من قلب البساطة يأتي الجَمال

كبّرتهم دارو عليا اكتوف
صغرتهم قالو على متكبر

مابين صد و رد قلت انشوف
بالك الوسطي فالكسور اتجبر

آلقيتهم مظاهر في كساوي صوف
نفوس عاريه يا هييييه لو بنخبر

تاريت الأوادم مصلحه ياخوف
وموش كل من غارس نخيل ايوبر

وعارف أن الدنيا اطباق اصنوف
موش فارقه في عظم لا في امهبر

ألها ايام في عقلي تجول اطوف
وفي خاطري الموقف وقلت انعبر

الموضوع الأصلي: || الكاتب: ريحانة القلب || المصدر: منتديات صواديف عشاق

https://s-eshq.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات صواديف عشاق

---

‏سوا تعيش بأموال قارون
سوا منفقـر ع الحديده
ما يدوم غير خالق الكون
اللي العمر والرزق فيده

انخاف م الزمان وبرمته وضياعي
ونخاف من شماتت ناس ماهم ناس
ونخاف من خطاي وضحكتي ووجاعي
ونخاف من احساسي كان في احساس
ونخاف فالشرك نحصل انجي بكراعي
وانخاف م الجفا والدوج والوسواس
وانخاف ماالتغيير في جميع اطباعي
وضيعت اشيا ماينشرن بالماس
ونخاف من اشباه رجال يافزاعي
قدامهم انطيح وعالوطا ننداس

الغالي انكان امعاي شايف روحه
طريق السلامه انقوله مربوحه

مانجده
وماعاد يلزمني غلاه و وده
ولايوم يدي انحطها في يده
ننساه لوكثرن معايا اطروحه ...
وماعاد نمسح دمعته من خده
ولانصون قلبه لانداوي اجروحه
اللي يغيب ميت في الحياه انعده
ومن العقل تبقي سيرته ممسوحه ....

في ناس ديما عمرها ما تحبك
لكن يموتوا في سماع اخبارك
وماهي محبة فيك يبقوا قربك
امغير من خصايلهم خراب ديارك
يضاهروا راهم دواك و طبك
نفاقهم فايت حدود افكارك
ناس سوس تمشي خافيه في دربك
شايلين حقد ويضحكوا في اصدارك
وافطن اللي يحلف بربي وربك
وتلقاه بدموعه جليس اجوارك
وين ما اتعدي من وراك ايسبك
ويذيع للعالم جميع اسرارك ...

احسن عزاك في غاليك...وانسيه يالي مدورده علي.

اليــوم غيــر افطــنت..
نــاس واجـــدة مخــدوع فيــهم كنــت..
وراهــم مشيــت..
( اليــوم غيــر افطنــت )

طيــابة نيــتــي...
وحــق مــن خلقنــي خــربتلــي بيــتــي...
واخــذة الدنــيا كلهــا بعــفويــتــي..
ومــوحــال صــاحب فــي الزمــان خــنت..
يــامــا سقــيت النــاس مــن حنـيتــي..
ويــامــا اللــي فــاقـد حـنــان حضــنت..
مزروع كــل الخــير فــي إنســانــيتــي...
و ديــمــا انســامــح مَــن علــيهم هنـــت..
نجــري وهــامل فــي الحــياة عــافـيتــي...
لــين كــبدتــي ذابــت خــلاص سحــنت...
مـالصــغر متعــود علــي تربــيتــي...
مــامن سوايــا واجــدات دفنــت...
بــاللــه لــو ريتــو طــحت ومــا بيّــنت...
جــتنــي اخــيانـة قــرّبـــت نـاحــيتــي...
مِـــن نــاس فيــهم كــل شــي أمّــنت..

الدنيا تبـي وسعـة بال
الدنيــــا ماتبيـش نكــــد
افرح واضحك فيها ياخال
الا حاجـه فقلبك ماتشـد
على صاحب ولى من قال
اللي جافـي سيوره ايـرد
الدنيا دواره بالحال
الدنيــا مادامت لـي حــد
الا الدايم خالق لاجال
المولى سبحـان الواحــد

كان انسيتك ماتستغرب
حد احدود الصايم مغرب.

ماننسي ياليل جميلك
عاتقني ديمه نحكيلك