ ؟
حور : عطيني الأمـان
ملاك بتعجب : ليه أنا بطلع لك من السماعه وبضربك ؟
حور : قلت لك عطيني الأمـان
ملاك بطفش : عطيتك .. واللهِ عطيتك ، بس أنتي تكلمي
حور : أمري لله .. بسم الله أشهد أن لا إله إلا الله وأن محمد رسول الله
ملاك : إلى هالدرجه ؟؟؟
حور : إيوه وأكثر بالنسبه لي .. بس بالنسبه لك أنتي اممم مدري
ملاك بعصبيه : حور تكلمي
حور : خلاص خلاص خلاص بتكلم بس بشرط
ملاك : بعد شرط ؟ أنتي بتقولي سؤال أو راح تكتبي عقد !
حور : شرطي هو إني أسألك السؤال وأقفل الخط ، إذا عرفتي دقي علي وإذا ماعرفتي لا تدقي
ملاك بطفش : طيب طيب .. بس أنتي خلصينا
حور : ليه حنا هالقد نحب بعض ومانقدر نستغني عن بعض أبد ؟
وتصك الخط في وجه ملاك ..
ملاك لما سمعت سؤال حور أنفجرت ضحك وأتصلت عليها
رن الهاتف ، ردت حور بصوت متردد : ألو ؟؟
ملاك تضحك : هههههههههههههههههههههههههههههههههههههههههههه
حور : جوابك حيل سخيف وبايخ
ملاك : لالا هذا مو جوابي هوووووههههههههههههههه
حور بصوت حزين : أجل أش جوابك ؟
لاحظت ملاك تغير صوت حور فسكتت عن الضحك وقالت بهدوء : حور حبيبتي أنتي متأكده أنك ماتعرفي حنا ليه نحب بعض ومانقدر نستغني عن بعض بالمره ؟؟
حور : وأنا لو أعرف ســألتك ؟
ملاك : لسبب وآحد سهل ، وهو إني أنا وأنتي جسد وروح واحـد .. الجسد أنتي والروح أنـا ، كلٍ يكمل الثاني .. روح بلا جسد مالها معنى ، وجسد بلا روح بعد ماله معنى .. هذا هو جوابي ياعمري
حور : مـلاك تكفين لا تخليني أنا من دونك مقدر أعيش
ملاك : أصلاً ماشي يقدر يفرقنا إلا شي واحد بس
حور بإهتمام : إلي هو ؟
ملاك : المــــــــــــوت
حور تخرعت كنها عجوز : بسم الله ، فـال الله ولا فالك .. أصلاً حنا بنموت مع بعض لأن حنا جسد و روح واحد
ملاك : هههه
حور : هههه

