كلمة " استحشتــك "ديـما يكون وراهـا كلام هلـبا طالع من القلب مـش قادر تعبر عليـه غير بالكلمـه هـده ممكن يكون وراها تنهيده ودموع ممكن تنقال لـ شخص قريب لقلبك لكـن بعيد علـيك المهم انـه كلمـه استحشتـك ماتتطلعـش بسهـولة خصوصاً لو طالعه من القلب ف بـلاش ردود جافـة علـى كلام طلـع من القلـب .
مش مجبور تتحمل جميع الظروف بقلب بَارد، ومش مضطر تبِين للناس كلهم إنك بخير و تشرحلهم أسباب فرحتك، إبكِي وطلع الشيء المكتوم اللي في داخلك، وخلِي فِي بالك إن هُما مش من حقهم يعرفوا شن سبب دموعك، حتى لو قالوا عليك شخص ضعيف،
زي ما يقولوا " عطيهم الوذن الطرشة " ، إبكِي و أضحك وعبر عن شعورك بدون ما تبرر، الحياة حياتك والصحة صحتك، خلِي اللي يحكِي يحكِي وخلِيك الشخص اللِي الريح القوية ما تقدرش عليه.
مش كل شي في الدنيا فلوس في حاجات كنوز الدنيا كلها ماتشريهاش زي راحة البال والصحة والسعادة والناس الطيبة عمركم ماتركزوا شن يملك الشخص ركزو علي مضمونه الداخلي السطحية والتفكير المادي عمرهم ماكانوا حاجة باهية لان اللي رزق يقدر ياخد واللي فقر يقدر يغني والسعادة قرار مش امكانيات