من قلب البساطة يأتي الجَمال

‏أحياناً قد يعالج البعد أموراً لم يستطع القرب علاجها

مامن اللي بكانا
فراقا وخلانا بلاه حزانا
لوكان تدري هابا على مطرانا
مايجن اوجاعك شي ف مواجعنا
فاقدين فالدنيا جميع زهانا
وفاقدين ناس فراقهم لايعنا
ناس قبل كانو ظلنا وضرانا
بيدينا لحايد فوقهم ردعنا
وتمو مغير قبور في جبانه
وعشنا بلاهم عمر ماله معنا
بكينا ولكن ما يفيد ابكانا
ولاعاد ينفعهم ولا ينفعنا
مامن اللي واجعنا
مغير ياقرين مواريين وجعنا
انكان ع الوجع

موش كل حد تلقاه وقت العازه ظ*ظ*
ولاكل حد تثمر الزينه فيه
رافق رفيق يكون زين موازه
عليك وين تضايق ايمد ايديه
واختار صاحب وقفته منحازه
ينحـــاز جنبك دون ماتناديه
سمحه افعاله صايبه ممتازه
يفـزع معاك اوقات تعبـى عليـه..

ياقلب قداش صبار....
وقداش حامل هوايل...
وقداش مكوي بنار....
وقداش كامي علايل...
وقداش ضايق مرار....
وأيامك الزينة قلايل...
وقداش دافن أسرار....
وقاصر مانكش طايل....
وقداش حامل اقهار....
ولاوالي عليك سايل....
طلبته اللي اسماه قهـّار....
ما نعيش عيشة قهاير

مانقبله شيل الخبر وجيبه
من ناس حاسبهم اعزاز علي
صغار عقل يزابوا علي التخريبه
وغالي عليهم ينقلوا في الدي
ناس فالظهر تطعن عليك مصيبه
وكل وقت دايرهم غوالي لي
فيهم نميمه نادره وعجيبه
وفتنه كبيره ما ملكها حي
وين ما انجيهم طيبه الترحيبه
وفي غيبتي ياما يحطوا في
وكل يوم فيا دايرين عطيبه
ونا من اهبالي مافطنت بشي

راك تقول العين تهنت
قول قدم واسكت واصنت

كبّرتهم دارو عليا اكتوف
صغرتهم قالو على متكبر

مابين صد و رد قلت انشوف
بالك الوسطي فالكسور اتجبر

آلقيتهم مظاهر في كساوي صوف
نفوس عاريه يا هييييه لو بنخبر

تاريت الأوادم مصلحه ياخوف
وموش كل من غارس نخيل ايوبر

وعارف أن الدنيا اطباق اصنوف
موش فارقه في عظم لا في امهبر

ألها ايام في عقلي تجول اطوف
وفي خاطري الموقف وقلت انعبر

‏سوا تعيش بأموال قارون
سوا منفقـر ع الحديده
ما يدوم غير خالق الكون
اللي العمر والرزق فيده

انخاف م الزمان وبرمته وضياعي
ونخاف من شماتت ناس ماهم ناس
ونخاف من خطاي وضحكتي ووجاعي
ونخاف من احساسي كان في احساس
ونخاف فالشرك نحصل انجي بكراعي
وانخاف م الجفا والدوج والوسواس
وانخاف ماالتغيير في جميع اطباعي
وضيعت اشيا ماينشرن بالماس
ونخاف من اشباه رجال يافزاعي
قدامهم انطيح وعالوطا ننداس

الغالي انكان امعاي شايف روحه
طريق السلامه انقوله مربوحه

مانجده
وماعاد يلزمني غلاه و وده
ولايوم يدي انحطها في يده
ننساه لوكثرن معايا اطروحه ...
وماعاد نمسح دمعته من خده
ولانصون قلبه لانداوي اجروحه
اللي يغيب ميت في الحياه انعده
ومن العقل تبقي سيرته ممسوحه ....