في هذا الوقت بينما كانت حور في غرفتها تكلم صديقتها ، كانت أم حور في صالة الفـيلا الكبيره تشـاهد التلفاز وكان الوقت متأخر شـوي .. فقررت إنها تقوم غرفتها وتنام ..
قـامت أم حور وصعدت السلم وذهبت بإتجـاه غرفة حور عشان تشوفها وتبوسها قبل ماتنـام ، لكنها قدام الغرفه شعرت بدوار وألم شديد في رأسها فسقطت أرضاً واهي ممسكه برأسها وتنـادي بصوت عالي : آآآآآآآآآآآآآآهـ
سمعت حور صوت أمها وكانت تو مخلصه من التلفون وراح تنام ففزعت وطلعت من الغرفه مسرعه وشافت أمهـا وقالت بصوت عالي وخائف : يمه ؟ .. يمه ؟ يمه تكفين ردي علي
أم حور كـانت ممسكه برأسها وفجأه راح الألم وقالت : أبي مويه
حور وفي عيونها دمعه : طيب من عيونـي
راحت حور بسرعه للمطبخ الصغير في نفس الطابق وأحضرت كأس ماء فاتر لأمها .. لكنها لم رجعت مالقت أمها قدام الغرفه
حور تنادي : يمه ؟ يمه ؟
ام حور قامت للصاله " العلويه " وجلست على إحدى الكنبات الفخمه : يمه حور أنا هنــا
جات حور وهي تقول : يمه الله يهديكِ .. ليه قمتي ؟
صفيه وهي تأخذ كأس الماء من بنتها وترسم إبتسامه على وجهها : مجرد دوار بسيط
حور بتعجب : كنتي طايحه بالأرض ومب قادره تتكلمي وتقولي دوار بسيط ؟
أم حور تكابر : لالا هذا بس لأني مب نـايمه
حور واهي تجلس قرب أمها : نايمه ولا مب نايمه .. الحـين تلبسين عبـاتك ونروح المستشفى
أم حور خافت : المـستشـفـــى ؟!
حور : إيوه المستشفى .. يمه أنتي باين عليكِ إنك مريضه حيييل
أم حور : حبيبتي أنتي عارفه إني ماأحب المستشفيات أبد
حور : مب لازم تحبيها
أم حور : خلاص أنا بروح أنـام لأني حيل نعسانه وبكره الصباح أروح المستشفى
حور : أجل خلاص أنا ماراح أروح المدرسه بكره
أم حور : ليييه ؟
حور : وشو ليه يمه .. بروح معك المستشفى ولاتبيني أخليكِ تروحي لوحدك
أم حور : حبيبتي حور أنتي بكره لازم تروحي المـدرسه ولا راح أزعل عليكِ
حور : لالالالا إلا زعلك يالغاليه ياست الحبايب
أم حور وهي توقف ومبتسمه : يالله حبيبتي تصبحين على خير
وقفت حور ومسكت أمها ووصلتها الغرفه وسدحتها على السرير وباستها على جبينها وأغلقت الأنـوار وطلعت من الغرفه ..
ولما جات تدخل غرفتها سمعت صوت رجل في الفيلا ينادي : خـااالتي
حور في بالها : يمه .. بسم الله ، مين هذا إلي داخل البيت في هالوقت ؟ وكيف الحـارس دخله ؟ ، خلني باخذ عباتي وشيلتي بسرعه وراح أنزل
وبالفعل لبست عباتها وشيلتها وتلثمت ونزلت للطابق الأسفل ..
وتعجبت للي شافته شاب وسيم واقف في وسط البيت ولما شافها ألقى السلام بأدب
حور متلثمه ولازالت واقفه على الدرج : وعليكم السـلام .. خير من أنت ؟
الشاب ذاب في عين حور ولثمتها لأنه صار له زمن ماشاف بنت متلثمه : أ .. من أنتي ؟؟
حور بصوت مستهزأ : لا والله ؟ داخل فلتي بنصايف الليل وتسألني ميين أنا ؟!
الشـاب متعجب : أنتي خـالتي ؟
حور بتعجب : أنا خالتك ؟ " بصوت واطي " مالت عليك " رجعت تكلمه " أنت تبي بيت مين ؟
الشـاب : أنا آسف بس هاذي فيلا صفيه صح .. أنا سألت الحارس وهو دخلني لأنه عرفني
حور : وصلنا خييير .. صفيه أمي وأنا حور بنتها .. أنت مين ؟
الشاب تعجب : حور أنتي ؟ ماشاء الله عليكِ كبرتي .. لما سافرت أنا كنت أنتي صغيييره ومزيونه حيل
حور والفضول ذابحها : طيب مين أنت ؟؟
الشـاب : صحيح لك الحق إنك ماتعرفيني
