كسر الخاطر ده ممكن يحصل من نفس الشخص طول العمر. خصوصا لو بينك وبينه علاقة مينفعش تتقطع.
وعلى قد طيبة القلب .بيكون كتر مرات كسر الخاطر ووجع القلب.
لأن ببساطة بتسامح كتير. وتنسى وتقول مسيرهم يتغيروا.
وتنزل تاني من سابع سما.
وده عبط على فكرة. بس
وأقسى وقت في الوجع. لما توصل لدرجة تصالح مع نفسك إنك تعيش خاطرك مكسور من حد قريب على قلبك وتعدى ده لمرحلة..هو ليه بيعمل كده !!
ليه في الوقت اللي أنا بحكي فيه..اللي قصادي مبيقولش غير الأخبار الوحشة ا !!
ليه الاهتمام مش ليا أنا !!
ليه ف الوقت اللي انا بسأل للاطمئنان..اللي قصادي بيسأل عن اخباري من باب القضول وتجميع المعلومات !!
ليه بيتبرع بالمساعدة والنصيحة لغيري..وأنا يسيبني ومبيفكرش في اللي يخصني !!
ممكن من غلبك تشك في نفسك فعلا
مرة ورا مرة. بتعرف إن كل حاجة كان اللي بيكسر خاطرك بيظنها فيك..هي أساسا طبع فيه.
ومع انتباهك للحقيقة دي بتكون حتة من قلبك ماتت تجاه اللي كسر قلبك. وماتت معاها حتة من روحك.
ومهما حاول يمثل إنه هيبدأ معاك صفحة جديدة.هتوصل مرة إنك تزهد تصديقك في تغييره. وهتدفع تمن إنك قعدت سنين ساكت. ومبتواجهوش !! ولأنه مش مخلص. ولأنك مش مآمنه هتكتشف بعد فترة مش طويلة. إنه متغيرش.
كسر الخاطر وحش
وبيوجع
بيأذي جدا.
وف الآخر..مفيش غير الحل اللي هيفرضه عليك وجع قلبك..
ابعد..بس هتبعد إزاي !!
طيب تجنبهم
اعتزل ما يؤذيك.
وانت اتأذيت على ايدهم واتكسر خاطرك سنين.
لا عتاب هينفع. ولا سماح هيعالج وجع القلب.
ولما الأيام تعرفهم إن اللي اشتروه قصاد كسر خاطرك مش هينفعهم.
يمكن وقتها ..حقك يرجع !!