من قلب البساطة يأتي الجَمال

في ناس ديما عمرها ما تحبك
لكن يموتوا في سماع اخبارك
وماهي محبة فيك يبقوا قربك
امغير من خصايلهم خراب ديارك
يضاهروا راهم دواك و طبك
نفاقهم فايت حدود افكارك
ناس سوس تمشي خافيه في دربك
شايلين حقد ويضحكوا في اصدارك
وافطن اللي يحلف بربي وربك
وتلقاه بدموعه جليس اجوارك
وين ما اتعدي من وراك ايسبك
ويذيع للعالم جميع اسرارك ...

احسن عزاك في غاليك...وانسيه يالي مدورده علي.

اليــوم غيــر افطــنت..
نــاس واجـــدة مخــدوع فيــهم كنــت..
وراهــم مشيــت..
( اليــوم غيــر افطنــت )

طيــابة نيــتــي...
وحــق مــن خلقنــي خــربتلــي بيــتــي...
واخــذة الدنــيا كلهــا بعــفويــتــي..
ومــوحــال صــاحب فــي الزمــان خــنت..
يــامــا سقــيت النــاس مــن حنـيتــي..
ويــامــا اللــي فــاقـد حـنــان حضــنت..
مزروع كــل الخــير فــي إنســانــيتــي...
و ديــمــا انســامــح مَــن علــيهم هنـــت..
نجــري وهــامل فــي الحــياة عــافـيتــي...
لــين كــبدتــي ذابــت خــلاص سحــنت...
مـالصــغر متعــود علــي تربــيتــي...
مــامن سوايــا واجــدات دفنــت...
بــاللــه لــو ريتــو طــحت ومــا بيّــنت...
جــتنــي اخــيانـة قــرّبـــت نـاحــيتــي...
مِـــن نــاس فيــهم كــل شــي أمّــنت..

الدنيا تبـي وسعـة بال
الدنيــــا ماتبيـش نكــــد
افرح واضحك فيها ياخال
الا حاجـه فقلبك ماتشـد
على صاحب ولى من قال
اللي جافـي سيوره ايـرد
الدنيا دواره بالحال
الدنيــا مادامت لـي حــد
الا الدايم خالق لاجال
المولى سبحـان الواحــد

كان انسيتك ماتستغرب
حد احدود الصايم مغرب.

ماننسي ياليل جميلك
عاتقني ديمه نحكيلك

جاني حلم في نومي امبارح
ريت احذاي ناسي الغايبين

ننظر زين فيهم نين سارح
ما صدقت جنبي جالسين

نجري جري حاضنهم وفارح
فيا شوق وارياف وحنين

طول الليل نا فيهم انطارح
مسكوا ايدي بيا فارحين

يحكو معاي كيف الموت جارح
واللي صار من غيبة اسنين

ونا شاكيت بجروحي البارح
عايش فقد من مدة حزين

اوعيت القيت فاضيات المطارح
طحت بكيت حالي صار شين...

شور الدار انشيلك شوري....والباقي شورك مش شوري

اللي توجعك سيات• رد احسانك
وين ما ادير الباهيه مع الغير

ايكافيك بالعيبه ايزيد احزانك
ويفعل اللي فيها الدليل ايحير

تحس بالوجع والجرح في وجدانك
وكسرة الخاطر مالها تبرير

تحساب الغالي يسندها...طاحت كيف اطيح سعدها