حور بطفش : اوووه .. متى ناوي تعرف بنفسك ، أخاف بس إننا مو قد المقام ، ولا لايكون مفتشل من أسمك ؟!
الشـاب وهو يجلس على الكنبه ويوضع رجل على رجل : لا هاذي ولا ذيك ، أنا رامي ولد خـالتك مها ، كنت مسافر من تسع سنوات للخارج وتوني الحـين راجع
حور تذكرت : أهــــآآآ أنت رامي ولد خالتي يعني
وشـالت اللثام عن وجهها ^_~ وجلست بالكنبه إلي مقابلته ، رامي لما شاف وجهها أنصفع .. وش ذا الجمـال إلي قدامي ؟؟
حور : بس وش كنت تسوي تسع سنوات ؟
رامي : أدرس
حور : أف تسع سنين تدرس ؟!
رامي : درست وتخصصت وطبقت .. وأنا الحـين راجع أشتغل في بلادي
حور واهي تجلس في الكنبه المقابله له : والحين انت هنا اش تسوي ؟
رامـي : أنا رحت البيت ومالقـيت حد ، حتى الحـارس مب هناك
حور : وليه ماقلت لخالتي أنك جـاي ؟
رامي : حبيت أسويها مفاجاه
حور : مفاجأتك هاذي طاحت على راسي أنا
رامي خاف : ليه ؟ وش إلي صاير ؟
حور : إلي صاير هو إن خالتي وزوجها مسافرين برى
رامي : بعد برى ! وين ؟
حور بطفش : ماليزيـا
رامي يكلم نفسه : وأنا الحين وين أروح ؟!
حور تستهزئ : دكتور ماشاء الله عليك وتسـألني أنا وين تروح ؟!
رامي قـام يناظر في حور بعينيها الجميلتين نظرة عاشق وقال : أنتي كم عـمرك ؟
حور تمزح " بإبتسامه " : لييه ؟ لايكون راح تخطبني
رامي تخقق لما شافت إبتسامتها وقـال على طول : إيوه ليش لا ؟ راح ألقى أحلى منك ؟
حور حست إنها غلطت لما مزحت معه هالمزح الثقيل : أنت هي قاعده أمزح معك بس
رامي يناظر فيها : وأنا من صدقي
حور وقفت : صدق إنك قليل أدب
وقف رامي وقرب لها وقال : وأنا أش قلت ؟
حور ابتعدت عنه بسرعه وقالت معصبه : بعد عني ، أنا راح انـام تبي تنام أهلاً وسهلاً ، ماتبي أطلع وفكـنا
رامي بإبتـسامه يبي يغيض حور بها : لا طبعاً بنام هنا
حور تشير إلى غرفه : طيب هذيك غرفة الضيوف نام فيها وإياك ثم إيـاك تصعد فوق .. فـاهم ؟
رامي : وينها خالتي ؟
حور : أنت ناظر الساعه وراح تعرف فينها خالتك
رامي : أنتي ليه عصبيه كذا ؟!
ناظرته حور بنظرة إحتقار وقالت : تصبح على خير
وصعدت وراحت غرفتها وقفلت عليها الباب ونـامت ، أما رامي راح للتاكسي إلي نساه برى ^_^ ، أخذ أغراضه من التاكسي وعطاه فلوسه ودخل الفيـلا وأتجه لغرفة الضيوف .. أنسـدح على السرير بتعب من عناء السفر ، وقال في باله : والله إنها أخذت عقلي من أول نظره .. إذا ماخاب ظني هي بين الـ 16 و الـ 18 مو أكثـر ولا أقل .. هي صدق لسا صغيره بس الله يلعن الحب مايعرف صغير أو كبير
" رامي شــاب وسيم , وحيد أمه و أبوه .. درس بالخـارج طب والحين هو رجع البلاد عشان يشتغل ويستقر فيها .. كان شكله مره وسيم حتى إن حور لما شافته أول مره عجبها ، كان طويل شوي و ضعيف " مب ضعيف مره لا كان جسمه حلو " وأكتافه عريضه شوي ، أبيض شوي " قمحي " ، ملامحه حاده لكنها جمييييييله وأجمل مافيه عيـناه الواسعتـان ذا اللون البني الفاتح " عسلي " ، وشعره بني ناعم وكثيف حيل وواصل إلى رقبته , وكـان شكله جنان مره ومتناسق .. طوله مع جسمه , شعره مع شكل وجهه .. وكـان مسوي سكسوكه خفيفه ^_^ "

xXxXx

الموضوع الأصلي: جســد بـلآ روح || الكاتب: صواديف عشاق || المصدر: منتديات صواديف عشاق

https://s-eshq.com/vb

كلمات البحث

العاب ، برامج ، سيارات ، هاكات ، استايلات

برود اعصاب معجب بهذا

المصدر: منتديات صواديف عشاق

---

[sJJ] fJgN v,p