من قلب البساطة يأتي الجَمال

الحمدلله علي كل حال

مساء الخير.علي ميعادهم
حلوة سهاريهم وسمح عنادهم
مشتاقة ومرايفة علي تقديرهم
سماح العلل وسماح في تعبيرهم
كيف الحليب أبيض نظيف ضميرهم
إبشاش الوجوه إن كان جيت إقصادهم
مرايف علي ميعاد فوق حصيرهم
منظر ايسفه عنطزة برادهم
يا الله ياربي إتكثر خيرهم
وتهني بعد طول الإنكاد بلادهم

وكـان السـوايا يقتلـن ما عشنا
ما من امواجع نحملوا جاحدين
احملنا ودرنا ارواحـنا انطرشنا
تهليب السـوايا طـبع فـ الـزينين
رانا اصحاب عقول لو اتفتشنا
واخذين ع الغصايص والكدر حملين
بين العـرب ما عمرنا طرطشنا
دوم للصــلاح وللـــقاء ساعيين
لكـن ارعـاه العـيب ما تنابشنا
صاعب ارضانا فـ الزعل واعرين

غيبت عام شهر نقدرها
غيبت عمر ايش انديرلها

اكرهت الطيبة
من كثر ما داروا امعاي العيبة
ونا صافيه نيتي
اكرهت حناني
واكرهت ودي للقريب الداني
اللي صارلي منهم وهلي جاني
خلاني انحس ان الحياة غريبة
وحسيت روحي جيت عالم ثاني
عالم نفاق وكذب كله ريبة
عمتهم الدنيا حقدهم جواني
ونا بطيبتي هالحقد ما نديربه

الواحد مفروض اداجيه
علي قيس العقل اللي فيه

شرب المر عليه خذينا
ماعندك بيش اتبكينا

الدنيا دواره واتلف
احسبها من قبل اتسلف

زمان الوجوه احترت في تفسيره
معيار للمصالح فيدني وانفيدك
إلا ع المبادي والحشم والسيره
الدايم الله لااتزيدني لاانزيدك

اهلبوا درت روحي عمى
مانريدها عرب ماتريدني